بعد غربة وشوق

جيناكم يا حبايبنا بعد غربة وشوق . ووالله بس ظروف الدنيا اضطرتنا لهذا الغياب الطويل بس على قول المثل: امسحوها لينا في وشينا.
بالجد اشتقت ليكم واشتقت لاحباب المنتدى وإطلالتهم الندية وجهدهم الدئوب لرسم البسمة على وجه الىخرين .
رجعنالكم على قول البلابل وانشاء الله ربنا يوفقنا لنغرد معاً في سرب واحد لما فيه الخر والبركة لامنا ابو جبيهة الحنونة.

اهلا وسهلا ود العمدة وسعدنا بعودتك وطلتك دائما بهية اتمني لك اوقات سعيدة

الله ينور دنياكم يا غاليين بالجد احوشتونا

اهلا مرحب ومبروك الزواج بيت مال وعيال يا رب

الله يبارك فيك يا دكتورة بعدين شمار العرس دا سابق لأوانه لأنه العرس بعد شهر انشاء الله بس ول نوية بحب دائماً سباق للخير

هلا بود التوم منورين المنتدى وربنا يحفظكم يا رب

مرحب بالحبيب ود العمد والنظار.
تخريمه:----- طيب لمن العرس لسه بعد شهر مالك كنت محبوس ولا شنو.
يا ود بطل حركات كنت وين

الله يقبل حمد صديقي العزيز ودفعتي الاصيل الفاضل عبد الرازق . والله مشتاقين ووين الزمن بيك واخبارك مقطوعة انشاء الله خير . سمعت قالوا اغتربت ربنا يحفظك وترجع بالسلامة.
شكراً استاذي وجاري العزيز ابو السيد تخريمتك بالجد محتاجة لكلتش موش كلتشي الهلال السرقتوهو منهم لا قاصد ليك وقفة يعني بس انت لو سألت مني كان عرفت انا وين.
اخي ول نوية عارفك اليومين دي الكفيل متعبك شديد ربنا يرجعو لصوابو ويريحك شوية. معليش ساخر موش. الله يديكم العافية احبتي

محمد عبد الله قادم أيها الجار الصفى..... صدقنى انا دائما أسأل من كل الغايبين وأذكر انى سألت عنك من خلال احد مداخلاتى فى المنتدى........... برضو ما قلت لى كنت وين ومشيت بعجله ولا كدّارى

ههههههههههه خلاص يا ابو السيد ول نوية اخبرك بالمستور وقايتو عوضنا الله كنا دايرين نطلع بيكم العالي لكن الظاهر انو العين ما بتعلى الحاجب

هههههههههههه
لا خلاص جاييك يا

مبروك مقدما وبيت مال وعيال ..ياحليل زمن حفلة العرس صباحى..
الدنيا تبدلت ..زفة مصرية وزفة شامية ودبكة لا كيته ولا قيدومة..ولا عضة..زمان الثور مذبوح من نجمة الصباح ..والعصريات خرفان..والنقارة تصدح بالبشر والترحاب
تعريجة:
فى قديم الزمان فى واحد يسمى عيسى الكنضو ..فى كل المناسبات حاضر..كان يحمل كيس من قماش ..تظنه يحتفظ بشئ ثميين..؟المفاجئة انه يحمل بداخل قطعة القماش حجارة قاسية..يضرب من يضرب من الاطفال..فى حالة الهيجان..
الاستعانة بصديق..عثمان جاويش..عرفتوه ولا خرفنا؟؟

يااخي عثمان موسي عيسي الكنضو من البقارة من وقت لاخر كان بيجي ابوجبيهة طبعا بسافر كداري مابيركب اي عربية وزول بتاع ضحك يعني تديه قرش يعمل ليك حركات فلان داك عمل كدا وفلان داك جابوه من وين ويضحك وتضحك معاهو يعني يحلل قرشو,وفي يوم من الايام جاء للجماعة في السوق وقال ليهم خرمان شاي شديد وجابو ليه الشاي وكان خاتي ليه شال في كتفه وقام اتقطي باالشال لحدي ماشرب الشاي وكشف وشو وهو عرقان شديد قال جيب كباية الشاي التانية قال بعد دا بتونس معاكم,لكم التحايا

أحييك وأقول ما شاء الله عليك يا محمد سعيد ابو ماضى.......... يا (جمائه) قلنا ليكم ما تخافو (مأكم مؤلم)

حلوة القصة يا عثمان موسى لكن ايه رأيك لو قلت ليك عيسى الكنضو دا من قريتنا وانا بعرف اسرتو ههههههههه اعمل حسابك (القطر فيهو مفتش) لكن عادي يا صاحبي كان الرجل زول الله على قول السودانيين همه كله يضحك الناس . لكن لقيتك نكتة طبعا ضحكت لما بكيت .
بس اطمنك عن موضوع العرس جايبين نقارة من البلد مسخنة في كانون عجوز وبرضو الثور جاهز للضبح بس جهز نفسك وتعال

محمد سعيد تلك الشخصيات لها مساحة فى ذكرياتنا وغالبا ماتصححنا وترسم لنا الصورة القديمة كما هى قبل كده ذكرتنى بعلى جاد كريم والان عيسى الكنضو فلك الود وياحليل زمان بات ظل ظليل نتكأ عليه من هجير المنافى والمهاجر فلك الود ياصفى..
ود العمدة ..يعنى عمك ما غرف وقد استعنا بعثمان جاويش لم يفيدنا..
محمد ودعبدالله ..صراحة ضحكت خاصة لما قلت القطر فيهو مفتش كلام اهلنا قبل نجيط دوت..وين اخونا موسى الصادق دفعتى بسأل عليه حار..

حمداً لله على سلامة عودتك ايها الحبيب الغالي ول قادم... ومقدماً مبروك ...بس ننتظر ان ترفع راسنا عالي عالي فوق فوق ...وكان يتحدث اخي أبوعفان الذوق الظريف ...عن عمي الكنضو ...الشخصية البسيطة المرحة جداً ..وصدقني يا أبوعفان معظم أهلنا البقارة ناس نكته حاضرة أي عندهم سرعة البديهة ... وظلهم خفيف جداً ..ويحبون الباتيل شديد كم يقول إبني العزيز ول نوية ..ويا عريس كتر الشاي ...والسكر ...عشان الباتيل يدور ... وبالله تجمع لينا كل الطفشات والقفشات ...وسوف ننتظرك بإذن الله ...وتحياتي لكل المداخلات الرائعة ...من كل الشباب ... والأعراس زمان بالجد حلوة لأن فيها البساطه والتواضع .... وإتباع تقاليد وعادات اهلنا الكبار ...واللي ما عندو كبير يشتريلو كبير ...محبتي

مرحب بانضمام الاخ العزيز محمد عبد قادم وياريت تكون من المدوامين مش زيدنا كدة مره جوه ومره بره والف مرحب بيك بين اهلك وعشيرتك فى الحباك

تسلم اخي عثمان موسى والقطر فيهو مفتش دي كلمة علمتني لها حبوبتي ام زايد قرقر وهي من الحوازمة (الطوقية) ناس ام برمبيطة وهم ناس لذيذين بشكل عجيب . يعني انا مربى حبوبات اعمل حسابك.
العم شاويش تحياتي الحارة لك وشكراً على المرور ووالله افتقدناكم شديد ربنا يداومنا على التواصل وشنو قللت المشاركات حيب الاحصائية انك مشغول بحاجة تاني تورينا ليها ولا نتجسس عليك؟
سلامات اخي العزيز فيصل عبد الله والله مشتاقين اخبارك واخبار الاهل وشكرا للمرور