برجاء رحبو بجدنا عبد الله محمد علي ( الحمريطي)

مرحب باالخال والزميل عبد الله محمد علي (الحمريطي)البيت بيتك ل قدام

مرحب الحمريطى بين احبابك

والله ياحمريطى بقت جد وانا ماعارف بختك ياعمى على العموم انا حاقوليك ياعمى أو ياخال والمنتدى منور بوجودك فيه ومليار مرحب بسيد البلاد ((الحباك))

مرحبتين بالاخ العزيز عبدالله محمد علي والبيت بيتك سعدنا بانضمامك للمنتدي

مرحب عبد الله محمد على..حبابك عشره بلا كشره
الاخ عبد الله يا شباب يستحق ان نوفيه حقه فقد مثل الحباك خير تمثيل الاسبوع الماضى بالدلنج حيث كان فى استقبال بعثة نادى التضامن الرياضى منذ دخولها الدلنج وحتى مغادرتها وجاءت البعثه مبسوطه منه 24 قيراط ..قدم لها كل عون مادى ومعنوى..بقى ان ننبه بان الاخ عبد الله قد نقل الى فرع البنك الزراعى الدلنج منذ زهاء العام.
الله ما جاب يوم شكرك يا (جد اولادى)..واظن دى بتدينى الحق اقول ليك يا (عمى الحمريطى))

عبد الله محمد على ( ايدى دى انكسرت ) والله ايام يازمان ياراجل اخبارك وكيف حالك ومشتاقين شوقا يزازيلنا محل ما نقبل ويتعارضلنا حجر وجبل ويسد الدروب المابتودى ليك ...ايه حكايه جدو دى

أهلا حبابك الف مليون بين اهلك وعشيرتك عمنا العزيز الغالي عبدالله محمد الحمريطي .

طبعاً أنا بقول ليك أخي لأن الشباب ديل كبرونا ...وطبعاً ما عاوز أقول ليك يا فرده ...!!!؟؟ بس بقول ليك مرحب بيك أخوي الغالي .

وتصدق أنا سعدت بإنضمامك للمنتدي جداً ... وأتمنى من كل قلبي أن تكون معنا دائماً ..وإذا سنحت لك الفرصة والظروف ...لأني عرفت أنك بالدلنج الجميلة ..وما عارف هل الشبكة العنكبوتية وصلتكم ولا لأ ؟؟

تصدق ذكرتني شئ :



وبمناسبة الدلنج ....أحفظ قصيدة ..منذ 35 سنة وأسأل الله أن لا أكون قد نسيتها للشاعر مصطفي دواس ..والذي كان يعمل بالمؤسسة الزراعية في العهد الزاهر ..والزمن الجميل ...

( وسامحوني إن أخطأت لأن الزمن طول جداً )



رحلة جبــال .... ( للشاعر : مصطفي دواس )



سافرنا عبر الجبال ...ذللنا المحال ...

ابوجبيهة يا نبع الجمال ....يالدرة فردوس الجبال

البطحة بنت النيل عن يمينك وعن شمال ...

يا سمينك مفرهد ..وكيف ليمونك وبرتقال ؟؟؟

وصلنا كالوقي جنة بلال ...قبيل ما قلنا الحب حلال

الليري شرق ...والثانية غرب الجبال

وفي كادقلي راحة البال ...تنسينا الألم بعد ترحال

نمشي الدلنج معقل الأجيال .... والشعر ينساب ظلام ينساب ليال



جيناك يالرهد قيزانك تلال ....وفي ربوع وادينا عبر الرمال

تقابلك أم برامبيطة بفرحة وإستقبال

أبوكرشولا من الشمال ..ورشاد يا أحلي من الجماااال

جيناك ابوجبيهة بعد ترحال .... وفي ربوع واديك يطيب الحال

********************************
وأجدد ترحابي بك .... محبتي

مرحب حبابك ...
منير حيرتنا ...ودخلتنا في (ممزق)حسب رواية عمنا حارن ...علية الرحمة...
بفتش لي في لقب ...للسيد /عبدالله محمد علي ...كل الخيارات ...من اخ ...الي جد
بس نحن قريبين ...الدلنج ...كادقلي ...نتفاكر ...معاه ...
مودتي