البعز ابو السيداكتب عنة موضوع جديد

البت الحديقة
حتجى البت .. الحديقة
شايلة أنسام فى طريقا
.. وشاتلا ألوان
حتجى البحدث بريقا
ضجـّة الضو فى المكان
حتجى المن بدرى جات
.. من ظلامات السكات
شايلة قمرين فى عيونا
.. وفاتحا ليلين بى جنونا
.. وطاوية ساحات إنتمت لى فجر ..
فات
وتنتمى لى عصور جديدة
********
حتجى البت البريدا
ضاحكة .. منتصرة .. وعنيدة
آملة .. مزدهرة .. وجديدة
ناقشة فى الزول .. أغنيات
حتجى المن بدرى جات
.. من ظلامات السكات
واصفة لى الناس الطريقة
.... ولى العصافير .. الجهات