عوض و ول نويه

والله يا عوض و ول نويه ما تدخلوا الرياضى انا انسحب نهائيا من المنتدى.

يا جماعة نحن ما عندنا حاجة غيركم فى المنتدى دا

تحياتى

الأخ العزيز/فيصل خليل.
سأعود للمنتدى الرياضى لأن مغادرتك للمنتدى لا شك انها خساره كبيره.
كما أشكرك جزيل شكرى على اتصالك صباح أمس وأعتذر على تشويش الصوت لأنى كنت فى الشارع العام ويبدو ان الشبكه لم تكن جيّده.
..............................................احترامى وتقديرى

ول نويه انت رهيب وكفى.
يا ود انت من أولاد وين.
انت والله زول عبد البديع عديل كدا

وينك ياقلب ؛فك قنبلة كدة بالله

خلينا نفرح بجية ماجد باقى اليوم دا وبعد داك ليها 100فرج

الجماعه فرحانين الله يدينا الفى مرادنا يوم 10

ما أروعكم....و بس.

سلامات بافاتح 00000000مالو قال كان جيت جربت معانا مديدتنا الحارة دي0000000000

شكرا لكم جميعا و كنت متأكد من عودتكم السؤيعة جدا للرياضى رغم الثنائية

العرباوية يا نويه و لكن لكل جواد كبوة.

أخاف يا انت لو جيتك الملم خطاوى الشوق و ازور بيتك يقولوا على حبيتك.

لكم الحب و نشوفكم بكرة فى بوست آخر.

تحياتى

إبداع يا ول نوية عوض و ول نويه Icon_jokercolor

بس بعد يوم 10 أوعا من القنابل كان علينا ولا عليكم عوض و ول نويه Icon_cherry

من طرف **nashi** 1st يونيو 2010, 02:47

ابداع ابداع اخي ود نوية
والتحية ليكم جميعا هلالاب ومريخاب
دام الود

إحسان كبايتك دي مالا من هسة ؟؟؟...لسة يوم عشرة بعيد...بالرغم من إنو حال أبوالهل يجعل ذلك مشروعاً ..كدي طمنيها وثبتيها وإنشاء الله ما في عوجة...!! تحياتي

مؤكد يا نويه كرة القدم لن تفرقنا رقم تحفظى الشديد على الشعار.

و اقول لاسياد البلد ان الشعار الذى طرحه ول نويه مرفوض كونه محاط

بالنجوم.

ندين ونشجب بشدة استقلال عواطف اسياد البلد و نرجو سحب الشعار و تقديم

شعار آخر للاخوة و المحبه يحتوى على شعارى الهلال و المريخ.

تحياتى

اخى فيصل واللة حاولت وحاولت بان اسمع كلامك وما ادخل ..علا قلبنى تب..واللة ضحكتنى يا اخوى ..النجوم دى ما سمحة خلاص ..خلاص يا ود نوية اسحب النجوم وخت لية تسعة نجمات بس من الليلة كل يوم نجمة لقايت يوم 10 ونشوف بعد داك حنزود كم نجمة ..

تعرفي يا أخت سهاد اخونا "المحلي" دا الفي عمرهم ماجابو كاس صمغ من برة ؛ ماعرفو البسوهو حرّض الناس مانفع وهسي قال ليه الشعار دا وبكرة بجيب ليهو حاجة تانية ؛وبعد يوم عشرة بقول الحكام كانو معاكم وا وا واوا الكتيرة دييك 0

سهاد انت كدى خليك مع الخواجات بتاعنك ديل و خلى موضوع الكورة دا علينا.

يا نويه غير الشعار قبل ما نقوم نفرش البصل بما حصل.

كدى رد على عمك خدورة انبشق و تعالنى راجع.

تحياتى

والله ايام يا زمان ابكى و اتحسر عليك.

هل اسئلة خدورة انبشق ليست للاجابة يا اصحاب الرد بصل؟

لا بل اسئلة مشروعة و يقينى انها تحتاج الى اجاباتكم يا ول نويه كده خلينى من الجديد انت القديم عملت فيه شنو؟

ابقى مارق

تحياتى

من طرف **osama osman** 2nd فبراير 2011, 11:56

ياجماعة شنو مريخ هلال وهلال مريخ وين الأمل ادبره وكوبر والأتحاد مدنى وكدا والشعله أبوجبيهة

اسامه انت الجابك هنا شنو الليلة.

نرحب بيك فى الرياضى و عارف انك ( كوبرى ) مش كوبرى كوبر بل ادارى بنادى كوبر من زمن بعيد.

على كل طالما انك جيت براك عندنا ليك ( سعال )

الرئيس البشير زول هلالابى عريق ( هو انا جبتى حاجة من عندى دا كلامو بعضمة لسانو ) بس شكلو الجماعة

ما مدنو فرصة لدعم الهلال ممكن نعرف السبب شنو و اذا فى طريقة دايرين نوصل ليه الرسالة دى.

تحياتى

فيصل خليل حتيلة كتب:
والله ايام يا زمان ابكى و اتحسر عليك.

هل اسئلة خدورة انبشق ليست للاجابة يا اصحاب الرد بصل؟

لا بل اسئلة مشروعة و يقينى انها تحتاج الى اجاباتكم يا ول نويه كده خلينى من الجديد انت القديم عملت فيه شنو؟

ابقى مارق

انا منتظر جيّة عم خدورة ياحبه وبعداك تشوف الرد ..قال ناس الرد بصل قال !! معاكم معاكم يا"بصحي"

من طرف **osama osman** 2nd فبراير 2011, 15:11

والله فيصل أخوى الرئيس قال بشجع الهلال يعنى هلالابى وبعدين هو بدعم كبير دعم لامحدود والسنة دى دفع حق التسجلات كلها مافى داعى لكشف الحال وبعدين نائب الرئيس شيخ على هلالابى برضو ودفع 500مليون للهلال يعنى الحكومة معاكم عشان كدا نحن اصحاب الأحمر حنطلع الشارع بس بطريقة حضارية

تسلم ابو احمد

شايفك أحمر وردى يا صحبى بس موضوع شيخ على دا خلى بينى و بينك بس الريس ما شفنا منو حاجة

الى تاريخه و نسى ايام العجلة بتاعتو من كوبر الى استاد الخرطوم و بالعكس.

ول نويه بطل الزوغان و ادينا اجابه على سؤال عمك خدورة و خلينا من الردبصل و غيرو عشان نبدا معاك

من جديد.

دا شرك يا حبه.

تحياتى

سلامات يامان ..شوقنا بحر عديل كده
الرودو وملفات دار فور وناس الفريق ادم الحلو كوووووووووووووولو دا خليهو الاسبوع الجاي لو حيين ؛بنفديك بتفاصيليها وبنرد عليها
كوووووولها
Goodby see you next week

مشتاقين و ما عايزين نضغط أكثر و نعرف امكانية تحملكلم ليست كما ينبقى.

منتظرنك الاسبوع القادم و كما تقولون القادم احلى. نتمنى ليكم ويك اند تمام التمام

تحياتى للجماعة كلهم

وينك يا محلي حضرنا ولم نجدكم محل مشيتو ماعارفين ..السبب شنو Hidden or offline

وينك يامان أخبارك شنو وكيف عامل وين من الصباح غايب إنشاء الله عافيه بس
وأمبارح ماشفة مازدا بخططوا العجيبة جضّم ليك الجابون كيف؟
تحياتي للأسرة

هلا محمد كيف الصحه والأخبار.

اليوم الصباح كنت مشغول شويه عشان كدا ما دخلت المنتدى.

المباراة حضرتها كامله وحالها لا يطمئن.

لم يكن لدينا منتخب يسُر إن لم يخرج مازدا وغير مازدا من عباءة مريخ هلال.

4/4/2 كانت هى خطة مازدا التى خاض بها المباراة.

أربعة الوسط فيهم ثلاثة محاور(الشغيل/عمر بخيت/علاء الدين يوسف.....لماذا ثلاثة محاور ولماذا الجبن من البدايه وهل تحسبهم أجادوا وأدوا المطلوب بالطبع لا وألف لا.

هيثم تحرك بصوره جيده فى الشوط الأول ولكن كعادته يركن ويستكين للإعياء لا لشئ سوى كِبر السن ودونه نسيبه الذى لم يكن أفضل منه بأى حال.

كاريكا والمدينه فى المقدمه كان الأفضل ضم عبدو جابر ومحمد مقدم.

انا طالع سأواص لاحقاً

كدا كويس يا حاج محمد.

نفّذت ما جاء فى مكالمتك بالأمس لا لشئ الا لأن حشرجة نبراتك لم تكن كما ينبغى.

رهيب يامان في التحليل ..حقو بس نوديك الخرطوم تحلل مع المنظراتية دول اقلاها تحلل ليننا بمنطق كده
لكن علي حسب إعتقادي الضيف لم يكن لمازدا خيارات جيدة ولم يكن هنالك لاعبين جاهزين من الفرق الأخري ؛فكان خيارو هو هلال مريخ 0
ولو وظف هؤلاء جيداً وحضرهم بدنياً وذهنياً سوف يذهبون بعيداً في هذه الدورة
هاني شاكر

لم ترد على سؤال عمك خدورة يا توفيق الحكيم.

فهمى هويدى

حقو بس نوديك الخرطوم تحلل مع المنظراتية دول

***

والله ما أكثرهم يا عجب الدور.

زيكو

دي الظرافة ولا بلاش يا حبه
ماتتصور ضحكة كيف ياجمال الشريف؟
بس لوجيتو بكبري الفتيحاب تاني بنكسّر ليكم عرباتكم خليكم بالمقرن وكده
شايف أخينا المحلي دا او فردتك الباك رايت قال رد قال ! في دليل قول ليهو أكتر من سجنة الملحناتي دي

الاخواااااااان الاعزاء السلام عليكم
الاخ عوض السيد ضحكتني قلت لي هيثم يركن ويستكين للاعياء لكبر السن
بالجد الود كبر وشاخ
تسلمو يارب

يا حاج لا تكسر لى ولا أكسر ليك أنا حدى لفة بانت لو تقدر تنزل هناك قول لى عوووووووووووك.

صباح يا اختى هذه هى القراءه الحقيقيه للعد التنازلى الذى بدأ يظهر فى مستوى الود هيثم مصطفى ونسيبو .

***

متى نتخلص من الإعتماد على الأسماء التى أكل عليها الدهر وشرب.

تخريمه:--------------

أعتقد لابد من الإعتماد على هذه الثقافه يا صباح لأن المنتخب السودانى يستمد نصف خيابته من الهليّل.

المحلى يا سيد محمد عارف سجن الملحناتى ( 179 ) يعنى اصدار شيك ( حاجة كاشف و كده ) و الماده واضحه

فى الحاله دى يا ( ابوهريرة )

بس المادة ( 178 ) طبعا مختلفه شويه لانها ( احتيال ) يا جمال فرفور.

الشئ المهم انو جمال فرفور عامل فيها عبدالكريم الكابلى فى الوقت الفيه صباح سخانه بتقدم فى وصلة غنائية.

على كل طالما انو القنزب ( الشرتيت ) فى يد فرفور ابو الهل يظل طالع فى الكفر و الوتر.

بكرة برجع لموضوع سيدا و ابو النسب و حكاية اعجاب ماذدا ( الاحمر) بالاولاد

مصطفى أقجى

فيصل خليل حتيلة.. الرندااق كتب:
الشئ المهم انو جمال فرفور عامل فيها عبدالكريم الكابلى فى الوقت الفيه صباح سخانه بتقدم فى وصلة غنائية.

لوكانت الطربانه بــ عوضية عذاب حتسكت كل" السان"
جبيتا كبيره لكن يا"محلي" ..دي من إنتاج إمتداد ناصر ولابخرة من أمبدات؟
هاني شاكرياقزاز

مافى مشكلة يا حبه تبقى حنان ( ترطيبة ) هى صاحبة الوصلة.

و بعدين الرندوق دا من امتداد ناص يا فردة مش من الثورة و كده.

بس ما قلتى لى ( الرد على عمك خدورة ) وين يا مان.

تحياتى

شنو ياعم بقيت تقيف لينا في الظلط وتتكلم غلط! وكمان بقيت تمشي بكبري الفتيحاب ..شكلك كده عملت بروتكول مع ناس الفريق عبد العزيز ادم الحلو وفصيل أركو مناوي ؛لأني عارفك بتلعب علي أخطاء الخصم مابتضيع أي فرصة ..بس إنشاء الله ماتكون جبت قوون
وتعرف انا قصدت اعمل ليك أبوجهل ..منتظر بس جيت عم خدورة وبعداك ح تشوف نفك فيكم قنابل وضرب بالمسدسات كيف واحكي ليكم كمان قضية رامبو ذاتو "بتاع المدينة الرياضية"

صباح الخيرات لو ابا

والله ربنا يخليك و يديك الصحه و العافيه ( ضحكتنى شديد من الصباح )

بالضبط كده يا محمد انت لاعب كرة قدم قديم و يقال كرة القدم هى اللعب على اخطاء الخصم.

التفاوض بخصوص ملف دارفور لم يفتح بعد لكين فى مفاوضات جاريه مع عمك عبدالعزيز الحلو على

نقاط الخلاف ( المشورة الشعبية )

طبعا كلما احاول اعمل كمال شداد فى موضوع عمك خدورة تعمل لى زوغبير لكين مافى مشكلة ننتظر عمك

لحدى ما يظهر فى الاسبوع الجاى.

بعدين قصة سوق ابوجهل و المدينة الرياصية دى شنو كمان.

تحياتى

فينك ياعم "Faisal"بآلي لي أسبوع ماشفتك بأ دا كلام ؟
في ميدان التحرير مع المقاومة ولا شقال تحاول تجيب أقوان في ناس الفريق عبدالعزيز الحلو وفصيل أركو مناوي