مرحب بمحجوب سليمان أورتشي وصابر منقة

مرحب بالاخوة اورتشي ومنقة
ابقي لي قدام

مرحبا بالاخوان ومنورين واهلين ولد حلتنا صابر لو متزكرنى مرحبتين

مرحب بالاخوه صابرمنقة (جوك)...ومحجوب اورتشي ...وكل الجدد...

تخريمة :
يافلس باقي لينا عمك النور (الكنضوا) من الاسماء الحركية دي ...تحياتي ...

شكراً ياناس ابو جبيهه. أكيد كل أعضاء المنتدي ماعدا واحد او إتنين ، يكونوا ما سمعوا بى إسمى. في الحقيقه أنا من ناس العباسيه القدام. والعجايز أو العجوز الوحيد في المنتدي عارف إنه زمان كان ناس العباسيه و رشاد و ابو جبيهه كانوا حاجه واحده. فقلت لى نفسي ياولد إنت عندك واسطه قويه فى المنتدى (البطل و صاحب البطل). فأكيد العجوز حيوافق وإذا الشافع داير يخرمج ممكن تكلم ليه ود السر او الشفيع وحتى الخليفه عبد القادر يجيبوا ليك راسه. حاجه تانيه خلتنى اطلب العضويه إنه مالقيت بشير الحاج البشير في قائمة العضويه فقلت It is unfair إنه يكون في عجوز واحد في المنتدي عشان ما يغلّب الشباب ديل وكمان قلت اخش عشان احامي لي ود خالي لو الجماعه إتفقوا عليه.
وفعلاً طلع كلامي صاح لإنه يا جماعه انا إسمي محجوب عبد القادر سليمان مش محجوب سليمان و العجوز بتأثير تقدم السن نسي إسم ابوي. لكن المحيرني إنه ود خالى نسي إسم عمه كيف???
وبعدين إسم المستهبل ده ما قطعتو من راسي و الدليل إنه موجود فى واحد من بوستاتكم...

حبابك الف عمنا ود جدنا عبدالقادر سليمان واكون ممنونة لو جبت لي استاذي الجليل الاستاذ الدكتور /سليمان عبدالقادر سليمان
وابقي عاااافية
احسان عبدالرازق الحاج

مرحب بالاخوه محجوب وصابر المنقاوى اخونا الاصغر وود حلتنا

مرحب بود الحيشان التلاتة ومرحب بالفردة ود منقة
يا محجوب لو طلعت انت محجوب دفعة اخونا اسامة الناطق تطلع عجوز خالص ولنا عودة ويلا نشوفكم

منورين يا محجوب وصابر وهلا بيكم...
يا محجوب ما قالو الشجر الكبار فيه الصمغ....(خليك لصقة فى المنتدى)
صابر: أدونا منقتكم....وانت عارف لو ما اديتونا البحصل شنو؟؟؟

مرحب بمحجوب اورتشي (المستهبل)
ومرحب بالصديق صابر منقة(جوك)ابونفيسة
البيت بيتكم منتظرين مشاركاتكم

شكراً جزيلاً شويه عليكم يا شباب.
و يا ولدي امين (لو مافيها إحراج يعني) أنا فعلاً عجوز و معترف بالعْجز لكن المشكله في ناس في المنتدي عاملين فيها شباب وهم اكبر مني.

و يا إحسان بِتّي (بي قلباً قوي) عمك سليمان بقي لينا فكي في أخر عمره و خايفه يكون من الجماعه البقولو الإنترنت حرام
و اقول لي الفاتح محمد التوم سلّم علي خالك شديد و وريني رقم تلفونه ولو بعد كده ما عرفت انت منو اكون خلاص خرّفْتَ,
اما بخصوص الصمغ يا د.الجنيد احمد سليمان فَفِي الحقيقه انا لسه ما بديت الطق لأني ماشي السودان في إجازه صغيره بإذن الله وبعد ما ارجع كان الله مدّ في الأيام جهّز الشوالات والفكه.

و يا ولدي امين (لو مافيها إحراج يعني) أنا فعلاً عجوز و معترف بالعْجز لكن المشكله في ناس في المنتدي عاملين فيها شباب وهم اكبر مني.


محجوب أرجو الإلتزام بقواعد ولوائح المنتدى ( كاكّا شوفي قضيتك الخاساك)

Very sorry and........bye

إنت عارف تمام أنا يا دوب في التلاتينيات وأصغر منك بأكثر من عشرة سنوات

و يا إحسان بِتّي (بي قلباً قوي) عمك سليمان بقي لينا فكي في أخر عمره و خايفه يكون من الجماعه البقولو الإنترنت حرام


------------------------------------------------------------------------
والله يا عمي "بقلب ضعيف ورهيف"
تحياتي ليه وربنا يحفظه يا رب ويا ريت ما يحرم علينا النت وكمان يشاركنا