بسفرك الفريق اصبح خلاء...يا ود الشاويش

سلام أحباب
أستمتعنا بحضرة أخونا عثمان ود الشاويش الذى قضى أيام من عطلته بابوجبيهة...وأنا شخصيا تعرفت به عبر أثير المنتدى...والحمد لله سهل الله لنا اللقاء...عثمان حاجه غير....عثمان....ملك ....عثمان أخو أخوان ..عثمان أعذرونى مهما كتبت لن استطيع ان أوفيه...فان سطوره الحنينة العذبة التى ترونها عبر المنتدى ما هى ألا قطرة من نبع فيضه العذب...نسال الله ان يجمعنا بكل احبابنا خاصة الذين لم نقابلهم الا عبر هذا المنتدى..
عثمان غادر ابوجبيهة فى طريقه الى الخرطوم التى سيقضى بها شهرا ثم يعود ادراجة الى بلاد الغربة..وقد حملنى مسئولية ان اقرئكم السلام جميعا..فتقبلو تحياته حتى نراه بيننا بمداخلاته الثرة ...
لكم الود

عليك وعليه افضل واجمل التحية والسلام
والله ما زال مكانه شاغراً
حفظه الله حتي يعود لعمود "إتكاءة" الجميل
تحياتي

شكرا الجنيد حاولت جاهد ان اشهد هذه الايام معكم فى الحباك إلا ان عربتى انقلبت وهى السبب فى تاخيرى اجتهد ان ازور الاخ شاويش فى الخرتوم

شكراً دكتور الجنيد علي هذه الكلمات ...ولاول مره اعرف بأن الشعراء يقلبهم الحديث ...
نتمني عودة عمنا شاويش ...بالجد هو احد زكائز المنتدي ...

غريق : كفارة وسلامتك ...الجاتك في مالك سامحتك...

عليك الله يا الجنيد شفت الود دا عسل كيف.
شهر ما كتير بننتظر

رسلوا لينا رقمه في السودان في الخاص
لو تكرمتم

د.كتور الجنيد اولا لك الشكر على هذه التزكية لاخونا عثمان جاويش شيخ المنتدى ..
والشايب الحريف..
واهتمامك يؤكداصالتك الحباكية..
إن صح التعبير..ولأخى ابو عفان الف تحية وسلام..الرجل قبل سفره بلغنا هاتفيا بالسفر..رجل نادر فى زمن التحاريق ..اعاده الله لنا سالما غانما

والله شاويش فرقتو مابتنسد وربنا يجيبو بالسلامة

تسلم اخى الدكتور وبنتمنى ان يظهر اخونا شاويش عن قريب لاننا افتقدناة وتنفعكم اللمة طبعا دى غيزة ساى منى اصلى مغيوزة من ماجد كمان ...دعواتكم ربنا يرجعنا بالسلامة ...وبتمنى اخونا شاويش يكون جايب معة حاجات طازة ...

انتى كان زهجانه من الغربه يا سهاد تعالى نتبادل أصلو انا محلى قريب من السودان (جكّه) والتانيه تلقى نفسك فى ود البخيت. (قلتى شنو)

لكم التحية ايها المرور..بنين وبنات...(شباب) و(شياب)...وفى الاخيرات ديل كل واد يصنف نفسه...
ألف كفاره ياغريق والجاتك فى مالك سامحتك...
عوض قال (الود دا عسل)...والله يا جماعة صحى...(نمتخ برانا)..اشرح (المتخ) يا ول نويه..ونأكد انه (المتخ) غير (اللحس)
الله يرد غربتكم ونتهنا بطلعاتكم البهية
سهاد اتصبرى..وربنا يرد غربتك...
لكم الود

يديك العافية اخوى عوض السيد ... نبدل قال واللة يا سيدى انا من ودالبخيت دى تانى الا كان الحباك ما بدل باى حاجة من ود البخيت وجكة لى الحباك ننتظركم هناك وننتظر فتح الشنط يا ابوى وناخد حقناونودعكم ترجعو براكم ...الدكتور يا اخوى اتصبرنا بس الوجع شديد وقلنا الروب تسلم يا سيدى بس واللة منتداكم عمل الكتير معانا يديكم العا فية اعزائى يا رب ...كفارة اخى غريق وحمداللة على سلامتكم وربنا يغطيكم من كل بلاء يا رب امين

يا جماعه غريق مالو طمنونا

غريق اخوى دى عين صادتك ..لبسةالعمة وجيهه المال بروح وبجى واهم شئ سلامتك..ربنا يحفظ اخوى غريق للجميع ودى..بودى

غريق أخوي انشاء كفارة وماتتشوف شر ابدا وربنا يعوضك ونسأل الله ان يكون حادث بسيط وان لا يكون هناك احد تأثر بهذا الحادث ، نرجو أن تطمأننا

من شوية كنت في مكالمة مع أبو علياء وقال لي وصلت من الحباك لكين راقد في البيت لأنو رجلي مفكوكة ( طبعا دي معناها دايرين حنان وشوية دلع كده من ام العيال ولا مش كدا ياود الخال )

والله قلبت سيارة غريق طلعت جماعة وين يا معتصم مصطفى ..عارف كنت فى الغابة احتجاجا على الاحتكار والحجر والتطنيش الغير مقصود بس اقل شئ نقول لبعض عوك وياحليل ايامنا ايامنا..لك التحية ومرة ثانية لغريق الف سلامة..وابو علياء الشايب الف سلام بينى وبينك عاوز يمد الاجازة مع ام علياء ويكمل فراريج الفريق وبعدين يشوفنا..دمتم جميعا

أبوعفان الرائع دوما ليك اطيب تحياتي ووالله جد ليك وحشة يارجل والفرقة من زمن بعيد ماساهلة أبدا وخصوصا لناس كانو ( تيمان ) لدرجة انو الاب ما يقدر يفرق بين أضنينهم ( وأوع تجيك كف طايره تاني ياأبوعفان بي سببي أنا ) وكمان وأولاد كنبه واحدة ( هنا صدق يا أبوعفان طوالي أتذكرت الغراب ** صوت عمنا الأستاذ عليه رجمة الله حسن السيد )بس ناس عمك امين منقه ديل كانو قدامنا بكثير ديل دفعة ناس جاويش ولا مش كده

كفارة غريق اخوي والجاتك في مالك سامحتك
نسأل الله ان يلطف بكم واسرتكم يا رب

اخى معتصم الظاهر كنت مشغول فترة العذر معك..
والان شكلك فى اجازة اخمن كدة((عشان رفرارفنا ارسالها قوى))استاذنا حسن السيد بلل الله ثراه وبارك فى ابناءه على راسهم زهير ما مقصر بالمنتدى ولد ذو ادب جم..الغراب والحميراء اداتا جلد((سوط))الغراب سير طاحونة مبرى والحميراء بسطونة وكثيرا ماتسرق وتخبى لكن استاذنا الحصيف سرعان ما يأتى بغراب اخر..يوم الغراب يوم عسر..طبعا العندو علامة زايد ثلاثة سوط والعندو الف عشرة سوط..كل تلميذ شايل كراسو وعارف كم سوط يسأل كم عندك اذا كان الرقم صحيح ..تاخذ اسواطك وتمشى..وتبلع ريقك..اذا الرقم خطأ يقول كذاب اشر تتذكر الوسيلة وعبدالباقى والفاضل عيسى كافى كان صنديد رصيدو من الاسواط قد يبلغ العشرون سوطا تكون الف وكم علامة زايد..وكان يخلى الكذابيين على جنب بعقوبة إضافية..
اما ابن عمى امين منقة كان دفعتى حتى الصف الثالث رجعونا بايتيين فأمين منقة وعطا المنان وخضر ادم الحاج والصادق كمبال كانو اشطر مننا مابيتو وانت اصغر منى شوية يامعتصم بعدها عثرة صلحت الطريق ومشى حالنا بستر الله وتوفيقه والحمدلله..
والله استاذ حسن السيدعلمنا اللغة وادبنا له المغفرة والرحمة..
والدك كل مايقابلنى ود موسى والله اخذت كف ما بتاعتك وانت نفت منها واحلى شئ قد ضمنا اليه فى ابوية صادقة تلاشت فيها الم الكف والله لم احس باثره ابدا سبحان الله..عموما يا تومى هوى وينك هوى..سعدت باطلالتك ..ماتنقطع بس رد على عوض السيد قال انت عملت منو شرحبيل وزغبير زغبير دى زيادة منى..
مداخلةمليانة عشان كده لما يجى التقييم للمنتدى البرنامج بتاع المنتدى يحسب عدد الدخول فى كل بوست وليس عدد الكلمات ولا شنو ولدنا ياسر..ولهفى وشوقى للاخوة يدفعنى للإطالة..