نقــــــــــطة ضـــــــوء

اهداء للدكتورة احسان الحاج


في اللحظة ديك والتو


لحظة الميلاد


كنت نقطة ضو


فرهدت بيك فرهيد


وانتشيت بالريد


طرت بيك الجو

قالوا ايضاً بت


قلت مالو ولو


بختي بختي
انت بنت
امي اختي
همي شيلي
شيلي شيلي
شيلي مني
مني ختي



ما تشوفوا عز التبتبا


بتي البريدة مرتبة


دولابــا داك والمكتبة

جات من جبيل
من مكتبة


ادتنا نحن مرتبا


سددنا دين دكان

حســين


وكست هدوم


نجدنا
كم
كم
مرتبة

جيهت بيتنا القديم


والسقف داك والمسطبة



بختي بختي
انت بنت
امي اختي
همي شيلي
شيلي شيلي
شيلي مني
مني ختي



هيلا هيلا


يا مهيرة


يا شتلايا جات مطيرة


تكبري انت تشيلي حملنا

وتذيدينا ترانا كبرنا

تكبري انت تشيلي حملنا

نسمع عنك ما يفرحنا


الاستـــــــــــــاذة ديك


كتر خيرا


يوم تلقانا هي

بتوصلنا


وتحصلنا

تفك الحيرة


ما بتتصنت وما بتتعنت

ما بتتعنت ومابتتصنت


ومابتاوي في حق غيرا



بختي بختي
انت بنت
امي اختي
همي شيلي
شيلي شيلي
شيلي مني
مني ختي




Always forward, my sister

تسلم يا الخزين تسلم
وربنا يمتعك بالصحة والعافية وتبقي شاية وراية
شكراً للقصيدة
وربنا يحفظك من كل شر قادر يا كريم

جمعاً يا رب

شكرا صالح على هذا النص الجميل.

التحية لشاعر الشعب محجوب شريف و للدكتورة أحسان.

تحياتى

يا جبل اللقمة ..سلام
ما قصرت تب فى حق خيتك الصينيه...الظاهر عليك زى العزيز الغايب(الحويج)..داير ليك..لالوب صينى...أقصد لابتوب صينى
Salih: U R to keep forwarding,she is far beyond you

اللالوب الصيني وصل صالح زمان يا دكتور بس صحبك الحاج اخد قدرو 3مرات
شكرا ليكم

أنت ما بت:
(الفى الرجال
بنعد ماهو الوخرى)
بت عبد الرازق:
(هيلك صحيح تفتخرى)

حرم عافى منك.....

إحسان ....

في عينيك عشم باكر ..
ما إنتي القمر كلو ..
والشمس والوشاحة ورود ..

ازهري الحاج البشير زول يخشك ويمرقك عادي لانو مرسوم في الوجدان د.الجنيد احد عباقرة ابوجبيهة الفاضل عبدالرازق جبل قائم بذاته نتمى له التوفيق,فيصل خليل يكفي انه حفيد حتيلة.شكراً لكم جميعاً على التعليقات سونا(ام الكتيري)

خلاص الكلام كمل...اينما حل ابو الزهور...حل الجمال والابداع..
(ما انت القمر كلو...
والشمس)....خلاص..... كلو فوق....جاية من فوق البنية......من جنب المريخ..
(و
و
و....
و
.....(فوق فوق مريخنا فوق)....

د.الجنيد شوف كلامك الخاصيك.

بطل اللخبطة.هاك كاريكا دا

ما انت ما انت الزمان ما انت ما انت الحلو اه اه يا حلو ....واللة تستاهلى يا الدكتورة واللة ما يجيب يوم شكرك ...وياها الحنية المعهودة فيكم رضاعة ووراثة ربنا يخليكم لى بعض يا رب ويحفظكم من كل عين وبلاء

(د.الجنيد شوف كلامك الخاصيك.)
حلوة يا فيصل..والله (ضحكت حتى بانت نواجذى)..واتذكرت فرعون طوالى...
فيصل: (كدى حاحى لى الدباساى دى)