وصية أب لابنه

ايميل ظريف من أحد الاصدقاء نقلته لكم كما هو
إن بقيت بخيت.....ربنا يديك....مرا هدية ورضية.... السماحة ما ضروري لانو بعد شوية.... ما ح تكون ليك سمحة..... ح تكون عادية.... نصيحة ليك.... النسوان البقولن ديل أوعك تعرس واحدة فيهن... الفنانة ...... والحنانة..... و الحردانة...... و المدرسة.......... و المدبرسة........... و المفلسة....... و النوامة.... والحوامة... و اللوامة...... و البوبارة.......... و الكوبارة........ والخبارة... و الممحوقة.... و المطلوقة... و اللايوقة.... طيب ياولدى كدي النوريك ليه.... كدى انت قول ليه ليه؟؟؟؟



الفنانة:- ح تمرق معاها و تقعد تحوم فى الحفلات.......... و تشوف كرسى قدام. و تقعد فيه شايل عكاز و سكينك فى ضراعك.... و عينك عليها.... ان راجل بشر فيها ساكت تتحنفش و تقوم..... الا يهجروك اتنين على الكرسى.... و بعد داك تساهروا و تجوا نص الليل بعد ما تقبض العداد........ و النهار كلو تقضوا نايمين.



الحنانة: طول النهار بره البيت.. تحنن فى نسوان الرجال.... و هى كرعيها يكونن ما شافن حنة ليهن سنتين... و النهار كله يا ولدى انت تحاحى فى الشفع ما يهبشوا الصبغة........و أول ما تجى راجعة انت تصادر قروش الحنة.



الحردانة: دى ح تكرهك حياتك....... اقل كلمة تلفح توبها و تجري بيت ناس ابوها........ و تلحقها انت... و تلقى ابوها.... و تقعد فى طرف العنقريب...... تطقطق فى اصابعيك.. و مدنقر فى الواطة..... وداير تراضيها ترجع البيت.....و اخوانها يحمروا ليك..... لكن احسن حل يا ولدى يا تسكنو مع ناس ابوها....... يا تجيب ناس ابوها يسكنوا معاكم...... عشان توفر حق الرقشة و المشاوير و الجري و ذلة ابوها و اخوانها ليك.



المدرسة:- أول حاجة دى ما ح تقدر تفقرق بينك و بين الطلبة... و ح تقعد تعيد و تكرر فى الكلام مليون مرة.....زى برنامج الامس فى التلفزيون..... و ممكن جدا تسرح و تقول لك فاهم يا شاطر؟



المدبرسة:- تلقاها طوالى زهجانة...... و شايلة اخلاقها فى طرف نخرتها.... و ان كلكلتها ما بتضحك.... و فى النهاية ح توديك التجانى الماحى..... و ح تكون نزيل اكتئاب.



المفلسة: ما دايرة أى شرح انت براك عارف...............



النوامة: تجى من الشغل نص النهار و زهجان...... تلقها تانية المخدة و خاته راسها فيها و تشخر.... و تكره اليوم الفكرت انت فيهو فى الزواج........



الحوامة:- طول اليوم فى كرعيها... ووفى الحلة من بيت لبيت و تدخل البيت..... بالشمار من فلانه و علانه.... و قبال ما انت تجى من الشغل بخمسة دقائق.... تجرى تولع النار و تطبخ ليك القطر قام.... و أول ما ينتهى الغداء ...... تدخل فى سفنجتها و توبها.... استعداد لرحلة جديدة...





اللوامة: دا بقى نوع مزعج جدا...... لو جبت سيرة اخوك ساكت تفتح فيهو.... الله بيسالنى سنتنا ديك وقت انت خليتنا بلا قروش و سافرت يدخل و يمرق علينا مدلول ايدهو........ كويس موز ساكت ما بيجى شايلو و لو جبت سيرة امك هى و الله امك دى اصلها ما بتريدنى..... من توشفنى تزعل و النيران تطلق فيها.... و تمد قدومها... ووليداتى ديل السلام... ياالله و يا امين تسلم عليهم....



البوبارة:- دى تحملك فوق طاقتك.... تشريك الما بينشرى و جيت ناس فى البيت تجري على علبة الدهب.... و تتعنكش علها من راسها لكرعيها.... و تقعد تنضم بايديها و كرعيها و رقبتها و اضنيها..... عشان توري الدهب.



الكوبارة: دى تكبر اى موضوع و تسوى ليهو توم و شمار..... و تقول لك ناس القبور دقو الطنبور و وقفوا طابور.... و لو شافع من شفعك عنر ووقع.... تصرخ و تخت ايديها فى نص راسها... و بطول حسها.... تكورك وب وووووووووووووووووووووووب على و شجمى شجمى شجمى مااااااااااااااااات ماااااااااااااااااات..... يسمعوها ناس الشارع و الغريبة لو انت نايم و سمعتها تقوم مخلوع و تمرق من الاوضه لحدى نص الصالة و انت حفيان....... اما لو كان عنك قلب مرضان.... اللحظة ديك...... من المهد الى اللحد



الخبارة:- البى تدور الخبار ولو فى نضم تلقاا سكتت الشفع.... و نهرتهم عشان تسمع.... الجيران مالهم بيهرجو و صوتهم عالى.... و لو كانت بتكوى لك فى هدوم قطع شك قميص و لا جلابيه ح يكونوا فى عداد ضحايا الحريق.... و ممكن النلاح يحرق و ممكن الجردل يكون فى الماسورة..... يتملى و البيت يغرق من الفيضان.... و حرمكم المصون واقفة فاتحة خشمها و تصنت للجيران...



الممحوقة: دى ان جبت دكان كامل و ختيتو ليها فى البيت تكملو فى يومين..... تصوطو كلو فوق تحت. لكن ممكن توديها لاصحابك الزعلان منهم لو عندهم مناسبة تساعدهم و تطبخ ليهم.... عشان لما المناسبة تنتهى يشحدوا و انت تتبسط.



المطلوقة: دى واضحة وضوح الشمس



اللايوقة:- دى حكاية تانية تمسك فى موضوع يحلك من الجليل الرحيم..... يا دا .... يا هوى دا.... الليلة يا يمة طرشت؟ و قدر ما تطنش هى مصرة و ممكن تجى جنبك و تلكزك.... لكزة جامدة عشان تنتبه للنقة و بعدين تقول ليك عامل فيها أطرش الطرش......