مرحبا بالاخ حامدونا

نزلت اهلا وحللت سهلا انت اضافة حقيقية للمنتدى

لعلك تقصد إبن الخال حامد حسن ، فلقد كثرت علينا الأسماء الحركية فى منتدى أعضاءه فى الأصل إشقاء ، نريد أسماء الأخوان الحقيقية لنتواصل معهم من القلب ونبادلهم المحبة ، مع كامل إحترامى لخصوصيات الأعضاء الأحباب الغالين.

تحياتى و اشواقى لك يا حامد و لام حسن حامد

مشتاقين يا حامد و يا اخى طلتك على المنتدى جميلة ينقصها تعليقاتك الساخرة.

عموما القاسمو ليك الله بتلقاه ما تخاف.دى طبعا يفهمها سيف و محمد خير على.

تحياتى

اهلا وسهلا بالاخ ابوحسن حامد حسن عبدالرحيم وبالجد مشتاقين وشكرا علي رسالتك وخلاص ياحامد كبرنا وكبرت احزانا والبركة في ناس حسن وعبدالله ونتمني ليهم حياة افضل وحظ احلي من حظنا ومايصادفوا ناس كردمان في حياتهم الدراسية

تشكون الكبر يا حيدر وحامد دون مراعاة لمشاعرنا .... الله يهديكم بس.

أهلا بك يا عوّض الله ، ونقول ليك جيتنا وفيك ملامحنا . وكنت واثقا أنك ستأتى وهذا دأبك ودأب الكثير من الأخوان الأعزاء ، ولكن يبدوالآلة الإعلامية الخاصة بالمنتدى ضعيفة ، والمحرك الأساسى هم الأعضاء الذّين تقع عليهم مسئولية إعلام الأحبة من أبىجبيهة ( سواء أكان فى أب جبيهى أو خارج أب جبيهى ... وأترك شرح هذه العبارة للأخ فضل الحاج) للمشاركة.

دمت عزيزا

أزهرى ... أخوكم الصغير رضى فيصل خليل أم أبى

مرحباً بك أخي الفارس مرحب بعشا البايتات ولا أقول أبوهجاسا ؟؟؟ مرحباً بك وحللت سهلاً ومع أني سنة أولي لسع !!!؟ إلآ أن إنضمامك للركب أثلج صدري ، وأخونا كاموكا ( يونس) أدخل كاموكا مع كلمة المرورومن ثم أدخلإسمه الحقيقي ، ولم يستطع الإنضمام ودي عاد حلوها أخي أزهري أهل العلم والمعرفة ... ومرحب أخي عوض .

تحياتى لك و للجميع و اخبارك مقطوعة الى وقت قريب كنت بتتصل من السعودية و الان مالك ؟

يبدو ضربتك انفلونزا الخنازير.

تحياتى للاولاد

أعدت ألّى ذكريات عمنا الصفى والذى كانت لى معه ذكريات صافيه وأنا دون الخامسة ، لا زلت أذكر محبته لى وذلك الزى الكاكى والرداء والطاقية المميزة وهو يعمل فى مكتب الصحة ، وأذكر إنضباطه ... إنه أبو هجاسه ... علمت قريبا برحيلها وأذكرها صغيرة غادية ورائحة إلى السوق القديم ..... زمن جميل

الأخ يونس مرحب بك مليون مرة وشكرا لهذا المنتدى الذى جمع لنا الأحباب من كل حدب وصوب ... مرحبا بك وبطلتك الزاهية
ويمكنك التسجيل مرة أخرى بتغيير طفيف فى الإسم ، وسأرفع الأمر حالا للأخ ياسر لنراك تخطو بيننا هذا المساء.

مرحب مرة أخرى بعشا البايتات ... وتقديرا لحضور عثمان المميز الذى أثرى ساحاتنا ..

محبتى

ارحب كثيرا بالاخوان يونس ادريس وعوض الله شاويش وهم نعم الرجال والاخوان

مرحباً بك عزيزي مكرماً في دارك ووسط أخوانك ، مرحباً بك ونحن في دار الغربة ونجتمع في هذه الدنيا الفانية والتي لاتستاهل ، وعزائي لك مجددا في وفاة عمي العزيز الغالي ووالدنا حسن عبدالرحيم ، وربنا يغفر له ويرحمه رحمة واسعة ، ومبروك الزواج ونسأل الله أن يكون بيت مال وعيال ويرزقك بالذرية الصالحة.. ولا تخذلنااااا يا حامد وابعد من الدجاج المبرد !!؟ وتحياتي لك من الأعماق ومرحباً بك دائماً . أخوك الكبير عثمان .

ارجو من الاخ يونس ان يرسل لى اسم الدخول حتى يستطيع مواصلت النشاط من خارج المنتدى اتصل بنا

شكراً أخي الصغير ياسر أرجو أن يكون الإسم : يونس إدريس كاموكا .

أهلا وسهلا بأولاد الخال عثمان وعوض الله وجيتا جيتو وشقيقنا الفاضل حامد أبوحسن صاحب الأطلالة البهية وأخونا الأكبر يونس ادريس ( كتوموتو)وطبعا ياجماعة يونس وعثمان ديل موسوعة كبيرة جدا وجواهم الكثير والكثير والمثير والمشوق من طرائف ومواقف ويالله يا ( كتوموتو وأوسو ) أتحفو المنتدي بما عندكم ولا تبخلوا علي الأعضا بنوادركم فى أبوجبيهة ونسألكم الرحمة والمغفرة لشقيقنا الذي رحل عنا من سنين عددا ولكنه لم يفارقنا أبدا المرحوم ( محمد هجو - أبوقنته ) له المغفرة والرحمة

أنا عارف إنت كلك ذوق ومشكور على الثناء العاطر ، وأعرف من زمان أنك إنسان ودود طيب القلب مرهف الإحساس ، بس مصيبة عقلك يزن بلد ...!!! الله يخليك لينا ياود عمتي .. وتحياتي لأسرتك الكريمة ... وشنو مغفل جوالاتك ... قال لي بابكر مشيت الشارقة ... لا والله راحااااات ...

لك التحية عزيزى ابو شهد

طبعا يا معتصم طالبنا كثير جدا بيونس كاموكا و عملنا جودية براسة اخونا جاويش و لكن لا حياة لمن تنادى.

عموما انا فى اللحظة دى تزكرت اخونا المرحوم محمد محمود ( بوريل) له الرحمة.

يا جاويش ارجو ان يتم القبض على المدعو يونس و يسلم فورا الى مشرف المنتدى بالمملكة.

اخونا الكبير /الله يبارك فيك وشكرا جزيلا (ومنكم نتعلم*ومعكم نرتقى بالمنتدى وبابوجبيهة الىالامام)لك كل الود والتقدير

شكراً أخي وإبن عمتي معتصم إنت دائماً ذوق وطيبة وعفة ، وقلبك طيب حنون ورهيف ، وربنا يحفظك ويخليك لينا ، ومشكور على ثناءك العاطر .... ونسأل الله أن نكون بقدر تصورك لنا ...والشئ المحيرني أنا كتبت ردي وارسلته لك فين راح ماعارف ...في حين أني كنت كاتب ليك كلام سمَح ... وبالله تحياتي لأسرتك الكريمة ...وشنو يعني مغفل جوالاتك ؟؟ ... وبابكر قال لي معتصم راح الشارقة ... لكين والله راحااااااات .

أخوتي الأحباء الأصيلين فيصل ( مونج ) وعثمان ( أوسو ) وحامد ( حامدونا ) الشكر الجزيل دوما لكم ووالله مشتاقين ليكم ولونستكم الجميلة الحلوة وخصوصا معاها شوية ( مسرة وتبش ) بعدين ياود الخال انت الظاهر بتتصل علي فى الرقم 0096992277563 فان كان ذلك فصحيح مقفول فأرجو الاتصال بالرقم 0096899878716 أو 00971552887534 أخي الحبيب فيصل وينك ووين أيامك وبالله عليك تدينا أخبارك وعنوان البريد الالكتروني الخاص بي هو alsandal@yahoo.com فبالله عليك لازم يكون في تواصل وأدينا أخبار ( عمو ) صلاح وكل أفراد الاسرة أما عن موضوع تواصل كاموكا ( كوتوكومس) فانشاء الله يكون لي تواصل معاهو بس انتو فتشو لينا وين دكتور كمبال الطيب واخيرا تحياتي لكل أعضاء المنتدي أولاد بلدي البعتز بيها دوما أبوجبيهة الحباك بعدين يا أبو علياء عندما تذكر عمك محمد ثاني والأقاشي والسفوفة من هاشم فحقو طوالي تذكر عمك ( أبولونجة صاحب النيفة الاصلية ) ولا مش كده ياأبوالزهور