شوبش ...... ألف جنية !!!
+7
محمد قادم نوية
أزهرى الحاج البشير
د.الجنيد احمد سليمان
زهيرحسن السيد
فيصل خليل حتيلة
غريق كمبال
الفاتح محمد التوم
11 مشترك
صفحة 1 من اصل 1
شوبش ...... ألف جنية !!!
حأبدأ من فطور العريس لأصل الى شوبش هو تقليد اجتماعي سوداني، يأخذ حيزا مهما في ثقافة العرس والفرح الممتد لأيام. ويبدأ الإعداد للفطور منذ الخطوبة، عندما تحضر أم العريس لأهل العروس كل ما يلزم من تموين غذائي يسمى «بشيلة الأكل»، الذي تعتز فيه أم العريس بتقديم كل ما هو سوداني من عصائر وتوابل ودقيق وزيت وجوالات البصل والسكر والعدس، إضافة إلى هدية مميزة لأم العروس. ويصبح هذا التموين بمثابة شرط اجتماعي يلزم أم العروس بإحضار فطور العريس قبل يوم الدخلة بيوم، .
بعد الانتهاء من تناول الفطور، تقوم بعض الأسر السودانية بإعادة الأواني الفارغة لأم العروس، مع صناديق معبأة بالفواكه الطازجة، رمزا لجودة الطعام، ومدى فخرهم بأهل العروس، وإشارة لكرم أهل العريس، بعد ذلك تخرج السيدات وهن يتغنين بظرف العريس، ومدى الحفاوة التي تم استقبالهم بها، بعبارة: «تمام أم العروس، جايك عريس تمام».
ينتهي الإفطار في تمام الساعة الحادية عشر، لتعود أم العريس لتحضير العشاء والزفة، التي تكون مساء اليوم نفسه.
يصطحب العريس أخوانه أصحابه والمقربين منه الى بيت العروس وغالباً تكون الحفلة مدورةو أثناء الحفل أو بعده ينسحب العريس لإستكمال مراسيم الدخلة........ شوبش شغاله وأرقام بتتقال وسط زغاريد وصياح وهدير المحتفلين .... والفنان أو المغنية تغني أو حتى لو المسجل شغال إن لم يكن هناك فنّان أو مغنية....... أكيد أحبابي لكل منكم قصته مع شوبش ....... وشوبش أخوكم نزل البوست...
بعد الانتهاء من تناول الفطور، تقوم بعض الأسر السودانية بإعادة الأواني الفارغة لأم العروس، مع صناديق معبأة بالفواكه الطازجة، رمزا لجودة الطعام، ومدى فخرهم بأهل العروس، وإشارة لكرم أهل العريس، بعد ذلك تخرج السيدات وهن يتغنين بظرف العريس، ومدى الحفاوة التي تم استقبالهم بها، بعبارة: «تمام أم العروس، جايك عريس تمام».
ينتهي الإفطار في تمام الساعة الحادية عشر، لتعود أم العريس لتحضير العشاء والزفة، التي تكون مساء اليوم نفسه.
يصطحب العريس أخوانه أصحابه والمقربين منه الى بيت العروس وغالباً تكون الحفلة مدورةو أثناء الحفل أو بعده ينسحب العريس لإستكمال مراسيم الدخلة........ شوبش شغاله وأرقام بتتقال وسط زغاريد وصياح وهدير المحتفلين .... والفنان أو المغنية تغني أو حتى لو المسجل شغال إن لم يكن هناك فنّان أو مغنية....... أكيد أحبابي لكل منكم قصته مع شوبش ....... وشوبش أخوكم نزل البوست...
الفاتح محمد التوم- مشرف المنتدى السياسى
رد: شوبش ...... ألف جنية !!!
طبعا شوبش نوع من البوبار بتاع الرجال والعوين وبالاخص اقرباء العريس وطبعا شوبش حقتنا ديك بتاعت بوبار مفلسين 00حضرت حفل فى صالة المعلم لابن احد وجهاء بحرى وبس تعال شوف شوبش !!!شوبش كامرى 2010من خال العريس !!!شوبش سوناتا من عمت العريس وشششششششوووووبش صاحبنا بعد العرس ده إلا يسوى ليه محل بتاع لومزين
غريق كمبال- مشرف المنتدى الاقتصادى
الزعيم
قلت ليك يا زعيم انت الوداك هناك شنو ياخ.
الفاتح مسألة رفع العريس دى زمان كانت مافى ( اقصد عندنا فى الضهارى )
دى جات من وين اسع عشان نعرف ليه حته نختاها فيها.
لكم الجمال و لنا الاستمتاع.
تحياتى
فيصل خليل حتيلة- مشرف إجتماعيات أبوجبيهة
رد: شوبش ...... ألف جنية !!!
الفاتح يافلته ...
اندثرت في معظم المدن هذه العاده الجميلة التي كانت بمثابة تكافل اجتماعي حقيقي يؤكد اصالة الشعب السوداني ...
واصبحت الان خاصة بأهل العريس واصدقائة المقربين ...لاتتعداهم ...
تخريمة :
اندثرت في معظم المدن هذه العاده الجميلة التي كانت بمثابة تكافل اجتماعي حقيقي يؤكد اصالة الشعب السوداني ...
واصبحت الان خاصة بأهل العريس واصدقائة المقربين ...لاتتعداهم ...
تخريمة :
ياعديلة يابيضاء
ياملايكة سيري معاه
الليله شويم بي قدرةالله
ودالعزة والمهلا
عروسوا ضوت السهلا
سيرتوا في البلد بهلا
وقايم الليله شايل اهلا
اليله شويم بي قدرة الله
ياملايكة سيري معاه
الليله شويم بي قدرةالله
ودالعزة والمهلا
عروسوا ضوت السهلا
سيرتوا في البلد بهلا
وقايم الليله شايل اهلا
اليله شويم بي قدرة الله
زهيرحسن السيد- مبدع مميز
رد: شوبش ...... ألف جنية !!!
حلو يا الفاتح....... والله العظيم حلو......رجعتنا خمستاشر سنة لوراء...وتمام ياأم العروس ...تمام... جاييك عريس تمام يا ام العروس...وأذكر فى زواجى طرفة جميلة لأخونا وحبيبنا حسن (بورسودان): فى السيرة وكلنا فى العربية والبنوت يغنن:
عريس تمام
ياأم العروس
لا لعاب قمار
لا شراب سجار
....قام حسن (بورسودان) قال ليهن: طيب فايدته شنو؟؟؟ والله ايام يا زمان
عريس تمام
ياأم العروس
لا لعاب قمار
لا شراب سجار
....قام حسن (بورسودان) قال ليهن: طيب فايدته شنو؟؟؟ والله ايام يا زمان
د.الجنيد احمد سليمان- نشط مميز
رد: شوبش ...... ألف جنية !!!
كدي سيبونا من أيام زمان ... يا زعيم الجماعة ناس بحري ما عندهم عروس لينا ولو الشوبش أمجاد وشوية ركشات حاجة كده الواحد يقول بيها مع السلامة للغربة ؟؟؟؟
أزهرى الحاج البشير- مشرف عام
رد: شوبش ...... ألف جنية !!!
ياسلام عليك يافاتح والله ليهو زمن ماسمع بشوبش دي ؛هذه عادات سودانية تفاكلية خدمية عفي عنها الزمن واتبدلت لبوبار وفشخرة كده ؛مرة كده حضرت عرس في الصافية بحري العريس دفعو ليهو 10تذكرة كلها من باريس ولندن واسماء تانية زاتا مابعرفا ؛ يعني عاملين نظام شرارة كده المابدفع شئ اقل من مليون مابخش الحلبة دي ؛وطبعاً كنا قاعدين فراجة بس ؛ياليت هذه العادات الجميلة التي ذكرتها تعود والناس تكون علي قدر حالها ؛ويكون مافي داعي للبوبار ده
حاجة بسيطة كده:
ملك قلوبنا واحتل
طال هجرى وصبرى قل
منع الشوفة والطلة
زاد الطين علي بله
قمر في سمانا هل
عن ريدو ما حتخلي
اسير لحظو وعيونو
قلبي عهدو بيصونو
الخاين الله بيخونو
حاجة بسيطة كده:
ملك قلوبنا واحتل
طال هجرى وصبرى قل
منع الشوفة والطلة
زاد الطين علي بله
قمر في سمانا هل
عن ريدو ما حتخلي
اسير لحظو وعيونو
قلبي عهدو بيصونو
الخاين الله بيخونو
محمد قادم نوية- مشرف منتدى الصوتيات
رد: شوبش ...... ألف جنية !!!
شوبش .. شوبش ياحليل شوبش الكانت بالطرادة يابن اخي يافاتح فتح الله عليك وياحليل
هي .. هي .. هي أسموأ( اسمعوا) جاي مهمنك ( محمد) أخو الأريس خمسة وأشرين قرش تراااادة ..
بعدين يا أبو الزهور ياابن الخالة ليك المودة والشوق لكين عايز أقول ليك أعمل حسابك التريق فيهو دقداق شديد ولا أحلي الحيط ليها أضنين ..
الوجيه أبو النسب غريق أنت مالك مسوي ليك وجع قلب الجخانين الي ذي دي الواحد ببراها ببعيد لأنها فيها حصاص شديد مش عايز أقول ليك مالك جايب هواء لنفسك بالكامري والسوناتا
ليكم التحية والتقدير جميع أخواني وأخواتي
هي .. هي .. هي أسموأ( اسمعوا) جاي مهمنك ( محمد) أخو الأريس خمسة وأشرين قرش تراااادة ..
بعدين يا أبو الزهور ياابن الخالة ليك المودة والشوق لكين عايز أقول ليك أعمل حسابك التريق فيهو دقداق شديد ولا أحلي الحيط ليها أضنين ..
الوجيه أبو النسب غريق أنت مالك مسوي ليك وجع قلب الجخانين الي ذي دي الواحد ببراها ببعيد لأنها فيها حصاص شديد مش عايز أقول ليك مالك جايب هواء لنفسك بالكامري والسوناتا
ليكم التحية والتقدير جميع أخواني وأخواتي
عدل سابقا من قبل معتصم مصطفي بابكر في 4th أغسطس 2010, 19:31 عدل 1 مرات (السبب : اضافات)
معتصم مصطفي بابكر- نشط ثلاثة نجوم
رد: شوبش ...... ألف جنية !!!
هوي يا زعيم ده البّره ولو سمعتّا بوبار أم العروس تقول شنو إذ أنها تتباهى أن الأحذية من إيطاليا وفستان الفرح من لندن وعامة الفساتين والعطور الأفرنجي من باريس .. وتياب الجرتق وقطع الرحط والسهرة والذهب واللؤلؤ والمرجان من شواطيء الخليج وعواصم الحلم العربي... "يا اخوي غريق ده عرس فيهو ... السلام اليوم داك في الجضوم,,, للرجال والحروم ....وللحضور عموم" تشوف عجايب !!!
الفاتح محمد التوم- مشرف المنتدى السياسى
رد: شوبش ...... ألف جنية !!!
يا خال. أستاذنا لو قرأ كتيب "بوبار أهل السودان في الأفراح وعـقـد القران " .... حيغير رآيو .
************************************************************
دكتور الجنيد : كان تقول للبنات يغنن لأخونا حسن ..
عجبوني كالوا العين يا عيني انا
بتغنيلو بت عباس يا عيني انا
في القهوة ما جلاس يا عيني انا
في الكورة ما خد الكأس يا عيني انا....
بتغنيلو بت خالو يا عيني انا
بتشكر افعالو ياعيني انا
طبق الحمل شالو يا عيني انا ..... عشان يآمن.
************************************************************
الغالي ودنويــة و عزيزي زهير والقامة فيصل:
************************************************************
دكتور الجنيد : كان تقول للبنات يغنن لأخونا حسن ..
عجبوني كالوا العين يا عيني انا
بتغنيلو بت عباس يا عيني انا
في القهوة ما جلاس يا عيني انا
في الكورة ما خد الكأس يا عيني انا....
بتغنيلو بت خالو يا عيني انا
بتشكر افعالو ياعيني انا
طبق الحمل شالو يا عيني انا ..... عشان يآمن.
************************************************************
الغالي ودنويــة و عزيزي زهير والقامة فيصل:
سايق العظمة سافر خلاني وين
يا الماشي لباريس جيب لي معاك عريس
شرطاً يكون لبيس من هيئة التدريس
يا الماشي لام درمان جيب لي معاك فستان
شرطاً يكون سيتان زي خدك النديان وسافر
وقد وردنا أنه تم رفض القصيده من لجنة النصوص ... ولكنها أجيزت بعد التعديل :
سايق العظمة سافر خلاني وين
يا الماشي لباريس جيب لي معاك عريس
شرطاً يكون لبيس زميل بنات موريس
يا الماشي لام درمان جيب لي معاك فستان
شرطاً يكون سيتان زي جيبك النديان وسافر
وذلك في إشارة واضحة إلى موظفي المنظمات وال UN وال NGO من السودانيين ..
يا الماشي لباريس جيب لي معاك عريس
شرطاً يكون لبيس من هيئة التدريس
يا الماشي لام درمان جيب لي معاك فستان
شرطاً يكون سيتان زي خدك النديان وسافر
وقد وردنا أنه تم رفض القصيده من لجنة النصوص ... ولكنها أجيزت بعد التعديل :
سايق العظمة سافر خلاني وين
يا الماشي لباريس جيب لي معاك عريس
شرطاً يكون لبيس زميل بنات موريس
يا الماشي لام درمان جيب لي معاك فستان
شرطاً يكون سيتان زي جيبك النديان وسافر
وذلك في إشارة واضحة إلى موظفي المنظمات وال UN وال NGO من السودانيين ..
الفاتح محمد التوم- مشرف المنتدى السياسى
رد: شوبش ...... ألف جنية !!!
الفاتح
قلت لى : عشان يآمن؟؟؟؟...يا خ والله ان ذاتى آمنت....
في القهوة ما جلاس يا عيني انا
في الكورة ما خد الكأس يا عيني انا....:كأس الآلم(العالم)
قلت لى : عشان يآمن؟؟؟؟...يا خ والله ان ذاتى آمنت....
في القهوة ما جلاس يا عيني انا
في الكورة ما خد الكأس يا عيني انا....:كأس الآلم(العالم)
د.الجنيد احمد سليمان- نشط مميز
رد: شوبش ...... ألف جنية !!!
يا الماشي لباريس جيب لي معاك عريس
شرطاً يكون لبيس من هيئة التدريس
!!!!زمن كانت هيئة التدريس بغنو عليها ؟؟؟؟ واليوم !!!يا معلمين
شرطاً يكون لبيس من هيئة التدريس
!!!!زمن كانت هيئة التدريس بغنو عليها ؟؟؟؟ واليوم !!!يا معلمين
غريق كمبال- مشرف المنتدى الاقتصادى
(شوبش)
الفاتح فكَرتني شوبش عادة ملازمة للعرس من ضمن المراسيم لكن حسب تقديري مطلقة غير مقيدة لأن الهدف هو مساعدة العريس ومجاملته. ممكن تدخل للعريس قروش في جيبه ومعها كلمة لطيفة (بيت مال وعيال بالبنين.والله يسعدك.تغلبها بالمال وتغلِبك بالعيال (وهلمَجرا) لكن هنالك صنف من المعازيم اخص الرجال عندما العريس يجلس والدلُوكة تولع والزغاريد والبخور والكاتب يجلس على الكرسي والكرَاسة.برَرررررة ناس تتحاشى الرتينة وتغير موقعها من الاعراب وتكبَ الزوغة منعا للحرج والناس تحكمها ظروف وده كثير بحصل .
(الله يعطيك العافية ياالفاتح)
(ابو علاء :تيمي)
(الله يعطيك العافية ياالفاتح)
(ابو علاء :تيمي)
علاءالدين عبدالرحمن تيمي- نشط ثلاثة نجوم
رد: شوبش ...... ألف جنية !!!
الغالي الفاتح ,,, و الأخ عبدالرحمن رمضان كريم .. غيابكم وآضح في رمضان ,,, كلنا بنغيب يومين تلاته بس بنظهر ,,,, أها رمضان انتصف والعيد جاي وربنا يتقبل ,,,, وأكيد لكم ذكريات مع شوبش الودوده بتاعة المساعدة ,,,, قبل السحور أدونا ليها ورمضــان كريم
الفاتح محمد التوم- مشرف المنتدى السياسى
رد: شوبش ...... ألف جنية !!!
والله يا ابو الزهور انا مشيت عرس مع نفيسة عمتي ما عايزة أكشف ليك الورق [حلوة كشف الورق دي حبوبتي الله يرحمها بلعب معاها كش الولد طبعا بغلبها فكانت تقول لي انت بتكشفي ورقي ]نرجع لموضوعنامشينا العرس اولاً بالتبادي ابو العروس عربية كامري وتعال شوف دب لابس تاج بت لعب لابسة عقد حاجات عجيبة أنا وعمتي كل الاهل الحضروا العرس فتحنا خشومنا وتعال شوف الخواجات والجميل العروس حبسوها في لندن والشيلة من دبي والاقامة في برج العرب وذي ماقال الفاتح أخوي المرجان من البحر الاحمر وكلام عجيب. اللهم سهل على كل الشباب آمييين.
إيمان عبدالرازق الحاج- نشط ثلاثة نجوم
رد: شوبش ...... ألف جنية !!!
شوبش دى طبعا كانت تقليعه عند عربنا البقاره بعدين جعفر كمبال طبعا ناظر القبيله وقوم يا جعفر عرس وطبعا لازم يدعو وجهاء القبيله وبالاخص فى الريف والجماعه جو العرس والحنه دورت وبعد شويه بدأت الشوبش وتعال شوف العرب انطلقوا فى الشوبش إلأ شوبش بقره شايل من الشيخ الفلانى وشوبش تور سديس من العمده العلانى وشوبش عجله رباعيه من الزعيم الفلانى والقصه هاصت وقلنا لجعفر إلا تسوى ليك راعى وطبعا معظم هذه الشوبش كانت لزوم الفشخره والظهور ومعظمها كانت تبرعات طايره ودى طبعا غير الشيكات الطايره بتاعت وجهاء البندر الزينا كده
غريق كمبال- مشرف المنتدى الاقتصادى
رد: شوبش ...... ألف جنية !!!
="غريق كمبال"كتب:]شوبش دى طبعا كانت تقليعه عند عربنا البقاره بعدين جعفر كمبال طبعا ناظر القبيله وقوم يا جعفر عرس وطبعا لازم يدعو وجهاء القبيله وبالاخص فى الريف والجماعه جو العرس والحنه دورت وبعد شويه بدأت الشوبش وتعال شوف العرب انطلقوا فى الشوبش إلأ شوبش بقره شايل من الشيخ الفلانى وشوبش تور سديس من العمده العلانى وشوبش عجله رباعيه من الزعيم الفلانى والقصه هاصت وقلنا لجعفر إلا تسوى ليك راعى وطبعا معظم هذه الشوبش كانت لزوم الفشخره والظهور ومعظمها كانت تبرعات طايره ودى طبعا غير الشيكات الطايره بتاعت وجهاء البندر الزينا كده
حلوة يازعيم مداخلتك !!!!!!!!!!! وقلت لي ألهنا تبرعاتم طلعت طايرة نادراً مانجدهم لم يوفُ بعهدهم 000000بس يبدو الشوبش كان عدادا مرتفع شوية واخينا ربنا يعوضو في الجايات
مودتي؛؛؛؛؛؛؛؛؛؛؛؛؛؛؛؛؛؛؛؛؛؛
مودتي؛؛؛؛؛؛؛؛؛؛؛؛؛؛؛؛؛؛؛؛؛؛
محمد قادم نوية- مشرف منتدى الصوتيات
رد: شوبش ...... ألف جنية !!!
شكرا ول نويه لكن الشقلات المرصوصات فوق بعض البلولقن ديل سوتن كيف
غريق كمبال- مشرف المنتدى الاقتصادى
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى