الشايب ود الشاويش .......

حمد الله على السلامة واهلاً بك الوف.حقيقة تفاجأت بالتسمية الشايب الحاجة البعرفها انك صغيَر قدر (دبَة البخس وام فسخين وكبريت وردي)والشاويش اسم محبب لي هي رتبةبأربعة شرطان يعني حكيمدار نقطة عموما انت ود الشيخ محمد وانا بخاف تغيرني اهلا بيك وسط احبابك وعاوز اعرف منَك اخبار سعد واحمد الكوم.
(اخوك:تيمي)

(دبَة البخس وام فسخين وكبريت وردي)

اخبار سعد واحمد الكوم.

خلينا يا تيمي في وردي بس ... والله ضحكت لما الموظفين هني قالوا الزول ده مالو ... تعرف تذكرت هذا الرجل الذي غاب عن الذاكرة لأكثر من أربعين سنة وكان يبيع بلح الشام والبارد عند نيمة مدرسة البنات بجواز تلك الجميزة الصامدة حتى الآن


ثم عجت وتذكرت أحمد الكوم والذي لم آراه منذ أكثر من ثلاثة عقود وتذكرت اللمين شيت ... حرامي الكونكان الخطير ... قبض ذات مرة في عشرة كونكان ولديه 35 كرت وأربعة جواكر وذلك في النادي الأهلي

زمن جميل ................. شكرا تيمي

أزهري سهوا تحت مظلة الشايب عصمان

حباب ابوعلياء حمدله على السلامه

عوداً حميداً أخونا عثمان وقول لتيمى أخرج من جلباب ابنك وأدخل للمنتدي وسجل باسمك, دع الإبن علاء من دون مزاحمة ليبدع.

دع الإبن علاء من دون مزاحمة ليبدع >>>>>>>>>>>>>>>>>> صاح يا فاتح

الابن على شاكلة ابيه نحن سيَان (تيمان برقو ما بتفرقو) وشريحة الكنكت عاوزة رصيد بالمليان ماتخلُونا مع بعض اغطي على ولدي .
(تيمي)

يا ابو الزهور احمدوا الله انه الشايب شاويش نسي ليكم (الباس ويرد )وما نسي (الباسبورت )زاتو !!!!!
عمكم ما خلي عتود حايم في الحبّاك متجدّع وحامد سيدو وان شاء الله مطرح ما يسري يمري يا ابوعلياء ....
وواكيييد يا ابو علياء كل البورداب متلهفين ومتشوقين كتير وراجين سردك الظريف عن الاجازة من طأطأ لي السلام عليكم .......
وقالو سمح القول من خشيم سيدو
ونحنا منتظرنك وما ورانا حاجة
مـــــــــــــحــــــــــبّتي

تيمي انت وين يازول واخبارك شنو والتحية ليك ولجميع أفراد الأسرة الكريمة ورمضان كريم ومتل ماقالو ليك الجماعة خلي الوليد علي جنب وأنت أمرق براك أنضم لأحبابك ناس الحباك وأتحفنا بما عندك أقلاها عن عمنا عيسي (الكنضو )وغفشاتو أيام زمان ولحدي اللحظة في شياب كتار زايغين من قولة ياعمو وياخالو وأمكن ياجدو ولا مش كده ياجنابو ( امين ) ليك التحية ورمضان كريم

مشتاق ليكم بالجد ... طبعاً بستلم من الشخص الذي كان يجلس مكاني ...بس ادوها صنة شوية.... وبرد على كلامكم الزي العسل .... محبتي

مرحب عزيزنا جاويش و الف حمدلله على السلامة.

نتمنى ان تستقر فى العمل و بعدها مباشرة الى الى الاتكاْْة ايها القاص

الجميل.

تخريمة:

سألنى احدهم بعد مرور اكثر من 25 و عشرون عاما من الفرقة و الشتات

هل هذا هو عثمان محمد يعقوب؟

قلت نعم و اضفت ( هذا جاويش عليه شوية شغل )

لك التحية

أخي غريق ... تحياتي لك أيها الراقي المواصل المتواصل مع كل الناااس ...وطبعاً لأول مره اشاهدك على الطبيعة وجدتك غير ... وماشاء الله تبارك الله تبدو عليك سمات الروقة (( والترطيبة ...بلغةالرندوك كما يقول الغالي جداً ول نوية ..)) ووجدتك إنساناًعفوياً طيباً عطوفاً... رقيقاً... بهندامك الجميل الرائع المميز...بل وجدتك مواصلاً في الأفراح وكل الأتراح ...وصدقني في الفراش الجامع بسوبا... لفقد أخي المرحوم : محمد احمد ، ونسأل الله له المغفرة والرحمة ... وبالجد الفقد كبير وجلل ... وفي هذا الفراش ...وجدنا كل قامات وأهل أبوجبيهة ... وقد وجدنا ناس فارقناهم منذ 40 عاماً ...( وبالمناسبة نحنا كنا صغار جداً !!!؟؟؟) وتحياتي موصولة للأخ الغالي الصادق عبدالرحمن ...الرجل القويم الهادئ ... أنا فخور جداً بهذا المنتدي الرائع ...وقد ربطني بإخوة وأخوات وبنيات عزيزات ...والتحية والشكر لك القائمين بأمره ...وشكراً يا أبوالزهور على تخصيص هذا البوست ...بس أعرف أنك عملاق .... محبتي ...

لقد اضحكتني كثيراً أخي فيصل ب: شوية شغل !!!؟؟؟ أخي فيصل بشكرك بالجد على لطفك وطيبك وحسن إستقبالك لي ... بالجد لأنك أصلاً أنت رائع بكل ما فيك بطيبتك وتواضعك وتعليمك وذوقك ...شكراً لك أخي الحبيب الغالي ...وسلم لي كتير على حكومتك وكل أفراد أسرتك العزيزة المقدرة ... محبتي

لقد اضحكتني كثيراً أخي فيصل ب: شوية شغل !!!؟؟؟ أخي فيصل بشكرك بالجد على لطفك وطيبك وحسن إستقبالك لي ... بالجد لأنك أصلاً أنت رائع بكل ما فيك بطيبتك وتواضعك وتعليمك وذوقك ...شكراً لك أخي الحبيب الغالي ...وسلم لي كتير على حكومتك وكل أفراد أسرتك العزيزة المقدرة ... محبتي

لقد اضحكتني كثيراً أخي فيصل ب: شوية شغل !!!؟؟؟ أخي فيصل بشكرك بالجد على لطفك وطيبك وحسن إستقبالك لي ... بالجد لأنك أصلاً أنت رائع بكل ما فيك بطيبتك وتواضعك وتعليمك وذوقك ...شكراً لك أخي الحبيب الغالي ...وسلم لي كتير على حكومتك وكل أفراد أسرتك العزيزة المقدرة ...محبتي

التحية والتقدير والشوق الكتير موصولة لكل أسرة المنتدي ولكل مداخلاتكم الجميلة الرائعة ...واشكر على وجه الخصوص لا الحصر : النبيل ابوالزهور ...المتألق دائماً ول نوية ....وإبني الحبيب علاء تيمي وفردتي السكر تيمي ...والغالي جداالفاهم الرايق : الفاتح محمد توم والعزيز منقة يا منقه إنت وشكرالحسن إستقبالك ...وود عمتي العزيز المحترم دائماً المعتصم ..والدكتورةالأصيلة الغالية Nahsi والغالي إبن الغالي : زهير ,وأخي العزيز عثمان موسي شكراً يا ابو عفان ولي رجعة معاك ...وشكراً كتير اخي المبدع : ياسر ربنا يحفظك ويخليك لينا ....والتحية لغريق المحترم...وسوف أفرد صفحة خاصة لأخي :أسامة عثمان باشا ...والعزيز الأصيل : دكتور الجنيد ...والتحية كل التحايا لكل أسرة المنتدي دون فرز وآسف إذا فات علي ذكر أحد.... محبتي

ياجماعه الشايب ابوعلياء مالو مسجل غياب 000الزول ده رمضان جهجهو ولا شنو

الزينين الحلوين ... الأخبار شنو ؟؟؟ سؤالكم عني أثلج صدري ...وصدقوني يا جماعة والله العظيم يا داب الواحد شعر أنو عندو أخوان وأخوات وبنات كماااان ..ماشاء الله تبارك الله.... ولكم التحية جميعاً ... بس أنا مفروك شويةإذا صح التعبير ...وبلغة السعودية مكروف ... وعشان زحمة عملي هذه هي الأسباب ...وصدقوني الحكاية قربت تفك ...ولكم حبي جميعاًأيها الأحباب الأوفياء..ولاعدمتكم ياربي .... محبتي

الحمد لله ابو علياء بخير 00قضى شغلك بالمهله وتجد احباب ابوجبيهه فى الإنتظار 00لك محبتى

أهلا بالشايب