قليل من حلمنتيش لزوم ترطيبه

إكون ماكسي ..؟
إكون عراقي بالعكسي؟
غايتو يا ناس جنس لبسه
تخلى الزول اموت هسي
إكون دا شنو..؟؟

**********
تكون دي مصيبة .... اكيد مصيبة !

وناس قالوا
إكون باقيهو
واقع منو في السكه!!!
وواحد قال:
إكون سروال بدون تكه!!!


جادع سستم
وبمناسبة السستم جاء طالب معانا في الجامعة متأخر من المحاضر وعايز يستأذن الدكتور عشان يخش وجادع سستم ياعمو في ركبو والدكتور زعلان نهروا ليك لمن البنطلون وقع ومن ديك ما كررها

لبسو برمودا
وقالوا دى الموضة
وما عارفنو برمودا
مثلث فى بلاد الله
بيبلع.... جب
وباكل ..نم
ويغتس حجر كل زول
بزوره.... برمودا
هويا وليد
هويا يا بنية
خلوها برمودا
شوفوليكو لبس
بيوم بتنجمو...
ببرمودا
توش جوه الجك
محلكو ما نخبروه
شى طيارات
وعبارات
ودرداقات
وخواجات
وخواجيات
والجنيات
حوه الجك
فى برمودا
لا سامعين ولا شايفين
والبرمودا اتملت بالطين
جآآآآآآك...جييييك
وعييييييك عيييييك
وواك ووااك
تانى تجو؟