بدون زعل

دخلت قائمة الاعضاء بالمنتدى لكي ابحث على بعض الاصدقاء والاخوة والزملاء وقراءة كل كشف العضوية فقمت بتقسيمهم الى ثلاثة مجموعات حسب المعرفة بهم:
المجموعة الاولى جماعة اعرفهم معرفة شخصية
المجموعة الثانية شباب اقل مني في العمر وعرفتهم من اسماء اسرهم
اما المجموعة الثالثة هي مجموعة لم اتعرف عليهم ابدا حتى من خلال اسمائهم

وهناك مجموعة كتبوا القاب خاصه بهم لم استطيع التعرف عليهم

اتمن ان يعدلوا اسمائهم للتعارف
مرحب بكل ابناء ابوجبيهة في منتداهم الرائع كما اشكر الاخو المشرفين على المنتدى لكم مني كل الود

حمدله على السلامه يا ود النو كلامك جميل واقول ليك بعض الاسماء مثلا ابوعشه نمل السكر هذا هو صاحبك الدكتور حسن الحاج وطبعا خدور امبشق ده فضل الحاج ومعظم الاسماء الماواضحه دى من اولاد الحباك

ود النو عودا حميدا وأجازة ممتعة بين الأهل والعشيرة
فى تقديرى الشخصى ما طرحته منطقيا والاسماء الحركية
قد تبدو معروفة لمجموعة أصدقاء أو شلة محدده فييما
بينهم , أنا يعد تعب عرفت جزء منهم من خلال الحوارات
والردود , وبينى وبينك فيها أسماء حلوة عجبتنى وما أظن
أصحابها يتنازلوا بسهولة منها ذى (خدورة أمشق ,نمل السكر
وغيرها.
مع تحياتى

شكر غريق شكرا ول نوية شكرا قمر الدين للمشاركة والتفسير بعض اسماء الاعضاء

محمد النو حامد ..
ياااااااااااه ..
طولا و زمن طويل مر ..
اكتر من عشرين سنة لم نلتق ..
تحياتي لك و لأسرتك ياخي ..
لك رسالة في الخاص ..

HUBBAKI طبعا دي اسماء بتكهربنا تحس من خلال الكتابة انو الشخص بعرفك لكن الاسم المستعار يصعب المهمة اتمنى ان تعرف نفسك واشكرك كتير ياحبيب

محمد النو حامد صالح منزل علي كحيف ..
ياخي في معرفة اكتر من كدا ؟
اما ( المستعار ) دي خليها شوية بالله !!!
ما قصدي التخفي و الله.. أبداً ..
لكن ( راقد للجماعة في العد ) ..
تعرف العد و لا نسيتو ؟
و بالمناسبة ؛ عيالك رجعوا من البلد و لا لسة ؟
تقبل تحياتي ..

ود النو صباح الخير.
حباكى دا بعرفك أبا عن جد.
الزول دا شكلو من جبرونا.
الزول كان معانا باسمه الحقيقى وكان نشط جدا.
هذا الحباكى شوهد فى منتديات أخرى فى كثرت نداءات أحباب منتدانا له بالعوده أو على الأقل لمعرفة سبب غيابه وان صح التعبير سبب انسلاخه.
عموما هو فضّل ان يمارس معك شخصيا أو الاحباب فى المنتدى هذا (المقلب) لكن بالنسبه لى أنا الأمر واضح وسأرسل له رساله فى الخاص .
تحياتى لك ولصاحب الاسم الحركى الذى أعرفه حق المعرفه.
عرفتو يا ود النو ولا أقول ليك

والله انا مسطح حاولت ان اخمن من هو الحباكى لكن قلبنى عموما هو عضو ظريف جدا ومداخلاته كلها ممتازه والظاهر انو يتمتع بثقافه عاليه وبلاشك يحب الحباك الى حد التخمه ورغم كل ده برضى ما عرفت الحباكى ده منو

يا عوض قريفتني عديل لمعرفته ولا انت عايز تبوظ اعصابي ( اصعابي )اتمنى ترسل لي اسمو ورقم تلفونة

يالحباكي باقي حاجة واحدة لوقلتها وعرفت كلمة باندي وجالسيوز وجالسيك العد خلي خلينا في الجلجاق كيف اخبار شالنجر ياخي دايرني ....0000الاصلة وله شنو

ياحباكي تعرف الكستور وامجيكو والكلو وكسور

يا غريق دا عايز نجتهد عشان نعرفو لكن واحد تاني اسمو حجر بليلة ربنا يستر من الاسماء المستعارة.
يا حباكي لم تكمل الاسم محمد النو حامد صالح منزل كحيف ......... .............. عشان اعرف انك جبروني صاح

طيب انت عرفت الرجل طالما سألتو من شالنجر لأن شالنجر قريب جدا منه.
عرفتو ولا أقول ليك يا ود النو

عوض السيد انت زاتك ما عارفو الحباكى ده من الحله البيضه ولا شنو ولا يكون ع00لالا لو ده البقصدو كان شمينا ريحتو فى الس

فى واحد مسجل جديد لنج اسمو الانصارى ده منو 00رحبوا به

وكمان فى اخت مسجله جديده لنج اسمها سلافه سمير رحبو بيها

عوض السيد بقصد حسبو لكن برضو إنت يا عوض مسطح

مرحب بكل الاعضاء الجدد
بس ياهلنا فكو لينا الشفرات والاسماء الحركية دي ...عشان نقدر نرحب ونتعامل مع (الحركات دي )
والله يكفينا شر الحركات
ودالنو حمدلله علي السلامة وماتطول الغيبة

الفاتح محمد التوم ..
أشكرك على ترحابك .. و عساك طيب انت و كل الأهل ؟

الأستاذ عوض السيد ؛ ابن أخي ابراهيم عوض السيد ..
تقبل تحياتي يا ابني ..

مولانا و ابننا زهير حسن السيد ..

يا ابني هنا مافي أي حركات .. مجرد دردشة مع الأهل و الشباب ..
في كنيات كتيرة هنا ..
دايرين كدا و لا نمرق نلف ؟؟؟

المهم في الأمر الآن : عساك طيب انت و كل أهلك ؟
لسة في كادقلي و لا جيت جاي شوية ؟

تقبل تحياتي و حار السلام ..

عليك الله يا HUBBAKI يا اخوي موافقين تقعد معانا باسمك الحركي
والله مافي مشكلة واختيارك للاسم الحركي له دلالات ودلالات
وكمان معاني وحبابك ملياااااااااااااااااااااارات

العم/حباكى.
لا أملك سوى أن أقول عمى لأنك خاطبتنى(ابن أخى ابراهيم عوض السيد).
*بالمناسبه زهير لا يقصد سوى الدردشه.
*زى ما قالت ليك الدكتوره خليك معانا بحركات أو بدون حركات.....نحن موافقين.
*أسألك سؤال ترد علىّ بصراحه وبدون(حركات)طبعا هنا حركات جايه من (حركى).
السؤال:------------


عارفك حترد




طبعا ما اتوقع انك حتخزلنى




لو حتخزلنى أحسن أخلى التلج ما مكسر





تخيل لى اتفقنا







انت منو؟؟؟؟؟!!!!!

كنت برائي بس ....ولكن يبدو لي أن أخي حباكي ...خارج السودان وربما بدولة عربية ...فقط من عبارة : عساك ....وأعتقد انو هو في طورنا ...أي أدنا !! ولكن الإسم الحركي : أبو عاشة نمل السكر ...يستحق جائزة عديل كده ...لأنو إسم ظريف وحلو ...زي سيدو ....محبتي

وكمان يا ابو عليا خدور امبشق اسم ظريف جدا وكذلك الحباكى والانصارى وهناك اسماء كثيره وجميله لكن الله يرضى عليكم منو فيكم العارف الحباكى بى مداخلتو الاخيره دى طفشنا كنا متخيلنو شاب وطلع لينا شايب