الزوغة شنو يا ناس الرد بصل

كل عام وأنتم بخير تامين لامين وربنا يحقق الأمنيات والأحلام...
يا ناس الزوغة شنو .. و لا البطن طمت من المواسير ..قلت أخير موية الزير اليوم اكان الهلال إنغلب في ناس مش بظهروا في المنتدى لكن بعضوا ويجلبوا في المنتدى مع تعطيش الجيم في يجلبوا... ولا شنو يا دكتور الجنيد ودكتور معتصم ويا أبراهومة.. زولنا ود نوية بنلقاه في الحلوة والمرة فارس ميدان.

كل عام وكورتنا انشاء الله بخير 000000000000000 ود قادم الدنيا قبايل عيد مادايرين ننزل معاك معاك الميدان طوالي 00000 نديك جانص كده لغاية ماتجي وقلت لي خارج الرياض نظام عيد وكده 000دا عيد ولا اجازة سنوية .00000وجوالك مازال( مسَكّر) بالرندوق بتاعكم طبعاً ماعارف من الشبكة كما زعمت ولا زغبير وكده 00000نتمني عودتك باسرع وقت عشان نكب معاك اي حاجة (رندوق؛؛؛؛؛؛؛؛؛ كورة 00000الخ)
تحيلاتي؛؛؛؛؛؛؛؛؛؛؛؛؛؛؛؛؛؛؛؛؛؛؛

كل عام وانتم بخير اهني الجميع بحلول عيد الفطر المبارك 000000000
ودقادم سلامات وشنو التقليات دي نلفوناتك الكتيييييييرة ديك كلها لايمكن الوصول اليها قالو لي معيد خارج الرياض وانشاء الله العمرة مقبولة ماتنسانا من الدعاء والحاجة قالت ليك رسل ليها ماء زمزم 000والاخ شايفاه ماقصر معاك
تقبل تحيات الجميع

ماقلنا ليكم الجماعة زايغين قنعوا من أي خير في فريقهم الذي زاغ من مباراة الأمل ومشى عسكر في دبي التي أتى طيشها بعد أن أصبح فريق الجيش الذي أقصاه طيش المجموعة وفي عطبرة عيونكم ما تشوف إل النور تأكدوا من حجمهم الطبيعي والآن عايزين ليهم زوغة من السوكرتا ... والهلال بقاتل في ثلاث جبهات الأفريقية ةالدوري المحلي والمنتخب وكمان أدخلوا ليه كاس السودان والفيك مشهودة يا معتصم جعفر عايز ترهق فريق الهلال باللعب المتواصل والإصابات والكروت عشان يفوز المريخ بالدوري والكاس بعد أن لحق بالخرطوم 3 والأمل وبقي الهلال يقاتل كالسيف وحيداً ... حمدالله على ظهورك يا دكتور ونتمنى ماتزوغ يوم السوكرتا إن غالب أو مغلوب.... والله لو شفت مباراة المريخ والميرغني كسلا لعرفت أن الكورة في أبوجبيهة أيام هاشم حسن والتاج راحات وأحمرو وإبراهيم عيسى وعبدالعظيم تنير وموسى مونج وعثمان الزيبق أرفع بألف مرة منها واسأل مريخاب أبوجبيهة عن ذلك مش ناس الهلال حتى لا تكون الشهادة مجروحة

وأيه رايك في طيش المجموعة الذي طير المريخ يعني المريخ تدحرج من وصيف لحمام ميت والله البسويها فيكم المال مسوته كريت في القرض لأن المنقرض المريخ بقى كل يوم يقول واي واي أجلو لي ...خلوني أمشي دبي ...أرفع معنوياتي شوي ... حتى لو بقيت طيش دبي ولو أنزل في لوكنده درجة عاشرة طرف الحي... بحق بطني أصلو الوالي فرتق خلاني

يظهر من طول هروبكم وزوغانكم مش من المنتدى ولكن من الرياضة .. ياحبيبنا الجيش عند نقطة واحدة زي حقتكم في دبي (أبونقطة موز أحلى من التشيكيتا وارد عطبرة) الجيش سقفه سبعة نقاط والهلال عندو تسعة..... يظهر كتر التلطيش ..خلا العقل مافيش
أحي من حركات الجيش الخلاكم الطيش

خدورة كيف حالك...وطوالى المريخ فى بالك؟؟؟؟؟...المهلال يقاتل فى ارعة جبهات...عادى أغلب اندية الممتاز تقاتل فى ثلاثة:القومى...الدورى والكأس وثلاثة منها خرجت من المنافسة الرابعة (الافربقية) من المرحلة السابقة...يعنى مافيش تميز.....
ياريت..ياريت تفكير معتصم يكون زى زى تفكير الهلالاب ويهدينا الكأس ان شاء فى مكاتب الاتحاد زى ما عمل مجدى وشداد.......للأسف معتصم جعفر مثالى وحقانى و(كاثوليكى) اكثر من البابا...والله امبارح فى قناة الشروق او النيل الأزرق لا أذكر بالتحديد سئل المذيع (بايحاء من كتاب الهلال بالتاكيد) دكتور معتصم عن حياديته فى قيادة الاتحاد وان الاعلام يشير الى انحيازه للمريخ..فرد الدكتور: بأن معتصم فرد فى مؤسسه قراراتها تخرج من اجتماعات باتفاق غالبية الاعضاء..حليلك يا معتصم وكان شفت شداد مع مجدى عملو شنو (للمهلهل الازرقانى)..
الهلال هو الهلال..بنفس العقلية المحلية والتفكير فى ان سقف طموحاته ضرب المريخ ولو تحت الحزام....والدليل ان الهلال اتيحت له فرصة نيل الكاس مرتين امام الاهلى المصرى والوداد المغربى: ماهى المحصلة: صفر وسقوط...المريخ قاريا اتيحت له فرصة اللعب على الكأس مرتين..نجح فى الاولى وسقط فى واحدة...ثم نجح فى حصد القاب اقليميا ثلاث مرات وعربيا مرة واحده...هذه انجازات لن ينكرها الا هلالابى او مكابر يرى الاشياء كلها زرقاء....
وحين قلنا ان الهلال الحالى غير مؤهل للابطال ..قالو حاسدين ...فسقط من الابطال للكونفدرالية..وقلنا فلتكن سقف طموحاته دور الاربعة..قالو لا الكاس مضمون...كيف يكون الكأس مضمون وتاريخك فى الفاينال مظلم ومعظم لاعبنك الحاليين محليين قليلى الخبرة باثتثناء القلة....فبع بتيجة الهلال مع المالى أصبح تأهل الهلال الى المربع الذهبى يخضع لحسابات بعد ان كان مؤكدا اذا اعتبر الهلال المباراوة مصيرية..ولكن غلاة الاهلة وضعو احسن لاعبيهم فى الرف اراحة للتيحة قبل تأكيد التأهل..فلا ارضا قطعوا ولا ظهرا ابقو...والتيحة ما ادراك ما التيحة فى تحسن مستمر:خسارة اول لقاء امام الهلال ثم ثلاثة انتصارات داوية..عكس الهلال تراجع مستمر:حيث انتصار قوى على التيحة ثم تدهور فى العروض الى درجة الخسارة امام المالى وشتان بين التقدم والتقهقر.....
ان الاقوياء يمرضون ولا يموتون...المريخ فى فترة نقاهة بعد موسم ملئ بالاصابات والوفيات ولكن كل من يرى بعين الحق والعدل يعلم ان اى لاعب فى المريخ احسن من أى لاعب فى الهلال.....والآن وضع الالمانى كروجر مبضعه فى مكان الدواء وان شاء الله تعود المعنويات التى نزلت الى الحضيض بوفاة ايداهور واصابة كل المهاجمين..حتى الجدد...وحينها تعود الى الارض السكينة ويذهب عنها اليباب

استحمل الطولة..ما قلنا ليك (الريد...صعيب)

بس كل الأقاليم يلعب منها لاعب واحد والهلال سبعة.... والهلال مبارياته تراكمت بسبب الخرمجة مش البرمجة التي يمارسها إتحاد المريخ إتحاد الحكومة وأنا بسألك وين إنت لمن الهلال غلبك 2 صفر ووين إنت لمن الجيش غلبك ووين إنت لمن تعادلت مع جزيرة الفيل ووين إنت لمن ضربكم أمل عطبرة... ووين إنت لمن تذيل المريخ بطولة دبي وهي الزوغة من أمل عطبرة

ولكن يا دكتور الجنيد الآن الاتحاد أمام مشكلة حي العرب والهلال بعد يومين حيوريهم كيف البرمجة وبكرة الاتحاد حيغير رأيه ويتراجع من قرار تقديم مباراة حي العرب والتي أصلها أجلت من قبل من أجل عيون المريخ والآتحاد الأفريقي راجيكم بالعقوبات لما بدر من الكفوة في النيجر

خدورة آخوى..قول بسم الله المريخ ليس طرفا فى تقديم مباراة حى العرب بل احتج المدرب على التقديم لأنه قال برمج تدريباته على يوم 28...الهلال يورى الاتحاد وليس المريخ..والاتحاد الطريفى ومجدى..قبل معتصم وهم الاقوى وهم الخبرة فى الفبركات..معتصم مثالى...يضر المريخ أكثر من ينفعه ليثبت للهلال انه محايد..عكس الاتنين ديلاك ..خاتنها قرض وواقفين مع الهلال حتى قبل معتصم يجى الاتحاد.
( بس كل الأقاليم يلعب منها لاعب واحد والهلال سبعة)...وكم من المريخ ؟ سبعة يا خدورة.....كل الدفاع وقلق والعجب والسعودى والشغيل...وفى ال 11 اقلهم خمسة..ومن الهلال خمسة والحداشراوى من الاقاليم.....

عدد اللعيبة داخل الملعب كم وهل المريخ مشارك في الأفريقية أم أن مبارياته مبرمجة تباعاً كما مباريت الهلال أول ثلاثة منها في ستة أيام والمريخ هرب من مباراة أمل عطبرة وباقي ليها أسبوع الهلال يلعب يوم 24 سبتمبر ويوم 27 سبتمبر ويوم 30 سبتمبر ويوم 3 اكتوبرضد الاتحاد الليبي في المباراة الأخيرة لعب من الهلال ستة ومن المريخ أربعة هم سفاري وقلق والعجب وبلة فقط المريخ ما عنده سودانيين عنده سبعة أجانب واللعب ضايع

يكفى الاتحاد انحيازا ان المريخ ليه اربعة مباريات حايم فى الولايات والسيد الهلال ليه خمس مباريات على التوالى داخل الخرطوم.....ولسع الدورى فى الملعب والعبرة بالخواتيم....الكونفدرالية عارفنكم ما قدرها والدورى والكأس حقاتنا...أصلو شكلكم من مباراتين بقول انه عدكم التنازلى بدأ.....قلنا فورموست قلتو لا....

خايفك تزوغ من المنتدى لمن سادومبا يدق الزمبة