طلاق الحركة بالتلاتة اقترب.............

جنوب السودان غير مؤهل لأن يكون دوله لا جغرافيا ولا من ناحية كادر بشرى.
حقيقه سئمنا من تصريحاتهم التى وصلت الى السخف.....فليذهبوا غير مأسوف عليهم

مشكور ول قادم
وحقيقة ملّينا تصريحات باقان ورفاقه ...وبعد يناير سيندمون ويكتشفون ان اسرائيل وامريكا تريدان مصلحتهما وليست مصلحة المواطن الجنوبي
*بس نتمني كما اسلفت توحيد الصف ؛ومواجهة المخاطر الوارد حدوثها بعد يناير

يامحمد قادم كنت انسان رقيق طيب المعشر وسيم خلوق مهذب اجتماعي جدا ....وكنت شايل هموم الغير في عاتقك ؛وكنت احد الرفقاءفي جامعة السودان الذين يمتلكون الحضور في كل شئ لبق في الحديث ومن الذين يشهد لهم بالبنان في اليراع ؛وكنت لاتفرق بين هذا وذاك لكن اليوم تمردت علينا (ابنا الحركة)او النوبة كمايقول أهلك المسيرية والحوازمة تمرد الكيزان علي الحركة ورغم اعتقادي تماما بأنك لاتنتمي لأي حزب سياسي ؛لكن ما حدث منك لا يصدقه احد كنت قاسياً علينا بكتاباتك اللازعة وفيها سخرية والاستهتار والاحتقار بنا ؛وانا متابع كل كتاباتك في هذا المنتدي "القبلي " كنت تسئ لناوتسخرمننا وكل تركيزك علي الحركة الشعبية وسيئاتهاوالويل الذي يتنظرها حيال الانفصال والمصاعب التي تواجهنا والمناحرات القبلية التي ستحدث ؛وقلت لا شئ لنا بذلك (يعني انشاء الله تموتوا كلكم مالنا بكم)؛نحنا امة مثقفة ولنا كيانا ونمتلك وزراء علي مستوي الدولة ومشاركين في الحكم وقادرين ندير دولتان دعك عن دولة واحدة؛؛ألم يكن للكيزان اكترمن تلك التي رميتنا بها؟ومايغيظ أكتر قمة استهتارك بنا تشبهنا بمره تهدد راجلها بالطلاق!! وذكرت في مداخلة بأنكم قبائل لها وزنها الاجتماعي يعني نحنا اولاد عمد وقبائل اصيلة كيف نتبع للحركة الشعبية؟,;`;وكذلك عندي نسخةمن صحيفة القوات المسلحة منذ ان كنت تقضي الخدمة الوطنيةفي وزراة الدفاع قسم التوجيه المعنوي قد سبيتنا فيها وسخرت مننا ايما سخرية مع المعرّص الصوارمي بقيت كمان تشتمنا مع الكيزان واقول ليك كلمة نحنا البتستهر بيهم ديل حنحكمكم ونزلكم وحندوسكم بمداسنا وتأكد تمام ان جنوب كردفان ستنضم للجنوب وتكونو تحت ادارتنا
دا ايميلي man201040@windowslive.com

هذا (الرد الاخير) لا يليق بالمنتدى

انا داير اعرف jhon دا جنوبى ولا حركة شعبية لانو الانفصال خاص بالجنوبيين .ومافى داعى للاساءة دا منتدى محترم .

المحترم جون انت سجلت فى المنتدى اليوم ودى اولى مساهاتك لكن ماتوفقت فى اختيار الاسلوب وحقيقة لقد جانب حديثك الصواب تماما ’ فى بداية حديثك مدحت الحاج محمد نويه وبانه كان وكان الا انك اتيت بالفاظ لم نعهدها فى هذا المنتدى.

يجب ان تعلم ان هذا المنتدى ليس قبلى بل هو منتدى ناس ابوجبيهة بكل الوان طيفهم السياسى والقبلى وهو بمثابة بيت كبير ومعلوم ان الاخوه فى البيت لديهم خلافات دينيه وسياسية و يؤثر ذلك فى تعايشهم .

السياسة الخبيثة فى هذا المنتدى ليست من اولوياتنا والقبلية النتنة ليست ديدننا ويكفى انك ستجد فى هذا المنتدى كل ابوجبيهة وغير منجرين تحت اى حزب ضعيف كان اوقوى اوحتى مسكين والكل يعلم اين يمارس نشاطه السياسى ,

نهتم باجتماعياتنا ومسائلنا التربويه والخدمية للمنطقة وتاريخنا وندردش فى السياسة والرياضة بكل احترام و نفجر فى الخصام ولا نسيئ لبعضنا البعض .

الوقائع التى نثيرها سياسيا هى من قراءتنا للواقع نقلا واطلاعا ولكل رأيه وهو حر فيه يكتيه فى المنتدى او الصحف دون الاساءة لشخص .

انت مخطئ يا صديقى المحترم اذا قلت ان جنوب كردفان ستنضم للجنوب لان الجنوب حتى الان لم يتم فصله والمشورة الشعبية الخاصة بجنوب كردفان ربما لم يكن لديك علم كامل بتفاصيلها وكيفيتها وكيف تنفذ اضافة الى انه ماذا فعلت الحركة لشعب جنوب كردفان ما مصيرهم وليس حديث تلفون كوكو عنك ببعيد وما جرى له لمجرد مطالب .

حكمك لجنوب كردفان ودوسك بالجزمة وازلالك للحاج ول نوية ايضا كانك تتخيلع خيال وللشخص ان يتخيل كما يحلو له ويكون لعلمك ان ابناء المسيرسة بالحركة والقبائل الاخرى يفوق عدد النوبةوهم الان قيادات وعساكر ومدنيين وكدة امشى اتأكد منهم فى حدود 56 .

ويكفى ان راس الحركة فى جبال النوبه
والذى يمسك بزمام الامر والذى صبر حتى وصل حركة الجبال لهذا الحد والذى يعتبر ناس جبال النوبة سواء ليس نوباوى واولاد النوبة جو زمان ووقعوا الاتفاقيات ورطبو .

فى الاخير نحن فى هذا المنتدى نتواصل مع بعض كحباكيين فقط غير الا نشوف اخبار بعض ونتفاكر مع بعض ونتونس ونضحك والكل يحترم ويوقر الاخر ومعنا سياسين فى كل المستويات لم ياتو بكلام غير مضبوط ولا يلتفتوا لما يثيرالكراهية ولايركزوا عليه وذك كلو من اجل ابوجبيهة .

وختاما فان اختلاف الراى لايفسد للود قضية

ولك وافر الشكر والتقدير

جون وما أدراك ما جون!!!!!
يمكننى تلخيصه فى هذه النقاط:----------
*هذا رجل يفتقر للمنطق.
*محمد نويه زيّو زى أىّ سودانى يتكلم فى السياسه ولا أرى داعى فى نعته بهذا الأسلوب الغير لائق.
*أقولها لك صريحه ورأىّ من رأى الكثيرين من الشعب السودانى أنّ الحركه الشعبيه غير مؤهله لقيادة مقاطعه ناهيك عن دوله بحالها اذا منطقها يستمد من مثل هذا المنطق الذى أتيت به.
*وأخيرا أرجو أن تحترم نفسك وتعرف اننا ما عندنا (ما عندنا معرّصين)هنا (كلنا رجال).
*هذا ليس مكانك وتأكد ان لم تتخذ الاداره أمرا فى شأنك سنترك لك المكان وما عليك الا أن تأتى بالذين يشبهون أسلوبك.

نعم ياجون لقد تعاملت بأصولك تماماً تناسيت كل العُشرة الكانت بيننا والزمالة الجمعتنا؛حتي السلام بخل عليك ليّ ؛فلا يعني لي سلامك شئ لكن أصول الأخوة والزمالة بتقول كده
هذا المنتدي له قوانين وآداب نحترمها ونقتدي بها ...عليه لن أبادلك بهذا الكلام الغير منطقي منك
*ستجد رديّ الشافي عبر بريدك الالكتروني

هذه تحكى عن جهل هذا الجون 0000هو لو راجل وبدوس الناس بجزمتو وبيحكم الناس رغم انفهم ما يسجل باسمه ونعرفو هو منو عشان نرد ليه الرد اللائق وانا متاكد جون ده واحد من بتاعين الحركه الجو لقوها بارده الجابتهم الاتفاقيه 000ووينك يا جون من زمان ايام الكوماج ما كان تظهر عشان نوريك الحكم كيف وما عندنا ماتع اسع اظهر وافصح عن اسمك الحقيقى ونشوفك قدر كلامك ده ولا ماقدرو 000وبعدين كده الاتفاقيه دى الدلعتكم دى ارفعوها شهر واحد ونشوف ناس جون ديل بيتبخروا ولا بيبقو مويه والله لو بقيتو مويه نبقى ليكم سد

سلم قلمك يا عثمان .. وول نوية أطهر وأنقى من أن يكتب فية هذا الجون وسيعرف بعدين الصوارمي والصوارم .. ونحن منتظرنه في الجبال الشرقية عشان يعرف كيف يقاتل أبناء الشمال عندما تكون الحرب على الأرض .. ولا نامت أعين الجبناء..

أين أنت يا جون .. لماذا زغته !!!!

لا أشك فى دخوله متخفيّا.
دعوهو وشأنه طالما هو جبان لهذه الدرجه.
وزى ما قال فارس العرب (صدّام حسين)
*** هيك المرجله يا جون ***

والله يااستاذى عوض السيد جون دا ماعنده الا خيار واحد يتبخر بس لانو كان بقى مويه برضو ما بحله والزول زعلنا بالحيل وبالطريقة دى حجاز ساى ما بلقاه اخير يجى يعتذر كان هو من الحباك او جنوب كردفان وكان جنوبى بعافيته .

تشكر يا ابو هريره يا حبيب.
نحن عبّرنا بما أملته علينا ضمائرنا.
كان جاء واعتذر والله حبابو 10 وكان داير يحقد أخير ليهو يمشى بعدلو

شكرا ليكم كلكم اولاد الحباك 00جون ده انا بالنسبه لى هو منو انا عارفو وعارفو اجبن من ان يقدم على مواجهه مثل هذه اعنى يمكن ان يظهر بهذه الصوره ويختفى وفى زول فيكم سمع بواحد من اولاد النوبه اسمو جون 000ول نويه كده خش على الخاص

يا غريق ول نويه خلاص غادر أمس السبت للحج وسوف يتواصل معنا بعد العيد.
ربنا يتقبل منهم جميعا

ربنا يتقبل منه الحج ويجعله حجا مبرورا

هناك الكثير من ابناء ابوجبيهة سوف يظهر الكثير من هذه النوعية التي تستعير الاسماء حتى يتمكن من تفريغ شحنته السالبة في المنتدى ولكن اناشد جون وهو من ابناء ابوجبيهة ان يمتلك الشجاعه ويظهر اسمه ويكتب كما يشاء نحن كتبنا ولم نجد احد في المنتدى يمنعنا من الكتابة كتبنا اراء صحيحة وغير صحيحة لم نجد لا التصحيح والمحاورة في المنتدى ولكن هذه ظاهرة سالبة لم تحقق الهدف المنشود من المنتدى.

أحييك يا ود النو ولو تسمع كلامى دع هذا الجون وشأنه لأن شوكته انكسرت

كل عام وانتم بخير
بداية بعتذر أشد إعتذار للجميع من أول متداخل الي آخر متداخل ...وأحب أمطأنكم علي إنو البينا مع ود قادم بقت صافية لبن وقلنا للشيطان طلقان (طلاق تلاتة)زي ماقال الراجل ....أصلو طيّب ومتسامح
واعرفكم بنفسي انا جون موسي دينق؛من أب دينكاوي وام نوباوية (كواليب)وجدتي لوالدي مسيراوية ؛يعني احمل ثلاث جينات(نيلية؛نوبية؛عربية) عشان كده مع ول قادم اولاد عمومة وزميل دراسة للاخ محمد كلية التجارة جامعة السودان (تخصص محاسبة)؛المنشأ والمولد ابيي ثم انتقلت الي ولاية النيل الابيض حيث عمل الوالد؛والان استقربي الحال في الخرطوم
بعدين كمان اعرفكم علي لوني الرياضي بحب الاحمر ابونجمة ...بس ياحبه ود قادم ورينا المحليين من الصفوة ؟ عشان نخش معاكم الميدان طوالي ... شايف الاخوة فاتحين نيران من كل الاتجاهات في المنتدي الرياضي
بالله يامحمد كيف اخبار د/مجذوب الرجل الراقي الفاهم أرتحته له من أول وهلة ؛واخر مرة شفته فيها سنة2005 لمن فتنا له في عزاء زوجته لها الرحمة ..واتذكر في تلك المناسبة اظرف موقف حصل من شخصك ؛كنا نازلين Testبتاع قانون شركات مع د كتور ابوذر الغفاري ؛اها انت قمت استخدمت خبرتك وجبت جيش كده من الفرد علي قدر العددية المسافرة الي رفاعة ؛وقعدته سريّه بره عشان يكتبو ليهم الامتحان ويمدوهم ليهم بخره ؛اها قلت لينا بس انت ياحبه ح تجيب لينا الهوي ؛قلت ليك كيف؟ قلت لي لو المعلم دا جا كشّف علي الاسم وعاين الصورة ح تودينا في 60 الف داهية (لانو كنت الجنوبي الوحيد في القاعة) حينها كلنا فقعنا ضاحكين رغم الألم الفينا حينها ...
قبل فترة كده ياود قادم في جامعة السودان كنت في مناقشة رسالة الماجستير لقاني ليك استاذ عبدالرحيم سفيان طوالي قال لي ياجون وين الفرده قادم ؟قلت ليهو الشئ العارفو عنو إنو قطع البحر الاحمربي قادي؛ قال لي قول ليهو الفيك اتعرفت ياود قادم شربت علمنا ونسيتنا
ونعتذر علي الاستطالة بس كانت ايام حلوة وعُشرة أيام لن ننساها
تحياتي

مرحب بيك فى المنتدى وانحن دائما شعارا التسامح اتمنا ان تكون عضو فعال فى المنتدى

قال (ص)
وخيرهم الذى يبدأ بالسلام.
أحييك أخى جون على هذه اللفته البارعه التى لا شك انها تؤكد حجم علاقتك بالأخ محمد قادم.
نحن من جانبنا نرحب بك وباعتذارك وحبابك ملايين والبيت بيتك.

شكراً جون علي هذا التسامح الجميل ...ويكفي ماقلناه سابقاً ...أتمني أن أراك عضواً نشطاً فعّالاً في منتدي الحُباك
بعدين ياحبه ذاكرتك ماشاء الله عليها مازالت حاضرة الكلام القلتو دا (نصو) بخرتو ماعارف كبرنا ولا دي الغربة...؟ ؛وأطمأنك دكتور مجذوب في أتم الصحة وقبل فترة قال لي وين صحبك الجنوبي جون قلت ليهو تمام ...برسل ليك تلفونو ...بالله استاذ عبد الرحيم سفيان قاعد لسه في الجامعة الاستاذ المرح الحبوب مره كده لقاني ممزاحاً ليّ قال لي ياود قادم ادفع حق البنزين عشان نمررك في الامتحان قلت ليهو ولو مااديتك ؟قال ح أعملك نقيب او ملازم اول باللغة المتعارفين عليها ايام الجامعة ...ربنا يديه الصحة والعافية