&&&سؤال محير 3&&

عند الاختيار لزواج
اهم المظهر ام الجوهر ؟
ولا اهم الجوهر ام المظهر؟

ما اصلو ادم كان بريدها
مسكين يطاوع فى حلاتها
يبرا فى حواء وحلاتها
لما فات الجنه زاتها

النقاش مفتوح
بين حواء وادم
واتفقنا ان الاختلاف فى الاراء لا .....
اها قولو بسم الله

ان ما بتتدخل الا بعد ما يخلّصو الساده العزابه

وليه تجاوبوا بعدنا بس؟ ولو الواحد محمود الخطيب برضو تقولوا ليهو كده

تسلم يا ود عمتى
والظاهر صباح كادوقلى
ما عادى
خلاك تصرح
وعايز الاتنين مع بعض فى
صحن واحد
ربنا يديك البتستاهلك
يا عزيزى
وتكون مكمله والكمال لله
ما تكون
(والله عروس فلان يعنى ظريفه)
وهنا معناها المظهر
ما تمام
بالله شوف ليك بهول

تسلم يا حاج
ود نويه
وكلامك سمح خلاص
ونفس صحن اخوى زهير ربنا يديك ليه
يا رب

أتمني أن نتمتع جميعنا بحسن الجوهر والمظهر

الليييييييييله
يا اخوانا
اساتذتنا ماذا يقولون؟؟؟؟
والان الكره فى ملعب
اخونا عوض السيد
وهو يحاور ويشوووووووت
شوته قويه تصل الى
مرمى
عزيزنا الفاتح
والكره ما ذالت مع الحاج
الفاتح ومنتظرين شوتك يا حاج
(والله منتظرين)

يا سهاد ..

قلت السؤالين الاولانيات صعبات لكن سؤالك التالة دا اصعب كده خلي نفكر و نجيك راجع هههههه..اسائله بتاعت امتحان شهاده سودانيه بس ..

ضحكتنى يا ود عشمان يا اخوى
انت شكلك
قاعد تلم فى البخرات ساى
من الجماعه
والله لقيتك
شاطر شطاره
لكن منتظرينك
ركز مع البخرات
وجاوب
بهمنا رايك
ربنا يسهل عليك
كل صعب
بس قول يا لطيف

الغاليه سهاد
انا كمان مع ابو ابراهيم وحاج الفاتح
لامن يتدخل ابوابراهيم وبعده يتدخل حاج الفاتح وبعده بتدخل انا
خالص احترامي ودمتي

حبيبتى الحلوه
الصبوحه
سميناها رضينا
ما بنختلف
___
اها يا اساتذتنا
منتظرينكم
ومنكم نتستفيد

و أنا كمان.....مع ابو ابراهيم..وحاج الفاتح...وصبوحه...والله ذكرتونى نكتة السمكرجيه...

دكتور الجنيد سلامات وين الزمن بيك؟ أرجو أن تكون بخير وعافيه

اخونا الدكتور منور
علا الكلام ده كيفنو
انت (بردو)
بتنجد عناقريب وسراير
اها يا ود نويه يا اخوى
كترو الحبال ساى

دولة اخيتى عفيت منك تب
دايره كله تمام التمام
وليه لا يا ستى
حواء والده
وربنا يديك
البيستاهلك
ويكون مهندم
ومجوهر
ولا ما كده
تسلمى على المرور

الظاهر يا زهير يا اخوى
جماعتك ديل
فازو بكلو
عقبالكم انتم كمان يا رب
تفوزو
بكلو
علا برضو منتظرينهم
والكره ما زالت
فى ملعب اخينا الحاج الفاتح
ويباسيها الى اخونا
الدكتور الجنيد
واخيتى الصبوحه
بتشجع
نشوف
البيجيب القون منو

أها أنا جيت يا العزابه (وقريت) طمع ول نويه وزهير ودوله.
*سهاد أولا قبل أن أشارك لابد لى أن أحييكى وأشيد باسهماتك ومشاركاتك النيّره التى لا شك أنها أثرت أساليب النقاش والمعرفه ودا طبعا واحد من فوائد المنتديات.
بخصوص موضوع النقاش أنا فى رأىّ الجوهر هو الأهم (الجوهر بالنسبه لى أنا شخصيا يعنى جمال الروح_ صفاء السريره- طيبة القلب-التواضع- احترام الاخرين.
*تخيلو شخصيه تجتمع فيها كل هذه الصفات اذن هى شخصيه ذات معدن لا يصدأ.
*فى رأىّ الجوهر هو الأهم لأن اجتماع الاثنين أى الزوجين يعنى بداية حياة لهما تحت سقف واحد وهذه الحية الجديده تحتاج مقومات لأستمرارها والجمال أى المظهر وحده بأى حال من الأحوال لا يمثل هذه المقومات وعلى سبيل المثال يمكن للمرأه أن تكون جميله ولكنها ذات طبع نارى(عنيده--- حمقاء--- مغروره--- أنانيه--- كسوله--- لا تحترم الاخرين---بتاعة مشاكل(100حاجه شينه فيها) )فى هذه الحاله لا شك أن الحياة معها ستكون جحيم لا يطاق بعكس التى أختيرت لجوهرها.
* بعدين بينى وبينكم الواحد ممكن يكون حريف ويجيب ليهو واحده ذات مظهر وجوهر وكلنا نعلم أن ما يعجبك قد لا يعجب غيرك.
تخريمه:-------------------
يا ول نويه كان داير تعرف البت سمحه ولا ما سمحه خليها تنوم وشوفها بعد تصحى.
وكان داير تعرف جوهر البت ركّز فى أهلها.
ويا سهاد نطالب بسهولة السؤال القادم والا (سنحرد)

اليوم الخميس ...وقلت كده اليوم أديها كدراوية وكده ...وفي الطريق لمحت لي بنت ...وطبعاً شئ غريب ..خاصة في السعودية ...الواحد لما يشوف واحده ماشه كل أسلاك كمبيوتروا بتتلخبط ...: وعلى طول قلت وفي سري طبعاً :
لما شفتك قلبي إنشرح...وغلبني الكلااام
وحتي ما قدرت أقول سلااام.
قلتي يا جماعة دي ما بداية قصيدة ...حسه أنا لو شاعر ما كنت كملت هذه القصيدة ...المهم الحب قد يصادف الإنسان ...وحينما يرن جرس الحب تبدأ مرحلة عدم القدرة على السيطرة والتمييز ...ويبدأ الإنسان بالتفكير والإنشغال...وبعدها تبدأ الموازنة ...والحب في بداياته لا يميز أبداً ..ويري القبيح كالقمر ... وبعد أن يتوطد الحب يبدأ التأني والتفكير ...والموازنة والمفاضلة ...وأنا أرجح كفة : الجوهر ثم المظهر شئ أساسي ومكمل للجوهر ....وصدقوني الهب ...شئ عظيم عظيم ...وفيه الواحد بيكون مبسوط شديد وعايش في جو تاني ...ولا مو هيك .... محبتي

تسلم يا اخوى الاستاذ
الحاج الفاتح
وحقيقى انا ما قدر الكلام ده كله
انا بيكم ولكم
ربنا يديك العافيه
وعندما اقول الاستاذ
اقصد الكلمه بكل
ماتعنى
نعم انت استاذنا
واستفدنا منك الكثير
وربنا يديك العافيه يا رب
______
اها يا اخوانا الحاج ما قصر معانا
قسم لينا المسأله
اولا الانطباع الاول
وده مهم جدا
وثانيا البحث عن الجوهر
وثالثا
الفوز بالحسنيين
وهو المطلوب اثباته

جزاءك الله منا الف خير

اخونا الاساذ
عوض السيد
والله الجماعه ديل
منتظرينكم
بفارق الصبر
وود نويه ده ربنا يديه العافيه
الظاهر كده
راقد لو فوق راى .....
تسلم يا حريف
وربنا يسعدك كمان وكمان
ويخلى ليك المدام
وهى دى الحرفنه
وبتمنى السعاده لجميع

لما شفتك قلبى انشرح وقلبنى الكلاد
ولد ده
(حقوق الامتلاك محفوظه)

سلامات يا عتمان يا اخوى
والله
اخونا الدكتور الجنيد ما براه شاعر
اتارى فى شعراء كتار هنا
بس مدفونين
والله ضحكتنى
ربنا يديك العافيه
وهيك يا اخوى
الحب وما ادراك ما الحب
حقيقى الحب المتبادل بين
الطرفين
والصدق
فى المشاعر
مهم جدا لنجاح الاختيار
والجماعه بيقولو
والله الحب اعمى
يعنى
تقع وما تسمى
منور والله

تسلم يا حاج ود نويه يا اخوى
وكده يعنى لو فى زول قال المظهر اكلها
لازم يعيد حساباته
وربنا يسعدنا جميعا
ويوفقنا فى كل اختياراتنا
فى الحياة
مهما كانت
ولكم منى الاحترام والشكر

تسلم يازهير يااخوى
شفت جماعتك
انتظروكم
لما طلعتو المستخبى
ونزلو
بتقلهم
يديكم العافيه

والله يا ود نويه يا اخوى
جنس برد هو
ربنا يحفظنا
شىء موت
وشىء شلل
وشىء كسير
علا اخيتك
شديده
وقلنا ليه حبابك عشره
وقمنا باللازم
ربنا يهون
دعواتكم معانا
والف حمد الله على سلامة
اخونا الحاج جنابو
وقول ليه منظرين موية زمزم
تسلم على السؤال

تسلمي يا أخت ..وبعدا منتظرين السؤال رقم "تلاتة"

يديك العافيه
اخوى الحاج ود نويه
وتقصد سعال رقم اربعه
والله كنت منتظره اخوى
الافكاتو ده
يجاوب على اسعليت
اخونا الاستاذ دى علا
رافع القزاز
خلاص انا
بنزل سعوالى
واستعد للاجابه

ود نويه يا اخوى
السعال رقم اربعه
فى انتظارك
يلا
ابدا
وقول يا لطيف

والله ياسهاد ياخيتى انا كنت فاكر العذابة يقولوا عاوزين الجوهر والمتزجين يقولوا المظهر لانهم اكيد وجدوا المظهر والجهر وتانى مفكرين فى المظهر فقط لكن الحمدلله اتفقوا مظهرا وجوهرا وانا معاهم .
لك شكرى وتقديرى