و الرجال اربعة

رجل يدري و يدري انه يدري فذلك عالم فاعرفوه
و رجل يدري و لا يدري انه يدري فذاك غافل فايقظوه
و رجل لا يدري و يدري انه لا يدري فذلك جاهل فعلموه
و رجل لا يدري و لا يدري انه لا يدري فذلك احمق فاجتنبوه

بعد دا باقى ليك الشفع ولا شنو يا سهاد

يا السيد المحامي لو ما خايف من الجماعه لقلت ليك البنيات اربعة لكن احسن نقيف هنا

الاخ ود عشمان مشكور كتير
وضحكتني بقولت البنيات اربعة دي انا قايتوا عارفة ثلاثة الا الرابعة
دي ما عاااااااارفاها
تسلم

الاخت صباح حسن
كل التحايا و الاحترام

يا زوله انتي قولي التلاته و انا بتم الرابعه و لا همك ..

شكرا علي المرور
لك التقدير

والله لكن ايا اخوى الافكاتو زولك ده
جاب لينا اربعه رجال كمان
الله يستر من الشفع
صبوحه الصبوحه
الرابعه دى بوريكى انا ليها
بعد ما تجهزى لينا الخروف
وكده
ود عشمان
الله يستر من الاربعه ضرات

البت الاصيله سهاد

ضحكتني والله بالاربعة ضرات دي .. يا زوله و لا همك الاخ محمد توم وصاني و انا بسمع وصايتو و بقيف هنا ... ما عازوين اي مشاكل

لك التقدير و الاحترام علي المرور

العزيز ود عشمان والغالية سهاد
انشاء الله تسلموا يارب
يا اخوانا ما قلنا الخروووووووووووف دا كان كلام ساكت
هظار عوووووووووووووووووك هظار

صبوحه الصبوحه
خلاص يا ستى
ديك
ولا انشاءالله ديك رومى
(بس يكون حلال ما بتاع الكرسماس)
تحياتى

يا صباح حسن

ما تتجرسي انتي القال ليك اعزمينا منو .. ما معانا اي هظار .. جاينك يعني جاينك و العدد الان بقي 7 شيلي شيلتك ما تنسي جيبي شوال سكر الدنيا ما معروفه ممكن نقعد معاكم اسبوعيين .. ما قلنا خروفين بس شوال سكر و خروف واحد ..

لك الشكر و التقدير

شوفي يا سهاد صباح براها قالت خروف انتي تقول لينا ديك .. ديك شنو الديك دا بالنسبة للاخ محمد شفا يعتبر تصبيره و نحن الان عددنا بقي سبعه .. عليك الله ما تخربتي لينا الحاجات الزوله التزمت و نحن علي العهد ..

لك التقدير

الاخ العزيز الفاتح محمد التوم

لك التحية .. علي قولك الزولات ديل لو مشن من المنتدي دا .. تتلفت يمين تلقي ابوهريره تتلفت شمال تلقي الاخ محمد نوية ها تلقي الدنيا تبقي مسيخ خلاص .. احسن نسكت و بعد دا بدل الرجال اربعة نقول الرجال تمانية ..
شكرا يا اخي علي الداعبه و الونسه اللطيفه

لك التقدير