مرحب اخى فتاح جعفر

رحبوا معى اخوتى بأبن عمى العزيز من لاهاى -هولندا بالعزيز فتاح جعفر عثمان بشارة.

اليوم انا اكثر سعادة يا فتاح بأنضمامك لنا فى هذا المنتدى و على طول تزكرت تلك الايام و كل الاصدقاء من الحباك.

المرحوم صلاح النور عليه الرحمه و هاشم ابوزلازل و الحركة التجارية بين اعالى النيل و ابوجبيهه ( يا حليل ملكال و كاكا )

مرحبتين اخى فتاح

تحياتى للاولاد

يااااا مراحب اهلا وسهلا بي ناس هولندا
حبابك الف الاخ فتاح جعفر
منوررررر

أهلا بعبد الفتاح .. هكذا وعدتنا سهاد .. سبقني فيصل بالترحيب وكنت أمني النفس أن تكون فتاح جعفر عثمان

سلام ليكم يا حلوين

حبابك عشره بلا كشره
هو خاتت خات خوت؟
اشتو بليف
الشاى الما خمج
بتاع اخيتنا الدكتوره
ولقيمات الصبوحه وناهد
ويا دولة وبقيت الاخوات
جهزو الحوش
بطلت الغالى عمى
والمنتدى زاد نوره
بطلتك (يا توحه)زى ما بتقول
حبوبه
بخيته
ربنا يديها العافيه والصحه التامه
و
منتظرين ابداعاتك

وشفت يا استاذنا ازهرى
انا عند وعدى
وعفبال البقية ابو رزقه والحاج
عشان تعيدو الزكريات الجميله
يديك العافيه وتجمعنا دايما

الف مرحب ...ومرحب بفتاح عثمان بشارة ...مرحب بيك بين أهلك وأخوانك وأخواتك ...مرحب بيك في منتدي أبوجبيهة الجامع ... إنضمامك لنا فخر لا يضاهي فخر ...ونحن سعداء بأن نتعرف عليك ولأول مره ...مرحب بيك كتير أخي عبدالفتاح .... معزتي

والله يا ابوعلياء الله يعينك على الزهايمر دا.للمره التانيه تأكد التحاليل اصابتك بالخرف المبكر,

تابعتك اولا تسال الاخ قمرالدين الصديق اين يسكن و من اى جيل و الآن تحب ان تتعرف على فتاح جعفر عثمان بشارة.

فى كثير من الاوقات يصيبنى اليأس عندما اقرأ لك بعض الزكريات فى بوابات المنتدى و اقول لنفسى جاويش مازال

شابا و احزن كثيرا عندما تأكد لى غير ذلك.

هل تعلم يا جاويش هو عم الاخت سهاد عبدالغفار وعلى عبدالغفار و عمنا جعفر من الناس العريقين جدا فى ابوجبيهه

بدليل انه كان يملك منزلنا قبل الوالد.

قلت لى شنو يا ابوعلياء. معليش خيرها فى غيرها.

لك التحيه و الحب

تحياتى لعوض جاويش

الله امان ما الدنيا دى صغيره بشكل ح يتلم الشلم الله

الحمدالله ابو البنات العزيز الحنون ح يكون معانا مرحب بيك كتييير خالى عبدالفاتح جعفر عثمان بشاره

شكرا فيصل وشكرا ازهرى وشكرا الحبيبه سهاد
نورتا المنتدى يا خال وسلامى كتير لفاطمه والبنات

والله يا فيصل الواحد بقي ما بجمع صاح ...وكدا ذكرني ..لأني والله نسيت ...ووصف لي البيت بس وبعد داك أنا ممكن اتذكر كل الأسرة كمان ...ولك محبتي أيها الصفي النقي ...

أبو علياء عينك في العمدة وتسأل فيصل

عمنا جعفر عثمان بشارة إبن عم الدبابة محمد على بشارة سكن أبوجبيهة ورحل منها تحديدا عام 1958 م وكانوا جيراننا منزل العم خليل حتيلة الذي أشتراه من العم جعفر .. وكان أيضا مدرسة البنات الإبتدائية قبل أن يسكن فيه عم خليل وبناء المدرسة وكانت أول ناظرة للمدرسة هي الأستاذ عائشة مكي من الأبيض ..
كان العم جعفر يتاجر في المنطقة حتى كاكا وهو متزوج من خالتنا الحاجة بخيتة بت على وهى شقيقة أخونا العزيز محمود علي أو محمود الجمل .. كما يحلو لأهل أبوجبيهة التسمية وكانت متزوج من خالتنا غنية وله منها أختنا الكريمة السيدة الفضلي آمنة جعفر زوجة أخونا الهادي البشوش الإنسان الراقي عبيد والد أختنا الراقية زي أبوها ناهد عبيد وعمنا جعفر يبقى جدها وقس على ذلك العلاقة مع أسامة وصلاح أخوال بتنا ناهد .. كان دكان عمنا حاج كوكو المجاور لدكان أحمد عبدالماجد ودكان المغواري حيث توجد ماكينة دبابة ومضوغات الخنجر حاج خالد هو دكان عمنا جعفر عثمان بشارة

العمدة المبدع ... ماشاء الله عليك الذاكرة حديد .... تيت تيت الذاكرة حديد ...وقد أضفت لي بصراحة معلومات جديدة كنت أجهلها تماماً ...وقد عرفتني على أسرة الشامخ أخي أسامة عثمان ...والتحية لأختي الغالية جداً آمنة جعفر وكل أفراد أسرتها المباركه ...وقد ترددت في بادئ الأمر هل لعمناجعفر عثمان بشارة علاقة بالعم الغالي جداً دبابه ..وقد وضحت الرؤية تماماً ...وحينما نقول هذا المنتدي جامع ..ومن أجل المعرفة والتواصل الأسري ولا غرو !!؟؟...ولا زلت أشكر القائمين على أمره ...الغالي ياسر والحبيب ابوالزهور وبقية العقد الفريد ...ودمتم لنا جميعاً أيها الأحباء .... محبتي

مرحب فتاح 000الكل فى انتظار طلتك الجميله وزكريات السفر الى الجنوب الذى اصبح الدخول له بعد ايالم بوثائق سفر