اللبيب بالقصة يفهم.

يقال ان رجل يدعى ادم اشترى عربة جديدة وسافر مع صحبة زوجتة واولاده الثلاثة كى يستمتع بالعيد الكبير مع اهله فى مدينة الحباك..
وفى الطريق وعلى مشارف مدينة كوستى تلقاه رجل اسمر اللون طويل القامة يحمل معه شنطة 0000
فقال الرجل لادم ايها الكريم احملنى معك ..
فقال ادم من انت والى اين تزهب ..
فرد الرجل فقال انا الجنيه السودانى احملنى معك سوف انفعك فى الطريق ..
فقال ادم مستعجباً انت الجنيه الذى نتعب ونكد ونلهث من اجله فقال الرجل نعم فقال ادم مرحباً بى العزيز تشرفنى صحبتك صرخة الزوجة مرحب بيك اركب معنا..
وواصل ادم المشوار بصحبة الاولاد والزوجة والجنيه ..
وبينما هو كذلك تلقاه رجل اخر ابيض اللون يربط عقال فى راسه ..
فقال الرجل لادم ايها الكريم احملنى معك .
رد ادم من انت والى اين تذهب ..
فقال الرجل انا الريال السعودى احملنى معك سوف انفعك فى الطريق ..
رد ادم انت الريال البنقطع ليهو البحر الاحمر والواحد فينا اكشوهو وتانى يرجع ؟
فقال الرجل نعم بى الحيل ..
رد ادم هلا بى العزيز من البلد العزيز تشرفنى صحبتك صرخة الزوجة مرحب بيك يا الريال تعال الله جابك يجيب عقابك..
وواصل ادم المشوار وعندما شارف مدينة ام روابة تلقاه رجل اصفر اللون اصلع الراس ..
فقال الرجل ايها الكريم احملنى معك ..
فرد ادم كما رد من قبل من انت والى اين تزهب ؟
فقال الرجل انا الدولار الامريكى ركبنى معاك بنفعك ..
رد ادم ادولار ابو صلعة البنركب ليه الطيارة ونطلب اللجو السياسى من اجلوا ؟
رد الدولار بى الحيل ..
فقال ادم اركب معانا ساى وكان داير تسوق كمان صرخة فى وجه الزوجة قومى يا مراه ارجعى وراء .
ردة الزوجة حاضر يا ادم تعالو يا اولاد اركبوا فى كرعينى ديل لانو العربة مابتشيلنا..
وواصل ادم المشوار بى صحبة الاولاد والجنيه والريال والدولار وبينما هو كذلك وعلى مشارف مدينة العباسية تلقاه رجل كبير يعلوه وقار فقال الرجل ايها الكريم احملنا معاك..
رد ادم من انت والى اين تذهب ؟
فقال الرجل انا الدين ركبنى معاك بنفعك فى الطريق ..
تردد ادم وتلعسم فى الكلام فقال كدى نشاور المراه ..
ردة الزوجة يا راجل انت مجنون وينو المكان البتشيل فيه الدين خليهو يرجع الجامع بنجيه هناك ..
فقال ادم للدين يابا نحن بنحبك انت ارجع الجامع ما تعب نفسك بنجيك هناك..
فقال الدين العزيز خير يا ولدى على كيفك..
واصل ادم المشوار وعلى اشراف مدينة الحباك فاذا برجل طويل يقف فى وسط الطريق توقف ادم وقال من انت لماذا تقف فى وسط الطريق ؟
فقال الرجل انزل انت بتعرفنى ؟
رد ادم لا منو انت؟
قال الرجل انا المفرق....
قال ادم لاحوله ولا قوة الا بالله انت داير شنو ؟
فقال المفرق ما عارف انا داير شنو انا دايرك انت زاتك ..
فقال ادم يا المفرق عليك الله خلينى اصل بس ..
رد الصعب لا ..
قال ادم والله انا تعبت معاى الاولاد والجنيه والريال والدولار سوق معاى واحد منهم يرافقنى فى الطريق ..
رد المفرق لا انا بشيل معاك واحد بس جبتو معاك..
رده ادم منو .. رده المفرق الدين جبتو معاك؟
قال ادم اخ اخ اخ اخ والله لقيتو فى الطريق وقال لى شيلنى معاك بنفعك وابيت اشيلو ..
خلينى ارجع اجيبو ..
رده المفرق لا لا لا..
000000000000000
سؤال ..
ماهى العربة..
ومن ادم ..
ومن المفرق..
لكم فائق الاحترام

شكراً العزيز ود قادم ..
على المرور الرائع والحضور ..
وانتظر الاجابة..
تحياتى لك وللاسرة