أرجوزة بلغة أهلنا الفور ...
+2
محمود منصور محمد علي
عثمان محمد يعقوب شاويش
6 مشترك
صفحة 1 من اصل 1
أرجوزة بلغة أهلنا الفور ...
نشر الأستاذ "قرشي عوض" فى صحيفة أجراس الحرية اليوم هذه الأرجوزة الطريفة بلغة الفور وهى منظومة على نسق أرجوزة تذاع بصورة منتظمة عبر إذاعة أف ام 100 عن أم توصي ابنتها كيف تدير منزل زوجها وكيف تقيم علاقة مع نسابتها.... وهلم جرا.. فإلى الأرجوزة اللطيفة.......... حكومتي.. كلام شعبك اسمعي كلامي كان تابي بكرة تدوري ما تلقي أى حكومتي.. كلام شعبك اسمعي وجيشك ده من أبيى أمرقي وجرائدك المهوهوة دا لبيتك بخربي ورياك مشار ده لخاطرو طيبي وتاني ضيف كان جاك جنب النافورة ما توقفي للمكتب الكبير دخلي وفى الكرسي الكبير قعدي وكباية ام قعر قدامو ختي إنت مالك الواجب ما بتعرفي ومجلس الأمن كان جا تاني اوعى ما تقابلي طيارة أم ضنب كان ظهر الكلام دا بتابي ومشكلة دارفور ده اسرعي حلي عشان اوكامبو ما تصاقري وعبد الواحد ده امشي شوفي خليل ده حاولي ترضي وبأى طريقة جيبي وكان داير نائب رئيس سوي وتحالف المعارضة ما تهرشي والصادق المهدي ما تجهجهي ومالك عقار ما تزعلي باكر تكوسي ما تلقي وياسر عرمان بلا سبب الكلاب فوقو ما تشعشعي وجيش شعبي ده هسع أنسي والمشورة الشعبية سوي والإنتخابات الجاية ما تزوري وكلامي ده أكان تسوي شوفي كان تنقدري أحسن يا حكومتي ركوب راس ده خلي وكلام بجيب توما هوك ما تقولي والسكر ساعة ساعة ما تزيدي وأجراس حرية من المطبعة ما تصادري وايدك المسمة دا قصري والبطلع الشارع ما تضربي والمسكين حقو ما تشيلي وبى قروش شوية تشتري دعوة المظلوم ما بتقدري من السماء تحوشي والله كان غضب عنك لى راسك تكسري ومن الدنيا تنمحي وقروش لميتى دا ما بتلقي طريقة تاكلي أى حكومتي.. كلام شعبك اسمعي وكلامي أكان تابي بكرة تدوري ولا تلقي |
عثمان محمد يعقوب شاويش- مشرف منتدى شخصيات من ابى جبيهه
رد: أرجوزة بلغة أهلنا الفور ...
الله يعطيك العافية يا استاذ شاويش
هههههه ههههه ضحكتنا من الصباح,,, وفي نظري انها قراءة متقدمة لارهاصات متاخرة الا ان حلاوتها جاءت في البساطة والتعبير بالطريقة السهلة المفهومة لعامة الناس
الف شكر
هههههه ههههه ضحكتنا من الصباح,,, وفي نظري انها قراءة متقدمة لارهاصات متاخرة الا ان حلاوتها جاءت في البساطة والتعبير بالطريقة السهلة المفهومة لعامة الناس
الف شكر
عدل سابقا من قبل محمود منصور محمد علي في 21st يونيو 2011, 15:58 عدل 1 مرات
محمود منصور محمد علي- مشرف المنتدى العام و مصحح لغوي
رد: أرجوزة بلغة أهلنا الفور ...
عمو عصمان بركة الشفناك فى الشعر بثوب سياسى هههههههههههههههههههها
بطبيعة الحال يا عمو الحال يغنى عن السعال
شكرا ليك و شكرا للعزيزمحمود
تحياتى
فيصل خليل حتيلة- مشرف إجتماعيات أبوجبيهة
رد: أرجوزة بلغة أهلنا الفور ...
الدنقلاوي مرتو تاعباهو شديد بملاح الخدرة كل يوم .. يوم من الصباح شالت قفتها ومرقت .. قال ليها على وين إن شاء الله قالت ليهو ماشة نجيب ليك الخدرة ... قال انتي بدل كدا ما تربطيني في الحوض وخلاص
..................
هسه نحن ما نتنازل ليهم عن السودان وخلاص
..................
هسه نحن ما نتنازل ليهم عن السودان وخلاص
أزهرى الحاج البشير- مشرف عام
رد: أرجوزة بلغة أهلنا الفور ...
أى حكومتي.. كلام شعبك اسمعي
وجرائدك المهوهوة دا لبيتك بخربي
**************
وايدك المسمة دا قصري
والبطلع الشارع ما تضربي
والمسكين حقو ما تشيلي
وبى قروش شوية تشتري
دعوة المظلوم ما بتقدري من السماء تحوشي
والله كان غضب عنك لى راسك تكسري
ومن الدنيا تنمحي
وقروش لميتى دا ما بتلقي طريقة تاكلي
أى حكومتي.. كلام شعبك اسمعي
وكلامي أكان تابي
بكرة تدوري ولا تلقي
*************
شكراً شاويش ...
وخوفي بكرة من مقولة بن على:
الآن فهمتكم" ".
وجرائدك المهوهوة دا لبيتك بخربي
**************
وايدك المسمة دا قصري
والبطلع الشارع ما تضربي
والمسكين حقو ما تشيلي
وبى قروش شوية تشتري
دعوة المظلوم ما بتقدري من السماء تحوشي
والله كان غضب عنك لى راسك تكسري
ومن الدنيا تنمحي
وقروش لميتى دا ما بتلقي طريقة تاكلي
أى حكومتي.. كلام شعبك اسمعي
وكلامي أكان تابي
بكرة تدوري ولا تلقي
*************
شكراً شاويش ...
وخوفي بكرة من مقولة بن على:
الآن فهمتكم" ".
اشرف بشرى إدريس- مبدع مميز
رد: أرجوزة بلغة أهلنا الفور ...
يادكتو ازهري هههههه ههههههه
النكتة دي اصلا اتقالت في الجعليين ياخوي
ما تدخل الدناقلة معاهم في مشاكل ساكت
الف شكر
النكتة دي اصلا اتقالت في الجعليين ياخوي
ما تدخل الدناقلة معاهم في مشاكل ساكت
الف شكر
محمود منصور محمد علي- مشرف المنتدى العام و مصحح لغوي
رد: أرجوزة بلغة أهلنا الفور ...
محمود قلنا ليكم الحوار بحل المشاكل كلها
ههههههههههههههههههههههها
خلاص نخليها واحد شايقى
ههههههههههها
تحياتى
فيصل خليل حتيلة- مشرف إجتماعيات أبوجبيهة
مواضيع مماثلة
» انت يا الدهب المجمر
» الغبش ديل أهلنا .....
» بشرى لكم أهلنا الصابرين
» أبو كويع وأنفلونزا الخنازير
» العفو والعافية يا أهلنا
» الغبش ديل أهلنا .....
» بشرى لكم أهلنا الصابرين
» أبو كويع وأنفلونزا الخنازير
» العفو والعافية يا أهلنا
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى