المجلس الإداري لجمعية ابوجبيهة الإستثمارية ,,,

فضلاً أرجو آرائكم ...وملاحظاتكم ....ولكم التحية ،،،

شكراً اخي محمود ...ولك كل الود .... معزتي

موفقين يارب

السيد : ود عشمان .. ( ود امبرمبيطه )

مسئول العلاقات الخارجية

الاستاذه صباح حسن ( فرنسا ) نائب لمسئول العلاقات الخارجيه ..

يا اخونا تاني في زول اخونا عثمان شاويش ما عينو في المكتب التنفيذي بتاع الجمعية دي ؟؟

اتضح لي جليا الزمن الفوقنا دا حقك الا تاخدو بضراعك .. ( ام ضرعانيه ) زي ما قال اخونا زهير حسن السيد ..

و بعدين تعال يا اخونا عثمان شاويش
اتا ما اشتقلت شقل اتحادات و لا شنو شايفك الناس ديل كلهم رصيتهم ( تنسيق و اتصالات ) شوف حكومة المؤتمر الوطني دي يخلقو للزول وزارة من مافي .. انا عندي راي في تشكيلة المكتب التنفيذي يجب اي زول يدوه مهمة محدده ..

لك التقديري اخي شاويش و الله مشتاقين عديل كده

ود عشمان تحياتي وأتمنى أن يكون الأهل والسعية تحت الكنترول

العزيز الاستاذ ازهري

متعك الله بالصحة و العافية و مشتاقين كتير لاخبارك
والله السعية لليوم بتجري و بتنجم ما جمعت حتي الان لكن بقية الاهل و الاسره بخير و عافية شكرا علي السؤال ..

مع خالص احترامي و تقديري

أبوالزهور ...

أشكرك كتير على مرورك الرائع ... وبالجد مداخلتك لها طعم خاص ونكهة خاصة فلك التحية دائماً ....

أختي الرايقة ...الذوووق ...الفهم إقبال ... لك التحية دائماً ايتها الشامخة ...مرورك بالجد أثلج صدري ...وتفضلي بقبول كل إحترامي ...

زهرة المنتدي الرائعة والرائحة الذكية ...ود عشمان ...تعرف لما قسموا الظرافة واللطافة ...أول حاجه مروا على بيتكم بأم برمبيطة ...وغرقوا بيتكم ظرف وكرم وحلاوة ونقاوة ...وبعد داك جونا بالحباك ... وصدقي بطفشاتك الحلوة خففت عليا كتير كتير ...تعرف لم أتأكد من إنضمامك لنا الصريح إلا اليوم ...ودعواتك معانا ونسأل الله التوفيق يارب ... وبالله أي ملاحظة أو نقد نحن تحت أمر الجميع وحتي نستقيم ونمشي عدييل...ولك وللفرنساوية ...والبريطانية كل الود ... محبتي

أخي العاقل الراسي ... فيصل تحية صباحية مباركه لشخصك الخلوق المهذب المتزن ...شكراً لك على مداخلتك المنتازه ...فعلاً أخي المشروع كبير كبير ويحتاج للصبر ...الصبر ...الصبر ...وتضافر الجهود والإخلاص وبإذن الله سوف نصل لبر الأمان ...الآن ينقصنا مداخلات الأعضاء لنعرف أفكارهم وحتي نستفيد من المفيد منها ...وبالنسبة للأستاذ/ البريطاني ود عشمان : نحن نفكر الآن بسبب خلق وظيفة منسق عام ...ونفكر بإعطاء الفرنساوية :منسقة إعلام وربط بين الداخل والخارج .... كدا قصرنا معاك يا ود عشمان ....
** ابو الزهور ... أنت رائع ..... محبتي

نسأل الله النجاح ...

وكما نعلم لكل جمعية نشاط ... خيري ... إستثماري ...ثقافي إجتماعي ...إلخ ... معزتي

عصمان انت رائع 00عاوزين نبدا عمل الجمعيه خلاص بعد ده السيد الرئيس والسكرتير افتحوا لينا بوست للاجتماعات عشان نرسى على بر ونخلى الجمعيه دى واقع

الزعيم ... أثلجت صدري ...وصدقني أنت دائماً محل ثقه ...وتسلم...معزتي

أخوتى طبعأ ( أخوتى دى للكل ) والله والله والله هذا المنصب لااستحقه ولكن نزولاً لرغبة أخوانى وأخواتى موافق بس زى مابقولوا سواق تحت التمرين وأمانه عليكم إذا فشلت فى القيادة رجاءاً تغيرى باسرع مايمكن لانو بالقائمة عمالقه واساتذه فى الأدارة على العموم على بركة الله وعلى أخونا المقرر تحديد موعد لانعقاد أول جلسة لهذا المجلس ونسال الله سبل النجاح والتوفيق لما فيه خير هذه الأمة

شكراً ...شكراً ...ومرحب بالباشا الشامخ أبو أحمد ...وصدقني أنت الرجل المناسب تماماً لهذا المنصب ... وأعرف أن هذا تواضع منك ...وبإذن الله سوف نسير معك ...وسوف نكون معك دائماً ...وبإذن الله سوف ترسي المركب في بر الأمان ...وعشت لنا .... معزتي
**
تخريمة : فيصل ... إقبال ...جامع ..جمعوا تلفونات الأعضاء بالخاص ...وسلموها مجلس الإدارة للتواصل .... محبتي .

اولا السلام عليكم ورحمة الله معزره لم نتمكن من التواصل معكم خلال الايام الماضية بسبب عطل في شبكة الانترنيت
الشكر والتقدير لك الاخ العزيز / عثمان محمد يعقوب شاويش جميل أن يضع الإنسان هدفا في حياته ...والأجمل أن يثمر هذا الهدف طموحا يساوي طموحك وصبرك حتي يتحقق ذالك الهدف لذا تستحق منا كل عبارات الشكر، بعدد ألوان الزهر ، وقطرات المطر
والتحية عبرك الي الاخوة والاخوات الاعزاء في منتدي ابوجبيهه والتحية والتهنئة للاخوة في المجلس الاداري للجمعية
واتمني ان تطول القائمة حتي يشارك كل اعضاء المنتدي في هذا العمل الاستثماري الكبير
واسمح لي ان اجدد الدعوة للاعضاء الجدد بالمسارعة الي الانضمام للجمعية حتي يكتمل النصاب
يخرج العمل بصورته الرسمية اسال الله الكريم رب العرش العظيم ان يوفقنا في عملنا هذا ويبارك لنا فيه وشكرا .
تحياتي [b]

عزيزي شاويش ..

متعك الله بالصحة و العافية و تحية لندنيه خاصة لك مع هذا المساء الجميل .. يا اخوانا عثمان شاويش ضحكني قلت له داير اقدم ليك دعوه عشان تجي لندن قال لي لو جيت لندن خايف اجن احسن تخليني في بكاني دا .. لك التحية ايها العملاق ..

لدي ملاحظه في تركيبة المجلس الاداري لجمعية ابوجبيهه الاستثمارية ..

جرت العاده ان يكون في تركيبة اي جهاز اداري , اجتماعي ,ثقافي او تجاري .. جهازين , (جهاز تشريعي و جهاز تنفيذي ) الجهاز التشريعي او كما يحلو للبعض جهاز مجلس الاداره هو الجهة الاستشاريه او الداعمه بالمال و كيفية الحصول عليه و تركيبته دائما بتكون كالاتي رئيس المجلس , نائب رئيس المجلس و المقرر اما الجهاز التنفيذي ينفذ التوجيهات العامه للكيان المعني و غالبا ما يتكون من الرئيس و الامين العام او (السكرتير) والمسئول المالي , مسئول التخطيط , مسئول ادارة المشاريع , مسئول الاعلام ,مسئول العلاقات العامه و مسئول ادارة التخطيط الاستراتيجي و غيرها من المسميات التي لا تتعدي الثمانية في المكتب العام في غالب الاحيان و التي يتفق عليه اعضاء الجهاز التشريعي او مجلس الاداره في الاجتماع العام الذي يعقد و يحدد المسار في (مسودة الجهاز ) او ( النظام الاساسي للكيان ) بالاضافة الي( لائحة تنظيم )عمل الكيان المعني و التي تحدد ضبط عمل العضوية..

عزيزي شاويش ..

لا ادري العشرين شخص المسجلين في القائمه انت تقصد بيهم اعضاء مجلس الاداره ام اعضاء المكتب التنفيذي في كل الحالات اقترح ان المذكورين في القائمة يت توزيعهم في الاماناتات التنفيذية حتي يكون العمل جماعي .

هنالك امرا اخر مهم انا في تقديري معظم الناس تريد ان تعرفه الكل متفق و متحمس علي عمل الجمعيه التجاري باي شكل يتم الاتفاق عليه لكن السؤال ما زال يطرح نفسه ما الهدف من الجمعية ؟؟ اين تذهب فوائد الارباح او التبرعات او اشتركات العضوية ؟ بالنسبة لي لم تكن الاجابة شايفة اذا قلت لي لخدمة المنطقة هذه اجابة معممه نريد اجابة مفصلة .. و اكيد تجد المشاركة من الكل.

مع التقدير و الاحترام

أحبتي ...الزبير ...ودعشمان اشكركم على المرور ...ومداخلاتكم بطعم المنقة ... ومرحباً بك أخي الزبير في الجمعية الإستثمارية بين أهلك وأخوانك وأخواتك ...
* ود عشمان موضوع الجمعية : مشروع إستثماري يعود بالفائدة لكل صاحب سهم ...وتعود فيه الفوائد للأعضاء المشتركين في المشروع ...وضح ولا أزيدك يا ولد أممي .....
المجلس الإداري : أعلم سلفاً أن العدد 20 شخص .عدد كبير ولكن قصدت ذلك لعدة أسباب :؛
(1)لكي يشترك أكبر عدد من الإخوة والأخوات في إدارة مشروعهم .
(2) لكي يتعلم الشباب والشابات العمل الجماعي الخدمي لأنفسهم ولإخوانهم .
(3)وسوف نتوصل من خلال العمل ... للأفراد الناجحة في إدارة دفة العمل .
(4) ولأن الأعضاء يتعدد تواجدهم في داخل السودان وفي ولايات مختلفة وخارج السودان وفي أقطار مختلفة ...ولابد من ربط الجميع بالمشاركة في إدارة الجمعية ...ولهذه الأسباب وصل العدد 20 عضو.
(5) لقد سررت جداً بخبرتك الثرة عن تكوين المجالس الإدارية ...وصدقني مجلسنا الإداري الحالي بقيادة الغالي دائماً ود الباشا وعقده الفريد سوف يقومون بالواجب وإصلاح كل شئ خلط !!!؟ أو معوج .

وبالجد نحن سعداء بإنضمام بريطاني لنا ...وتفضل بقبول محبتي .