رساله من زائر

السلام عليكم ورحمة الله تعالى وبركاته,اولا اعرف نفسى انا احمدكوكواحمدحامد من ابناء مدينة امبرمبيطةالصامدة مقيم بالسعوديةـ الرياض .الصدفة وحدها هى التى قادتنى الى هذا المنتدى الاكثر من رائع وبما انه كلنا من المنطقة الشرقيةوبين ابوجبيهة وامبربيطة صلات دم ورحم من هذا المنطلق اقدم نفسى اليكم عساكم ان تقبلونى عضوا فى منتداكم العامر باهله.رجاءا زودونى باميل اخى وصديقى ودعشمان وتقبلو فائق احترامى وتقديرى.


--------------------------------------------------------------------------------
البريد الإلكتروني للمرسل: Ahmedkuku95@yahoo.com

الاخ احمد كوكو
الف مرحب وبما انك من طرف ود عشمان عندك حق الفيتو
في الدخول والاشتراك
الف مرحب بك في منتدى ابوجبيهة

حبابك احمد بين اهلك

عزيزي احمد كوكو ..

اشواقنا اليك تكاد ان تعانق الثريا و لا توصف ..
حبابك مليونين انت تستاهل نضبح ليك تورين و كبش يا بنات سون الشاي الضيف المعانا دا من امبرمبيطه و لا اريد ان ارجع للتاريخ عن مكانة امبرمبيطه و اهميتها في المساهمة في صادرات السودان من مواشي و ثروة زراعية و غيرها..

الان بقينا تلاته في منتدي ابوجبيهه انا و انت و الاخ يسن محمد يسن و بعد دا الدايرنا بلقانا ( الدواس برقد ) و في جماعه كتار بقولو يا ريد لو بقينا من امبرمبيطه ما في داعي لذكر الاسماء ..

شوف يا ابوحميد ابوجبيهه دي المفروض تكون تابعه اداريا لامبرمبيطه بقوها محافظه كيف انا ما عارف ّ!! ..

شكرا يا استاذ ازهري الحاج الاخ احمد كوكو هاتفني قبل قليل و هو عمه ماضي ابراهيم معكم في السعوديه الرياض من الناس القدامي بالمملكة و برضو عمه الفريق ركن حامد ابراهيم ..
قدر الله فقدته الاتصال به منذ زمن بعيد و شكرا لك الجمعتنا به ..
شكرا اعزاء ..
ياسر .. ازهري .. محمود منصور .. فيصل .. محمود ابراس ..الدكتوره ناشي.. اقبال عبداللطيف ..

و يلا يا بقة ناس لازم ترحبو بالرّجال ..

لكم التقدير

مرحب بالعزيز الغالي أحمد كوكو ولدنا ومننا وفينا ...صدقني ود عشمان دمك شربات ...ويا فيصل إستقبالك قلبت فيهو هوبة ...شكراً لك أيها الكريم ... عزيزي أبوحميد نحن أهلك وأخوانك ...وديل أخواتك ومرحب بيك في دارك ...وبالجد زاد شرفنا .... معزتي

حبابك الف وسعدين بك

فيصل خليل ..

نشكرك و نشكر شاويش و بت اهلي ناهد علي كرمه الضيافه .. شوف يا فيصل حتي الان نحن كويسين .. يسن محمد يسن من مدينة امبرمبيطه ( جارة الوادي ) ما تلخبط الكيمان .. لو دايرين اللخبطه يا ناس ابوجبيهه انا اجيب 25 واحد من ناس امبرميبطه يكتبو في المنتدي دا و انتم تقعدو فراجا .. حسي نحن تلاته بس مجهجهنكم

لكم التقدير

شوفو يا جماعة انا ح اعمل بوست بموضوع يسن محمد يسن دا لانو الموضوع لا يتحمل ..

لكم التقدير

سلا مات فيصل انحنا جاهزين والكرامه جاهزه لكن شنو حكاية ول عشمان دى داير يشيل ليهو زول قدر ده صحى انو يسين ول ابوى محمد بلا شك هو حازمى اصيل لكن ما من حوازمة امبرامبيطه يس وجميع ابناء عمنا المرحوم محمد يس من مواليد الحباك وماجاورها وعمنا محمد يس من قداما المدرسين ومن اشهر محطاته التى ترك فيها اثر طيب جدا وزكريات حلوه عند كبارنا كانت هى قردود اولاد حميد 000نقول ليك يا ول عشمان يس حباكى بالاصاله 00ومساومه فيه مرفوضه حتى لو كانت من عشيرته من اهل امبرامبيطه

سلامات ومرحب بإبننا أحمد كوكو ونأمل أن يجر معه مجموعة من الأخوة . مرحباً به في المنتدى .
أما موضوع يس فسوف يأتي الرد لاحقاً ... لكن لابد من تجهيز الضبايح أولاً ... اليومين ديل الكيلو يقى بعشرين ...

مساء الخير اهلى الطىبين اهل الحباك ابوجبيهة ,واولا انا سعيد جدا باضمامى لهذا المنتدى الغنى باهله ,ثانيا اسمحو لى ان اشكر كل من سطر كلمات مرحبا ومستقبلا شخصى فلكم جميعا الشكر والتقدير.معليش احبتى جاءت هذه الرسالة متاخرة لاسباب طارئة فلكم العتبى.

حبابك يا ابو حميد 000اولاد امبرامبيطه نشطين جدا كده ورينا نشاطك