حامدونا حامدونا

حامد رمضان كريم

وينك يا زول؟؟؟؟؟؟؟؟؟؟؟؟؟؟؟؟؟؟؟؟

دا اسمو كلام

)اخونا الفيصل ود خليل((اولا الواحد بقول ليك رمضان كريم تصوموا وتفطروا على الف خيروالف مليون شكرا ليك ياعزيز لانك بتسال عن الناس واوعدك الواحد يعمل سويدى ويدخل الفورمة ويداوم على طول التحية والتقدير لجميع الاهل فى المنتدى)

من طرف **nashi** 4th أغسطس 2011, 12:52

حباب اخونا حامدونا

يا مراحب

وتصوم وتفطر علي خير

cheers

مرحب بحامدونا عوداً حميداً ..رمضان كريم

اختى الدكتورة (رمضان كريم وتصومو وتفطروا على الف خير ))لك التحية كيف مع البلد الطيرها عجمى **شكرا جزيلا على الترحيب

اخونا**ودنوية ياخى رمضان كريم والحمدلله على السلامة وكيف كانت الاجازة *شكرا شكرا((نتلاقى قدام

حامدونا 0000كل سنه وانت طيب 000ورمضان كريم

تقبل تحيات اهل الحباك فردا فردا

حامد سلامات يا عزيزى

ياخ وينك ماظاهر و خصوصا اليومين محتاجين نحلج القطن فى محلج الحباك

تعال ورينا الشغلة دى نسويها كيف؟

ول نويه قال انيمبا يكشر عن انيابه للقطن. قلنا ليه يكشر للقطن و غير و لكن الهلال

له انياب غير

رأيك شنو؟

كدى اظهر

تحياتى للاولاد

مرحبا بابو حسن
نورت المنتدى
وعقبال
ماجد وسيف الدوله
تحياتى لدكتوره وحسن
رمضان كريم

مرحب بحامدو

ورمضان كريم يعنى الافيصل

يجيبك

سلامات يا كابتن رمضان كريم .. حنشوف الأنياب الغير دي يوم الأحد القادم تسوي شنو
ومولانا ده الليلة بخروهو بي شنو جاء بي جاي مامن عاداتو يجي بي هنا (فقدناكم ياناس شارع الحرية)

حمد الله علي السلامه
حامد حامدونا
ورمضان كريم

الحبيب*(استاذى قدح)ماتضحك كلامى صاح مش ياخى رمضان كريم /طبعا له طعم خاص وانت فى الحباك/شكرا عزيزى بالله كمان تحياتى فردا فردا للاحباب فى الحباك بداية من نادى البرش حتى Sad

حلتنا ومن المحلج حتى حلة سمبو ولكل من يسال عن حامدحسن(تحياتى

العزيز//فيصل**والله شوقنا بحر واوعدك ياسيد البلد الواحد مايقصر (وان كان اللياقة لسع ضعيفة)لكن (حلاوة قطن )باذنة بربع اللياقة بلحقو ناس (س)وجماعة اخونا ودنوية **خليهم من خارج الاستديو((الاسرة بخير وتقبل تحياتها))وصباح بتسلم عليك وجميع اهل المنتدى وضاربة الابيض ولسع مندهشة((تحياتى للاولاد

اختى سهاد لندن//رمضان كريم تصومواوتفطروا على الف خير0(طبعا انتو رمضانكم 5-مريخ**شكرا كتير ويارب كل الطيور الغايبة تظهر قريب//تحياتى لمحمد والاولاد

اخوى ابوهريرة((رمضان كريم))ومشتاقين كتر وشكرا (طبعا ياحبيب اسياد البلد ديل كلامهم *بشق القلوب قبل الجلود)وكلكم على الراس//عليك الله رقم الخال بهاء الدين-تحياتى للاسرة بدون فرز

اخونا (الهلالابى القح)محمود ابراس رمضان كريم وكل سنة وانت طيب شكرا شكرا ويارب الكاس السنة دى حقنا((الممتاز للاولاد العم *كفاية نحن))تحياتى

يا حامدونا سلامات

شكلك رمضان عامل فيك عمايل يا حبيبنا

ما قلت لى رايك شنو فى مباراة الهلال و الشباب التنزانى ؟

ارجو ان تكون عجبتك علما ان النتيجة كانت ثلاثية زى السم

تحياتى

رمضان كريم يا أهل المنتدى
إجازة صغيرونة كدة وعندما عدت وجدت حامد بجلالة قدرو ظهر ... شكراً يا فيصل على إهتمامك وإخراجك الناس اللابدين . غايتو الحكاية بقت غمدت لبدت ؟؟؟ بس يا حامد خليك ظاهر كالهلال .

كابتن فيصل (الله يسلمك اخوى)والله رمضان زى حق الخرطوم ولا كمان اسخن شوية **المشكلة ياحبيب السهر والله كاتلنا كتل (ونحن بقينا شغالين بالفلتر بس)**ام عن كورة امس مع الشباب الطير المريخ من سيكافاوالله ياحبيب المشكلة العمق (يعنى قون الشباب اللاعب جرى من النص لقى نفسه مع المعز(الكاميرونى لعاب وعاوز يلعب مع الجماعة كتير (بس كهربته كتيرة شوية) ومع مواتر الرئيس (كاريكا والعقرب وسادومبا)يعزبوا البرشا *كمان عودة المعز مكسب كبير //والله يدينا الفى مرادنا//بس ناس مزمل وجماعته يساعدونا بالموية الباردة زى مابقول (عمر محجوب تحياتى

اخونا العزيز يس ود محمد يس(رمضان كريم ياعزيز**والله مشتاقين دقش-دقش اخبارك واخبار الاهل والله مفروض الواحد مايطول الغيبة/لكن 0يارب الواحد يكون زى سيد العرب والافارقة (اليومين ديل اسياد الدارة )ومايغيب تانى *تحياتى للاولاد **يااستوبر ياحاقد**هاهاها(وين اخبار الفردة عمر محمد عثمان

كلامك زى السكر يا حامد

نشوف مباراة اليوم الودية امام الشباب التنزانى و نرجع ليكم

يا حامد وينك صحبك ول نويه؟

شايفو عامل زوغبير بعد مباراة الامل عطبرة و الشباب مع سيدا

تحياتى

قال شباب قال!!! هو بالله وينو الفريق البعملو ليهو قوما وقعده ..فريق مشترنو وبالجليل غلبتوهو
إذا كنتو دايرين تختبرو قوة فريقكم وتعديهو إعداد جيد.. كان تجيبو فريق ذو وزن ثقيل مش تجيبو زي التضامن القطينة وحاجات زي ده
بعدين ياكابتن المهم بالنسبة لنا الفوز وحققنا المطلوب وأقتربنا جداً من حسم الدوري
الكلام فيكم إنتو السنة لاتلِمو في المحلية ولا القارية
موجودين ياكابتن بس مع كابتن الشغيل وكده
تحياتي؛؛؛؛؛؛؛؛؛؛؛؛؛؛؛؛

شايفك مع الشغيل و راجى عبدالعاطى

تحياتى

لم تستطيع تجاوزة فى سيكافا يا صحبى

هههههههههههههههههها

العزيز//سيد البلد// اسعد الله اوقاتك--والله انتو مرتاحين والواحد بقى يحسدكم /لانو على الاقل بتشوفوا(سيد العرب وسيدالافارقة-حسب التصنيف بتاع (عم بلاتر) مش من عندنا *صاح *(صدق الشباب دى يافيصل نفس الفريق الطير ود نوية (مش صاح)وكيف فريق يكون ميت (وغلب متصدر الممتاز المؤقت)والحبيب ود نوية حسم الدورى من هسع ولسع باقى ((24 نقطة مامعروفة ترسى على وين))كدى انت امشى استمتع بسهرة رمضانية (وقبل بعدين بنتلاقو)

سلامات ياكابتن حامدونا ..تعرف أنا عندي رأي في التصنيف بتاع (عم بلاتر) لأنو مامن المنطقي فريق سجّله خالٍ من البطولات القارية في الإتحاد الافريقي والعربي ؛كيف يُصنف علي رأس قائمة فرق لها وزنها ولها بطولات لا تحصي ولا تعد ..ومعروف فريق (جكتّه) محدودة في نص الطريق بوحل وحتشوفو قريب ده بعد المجموعات دي
ياكابتن بتاع الحرية الليلة شايفك (رافع سِتارة) ..(كِبْرت) معاك خلاص
لكم التحية وتصوموا وتفطروا علي خير

عندك تحفظ على كلام عمك بلاتر يا حبه؟

هههههههههههههههههههههههها

كدى خلينا فى انجازات الاحمر الوهاج يا حبه القارية هههههههههههههههههههههههههها

يا اخى ما تخجل و الله صحيح الاختشوا ماتوا

الليلة من الصباح مجكيكين فى امدرمان شرتيت مشتت بس

تحياتى

كدى خلينا من عمك بلاتر

رأيك شنو فى الثلاثية بتاعت الشباب التنزانى الاخيرة؟

قال عمك بلاتر قال

ود نوية/تحياتى/ /وكيف مع رمضان الحار ده**قلت التصنيف كيف ((ياعم التصنيف متجدد طوالى ياحبيب والهلال متجدد طوالى(هسع التصنيف الاول منو* وين البرازيل وين الارجنتين و المكنات الالمانية /ياحبيب التصنيف الزمن ده عاوز ((مواتر رئيس))زى ناس سادومبا والايتو الجديد والعقرب وناس كاريكا//بس انتو خليكم مع الزمن باذنه الكاس يكون فى العرضة شمال/ولك التحية --(اقيف اقيف دقيقة)نسيت امس قالوا ليك ايتو جاب قون فى الثانية الاخيرة برضو (رايكم شنو **الشباب ده ماشلنا -ليكم حق سيكافا -منو

العزيز فيصل /كيف اليوم/امس قالوا التجربة كانت مفيدة (قالوا قدم ---والحقو )*وكمان ايتو جاب قون فى الثوانى الاخيرة ((ياربى دريسه جديد)) المهم الاحد وربنا يدينا فى مردنا--تحياتى

العزيز حامدو كما يحلو لنا ان نناديك به

زكرياتكم لم تغب عنا لحظة واحدة

وفى هذة السنة زارنا ود ابوسرعة وانعش لنا الزكريات وكانها بالامس

تلفون الخال بهاءالدين

0918070622

اتصالك سيكون مفاجئة له

شغب الملاعب مرتبط بانديه معروفة يا حامد حسن

لو سمحت رأيك فى الموضوع لاسيما سلطت عليه الاضواء فى اليومين الفاتت

تحياتى

ياكابتن التلاتة دي كان فالحين صحي جيبوها في القطن ..مفروض الشباب ده تدهو عشرة مش تلاتة بس ؛لأنو اديتوهو قرووش عشان يلعب معاكم وتغلبوهو وبعدا غلبتوهو باللاعب رقم(12) الدايماً بلعب معاكم

(ناس درمة وكده)

خلي بالك ياكابتن مباراة القطن مصيرية بالنسبة ليكم لأن أي تعثر فيها يعني وداعكم دور المجموعات لأن القطن حيخش المنافسة وأنيمبا بكون ضمن الدور البعدو

كابتن حامدونا لمن تقارن لينا قارن لينا بنفس مستوي فريقكم لو كان قلت لي اهلي شندي بتاع الارباب شوية المقارنة بتكون مقبولة لكن قصة البرازيل والارجنتين دي بعيدة خالص

بعدين وينك محلك في الرياض ولا خارجها أرجو الإفادة

تحياتي؛؛؛؛؛؛؛؛؛؛؛؛؛؛؛؛

شغب الملاعب يا نويه

اخوى/ابو هريرة-كيف الحال واحوال الاسرة (والله الواحد من سافر من الحباك حتى اليوم راسه لافى//دبيب وماعنده راس بس//ويارب الواحد يجى فى اقرب اجازة--شكرا وسوف اتصل Sad

اليوم على اخى بهاء الدين تحياتى الاولاد

الحيب //الفيصل سلامات-طبعا الناس ديل من ايام سيكافا ديك ((يوم قتلوا الصحفى يقت عندهم طبيعى مرورا بمباراة اهلى الخرطوم (انكسرت فيها ترقوة ابوعنجة--ايام سعد دبيبة الله يرحمه وهم متعودين وبالمناسبة برضو فى شندى قبل ايام (لكن عشان سيدنا مزمل)سكتوا واخيرا فى بورتسودان --قال ليك الالمانى بتاع اللياقة طلع بتاع كارتية ومسكين مجدى امبده (وقفوه ساى) وغريبة بس بكسروا (المقبرة ماعارف لية عشان قروش حلال ولا شنوووووووووو)تحياتى

اخونا ود نوية اخبارك ياحبيب --ياخوى اهلى شندى قالوا بتاع مزمل ((والله هلالنا نحن شايفنو احلى من اى تيم فى الدنيا دى وكافية انو بدخل السعد فى قلوب المساكين(وبعدين انا قاصد تصنيف الدول كانت ين وفى الوقت الحاضر وين ((وسؤال انتو وين ياحبيب))اما انا وين اخوك خلى الرياض من فترة لانو الاولاد حضروا هنا (0نحن فى تبوك )ورقم الجوال القديم ذاتو تحياتى

من طرف **nashi** 13th أغسطس 2011, 10:25

الزعل مرفوع اخي عوض السيد

ورمضانك كريم

وياريت تباشر في المنتدي

حقيقه مازال مكانك شاغرا

اتمني يكون عندنا خاطر عندك cyclops

نويه قال شنو يا حامدونا

دا ما عندو موضوع و فقد المنطق

خليه يقول العندو

تحياتى

يا ألف مرحب بعودتك يا حامد وتحياتي لك.

فيصل .. بقول إنشاء الله العيال باكر جاهزين لحلج القطن...طمئنونا ؟؟؟ .

ارقد قفى يا اشرف نحلج القطن و نوديه الغزل الرفيع

تحياتى

ابن عمى **الاشرف -الله يبارك فيك ورمضان كريم ((باذن الله اسياد البلد منتصرين)ودى حلاوة قطن ساى // والكبير كبير --تحياتى

الرفيع فيصل--تحياتى -(باذن االله سيد البلد يسوى العجب)بس انتو فى المدرجات شيلوا الصبر وماتنسى بقى فى واحد كاميرونى كدة رجل ثوانى)بس خلو فى بطونكم قطن صيفى*واتمنى من ناس مزمل ابوقاسم يساعدونا بالسكات والموية الباردة --قال قطن قال -تحياتى

الزعل مرفوع اخي عوض السيد

ورمضانك كريم

وياريت تباشر في المنتدي

حقيقه مازال مكانك شاغرا

اتمني يكون عندنا خاطر عندك cyclops

**********************************************************************
أشكرك يا دكتوره وأطمأنك انى جاى فى الوقت المناسب.
لدىّ مسئووليه جسيمه فى هذا المنتدى لابد من انجازها ولا محال سأنجزها لثقتى فى نظرتى ووجهة نظرى.
أشكرك مره أخرى لأن أحد الاخوان اتصل علىّ مشكور ونبهنى ان فى المنتدى الرياضى تعليق يخصنى فدخلت فقط للرد حتى اننى لم أكن أعرف من صاحب التعليق........ على العموم جهازى بجوارى ولكنى سأدخل بثقلى كله فى الوقت المناسب

من طرف **بوعزيزى** 22nd أغسطس 2011, 11:57

هوووووووي يا ابوابراهيييم
كلااامك دا ككيف أخي بدور الدواس ولا شنو..
يأخي والله ليك وحشة..
بدور اسعلك سٌعال انت نازل حرب مع منو؟؟؟

تحياتى أخى بوعزيزى.

أنا لست محاربا أخى العزيز ولكن ما لا يعجبنى سياسة الكيل الزائف والشماته المغموره بالنشوى والادهى وأمر فى مرات كتيره بتكون بدون مفهوميه.

أنا عايز الناس تكتب فى الكوره بمفهوميه ولا تبطل هرجله

وزى ما قلت أنا جاى ومن حقى اقول العايز اقولو لن تأكدوا كلام فى محلو بمفهوميه وما خاتى الدرب .

من طرف **بوعزيزى** 22nd أغسطس 2011, 12:34

يا تتشا نحنا عارفنك ما بتختا الدر

يأخي الناس بالناس والكل برب العالمين,,
ارجع لمكانك وانسي الفات (والفات مات زي ما بقولو)..
ما شفتنا لقطنا ليك القطن دا كيف.
بس خلاص حدنا هنا.
هههههه.

الأخ حامد
سلامات وكل عام وأنت بخير وأخبارك مقطوعة وطلت على المنتدى قليلة وكترة الطلة في المنتدى تحبب فيك خلق الله ... تحياتي لسيف الدولة وكل عام وأنتم بخير .