النهاية - شوية دوزنه

هاشم صديق و سيد خليفة

في يوم غريب
فيهو الشمس لمت غروبها
وسافرت
بانت نجوم متفرقه
زي الدموع فى خد حبيب
ودّع حبيبتو الفارقت
والليل ضفائر حزنو
مداها الألم
زي التقول عارف النهاية القاربت
والكون حزين .. خايف الهجير
شاف الربيع
غابت شهورو و هاجرت

شفت الفريق ضامي الفرح
فى دار حبيب ضميتو
في قلبي الحنين
ماتت خطاي ضاع الأمل
واحترت في خوفي الدفين
عاينت ولقيت الحبيب
في عرشوا
في تاجو الحزين
حولوا العيون فيها الفرح
بس الفرح
في عيونو ماقادر يبين
والدمعة في عيونو بتودِّع
طيف حبيب
خلاهو لي غدر السنين

واشتقت لي طيف الدموع
ومشيت طريق اسمو المصير
ودعتا زهرات الأمل
ورجعت لي ألمي الكبير
حسيت شعور
الراهب السار السنين
مشتاق يفتش ليهو دير
و لامن تعب
سالت دموعو علي الدرب
خاف الأمل .. كره المسير
ياحبي عيش
كلمات خطاب
من الحبيب كان النهاية
حرفوا الدموع
سطروا النحيب
والحسرة كانت فيهو غاية
خلاني اغرق في المصير
وانا لسه عايش في البداية
أندم علي الحلم اللي راح
واطفي الشموع وابكي النهاية

في يوم غريب
فيهو الشمس لمت غروبها
وسافرت
تسلم فيصل
تحياااااااتي

*****************************************************
ياوريف تســلم....
عاطر الود..

النهاية - شوية دوزنه

النهاية - شوية دوزنه

رد: النهاية - شوية دوزنه

هاشم صديق يكشف الســر