لو بتقدر.....سعادة عبدالرحمن

لو بتقدر ..
تنسي حبي
وتنكر .. اخلاصي
ووفايا
انسي ما يهمك
عذابي
وابقي فكر ..
في سوايا
اصلي مخلوق شان ...
احبك
وانت مخلوق لي ..
شقايا
ما غريبة عليك تقسي
إلا للبينا ...
بتخبي
أي زول عارف ...
بحبك
عارف أنك خنت ..
حبي
وعارف إنو .. خطاك
فترت
من زمن فارقت ..
دربي
إلا ما عرفو الحقيقة ..
لسه حبك .. جوة
قلبي
أوعي يوم .. ترضي العواذل
حتى لو بالبينا ..
حسو
خلي ذكرت حبي ليك ..
جوه إحساس ..
ما تدسو
العواذل مهما قالو ..
لما يفترو .. بكره
ينسو
إلا حبي ليك انا بكبر .. لا بيفتر
لا بدسو
الوداع كلمة في لسانك دايره تفلت مرة
منك
لو صعب ما تقوله أنت يا حبيبي بقوله
عنك
وما يهمك قلبي يشقي .. أصلو في الآلام
محنك
وما تحن لو عيني سالت .. ديل دموعي
بودعنك