حركة العدل والمساواة: علي سكان العاصمة من المدنيين الإستعداد لإخلاء العاصمة

نقول ليه احتل الفاشر الخرطوم بعيده

[center]اخوانى الافاضل مع احترامى الى ارائكم
خلونا نكون واقعين من غير تحيز مع العلم بانى لم انتمى الى اى حزب او مجموعه ولكن خوفى على سودانا وشعبنا الطيب الذى ضاقت به وله ان يسكت ولا يتكلم ............
اخى غريق نعم لهم ان يحتلو الخرطوم ولما لا؟ ومن الحارس ؟
الم هم الذين دخلو امدرمان نهارا جهارا
ولم
يتلفت لهم احد ويقهرهم اخى لولا حكمة الله
وتغطيتة للشعب المقلوب على امره بعدم التخطيط ومعرفتهم للمكان المطلوب لكانت الخرطوم فى ايديهم ونحن نتحسر على الكان . وقال ايه نحن عارفين بس عايزين نثبت للعالم ولهم اننا ما ساهلين !!!!والله ساهلين خليتوهم افزعو الاطفال والنساء
وارهبو الرجال بالرغم من عدم مسهم للمواطنين وهم اطفال ململمين من وين ما معروف مساطيل لا يدرون ما يفعلون وانتم فى احلامكم لا تدرون ما يحصل.اصحو الان وبطلو النوم فى التكيف واحمو شعبكم الذي وثق فيكم من الخوف الذى يتمالكهم وهم يعلمون بتهديدات العدل والمساوه والان هم اقوى وكلنا ندرى من وراءهم وله المصلحه فى ذلك على الحكومه ان لا تستهتر بارواح الناس اكثر من ذلك وتعد العداة
تجهز نفسها لكى تحمى المواطنين ولا ننسى ان الخرطوم كلها اصبحت( خليل )واصبحو ما فارقه معهم واحسن ان يموتو شهداء بدلا من موت الجوع والحسره .

اخى الجبالى ود بندا ماتو فيها شبابنا واخوانا من (الدفاع الشعبى ) هل سمعت بان احد ابناء المسئولين قدم نفسه فداء لحماية المواطنين او استشهد فى ود بندا وهل تفتكر المرض النفسى والرعب الذى دخل على الاطفال والنساء والهلع دخل على اسر حكامنا ؟ولا ننسى بالعلم التام بان( خليل رحمة الله تغشاه )متواجد فى المنطقه من زمنا بعيد يدخل ويطلع زى ما هو عايز ولم يكترث له( الجيش) حامينا والحامى هو الله سبحان وتعالى وقال ايه (عايزين نعيد الاعمار ) ونطمئن الشعب .

اعزاىء الافاضل علينا ان نبكى على حالنا وحال اهلنا المنسين
فى اولاد حميد الذين لم يكن لهم حامى يحميهم بل سلموهم بايديهم الى الدمار
ووقفو يتفرجو عليهم .
اخى ابو عزيزى تفتكر المسئله بقت فارقه معاهم كثير فلينفصل دارفور وجبال الشرقيه ومناطق التماس ونحن تائهون لا ندرى الى من نتبع وهم اهم حاجه عندهم الكرسى ولو يحكمو نفرا واحدا.
ادرى الان صنفت من ناس المعارضه !!!!!!
لا يهمنى ولكن يهمنى حمايت بلدى
وعلينا بالدعاء لرفع البلاء من السودان ومن الجاى
خالص احترامى لكم

شكرا يا سهاد على هذا الاحساس النبيل

الله يستر

دى عين الحقيقة يااختى سهاد اللهم جنب بلادنا الفتن ماظهر منها ومابطن

ودخول الخرطوم الان بالنسبة لهؤلاء الجماعة صعب لانو تم حفر خندق كبير يصعب تخطيه وكمان فى كمرات

لكن يهجموا فنقر او يستلموا جنوب كردفان بنسبة مية فى الميه ما مشكله بس لو الخرطوم الدم ركب

قالوا جايين متين ؟

امين يا ربالعالمين