اجمل صور بلدنا

لكل انسان منا له مداه المحدود في التفكير وله احلامه وطموحاته ولاكن عندما نشتاق الى الاهل والى الوطن باخلاص

وصدق تبدا المشاعر تتغلغل وتفور وتتحرك الاشجان التى بداخلنا ونحن لانشعر الا بارتعاش الجسم ولا نعلم ماذا اصابنا

وقبل قليل كنا في حاله مستقرة هاهي لحظات الاشتياق تتحرك فيك لرؤيه الوطن من جديد والاهل والاحباب التي

اجبرتك الدنيا على تركهم والرحيل من امامهم

لن تنام العين حتى وان اغمضت جفونها والقلب يطرب فرحا وتهتز اسوار العين واهدابها لهذة الرؤيه الجميله والتى

ستكون لها حلاوتها وطعمها الخاص وعند الوصول الى ما كنا نريد رؤيته بلهفه شوق وتولع تبدا العين ايضا كما بكت

لرحيله تبدا وتبكي لقدومة لا إرادين ولايستطيع القلب تحمل ما نثرته العين من دموع ويبدا باحتضان القريب من الالام التى

جعله بها وبعد ذلك تبدا الشعور والاحاسيس بالتراجع تدريجيا الى مكانها الطبيعي والى ماكانت عليه للحظات القادمة

هذه من اجمل صور لبلدنا ؟ سؤال للجميع من يعرف مكان هذه الصور بالتحديد له جائزة قيمة0 علي هذا الاساس ارسلتها لكم خصيصاً بالرابط
مشاهدة طيبة اتمناها لكم
دي بلدنا الحلوة والعزيزة علينا مهما مشينا وطفنا في بلاد العالم لم نلقي اجمل من بلدنا

غلبك تلصقها ولا شنو سويتها لينا روابط

والله ضحكتيني شديد بكلامك غلبتك الواحد لو داير يناقشك او يتكلم معاك او يعطيك حاجة الا يتلفت ورا وقدام 0زي ما قلت ليكم ده سؤال وماممكن السؤال يكون مفتوح لازم يكون مغلف بظرف

قريت كلامك قعدت أضحك براي فى المكتب واكتر من زول يجى مارى يعاين لى ويمشى يقول ده جنه ولا شنو

محبتي ومعزتي وصادق ودي

هكذا أنت دوما يا ول نوية ... إشراقاتك كتيره ويا ريت لو تقدر تلصّقها وتغنينا شر فتح الملفات ..

شكرا محمد
بس الروابط ابت تفتح معاى ياريت لو تلصقها مرة اخرى

يا ول نوية الرجاء عدم اهمال هذا المنتدى لانه من اهم المنتديات.

لاحظت انك ليك كم يوم كدة ما نزلت اى حاجة.

رمضان كريم

سلام اخي ول نويه ربنا يحفطك حقيقه لفته بارعه ومنتدي ظرييييييف واقول ليك حاجه عمو فضل عنده رقم هائل من صور المدينه
وخاصه الطريق من رشاد والعباسيه يعني الدخله الي المدينه بس اتخيل لي بتحتاج scanning ويا ريت عمو فضل يشيلها وينزلها وتبقي مشكووووور

شكراً د/ إحسان علي مرورك الجميل؛ هي بلدنا دايماً حلوة وغالية علينا طبعاً الظروف اجبرتنا نغادرها ؛ بالله لوعندك صور من البلد او اي زول تعرفيهو عندو صور يا حبذا لو رسلتوها لي بالبريد او DHLوخلو الباقي علي 0
محا البينُ ما أبقت عيون المها منِّي
فشِبتُ ولم أقضِ اللُبانة من سِنِّي
عناءٌ ويأسٌ واشتياقٌ وغُربةٌ
ألا شد ما ألقاه في الدهر من غَبنِ
فإن أكُ فارقت الديار فلي بها
فؤادٌ أضلتهُ عيون المها مني
بعثت به يوم النوى إثر لحظةٍ
فأوقعه المقدارُ في شرك الحُسنِ

الكوم بجنيهين والداير خمسة قندول يمشي ام درمان

ول ابوي نويه شكرا للصور الجميله لكن العشريف الشين ده ماحقنا ده حق الخرطوم,ده الا (تكجمه كجيم).

Wow --------Wow --Wow Wo Wo WoWowowowowowo

ههههههههههههههه قبضتة ليك عيال جدي ؛ انت عارف ياخال حسن انا دابي ليك من يوم الخماسية لكن مالقيت ليك درب وجبتة هذه الصورة مخصوص لاني عرفتك تحب الصور علي هذا الاساس وقعت في شركي ؛ واول شي اقولو ليكم سعدت جداً بزيارتكم لهذه الصفحة ؛ وداير اقول ليكم كلام شفتة كتيير فنادق خمسة نجوم لكن ماحصل شفة لي مقبرة من خمسة نجوم ؛ كدة وصفوها لي دي بدفنو فيها منو بالله دي؟

كفارة يا حسن ولد ابوي خليل
ول نوية قنص ليك في العيش الريف بتاع الخرطوم المغبر ده انا قايلك ما بتقع في كجامتو الا تكون مشركة ليك في دخن
فرصتك يا ول نوية اتفسح فينا ساي الايام بتجيبك لشركنا

شكرا طارق لحضورك المميز هذه الأيام.

والله قصرت مع الجماعة كنت تجيب ليهم الحبتين الباقيات شكلها دي بتاعت الشوط التاني

الشجرة الضخمة التى فى الصورة الكبيرة هل شجرة تبلدي أم ماذا ؟ فهى كثيفة الأوراق وشجرة التبلدي غير ذلك .. أرجوا الإفادة

بخرة طبعاً
التعليق علي هذه الصور وتوضيحها متروك لعمنا ازهري

كنت أعلم أنك ستأتي .. بمحض الصدفة أدخلت كلمة أبي جبيهة فى محرك بحث قوقل ورحت أفتح كل الروابط ، فعثرت على رابط الإذاعة السودانية وهذه الصور تحت إسم أبوجبيهة صالح وفضل الحاج والأخ سيف وصورة للأخ بشرى إدريس والد المشاكس أشرف وهناك صورة أخرى للباشمهندس صالح الحاج يقلد الأستاذ محمد الأمين وشاحا .. ما أضيق هذه الدنيا.

رد: اجمل صور بلدنا
أزهرى الحاج البشير اليوم في 5:34 am


الشجرة الضخمة التى فى الصورة الكبيرة هل شجرة تبلدي أم ماذا ؟ فهى كثيفة الأوراق وشجرة التبلدي غير ذلك .. أرجوا الإفادة

هذه الصور كانت على ما اظن كانت اثتاء زيارة الخال فضل إلى السودان في خريف العام الماضي 2008م وسافروا الثلاثة هو والخال صالح والوالد إلى أبوجبيهة بعربة الخال صالح التي يقودها الأخ سيف إسماعيل ، وغتسة العربية دي يالنقر الخال صالح أكيد ما بكون عداها لسيف، لي فترة متمني اسافر أبوجبيهة في الخريف .

نعم عم ازهري الشجرة هي شجرة تبلدية من مناطق شمال كردفان منطقة ريفي ام روابة من الناحية الجنوبة

أرض الخصب حتى التبلدي صار وريفا كثيف الأوراق أخضرها .. لقد حبانا ببلاد جميلة وساسة لا يدركون ذلك.

هاى ول نوية هاى .. كضبكو ده .. الصورة دى ما تشبهنا
حسن الحضارة مجلوب بتطرية * وفى الحباك حسن غير مجلوب

هوي يا ول نوية ... الصورة دي إن لم تخني الذاكرة فهي تشبه لحد بعيد حديقة "الفراندافن" بمدينة ميسور الهندية (مدينة الصندل) وهي من أضخم وأجمل الحدائق في العالم وأرجو مساعدة الخال فضل الذي زارها.

عم ازهري والله كنت متأكد 100% انك تدلي بهذا التصريح والله ضحكت لمن دمعت هي دوماً ظرافتك وحلاوة تعليقك
دمت؛؛؛؛؛؛؛؛؛؛؛؛؛؛

المرة دي يا عم ازهري دي حقتنا ودي بلنا في اجمل من كدة الاولي والتانية من ريفي الرهد والاخيرة من جنب رشاد

الشجرة مهيبة وصورة اللوري لوحة رائعة، شكرا أيها الإستثنائي.

عفواً توجد مشكلة في الموقع لهذا الصورة لم تظهر

منتظرنك تعيد المحاوله

تسلم ايدك يا ولد ابوي

شكراً ..عملت ليها انزال وعندي صديقات عيونن خَدُر برسل ليهن الصور نشوف رايهم شنو

منتهى الروعه والجمال تسلم ول نويه

التحية للشخص ملتقط صور جبال رشاد لانه فنان محترف

وما الفردوس اذا؟

سلام يا بلدنا النضيرة

شكرا ول نويه اخذت معك ابو جبيهه عند خروجك وقدمتها لنا نتفيا ظلالها ونستنشق عبيرها ونستمتع بسمائها الصافيه
عرضت هذه الصور على بعد اصدقائى فكرهوا نفسهم وتحسروا وتمنوا ان يكون لهم نصف هذا النعيم
اقترح على الاخ ازهرى اضافة منتدى الصور لنجمع فيه هذا الارث القيم ولتمكن الاعضاء من انزال الصور بسهوله

اقتراح موفق انشاءالله

ياالله ماشاء الله عليكم بالجد اجمل من بلدكم دي والله مافي مين يصدق هذا السحر والجمال موجود في السودان -فنان لكن ياود قادم دقة في التصوير وامتياز وساحبابامتياز يافلتة بالاسكنر حتي اثره لم يظهر ربنا يدّوم لكم هذه النعمة انشاء الله
التحية والتقدير لكم

ادميت القلوب الشاربةمن التعاسة وابكيت العيون الفاقدة نعاسه ترود في الغربة والغربة صعب مراسه

اتوق مشرئبا اذ ذكرت ام هبيلا ** رقراقة عيونها صوبهاهميلا* باكرها واكف صادق النوال**ضمخ ثراها كافورا وزنجبيلا*
تسربلت دثارا سجف سندس** وتوجت بنوار الطلح اكليلا*

يا لجمال تلك الديار !!!!

سلمت يديك يا ول نوية بس لو تكون هلالابي يكون جبنة وشاي وحريقة في أي كمكلي

شكرا ليكم كتير اهلنا علي مروركم الجميل وياعم الفضل بالنسبة لكلامك الاخير ده مافي مشكلة بس شرط واحد؛ القلتهم دييل يجيبو لينا كاس من تشاد انشاء الله بالدس كدة ومامشلكة لوبقي بتاع صفر بنقبلو بعداك بقتنع بيهم وبقول والله الناس ديل مرقو من المحلية ياهو جابو لينا كاس من برة