طرائف رياضية حباكية

كتبت بوست بالعنوان ده وطفش مني

منتظرنك يا دكتورة ....!!؟؟
بس ما تعملي نايمة ع الموضوع ...
وصدقيني أنا شخصياً بحب الطرائف جداً ...
بس ما بحب الشماراااات ...

ومن أطرف لاعبي كرة القدم بأبوجبيهة : يحي أبكر ( صمغولي).
يجهز نفسو من الصباااح ويقول ليك الليلة عندنا مباراه مهمة ...ونلقاه جالس إحتياطي ....
ومن ألقابه : عدو نفسو . لانه بشوت الكورة وبرجعها في الخلف على مرماهو ...ولو لا الحارس فطن وبعرف (شوتات) يحيي أبكر ...لكان أدخل عدة أهداف في مرماهو ...
شكراً يادكتورة ... بكراسينا ومنتظرين ... إحترامي ،،،

يا سلاااااااااااااااااام ما أكثر و أروع الطرائف الرياضية فى أبوجبيهة ..
طبعاً يا جاويش زمنكم زمن العصر الذهبى للكورة فى أبوجبيهة .. كان فيهو حكاوى .. صمغلى واحد .. و طبعاً أستاذ عمر بكر كل مبارة كرت أحمر .. و طوالى يرقد فى الميدان .. و أكثر من كدا .. عمنا المرحوم عمر تايوتا الحكم ما بينهى المبارة إلا جنب الخط كدا و فللى ..
و فى زمنا .. مرة مبارة سهم تضامن الحكم كان أزهرى الحاج .. فى أول ربع ساعة طرد سبعة لاعبين من التضامن بالكرت الأحمر و بعد داك شوف ليك هرج و مرج ... و فى مبارة تضامن كوكب الحكم أستاذ عوض السيد قام أدى الطيب حسن و كرت أحمر و الطيب رفض و عمل شكلة مع عوض السيد و بعد شوية تدخا على حسن نوك و فى الجهة الأخرى تدخل ميمى و القصة جرت .. قرب ينشب إشتباك فى حى المدارس بين شما و جنوب .. من ديك أطلق الجمهور على فريق التضامن لغب (بلنجة)اسوة بالكتيبة بلنجة ..
و طرائف و طرائف ..
شكراً دكتورة على لفتنا إلى الروعة الفى داخلنا ..

الله يطراك بالخير أزهرى الحاج .. لك هذه التحية الخاصة ..فإن الخاطر مزدان بك دائماً ...
أقصد أهرى دانكول

البوست شرك للاخ عوض السيد بس ما جبر بخاطرنا
عاد انا بمشي معاكم الكورة هههههههههه عشان اعرف قدركم؟ احكوا يا جماعه احكوا لينا
والله يا عوض السيد كان ما جبرت بخاطري غايتو ما معروف انتحر ولا اعمل شنو ؟

عمو عباسي وين بالمناسبة؟
================================================

البوست للجميع عليكم الله شاركو فيه

صباح حسن عبد الرحيم كتب:منتظرررررررررين

اديك العافية يا بت امي
اخيتك كتبت كلام كتيير لقتو مافي بعد عملت ليه ارسال
تحياتي

فيصل خليل حتيلة كتب:

لا يكون اتهكر يا دكتورة

ياسر السر حصل اختك دى

تحايا

شكله راح في غضب الله يا اخوي
اها احكي لينا

عثمان محمد يعقوب شاويش كتب:
منتظرنك يا دكتورة ....!!؟؟
بس ما تعملي نايمة ع الموضوع ...
وصدقيني أنا شخصياً بحب الطرائف جداً ...
بس ما بحب الشماراااات ...

كتر الف خيرك عمو عثمان
والله تاني الا القي وقت اكتب بمزاج
وواصل في الحكي عليك الله وثقّوا للجانب ده
=====================================
طمنا علي صحتك

كرم هجانه كتب: عمنا المرحوم عمر تايوتا الحكم ما بينهى المبارة إلا جنب الخط كدا و فللى ..
و فى زمنا .. مرة مبارة سهم تضامن الحكم كان أزهرى الحاج .. فى أول ربع ساعة طرد سبعة لاعبين من التضامن بالكرت الأحمر و بعد داك شوف ليك هرج و مرج ... و فى مبارة تضامن كوكب الحكم أستاذ عوض السيد قام أدى الطيب حسن و كرت أحمر و الطيب رفض و عمل شكلة مع عوض السيد و بعد شوية تدخا على حسن نوك و فى الجهة الأخرى تدخل ميمى و القصة جرت .. قرب ينشب إشتباك فى حى المدارس بين شما و جنوب .. من ديك أطلق الجمهور على فريق التضامن لغب (بلنجة)اسوة بالكتيبة بلنجة ..
و طرائف و طرائف ..
شكراً دكتورة على لفتنا إلى الروعة الفى داخلنا ..

كتر خير كرم الدين وعليك الله شكلك مليان حكاوي ما تبخل سمح؟
وحنس معاي ابوصفوة عوض السيد


تحياتي

د.الجنيد احمد سليمان كتب:

الكورة ضربت الحارس فى صدره...وقع أرضا ودخلت قون..فماكان من المهاجم الا وان همس فى أذن الحارس... الذى انفجر ضاحكا...بعد المباراه..الجماعه سألو الحارس:...الزول دا بعد ضربك بالكوره وجاب فيك قون قال ليك شنو خالك تضحك؟ قال ليهم قال لى: ألم نشرح لك صدرك؟...

حقيقى زمن جميل

هههههههههههه
والله اضحكتنا الله يديك العافية دكتور
وحلفتك تواصل

عوض السيد ابراهيم كتب:

تحياتى اختى العزيزه دكتوره احسان.
كنت بتاوق زى ما قالت العزيزه ناهد وشفت هذا الوست الجميل واوعدك اننى سأشارك فيه احتراما لمناشدتك لى بالمشاركه.
ناهد طبعا كنت بتاوق وبعد ما تأكدت انك موجوده ارسلت لك رساله ..... تحياتى.

الله اديك العافية ويرزقك الجنة قول آمين
وزي ما عزيتني الله يعزك في الدارين يا ود ابوي ابراهيم
==============================
النتم بكيتي بعدين بجي صاده

تسلم


""""""""""""""""""
يلا منتظرين الحكي اخوي

Suhad Abduelgfaar كتب:

تسلمى عزيزتى الدكتوره والله بوست لقطه
التحيه لكل الاخوه المتداخلين(الرياضين )
ونحن محتاجين نضحك بحاجاتنا
ربنا يحفظكم
وكلنا منتظرين ويا ريت لو اخونا( حمدونا )يحن علينا كمان
اكيد عنده الكثير المضحك
تحياتى

الله يفتح عليك يا الغالية والله حمدونا اخوي غيابه طال
واسال الله يكون عافية
ومعاكي منتظرين
ووين اخونا ماجد برضو جرابه بكون مليان
وانا بفتش ليك عمو عباسي "فلس"
والبوست كما ذكرت للجميع
وخلونا نحتفي باحد قدامي "اللاعبين" واحرف اللعيبة اخي عوض السيد

أختى إحسان سلامات .. عوض السيد كان هداف خطير .. أقوانو بسيطة لكن كل هدف بيحكى عن قصة مختلفة .. لكن كان حكم ممتاز .. لو كان فى السودان أنا متأكد ح يكون من أميز الحكام الدوليين .. من الطرائف .. مبارة التضامن (بلنجا) حى المدارس .. ضد النضال حى المستشفى .و دقل فى الجهاز الفنى للنضال .. المبارة مصيرية .. و أى فريق عندو فكى و كدا بس ناس دقل كانوا مفتحين من الناحية دى .. سافرو العباسية تريفت و جابو بخرات و حاجات بيدفنوها فى الميدان .. نحنا قمنا حرسنا الملعب .. جو المسا ما لقوطريقة .. جو فى الليل ما لقو طريقة .. بس الصباح بدرى ضبطناهم متلبسين بيدفنو فى الورقةفيها أسما منتخب التضامن .. طلعناها .. و جبنا ميحاية من شيخ هاشم .. و فى المبارة غلبناهم و اتأهلنا للكاس ..
ياسهاد على ذكر الكورة .. طبعاً ماجد و منتصر من عمالقة العصر الذهبى .. وين أخونا الطيب (زنقد) كنا فى فريق العصمة مع نا على حسن نوك و شلة من الرايعين

سلام لكل من مر من هنا وبجيكم صاده ان شاء الله تعالي
ابقوا عافيه

كرم هجانه كتب:أختى إحسان سلامات .. عوض السيد كان هداف خطير .. أقوانو بسيطة لكن كل هدف بيحكى عن قصة مختلفة .. لكن كان حكم ممتاز .. لو كان فى السودان أنا متأكد ح يكون من أميز الحكام الدوليين ..

طبعا يا كرم اخوي الجوطه بتاعت الاولاد بعد يرجعوا من الميدان بتخلينا نركز في ونستهم ومنهم عرفت عوض السيد علما باني في حياتي شفته مرة واحده وكان طالع من مباراة والحكاوي كتيييرة بس مارة بزنقه شويه وكنت متوقعه للبوست نجاح كبير حسب قصص الكورة وطرائفها في الحباك
ما تنقطع اخوي من المنتدي والبوست
ولك كل الشكر والتقدير

Suhad Abduelgfaar كتب:

الناس فى بلدى يصنعون الحب .
والله اخيتى الدكتوره ماجد ده شغال فى بناء البيت اها نديه فرصه يتم
الطابق الارضى بس وتانى ما فى مجامله بنجيبه تب و نسمع منه الكتير .
اما اخونا حامدونا ومن معهم نشكيهم للحباك .
.

بالتوفيق ان شاء يتمه بالعافية والسلامه بس مرة مرة يدينا طله
والله نسال الله لهم التوفيق في الدنيا والاخرة وبلغيه مني السلام

وحمدونا سلام ومنتظرين اخوي
وعايزين نعرف زمان طردوك من البيت بسبب الكورة؟
خالص تقديري لك

صباح حسن عبد الرحيم كتب:تسلموا جميعا أعزائي
حامدونا طيب الحمد لله وعن قريب بظهر
تحياتي

سلام الصبوحة
الله يبشرك بالجنة انتي واخيك

وحبابه مليار

بوست رائع كرهناالكلام التعيس

من الطرفه الحصلت اليوم الاثنين الموافق 26 مارس سهاد قالت

طبعا ماجد هلالابى ومنتصر حبيبى مريخابى (شوفتى يا احسان الكتابه كمان بالاحمر ) ههههه

يديكم العافيه

من طرائف الصراع

غنت البقارية مازحه (تغيظ اهل شمال كردفان )

كردفان شوفو ليكو ريسة اللبن قد المريسة

ناهد عبيد كتب:
بوست رائع كرهناالكلام التعيس

من الطرفه الحصلت اليوم الاثنين الموافق 26 مارس سهاد قالت

طبعا ماجد هلالابى ومنتصر حبيبى مريخابى (شوفتى يا احسان الكتابه كمان بالاحمر ) ههههه

يديكم العافيه

ويديك الف عافية يا ناهد ياختي هههههههه
سهاد ذاتها "حمرا"

jaber abdulsater mohammed كتب:من طرائف الصراع

غنت البقارية مازحه (تغيظ اهل شمال كردفان )

كردفان شوفو ليكو ريسة اللبن قد المريسة

مشكور اخي جابر
علي الطرفه