صباح حسن ,, بتسلم عليكو حاااار

هوي الناس ماكو طيبين ..

اليوم لقيت ليكو خبر صباح بت ابوي حسن و قالت بتسلم عليكو حار و قرمانه ليكو و قالت سبب انقطاعها منكو كانت سافرت دقشت علي جيهت ايطاليا و اسبانيا لكن الان رجعت و العيال في ايدها عشان كده ما اتمكنت من الدخول علي المنتدي ..

و امباكر لو الله حيانا من الموت بجيب ليكو خبر اقبال بت ابوي عداللطيف و سهاد بت ابو عد الغفار و ناهد بت ابوي عبيد و سومه بت ابوي العمده .. المنتدي ذاته بدون اخواتي ديل " ماسخ " .. تمشي المنتدي العام تلقي محمود باللوري التيمس تمشي علي المنتدي السياسي تلقي ابوهريره بي بدلتا الغبشا .. يعني انسوي معاهم زاته غلبنا ..

مع خالص التقدير

ود عشمان ماك طيب...وسلم على صبوحه
وانا جيت براي اوعك تتسلبط تقول جبتني...ههههه
تحياتي

ود عشمان

اول مرة من يوم ما عرفتك تجيب لينا خبر حلو!!!

اولا جبت لينا بتنا الغايبة صباح لانو ليها فترة طويلة منقطعة ومن هنا نقول ليها الف حمدا على السلامة...

ثانيا جرجرت لينا بنتنا اقبال ودخلتها الحوش وهي ايضا كانت منقطعة بس ماانقطعت زي صباح فترة طويلة.. وايضا نقول للاستاذة اقبال الف حمدا على السلامة...
وبعدين ياود عشمان انت ماك عارف صورة ابوهريرة دي في الصين ول شنو؟؟؟ حتى البدلة الغبشة الما عاجباك دي من الصين..

وبعدين صور اللواري دي انا خاتيها بدل صورتي لانو فيصل خليل والفاتح التوم خلوني اكره صورتي..كلما انزل ليهم صورة جديدة يفنجطوا ويقولو دي صورة قديمة... ياخي ديل انا نزلت صورة كنت متصورا قبل يومين برضو قالو دي قديمة خسادة ساي كدة... عاطر التحايا

ود عشمان كتب:
هوي الناس ماكو طيبين ..

اليوم لقيت ليكو خبر صباح بت ابوي حسن و قالت بتسلم عليكو حار و قرمانه ليكو و قالت سبب انقطاعها منكو كانت سافرت دقشت علي جيهت ايطاليا و اسبانيا لكن الان رجعت و العيال في ايدها عشان كده ما اتمكنت من الدخول علي المنتدي ..

و امباكر لو الله حيانا من الموت بجيب ليكو خبر اقبال بت ابوي عداللطيف و سهاد بت ابو عد الغفار و ناهد بت ابوي عبيد و سومه بت ابوي العمده .. المنتدي ذاته بدون اخواتي ديل " ماسخ " .. تمشي المنتدي العام تلقي محمود باللوري التيمس تمشي علي المنتدي السياسي تلقي ابوهريره بي بدلتا الغبشا .. يعني انسوي معاهم زاته غلبنا ..

مع خالص التقدير

سلامات يا ابن جارت الوادى

طبعا البنات هجرن المنتدى ليه ما عارف ويالاخص الاخوات صباح وسهاد وناهد وسومه

طلتهن بقت قاسيه

الجماعه بسعلوا منكن

تحياتى يا ود عشمان مسعول من الخير الحباكى يس وين الايام دى

هاي ناشي الدكتوره بت ابوي عد الرزاق

ماكي طيبه انشاء الله القرايه كملتيها و بعدين لو كملتي الجامعه ( تبقي لو شنو ) الله يعليك و نشوفك تمرجيه كبيره تعالجي لينا امهاتنا ..

لكم التقدير

هوي اقبال بت ابوي عد اللطيف

خلي البلبصه لو انا ما كشكشت كنتي مرقتي للناس !!

تحياتي للعيال ..

محمود منصور .. كتب ..

"ود عشمان

اول مرة من يوم ما عرفتك تجيب لينا خبر حلو!!!"

ههههههههههههههه ههههههههههههههههه هههههههههه
والله ضحكتني ..

لكن كلامك صحي عن بدلة ابوهريره لانو الجوده واضحة من الصين .. طيب عرفنا موضوع البدله طيب هو مالو اغبش كده !!

دا كلو كوم انت اللوري بتاعك ال ZY تمرقو كيف من الوحل و دا منو الطالع فوق في الشحنه دا ..

لك معزتي

الزعيم غريق

لك التحية و الاشواق ..

شوف يا زول الدنيا خريف و نحن دايرنك تزرعو في ابوجبيهه بتاعتكم الما فيها غير سبعة شجرات منقه ..
لكن لو دايرين الدواس و خريفكم يكون مجهج تاني اشوف زول يقول يسن محمد يسن من ابناء ابوجبيهه ..

لك التحية و التقدير

الفاتح ول ابوي محمد التوم

قرمان ليك حار و معليش طول منك لكن بتصل عليك قريب و تحياتي للعيال ..

العزيز ول ابوي قادم نويه ..

ماك طيب حبوباتك و خالتك في امبرمبيطه بسلمن عليك و قالن ليك كفاك من الغربه قبل تعال ..

لك التحية اخي العزيز ..

لكم التقدير جميعا

يا اخونا اليوم جب ليكم خبر سهاد بت ابو عد الغفار ..

سهاد بتسلم عليكو حار و السبب الشقلها منك شقالا امتحانات و ولدها الكبير البنادو يونس برضو عندو امتحانات لكن قربو يخلصو و انشاء الله الاسبوع الجاي بتشوفها معاكم في المنتدي ..

تحياتي ..

سلام الصبوحه وحمدا بالسلامه والبركه الوصلتى دارك بخير

تحياتى