طريق ابوجبيهه (العباسية - رشاد - ابوجبيهه ) وعيد الاضحي

كل سنة وانت طيب اخي ود اليعقوباب وحمدا لله على سلامة العودة بعد قضاء العيد وسط الاهل والاحبة . منظر الاليات والعربات والكسارات العملاقة االمتوقفة والتي كانت تعمل في الطريق تثير في النفس الحسرة والالم لضياع وتبدد حلم كاد يكون حقيقة واخشى ان يكون مصيرها مثل مصير الشركة السابقة( شركة أحمد موسى ) على ما اذكر  والتي تكومت الياتها حتى اكلها الصدأ وانتهت واذا كانت هنالك مبررات امنية عطلت اكمال العمل في قطاع  العباسية رشاد لماذا لم يبدأ العمل اصلا في قطاع ابوجبيهة رشاد اوحتى ابوجبيهة تجملا واخشى وفي ضوء الاوضاع الاقتصادية والامنية الحاصلة في البلد ان يصبح هذا الحلم امنية بعيدة المنال وربنا يجازي الذي كان السبب في وأد ذلك الحلم الكبير

نسال الله التوفيق

انباء ساره عن الطريق قريبا ان شاء الله

نتمنى ذلك يازعيم وكل سنة وانت طيب

شكرا ابا الساره على التصحيح طبعا الذاكرة خلاص وربك يلطف وعمنا  الغالي احمد موسى بارا الف رحمة ونور عليه فقد كان رجلا طيبا مرحا واذكر مرة في احدى اجازاتي السنوية وفي جلسة رائقة لشرب القهوة مع الوالدة رحمها الله سألني عن الاحوال في السعودية والخليج وكيف القروش هنالك ساهلة وقال للوالدة تعرفي يا بت الامين الجماعة البمشوا السعودية وبرجعوا سريع ومعاهم قروش كتيرة ديل خلي بالك في السعودية الناس الاغنياء والامراء بوزعوا الزكاة بالالاف بس الواجد يشوف ليه صف ويقيف يسلموه كم الف ريال وطوالى يرجع السودان قلت ليه يا عم احمد انا الصفوف دي لسع ما لاقتني
مع خالص الود والتحايا

كل عام وانتم بالف خير اعاده الله علينا بالامن والسلام  وانشاء الله كلنا العام القادم في جبال عرفات

الحكومة لا تملك مالاً !!! فأنسوا مسألة الطريق.

الان تم دحر الجبهه الثوريه تماما

والجماعه بقو فى تولو

دى طبعا عمو محمود ما بيعرفها

فيصل ترجملو

الطريق قريب والحرب حتخلص

الزعيم.... بعرف نرتتي ومرتقلو وقلول

 انا متاكد انتو ما عارفين القرى دي وين وفي أي ولاية

يازعيم انا لفيت جبال النوبة كلها بالدراجة ماخليت امبرمبيطة ولا فطاطات ولا السهل ولا القردود ولا جديد ولا تاندك  ولا دبيكر ولا الكور ولا حلة سمبو.... اها ايه رايك

تحياتي

برضو يا استازنا محمود ما قلت لينا تولو دي وين ؟ والظاهر الزعيم شربك المقلب

نتمنى ذلك يا غريق

طبعا يا جماعه عمو محمود قايل تولو دى حله هههههههههههههههههههها

احسن يا عمو تستعين بى صديق وانا من اول قلت ليك شوف مونج يشرح ليك

طبعا الايام دى انا قاعد فى الحباك

هاك تولو دى

ياليت يصبح هذا الحلم حقيقة