طه سليمان يترشح لرئاسة الجمهورية.... تابع ردود وقع الخبر على قراء موقع النيلين

ه سليمان يترشح لرئاسة الجمهورية


03-10-2014 09:17 AM




أعلن في النيلين
 

20 | 0 | 1803



خدمات المحتوى

• أدوات :
  
• [أضف تعليق]
  
• [إرسال لصديق]
  
• [طباعة]
  
• [حفظ بإسم]
  
• [حفظ PDF]
  

التعليقات
#197882 [مالك حسين]

03-10-2014 09:26 AM
يلا .. هي أصلا بلد ما معروف كوعها من بوعها.

آآآآخ يا سودان .. معليش يا سودان

[مالك حسين]


#197885 [abdu]

03-10-2014 09:27 AM
قوم لف شوفلك حفلات انت ما قادر على نفسك تقدر على حكم السودان والله اقولك تم الناقصه

[abdu]


#197886 [صلاح ميرغني]

03-10-2014 09:27 AM
الحمد لله عشنا وشفنا العجب العجاب

[صلاح ميرغني]


#197892 [مطر الرشاش]

03-10-2014 09:37 AM
والله ياهو الفضل السودان من الأزهري وأب عاج لــ عمرالبشير وطه قنبلة.

[مطر الرشاش]


#197893 [سفيانوف]

03-10-2014 09:37 AM
و الله لو اترشح لأتحاد الفنانين امكن انجلد ,,,

[سفيانوف]


#197895 [توتال]

03-10-2014 09:38 AM
انت بتفتكر نفسك شنو يعني لو فاكر نفسك فنان والله الفن في جهة وانت في جهة لو بتفتكر عندك جمهور فقط الناس الحولك الا كان تترشح في جمهورية الغناء الحابط والصريخ

[توتال]


#197896 [السوداني]

03-10-2014 09:39 AM
لماذا لا ؟ فهو مؤهل أكثر من العساكر الحاكمننا حسع ديل " تلقاه خريج جامعي .. وله شعبية أكثر من شعبية البشير ذاته وأكيد حايكون أرحم بالشعب السوداني من الحكومة الحالية ومن الكيزان الذي أذاقوه الويل وسهر الليل ودمروا كل شئ وما حصل في عهدهم لم ولن يحدث في أي وقت منذ وجود السودان كدولة على وجه الأرض .. " كيجاب ماحصل ترشح ما المانع ..

[السوداني]


#197897 [mansor]

03-10-2014 09:40 AM
ههههه ههههههه
طواااالي (حنصل وين يعني)


[mansor]


#197903 [مشار كوال]

03-10-2014 09:54 AM
اخي الفنان طه سليمان ارجو العدول من هذه الفكرة لان الكنكشة عواجيز المؤتمر الوطني ستظل الي ابد الدهر

[مشار كوال]


ردود على مشار كوال
[Aboahmed] 03-10-2014 11:52 AM
وانت الدخلك شنو يا مشار كوال يحكمنا علان ولا فرتكان ... ما تمش لي جنوبك الراح في حق الله ده ولا لسه مكنكش في الشمال ده وابيت اهلك تب ...

[Aboahmed] 03-10-2014 11:54 AM
وكمان قاعد في اسرائيل يا مشار كوال يادوب انتبهت للعلم ..
لاحول ولاقوة الا بالله ....



#197909 [مستغرب]

03-10-2014 09:58 AM
معليش يا سودان

[مستغرب]


#197915 [المتبرم الزهجي]

03-10-2014 10:02 AM
والله يا جماعة الخير وبدون زعل وبدون حزازيات لو ان طه سليمان صدق في حديثة سيفوز في الانتخابات لانه يملك شعبية كبيرة في اوساط الجنس اللطيف... يعني سيضمن تصويت البنات كلهن و لا تستهينوا باعداد البنات فقد اصبحن اكثر عددا من الرجال...
والشيئ الاهم هو ان الناس كرهت الوجوه المطروحة والتي يمكن ان تخوض الانتخابات وهم شلة من الكذابين والدجالين واللصوص والبلطجية ولايوجد شخص مناسب ومؤهل ليقود البلد عير سلطان كيجاب وطه سليمان على الاقل نضمن ان الغناء سيكون بالمجاني في حفلات الرئيس القادم

[المتبرم الزهجي]


#197921 [رابسو]

03-10-2014 10:18 AM
قسما عظما ، وهذا قسم لن أتنازل عنه ، أذا كان رئيس جمهورية السودان الديمقراطية فنان فاشل مثل هذا المدعو ، لكانت أسرائيل وجهتي القادمة .
كيف للسودان أن يستهان به لهذه الدرجة ، خلاص صار الأنحطاط أن يأتي مثل هذا الجعلص ويصرح بأن يريد الترشيح لرئاسة الجمهورية ... والله هذلت ..

وبرنامجة الأنتخابي عنوانه " سنتر الخرطوم " ...

نحن لا نستهين بفنانيا العظماء وما تبقي منهم ود الأمين الكابلي أبو عركي .... والله لو وآحد من هؤلاء تقدموا لرئاسة الجمهورية فأهلا وسهلا بهم لأنهم أفنوا للسودان جل عمرهم في أسعاد الشعب السوداني ، ولكن مثل هذا الجعلص أفسد الشعب السوداني بغنائه الهابط المايع مثله ...

أنطم وأخرص يا جعلص ، وأخرتها تقول عاوز تبقي رئيس ، رووووووووح ربنا يأخدك ....

[رابسو]


ردود على رابسو
[صلاح ميرغني] 03-10-2014 10:44 AM
هاهاها كتلتني من الضحك - يعطيك مليووووون عافية



#197924 [عوض]

03-10-2014 10:23 AM
حيفوز حيفوز وانا اول من اعطي صوتي له
خلاص مللنا الاحزاب التقليدية والتبعية العمياء والطبقات المتخلفة ، علشان السودان يمشي لقدام لابد من شباب غيور ويحس والم الضعفاء والمساكين ويهمه الوطن اولا واخيرا .......

[عوض]


#197934 [اميرالشروق]

03-10-2014 10:35 AM
طه سليمان لم يكمل تعليمه الجامعي ونم فضحه علي الهواءفي قناة النيل الأزرق واعترف بأنه ساب الجامعة وفشل فيها

[اميرالشروق]


ردود على اميرالشروق
[Aboahmed] 03-10-2014 11:58 AM
اها عمر البشير ياهو الاكمل الجامعه واتخرج منها ....؟؟؟؟؟؟؟؟؟



#197935 [معتز]

03-10-2014 10:38 AM
كترت المحلبية

[معتز]


#197940 [سعد]

03-10-2014 10:47 AM
تعالي يا بريطانيا احكمينا واستعمرينا ودقينا تاني ما عندنا مانع خلاص قفلت تب معاي . الحرب الاهلية قادمة شدوا حيلكم .

[سعد]


#197942 [واحد]

03-10-2014 10:49 AM
والله انا مابتذكر سمعته ول لا لاني ماقاعد افرز بين واحدين كتار كده , لكن بصراحة الود حليوه وبعجب البنات .اقترح انو يترشح رئيس لاتحاد جامعة الاحفاد

[واحد]


#197951 [الريح]

03-10-2014 11:14 AM
من هسي صوووتي ليك. والرهيفه التنقده

[الريح]


ردود على الريح
[Aboahmed] 03-10-2014 11:55 AM
هي انقدت وانتهت تاني تنقد اكتر من كدي لا وين ...



#197953 [abu-abdullah]

03-10-2014 11:34 AM
ياشباب انتو زعلانين ليه مافي كتير دول بتحكمها حريم ايه المشكلة لو اترشح طه سليمان او ندي القلعة بعدين مش الحكاية دي ديموقراطية يلا ورونا شطارتكم ما يبقى كلام ساي

[abu-abdullah]


#197959 [غربة]

03-10-2014 12:02 PM
ياأخوانا ما تكبروا الموضوع الزول النايم ماعليه ذنب كان فاتته الصلاة وكمان الصايم لو أكل نسيان وكمان السكران وكلام السكرة

[غربة]

جايز.... دا الفضل لينا ... حليل وردي... وحليل بلدي .... الحكاية هي قايلها أغاني وأغاني  .... هه هه ههه هه هه ... طبعاً بلهجة وصوت السر قدور

له الحق مكفول بالدستور .. ولكم الحق في من تولوا وأتقوا الله في إنتجابكم فإنكم مسئولون

يادكتور

طه سليمان لم يكمل دراسته الجامعية  ونظام التقديم للترشح به شروط تستوجب ان يكون المتقدم للترشيح قد اكمل دراسته الجامعية ويرفقها مع ملف التقديم

طه رئيساً..من يثني ..!!



03-14-2014 02:53 AM
*عبدالباقي الظافر

(تعلمون يا شعبي انني لم اتلقي تعليما جامعيا ولكنني أؤمن ان رئيس الجمهورية يقوم بمهام اكثر مما يشغل وظيفة.)..بتلك الكلمات العميقة اعلن الموسيقار والشاعر يوسو أندور ترشحه لمنصب رئيس جمهورية السنغال..أندور لم يكن حديث عهد بالحياة السياسية إذ سبق ان شغل منصب وزيرً الثقافة والسياحة في بلده الذي لم يشهد انقلابا عسكريا في تاريخه..لم يتمكن أندور من إصابة المنصب السامي بسبب فشله في جمع التوقيعات الشعبية المطلوبة وفقا لقانون الانتخابات ..المطرب الشهير ساهم في إنزال هزيمة ساحقة بالرئيس عبدالله واد الذي خالف روح الدستور وترشح للمرة الثالثة..عبر الأجيال الجديدة التي جذبها وجود شخصيات مؤثرة مثل المغني أندور انتصرت إرادة التغيير بفوز الرئيس الشاب مكي سال في انتخابات 2012..ولم يجد الشيخ واد غير ان يهني خصمه بعد ساعتين من اعلان نتيجة الانتخابات.

في عددها الاول حملت لنا (الصيحة) عزم الفنان طه سليمان الترشح لرئاسة الجمهورية في الانتخابات القادمة..ربما استنكرعدد كبير من القراء إيراد الخبر على ذاك النحو..وربما اعتبر عدد مقدر ان الامر مجرد مزحة سياسية تستهدف الإثارة..من يظن خيرا بالمطرب الشاب سيضع الخبر في سياق حكاية كيجاب والانتخابات ..فقد ظل السباح كيجاب يفسد عدد من الجولات الانتخابية بولوجه ساحة التنافس بشكل غير جاد يستهدف لفت الأنظار.

بداية ما الذي ينقص الفنان المحبوب طه سليمان ليصبح رئيساً في دولة كالسودان ..الفنان طه يملك شعبية كبيرة وسط الشباب..شعبيته عابرة للولايات وتتجاوز كثير من الحواجز العرقية والاجتماعية ..اغلب السياسيون الذين ينتظرون دورهم في الوصول الى القصر او المطالبين بالتمديد لن تستطيع برامجهم السياسية استقطاب الاجيال الجديدة التي جعلت من يوم وفاة الفنان محمود عبدالعزيز يوما وطنيا للحزن.

هنالك زاوية اخرى لمرشح يحمل مواصفات المطرب طه سليمان ..طه وامثاله لهم من الإمكانات المادية ما يجعلهم *قادرين على إدارة حملة انتخابية دون ان ينظروا *الى خزينة الدولة.. عبر عدد من المناشط الفنية وجلسات جمع التبرعات واستنادا على بريق النجومية يستطيع طه سليمان تمويل حملة انتخابية منظمة ..فيما معظم الزعماء المخضرمين يرنون الى دعم خارجي من الأصدقاء او ينتظرون دعما من الدولة الفقيرة.*

اغلب الظن ان الشاب طه يفتقر الى الخبرة السياسية التي تجعله يدير بلدا ينوء ظهره بالكوارث.. هنا أيضاً نقطة إيجابية تحسب للفنان الشاب..بمعنى ان تاريخه خال من المخالفات السياسية التي تجعل نصف الشعب يقف ضده..البرنامج السياسي مسالة سهلة ..كل السودانيين يطلبون وطنا معافا من الحروب وخال من الفساد ومستقر اقتصاديا ..اي رئيس جديد يجب ان يستعين بمؤسسات تساعده في اتخاذ القرار الصائب..وجود رئيس بمواصفات طه سليمان يوطن دولة المؤسسات في السودان.

للأسف لن يتمكن طه سليمان من تحقيق حلمه السياسي بسبب ان الدستور الحالي يضع *بلوغ الأربعين كشرط أساسي لمن تحدثه نفسه في خدمة الناس عبر الوظيفة العامة..بصراحة الدستور كتبه شيوخ يظنون ان طه سليمان وجيله مجرد عيال.

عزيزي القاري اغمض عينيك وتخيل سليمان طه رئيساً..الان ربما أدركت الفرق بين الشاب طه سليمان والشيخ سليمان طه.. اللهم لا تحاسبنا بما فعل الشيوخ منا وفينا.

Aaalzafir@gmail.com

زمان محجوب شريف لمن نميري أصبح رئيساً للسودان كتب محجوب :
جنرال  جعفر ...يا خي استغفر
دنيا دا حالها ... دنيا زبالة
كمان جابت طه سليمان