الراكوبة والعنقريب الهباب!!!

من طرف **nashi** 18th نوفمبر 2009, 03:55

تناول الاخ محمد موضوعات كثيرة في هذا المنتدي واري ان التفاعل معه قليل بحجم ما قُدِم هنا وعليه قررنا ان نلفت انظار الاخوة الرواد باهمية هذا المنتدي...ولتأكيد ذلك نسال سؤال ...من منكم يشتهي انطراحه في عنيقريب هباب في راكوبه كبيرررررررررررررررة ويشرب ...جبنهّ....كركدي....تبلدي....شاي...او حتي عصير ليمون ما فيهو ثلج؟؟؟ Very Happy

ياسلام عليك ونحن الباقي لينا ايام معدودة حتى نحقق هذه الامنية في العيد
يادكتورة ماشاءالله ابو ابو الزهور رائع وصورة سكر
وشايف اخوي الصهيوني ظهر على السطح الباقي لينا حيدر

الله يعينك يا دكتوره انتى خلاص درتى البلد كلامك دا بس زى الزول لما يكون صايم اى حاجه يلقاها يشتهيها ويلمها يقول دى اكلها بعدين لما افطر ولما تجى مواعيد الفطور ما يقدر (شهوة صايم )

ست الشاي ازيك ؛
نتضامن مع الاخ محمد رغم المشغولية المحاسبية ؛ والجري في حق الخروف

من طرف **nashi** 18th نوفمبر 2009, 08:13

الله يعينك ويفتحها في وجهك قول امييين يا ود امي

ويفتحها علينا كلنا آمييييييييييييييييييييييييييييييييييين

من طرف **amin_manga** 18th نوفمبر 2009, 11:19

احباب المنتدى سلام
انا قبل ما اعرف الموضوع زاتو شنو ؟
اقوم اجيب ليكم دور رملة من البطحة وزير من ام خماشة +قرعتين كبار واربعة كاسات (ام تقرقر) ورزمة بروش (اب جوقى) من كالوقى

يا امين والله يا حليلك ام خماشا بقت بتعرض ثلاجات لبهر وكولدير احسن نمشي ليا وام شرموط نجيب لينا قرب للمويا
وابوجوقي دة نفرشوفي شنو؟
الارضيات بقت سراميك وبورسلين ورخام
حاجاتك دي يا خوي الا كان دوديها المتحف

من طرف **amin_manga** 18th نوفمبر 2009, 15:09

ول كمبال سلام وشكرا على المرور والكلام دا كله قبل الظلط ؟؟؟؟؟
طيب ول نوية راكوبته دى يسويها لينا فى دبة البخس ولا شنو رايك !؟

هسه الموضوع دا كتبوهو فى الصين تجو يا جماعه تقولو لينا امخماشه ودبة البخس...... بت الناس دى يا جماعه اشتهت ليها فنجان جبنه وعنقريب هباب سويتوها ليها سيراميك وتلاجات ليبهر........ (أرسم يا ول نويه حبوبتك ولا حبوبتى قاعدات ليهن فى عنقريب هباب والجبنه قدمهم خليهن يقولن لأخيتك الددكتوره الفضّلى(بفتح الفاء والضاد)

من طرف **nashi** 19th نوفمبر 2009, 13:08

الرسمه روعة بس ما فيها العنيقريب Very Happy

مشكورة يا اختي علي المرور وانشاء الله الاسبوع الجاي اجيب ليك عنقريب هباب وبرش ابوجوقي كمان

من طرف **amin_manga** 19th نوفمبر 2009, 15:07

دا كلام عجيب يا ول نوية قلت لى الشاى لبتون (ليبلس) والمجلس عربى !!!؟؟
واااخر انبساطة
كدى ياخى اجدع لينا حاجة قبل الظلط
مع وافر حبى

الله يخليكم و يكتر من امثالكم.

محمد نوية و أحسان ( جوز مميز ) فلكم منا ألف شكر يا جماعة.

تقيرت بالفعل معالم مناطقنا و دخلت علينا ثقافة نحنا لسنا بحاجة لها و قبلها كنا مرتاحين

تحت النيم و على ابو جوقيه و البروش العادية و حتى على الطين.

تجملا - ديبكر- كنجارة - طيبة - كلها اصبحت فى خبر كان و حصل اندماج طبيعى لها

وصارت جزء من احياء ابوجبيهه بدلا عن قرى لها طعم و مزاق خاص.

يا جماعة مشتهى لى فول ابونقوى ما عارف مناسبتو شنو.

نحنا حنستمتع بأبوجبيهه فى العيد و حنلتقيكم على الهواء مباشرة من هناك.

لكم جميعا التحية

قال فول ابونقوي قال
يافيصل هو الفول المصري بقى مافي تقول فول ابنقوى
يا عوض السيد ياخي الناس الحصل ليهم شنو ده داير لية برش ودة داير ليه جبنة وده فول ابونقوي وانا دستوري نازل مع ابو الزهور في خرطوم تلاتة

ول نوية يمين مافي كلام
طاحونة عيال منقة دي الظلط سواها برة
بت ابوك عبد الرازق دي طلاباتها مابتنتهي مرة عسير ليمون ومرة جبنة ومرة راكوبة وهسه قالت مالقت عنقريب
يا دكتورة نحن من الصباح دة بنرطن؟ ما قلنا لكي المطار ما فيه عناقريب ولا انت نسيتي؟
ياجنابو امين ول نوية راكوبتو دي يمين في الكور ما يلقا ليها مكان دبة البخس دي اهلا ولا بتوها(بكسر البا)

نويه فنان رهيب الله يديك العافيه يا عزيز لكن بت ابوك ما رسمت ليها العنقريب.
ابن عمى طارق صباحك يا بلد .....الناس ديل ما عارف زى ما قلت الحاصل عليهم شنو لكن أظنها هضربة ظلط

تسلم عوض السيد
اخوي الجانا منك قال لينا انت جاي ياهو نفس الخبر ولا في جديد

من طرف **nashi** 21st نوفمبر 2009, 09:42

ناس الزلط بقت عليهم حكاية هجم النمر!!!
حكايتي مع العنقريب اخير مع عدم حلاوة زلط البغشونا بيها دي
ولا رايك شنو؟

طارق أنا جاى باذن الله فى نهاية يونيو القادم بعد الاولاد يأجزوا من المدارس وسأزورك انشاء الله فى مكتبك الجديد الذى علمت انك مشغول بتجهيزه هذه الايام بس انشاء الله جنبك واحده بتعمل شاى ساموطى

تسلم يا حبيبنا وتشرفنا كتير جدا بزيارتك والمكتب بيكون اكتمل تجهيزو ومعاي حبشي بيزبط شاي يمين تقول ولدوه في نيفاشا
الدكتورة هجم النمر لكن المرة دي ما قالها احمد براهو قالوها معاه كتار

من طرف **nashi** 21st نوفمبر 2009, 10:48

الكتار ديل لازم يعرفو من هنا ولي قدام كله موثق ومافي لعب...

اها يا احسان ما شفناك ولد ابوي سواها ولا يخاف عقباها

والله يا ول نويه تب ما قصرت مع اخيتك

عوض الجاز عليه بالطلاق شارع ابوجبيهه اولويه نمره واحد00000ونشوف

من طرف **nashi** 21st نوفمبر 2009, 13:27

ما قصرت تب والله ده الكلام...
انهبشك في موضوع المدارس والتِعلِيم يا ود ابوي Very Happy

شكرا دكتوره انشاء الله كلو يترتب

من طرف **amin_manga** 21st نوفمبر 2009, 16:04

قلتو لى مقيلييييين فوق راكوبتكم ..ومتقهوجين والله يديم الانبساط واللمة يارب لكن ياول نوية البنبر دا بنبر طنضب ولا هليج ؟
اها يا يا دكتورة تانى باقى لستة الطلبيات شنو ؟

يا ول نويه اللابسه أصفر دى أم (قيقو)......قيقو دى يعنى قلق على وزن زيزو عند اولاد شحاته

من طرف **nashi** 22nd نوفمبر 2009, 02:21

الابداع واضح وباقي الطلبيات موضوع التِعلِيَم واجعني بالحيل وطان الناس ديل ما التفتوا لينا شوية بنسحب قواتنا وبنتش.........ول نوية خابره ضُمة ....
كي ول نوية اتينا(اعطينا) واحد كارب في موضوع المدارس
وشكرنا الجزيل

ابشري الليلة لو ماجايك شمار المدارس ام باكر دُقش بجيك لمن تطقي الروراي مع عوعيت الديك

من طرف **nashi** 22nd نوفمبر 2009, 10:37

ايويييييييييييييييييييييييييييييييييييييييييييييييييييييييييييييييييييييييي اها زغرت Very Happy

ابشري بالخير يمين امباكر نتش العويش قايلة

من طرف **amin_manga** 22nd نوفمبر 2009, 21:31

راكوبتكو دى فوكا رقراق والناس لقت الهمبريب قال ليك وامتضري ساااااااااى confused

ول نوية اخوي هال الشرقانية دي cheers

من طرف **nashi** 23rd نوفمبر 2009, 02:50

الراكوبة من حلاته بسوي ليكو فوقه لقيمات حار ومن نارووووووو Very Happy

معزرة يا بت ابوي الاسكنر انتهي عشان كدة ما تشيناكي بشمار المدارس المساء بجيبو وبكرة تقعدي في نص الفصل وتفكي الزغاريد

من طرف **nashi** 23rd نوفمبر 2009, 14:23

لا عليك..منتظرين

الراكوبة والعنقريب الهباب!!! %D8%B7%D8%B1%D9%8A%D9%82

معليش الكتابة كانت كتيره عليه اجبرتني ان تكون بهذا الحجم ؛ولو مافهمتو المعني اخبروني باعادة كتابتها تحت
مودتي

من طرف **nashi** 24th نوفمبر 2009, 13:10

عاد يا اخواتني كان كلامكن ده طلع بي صحو وما فيهو لولوة عاد الا نضبحو التيران ونلمو في المدرسة يوم جمعة البلد دي بي صمته ولمته كباره وصغاره رجاله وعوينه
و نكرمو كرامة اتكلموا بيها البلد والبلدين وعيالنا وبناتنا البرا كلهم احضروا وقال كدي يا يمة وتسمعي الزغارييييييييد يجيبن الرايح والعيال الا بضربوا في الروراي...... Very Happy

من طرف **nashi** 3rd فبراير 2010, 02:36

الراكوبة دي يااختي دايرة ليها عريش بنعرشا ليك انشاء الله بي دندور

الصيف مادخل ياول نوية الدندور بعمل عوه ...صيانة الراكوبة مهمه ..والعنقريب الهباب ...بتتزكر عمك ناديني يازول ..
عمك ناديني يازول كان يبيع العناقريب في ابوجبيهه ...ويحمل العنقريب وينادي :ناديني يازول عنقريب هباب للسوق ..

تحياتي وتحيات الاخ مجذوب ...

ناديني يازول
والله اشتقنا لصيحاتو بنبر عنقريب كرسي
سنفرد له صفحة في شخصيات من ابو جبيهة
شكرااخي زهير

توفي عمك عبدالوهاب ..ناديني يازول قبل فتره اخي طارق...
له الرحمة والمغفره ..

زهيرحسن السيد كتب:توفي عمك عبدالوهاب ..ناديني يازول قبل فتره اخي طارق...
له الرحمة والمغفره ..

ما غالي على ربه هكذا الدنيا
كان انسانا بسيطا يتكسب من صناعة العناقريب والبنابر والحبال
اللهم ارحم عبدك النظيف واغفر له وتوب علية وادخله جنتك يا سميع الدعاء

اليوم الصعيد جاب الهبوب مقلوبة
ذكرني ام شليخ الجالسة في الراكوبة

الراكوبة فى الثقافة الشعبية السودانية يقصد بها تلك الغرف التي يتم بناؤها او تشييدها بالاخشاب وبما ان الرواكيب وهو جمع راكوبة ارتبطت بثقافة الانسان في الريف السوداني الا انها من الاشياء التي لم يتنازل عنها المواطن السوداني الذي انتقل الى المدينة واستقر بها لذلك نجد الراكوبة تحتل موقعها الاستراتيجى داخل المنازل الفخمة.
وتعتبر الراكوبة من اكثر الاماكن التي يجد فيها افراد الاسرة راحتهم وذلك لان تصميمها الشعبى مريح كما انها غالبا لاتحتاج الي مراوح او تكييف لانها مهياة بطبيعتها لتكون ذات برودة طبيعية .
الراكوبة فى الخريف
لقد دخلت الراكوبة ثقافة الامثال السودانية فمثلا يقال عن الشخص الذي لايعتمد علية ماتشكر لي الراكوبة فى الخريف وجاء هذا المثل من ان الراكوبة لاقبل لها بالامطار التى تهطل في فصل الخريف.
وبما ان الراكوبة غير قادرة على حماية من بداخلها فى فصل الخريف فانها بذلك تشبه ذلك الشخص الذى لا يستحق ان تعتمد علية فى المواقف الصعبة والحرجة فهو مثل الراكوبة فى الخريف.
الرواكيب فى الاغنية السودانية
للرواكيب ايضا حضورها فى الغناء السوداني الحديث فقد ارتبطت الرواكيب بواحدة من اشهر اغنيات الفنان الراحل مصطفى سيد احمد وهى اغنية التي كتبها الشاعر حافظ عباس (( الطيور)) والتى تقول احد مقاطعها (( والرواكيب الصغيرة تبقى اكبر من مدن )) وهنا يبدو واضحا تفاؤول الشاعر ورهانة على مستقبل برؤى لاتخلو من بعد سياسى
مسميات مختلفة
وللرواكيب اكثر من اسم فى الثقافة الشعبية السودانية فهناك من يسميها (( بالكريقة )) وهذا اسم تتداولة بعض قبائل الشمال وبعض القبائل الاخرى تسميها بالكرنق.
الراكوبة هتاف كروى
ولكن اطرف ماارتبط بالراكوبة هو ذلك الوصف الذى نستخدمة جماهير كرة القدم عندما تريد ان تصف احد مدافعى الفريق الخصم بانة فالصو فيقال انة راكوبة وليس هناك وصف اقسى من ذلك على لاعبى كرة القدم الذين يلعبون فى منطقة الدفاع ويتطور هذا الوصف ليصبح هتافا تردده الجماهير ومفادة (( الراكوبة كشفنا عيوب)) والمرة الجاية كان حيين نتكلم عن العنقريب ياود قادم بس كدة بالله ارسم لينا هباب تمام كدة زي البنبر الرسمتو للاخت nashi ده
تحياتى

من طرف **nashi** 5th فبراير 2010, 00:58

شكرا كثيرا يا ود النوبة والله ما ساهل تب ربنا يديك الصحة والعافية
واختك البوست ده فارق معاها الفيهو ده يعني الراكوبة والعنيقريب الهباب في شان كده طوالي عامله ليهو
up
up
مشكوووور

العزيزود النوبة ابدعتة
لك التحيه وانت تسوح بنا الى الذمن الجميل والتراث الاصيل
العنقريب لايمكن ان يزول من حياتنا ابدا مهما كان لانه تاصل فى حياتنا
فالعنقريب مرتبط باهم مراحل حياتنا فى افراحنا وفى اتراحنا ,فالعنقريب مرتبط بنا فى الفرح
خصوصا يوم الجرتق ويقف عنقريب الجرتق شاهدا على احلى اللحظات واسعد الايام اليس كذلك
وعنقريب الجرتق اعتقد يكون موجود فى كل بيت سودانى الى وقت قريب اعتقد؟
و (العنقريب الهباب) وهذا يتميز بالوزن الخفيف لسهولة تنقله ويمتاذ كذلك بارجل قصيره
ويكون عاده فى ضل الضحى ومااحلى الجبنه فى ذلك العنقريب,,وبكل طقوسها القديمه ,,نرجع للعنقريب _هنالك النوع الاخروهو (عنقريب الجناذه) ويقف العنقريب وقفه اخرى فى ختام الحياه لكل سودانى افتكر ومهما كلن وزنه فى الدنيا الفانيه وهو يحمل على هذا العنقريب وكما قال ..لم يحضرنى اسم القائل والحكايه بقت موت وحياه
المهم يقول :كل ابن انثى وان طالت سلامته فيوم على االة حدبا محمول والااله الحدبا عندنا هنافى السودان العنقريب ...
وراجع ليك ياظريف وامرك ماشي برسمو ليك
التحية لك وللاخت nashi