من روائع خليل فرح

زاهى فرعك قالها في ليلة عرس صديق له
  
زاهى فرعك نما وسما
تشبهى الضو فى السما
الخدود نارها مضرمة
في حشاى دافنة مفرمة
بي هلاكنا أنت مغرمة
طرفك الساهى كم رمى
سمحة قامتك على التما
فاهك البسمة خاتما
للبدور خدك إنتمى
في العيون فصدك احتمى
يالقلب لي تقسما
وحبيب لي تبسما
بدر تم وقد سما
اه ما أبعد السما
يا نسيم أمشى سالما
بى لطيف شيشا حلما
بالعلى أبقى كلما
وهاك رويحتى ليها سلما
مجلس الأنس ضمنا
نحنا والكانوا يمنا
والسرور كله عمنا
مافى هم لا همنا
مافى جاهل بذمنا
يا شقاوة البشمنا
العيون هادرة دمنا
أصله ما بيبرأ سِمَّنا
وقفت بانة النقا
ديسا طاويها فالقا
النظر راح يسارقا
صد قال فوقا خالقا
الحرير ماله خانقا
والحجيل يمشى زانقا
صيدة روايها ما اتلقى
كل شىء فيها قالقا
جلست شوف تأملا
وقفت ضجت الملا
صاح شاديها واتملى
متنا ما سمعنا ململة
شوف وريدا وسوالفها
شوف صديرا المزالفا
شوف ضميرا الموالفا
من كفيلا المخالفا
ليلة فى غاية الصفا
حفلة معدومة الصفة
يا نديم عقب أوصفا
وأقطف أزهارها صفصفا
غصن بان إذا مشى
واذا مال واختشى
فضح الغصن والرشا
لك يا غصن مافشى
لك يا ريم ما تشا
لك فى داخل الحشا
روضة طيبها وشوشا
الحسان تمشى قادمة
يضون العتمة كالدما
يا عيونى تهدما
من صياح أذرفا دما
كوكب السعد إنتمى
لك يا صاحب النما
فسلام عليك ما
لبس الروض نمنما
العيون ناعسة صاحية
والخدود يقطرن حيا
البصيبن ما حيا
ما بتزيل عطشته الحيا
إنت يابر يا سلام
للجميع أكتب السلام
وأحفظهم فى صلا وسلام
مع أحمد عبد السلام