ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

من روائع عقد الجلاد

3 مشترك

اذهب الى الأسفل

من روائع عقد الجلاد Empty من روائع عقد الجلاد

مُساهمة من طرف Hassan Khalil 24th يونيو 2009, 12:32

عقـــد الجـــلاد إمتـــداد حقيقــــي لجيـــل المبـــدعين في بلد يتنفس أهلها الموسيقي والكلمة الرصيـــنة .عقد الجلاد من اجمل الفرق السودانيه الاصيله التي تقدم الفن الراقي الجميل دمتـــم زخـــرا وعشقــــا للوطـــــــــــــــن

من اعمال عقد اجلاد

نحنا اهل الفرحه جينا لا المدامع وقفتنا ولا الحكايات الحزينه

نـــــــــورا

هيْ .. أقيفِنْ .. ‏
نورا فِيكِنْ
نورا ... نقّاحة الجِّروفْ .. ‏
نورا ... حَلاّبة اللِّبيني .. ‏
للصغيرين والضِّيوفْ ‏
نورا ساعة الحَرْ يولِّعْ .. ‏
تنقلِبْ نسمة وتطوفْ ‏
تَدِّي للجيعان لقيمة ‏
وتَدِّي للعطشان جغيمة ‏

واخيرا رائعة الشاعر محجوب شريف

.نقطة ضوء.

و احدة من اجمل ماتغنت به عقد الجلاد

كلمات الاغنية

في اللحظة ديك والتو ... لحظة الميلاد
كنت نقطة ضؤ
فرهدت بيك فرهيد .... وانتشيت بالريد
وطرت بيك الجو
قالو ايضا بت .....
قلت مالو ولو
بختي بختي .. انت بتي .. امي واختي.. همي شيلي .. شيلي مني.. مني ختي

إتي

بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين ...كستني توب
نجدنا كم.. كم مرتبه
جيهت بيتنا القديم
السقف داك والمسطبة

قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا هي ...بتوصلنا
وتحصلنا ...تفك الحيرة
ما بتتصنت و ما بتتعنت
ما بتاوق
Hassan Khalil
Hassan Khalil
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

من روائع عقد الجلاد Empty رد: من روائع عقد الجلاد

مُساهمة من طرف nashi 25th يونيو 2009, 07:59

سلام يا الاخ/ودخليل
ان شاء الله كلكم طيبين
عجبتني نقطة ضؤ بالحييييييييييييييييييييييل
الله يديك العافيه
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

من روائع عقد الجلاد Empty (( نحن أهل الفرحة جينا))

مُساهمة من طرف اشرف بشرى إدريس 27th يونيو 2009, 14:56

هذا العمل الرائع الذي جمع محمد طه القدال ومجموعة عقد الجلاد ، اصبح من الأعمال الخالدة في مسيرة عقد الجلاد ، لحناً وتوزيعاً وأداءً ، ولا اذكر أن حضرت حفل لعقد الجلاد وتغنوا بهذا العمل إلا و أبكوا الحضور ، صغيرهم وكبيرهم من روعة الكلمات والأداء واللحن ويحبسون انفاسك طوال زمن الأغنية وتكاد لا تسمع ولا حتى همهمة بسيطة أثناء أداءهم لأن الكل مشدوه بروعة الأداء الجميل فلله درهم هولاء المبدعون ، لم أحضر لهم حفل ووجدت هنالك مقعدا خاليا ، حتى ولو كان في مسرح نادي الضباط الضخم،بل وأحيانا تجد الواقفون أكثر من الجالسين،.. لم يتوانوا لحظة في إقامة الحفلات لصالح الجمعيات الخيرية ومساعدة المحتاجين ، متواضعون مع الكبير والصغير لذا تجد حفلاتهم يؤمها الصغار والكبار، في إحدي حفلاتهم كان حضورا الفنان محمد الأمين ، وعقب إنتهائهم من آداء (نحن أهل الفرحة جينا)،قام وقبل روؤسهم فردا فرد وهو يغالب دموعه، تعاون معهم مصطفى سيد أحمد رحمه الله في الكثير من أعمالهم والكثير من القصائد كانت تأتي لمصطفي ويحولها لهم لانه كان يري انها ستكون أجمل في الأداء الجماعي الكورالي.

(( نحن أهل الفرحة جينا))
الكلمات:القدال الأداء:عقد الجلاد

نحن اهل الفرحة جينا
لاالمدامع وقفتنا ولاالحكايات الحزينة
لما درب الرايحة .. جابنا جابنا في هادى المدينة
ياولدى الدروب شقاقا بحر التيه
ليك درب ولا دربين.. مساك الدروب ضهاب
ليك قلب ولا بالين.. وسواى القلوب كضاب
ليك ضهر ولاسرجين .. ركاب السروج وقاع
شق ياولدى بحر التيه بتتدردر وتتودر
ولامن يوم علي تايتنا ديك ترسي
نعزك بالقبيل داخرنو ليك
الشوق بحر ياولدى بحراً تيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوهو خلاف عشان الني
عليك الدور وتصريف الليالي.. بدور تشيل ما شلنا من الهم
ولا من دمعه ترمي الدمعة فوق دربك
روح يابا .. وابق قفاك لاتعاين ولاتعاين علي موطاك
ولا تندم علي خطواً تَملِّي مشيتو لى قدام
وابقي العاتي زى سنطتنا زى صبراً نلوك فوق مرو زى الزاد
لاشيتاً نزل في الجوف ولابرجع ولا بنزاد
وأركز للبجيبها الريح .. تقيف إنت ويشيلها الريح
وابقي العاتي والدرب الوراك مسدود و شيل شيلتك
بقيت للنص لاحلما بجيب البر ولا حدود
وانبليتا أختا الرملة ما تقع البكان الهش
هي الممطوره مابتبالي من الرش
النعمة بتعرف عاطيها ... والجمره بتحرق واطيها
بالكيلة عطانا و ما لقينا... فوق جمر خطانا وما لقينا
** ** ** ** ** ** ** ** ** ** **
يوم الوعد... ياحليوه فيك الدنيا ما كانت شروق
إلا الأرض متكشفة ومتبلمة النعمنو من خير الخريف
لافحالها شال منطرحة خضرا .. وفرحة يا دوب تتشابي لي عين الشمس
من بت حليوة النفس بيضا كذا الحليب
والروح مشحتفة في البلود الفيها ريحتك
للبعود من فزعة الغربة البساسق فوكا
موراجع ولا بالحيل قريب
الروح مشحتفة في الحبيب... والقلب بكر... الدنيا ما شافت جديدو
ولا الحزن دقالو باب
وشفتي كيف يوم الوعد ... كيفنو مترامي الغمام
والقمري زغرد للبلوم ...النسمة هبت مرتين
يا حليوه يوم دقيت بأرضك فاس خصيب والتانية في
يوم الوعد والايد تسالم في الايدين
والام تقالد فوق جناها تشمو زين
وحليوه صاحية... حليوة صاحية كذا النسيم
والدنيا غيم... وحلوة جد جد ياولد... قول للبلد
قايل غناوي الحزن ليش .... شايل مساديرك مجامر دمع ليش
ليش يا بلد والناس تريد.. والدنيا كل ما نريد تزيد
تملا الايدين تفرح تهش
لو صحيح غنينا بالدمعة الحنينة... ولو دموع الفرحة ما لاقت غنانا
بكره نرجع تاني للكلمة الرحيمة.... شان هنانا ... شان منانا
شان عيون أطفالنا ما تضوق الهزيمة ......
اشرف بشرى إدريس
اشرف بشرى إدريس
مبدع مميز
مبدع مميز


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى