سائحة بريطانية تنتبه لعبــارة (مافي مشكلة )

هذه اول سائحه اجنبيه صادقه وليس لها اجنده مخابراتيه لانها كانت تنظر وتسمع بعيونها واذنيها هى وليس عيون وآذان مخدميها 000التحيه لها

مسكينه زولتك يا اخوى الفاتح اصلا يكون عمرها كل مافى انجليزى عزمها ده عالم الففتى ففتى ......علا زولتك دى لقت الملح ده تانى ما بترجع...... كيف يكون الحال لو ما كنت سودانى واهل الحاره ما اهلى....مشكور عزيزى الفاتح

الحمدلله الذي وهبنا الكرم والشجاعة ...
اختي سهاد انت مافي هناك زول بعزم شاي وقهوة ولاشنو ...

والله يا اخوانى الفاتح وزهير الخواجات ديل فيهم حاجات حلوة شديد وحاجات ما عايزة اقول كعبة شديد بس بالنسبة لينا ما مقبوله مع انها لو حسبتها بالمنطق بتلقاهامناسبه يعنى هم ما بعزمو بعض مش لانهم بخيلين بس لانهم احتمال بحسبوها اكتر مننا كيف ؟ يعنى الموظف عارف ماهيته كم ومقسمها على حوجاته ومرنامجه العامله لى نفسه زى يطلع مثلا كل سبت مع زملاءه وزوجته او القيل فريند بتاعته لمطعم يتونسو وياكلو ويشربو زى ما هم عاوزين بس لما يجى الحساب اى واحد عارف حسابه شنو وبيخته فى التربيزة وبحاسبه وبيطلعو مبسوطين...(كنا ساكنين فى قريه فى مانشيستر وطبعا ناس القرى دايما محافظين وعندى صحبتى باولادها كل مره طبعا انا اعزمها ليك هى والاودها وزوجها واعمل ليهم الاكل السودانى الما خمج شئ كسرة وشئ قراصة وشئ للقمه زولتكم تضرب تمام الويكه دى وتمشى يوم قامو عملو لينا برنامج وعزمونا مطعم حلال ومشينا اكلنا وشكرتاهم ورجعنا بس تانى يوم الحله كلها عرفت بالعزومة ويسالونى صح امس ليز عزمتكم ومنهم من بيقول لى والله ليز دى بتحبكم شديد لانها عزمتكم و,و.... لقايت ما قلت ياريت لو (التمساح ده اكلنى وريحنى)