باعوك القالوا أخوانك قطاعي وما بالجملة ...

هذه المساحة اليومية مخصصة للكلمة الرصينة والحرف البهي ...
وهى نافذه للإطلاع على كل ماتيسر من الشعر والبوح عودة طيبه بالقصيدة إلى موطنها الأول وجسرا" من المحبه والتواصل والإحترام ..

الشاعر : الشريفْ خـالـد مصطفى الـفـزازى

سودانا الأروع وكامل
إتباع قطاعي وهامل
والوحدة الكانت بهجة
ختوها في رفا" كامل
والشعب الراجي رفاهة
إتباع وطنك بالكامل
جابوها اليانكي صراحة
بالدعم الكلي الشامل
باعوك سودانا" فصاحة
شحنوك بالفارغة
وأصلك
للفارغات عامل ساحة
الراجي يعمر وطنا"
شوف ليك
في الصحراء براحة
ضل شجرة وجنبك خور
أخلق في صحارك واحة
أسرع أسرع
كان تلحق ليك شماعة
إتباع سودانا خلاص
قطاعي وما بالجملة
باعوك وبالقاطاعي
إنشاء الله يبيعوا الرملة
والشعب الطيب وواعي
أصبح دنداري وخملة
بترولك أصبح مافي
بالجردل بيع الرملة
كوم رملة بينطح رملة
بالوعد سدوهو رهانك
أصنع من خورك عملة
باعوك القالوا أخوانك
قطاعي وما بالجملة
باعوك القالوا حصونك
الجابو لي سيرتك زلّة
باعوك ما خافوا الآخرة
غشوك بالحلبي العّرة
ماخاف من ربّو وشعبو
من خوفو بيموت بالعلة
الفصلو جنوب سودانا
ديل الراضين بالزلّة
قاطعين أوصال أوطانا
عايمين في خور الحلة
قاعدين في عمود النور
فصلوك يا جنوب سودانا
والباقي كمان دارفور
باعوك في زمنا" قاسي
والباقي قعد بالدور
كل جار مستني الكيكة
بالسونكي وبالساطور
والموت حايم في ديارنا
شعبا" واقف طابور
الراجي النيل بي خيرو
كان أحسن يمسك خور
ما أصلنا شعبا" داقس
كل واحد زول طرطور

ابداع يا " حاج EYGPT" اندياح متعطش من شاعر غزير....
تخريمة :
بيع الجملة أخف و اهون وجدعة وآحده (One Package) أما بياعين القطاعي شكيتهم للقاهر والنبي الطاهر .....

باعوك القالوا أخوانك قطاعي وما بالجملة ...

باعوك القالوا أخوانك قطاعي وما بالجملة ...

رد: باعوك القالوا أخوانك قطاعي وما بالجملة ...