قلة قماش ؟ولا قلة حياء؟

فكرة الموضوع نبعت من حوار في جريدة حكايات مع من يسمي (مرعب الجنس اللطيف) ابو سوط الذي يقع في البنات هبت وخبط شديد بسوط اسود يحمله في يده وهو يجوب شوارع الخرطوم والسوق العربي وعينو ما تقع في بت لابسة لبس خليع الا يورها العجب ( سأله محرر حكايات عن سبب جلده للبنات بغير وجه حق ومن اذن له بجلد البنات رد قال ده امر بالمعروف اداهو الاذن فهو المرحوم مجذوب الخليفة)
اسي في داعي للبشتنة دي ؟؟ والبت البتمرق من بيتها بي لبس يستحق الجلد في مكان عام اين اهلها ووالديها من المظهر الذي تخرج بيه وهل يكون ابوسوط هو رقيب البيت ومراجع عثراتهم وعدم اهنمامهم بالمظهر العام والذوق العام ...؟؟؟
وهل الزي السوداني بقي غالي للدرجة التخلي البنت تتخلي عن التوب والحشمة وتلبس ليها نص متر لستر كل جسمها .؟؟؟
ومن اين تسربت الينا موضات ( اديني حقنة ) الذي يفتح ذراع البت حتي كتفها لمباصرة نص المتر ده عشان يغطي ماهو اهم واكبر عورة ..
ولا النوع المسمى اظهار رقم الذي يظهر ____ كله وهو اضيق من جسم البنت نفسه يعني ممكن يكون هو للداخل والجسم بي برة وده برضو بيوفر لينا 30 سنت من القماش الممحوق ده ..وهناك اخر يسمي (فصل الدين عن الدولة _ تطبيق علماني علي جسد الفتاة _ بلوزة 35 سنت واسكيرت ينزل للقدم والواطة ليظهر ظهر وسرة الفتاة عاريا ...هنود يا ناس ..ومالو لو شالو من الجزء الجاري بالواطة وغطو بيهو سرة وبطن السجم دي؟؟
وواحد تاني في ظل حصار القماش يسمي (وخارج عن الخدمة ) و ( مسكول ) وده اصغر من المسكول ذااااتو ,,,
والله جنس بشتنة ولا الطرحة الاصغر قليلا من منديل زمان لو غطو الرأس ينكشف الصدر ولو غطو الصدر ينكشف الراس وهاك يا مضايرة وكبكة في المواصلات يعاينو ليها في راسها المكشوف تسحبها تغطيه يكشف الصدر يعاينو في الصدر تسحبو للصدر وتبقي الواحدة زي رجل المرور ...
الحاصل شنو ... وبنحاكي في منو ؟؟؟ ومرقت كيف من البيت لينفرد بيها ابو سوط ويوريها الويل ...
التحية ليك يا ابو سوووووووط ومني ليك سوط عنج ان غفل الاهل عن التوجيه
ويا دار ما دخلك شر

منقوول

اقبال يا اقبال الله ينصر دينك والله كلام فى المليان

انتى عارفه الناس بقت ما عندها تخصص فى حياتها . كلو فى الهوى سوا

اكيد القصه ما قلة حياء غلاء القماش وتاااانى اختصار للوقت والقروش وتماشيا مع الحضاره ولا رايك شنو والواطه حاميه كمان

والله يا اقبال انتى اصلك ما بتتحضرى قال ساكنه فى الخرطوم قال

ناهد الله يجازي محن الزمن ..استاذ ياناهد في وكرة لاقاهو واحد قال لي وين ياناس الوكرة المرتاحين..
‏:مرتاحين شنو رائي لي إسما
كمان رائي لي شنديفوق دي؟

الجبالي شعيرية حرقانة تاني ماتجرب ..عليك بالسوط والقرقاب

حقيقي يافيصل موضوع التوب جميل
مشكورين

ماذا اصاب ضمير الناس في زمن صعب كأنه به داء من الكلب...شكرا اخي الفاتح ابو كلام دهب دائما ماتتحفنا بدرر المعاني ..مليون تحية لك وللاولاد وامهم..احترامي