الجفلن خلوهن ...... أقرعوا الواقفات

بعد خمس أعوام :إختار الجنوب خيار الانفصال.
ذهبت نمولي جنوبا وذهب البترول والغابات وملوال و...
وسبق السيف العزل.
كثرةالبكاء لن يعيد الجنوب ...
في حين ان أغلبية اهل السودان-الشمالي- يعانون صدمة (الانفصال) يعيش الجنوبيون نشوة (الاستقلال) .
ذهب الجنوب ولا تنفع البواكي بكاءها ولا كثرة النواح..
فالنرضى بالأمر الواقع ونتحوط لما يمكن ان يقع.
أقرعوا الواقفات..
ألغام أخري وقنابل مؤقته زرعت في الشمال السوداني ... جنوب كردفان ...النيل الأزرق ...دارفور أبيي.وكلها تقع جنوب السودان الشمالي.... وجوار الجنوب السوداني.
لاتجعلوا لدولة الشمال جنوب جديد...
انبذوا الجهوية التي أطلت برأسها ونمت (كالفِطْر) ...
انبذوا القبلية .. فالفتنة فيها..
أيها الحكام :اعلموا ان في أزهان الشعب فكرة سيئة عن التكوين القبلي للحكومة الحالية ...
اجعلوا المواطنة(السودانية) أساس الحكم.
أيها المثقفون المفكرون ابتعدوا عن الصفوية والنظرة الدونية لغيركم. واعلموا....
أن أبيضكم وأسودكم فقيركم وغنيكم كلكم عندالله سواسية يرفعكم الأيمان وتسموا بكم التقوى
اتقوا الله في شعبكم ...
فالنعمل معا لنهضة السودان ..شرقا غربا شمالا ووسطا.
السودان للسودانين والحكم للقوي الأمين.لا نريد أن تحسب كل قبيلة عدد أبناءها في الحكومة ...
نريد أن تحسب الحكومةعدد(ألوان الطيف التي فيها)
لا تحتكروا الأشياء ..ودعوا الناس يتنافسون - بشرف ومن غير وساطة أو محسوبة- في الوظائف والاتحادات والجمعيات واللجان والنقابات والوزارات بدون خوف
حاسبو المرتشين والجهويين والقبليين والمختلسين.وأصحاب الوساطة والمحسوبية.
راجعوا مؤسسات الدولة حتى لا تمتلكها أسرة أو عائلة أو قبيلة.
اتركوا فرصة لبقية ألوان الطيف السياسي للمشاركة فالسودان ليس حكرا لحزب معين أو قبيلة معينة أو جهة معينة
أيها الحكام :الشعب الشعب
الشعب اختاركم فلا تكوني لغير الشعب..
(كل) الشعب
اللــــــــــــــهم قد بلغــــــــــــــــــت

ربك يستر يا اخى ونتمنى ان نشهد سودان مستقر بعد الانفصال

نتمنى ذلك يازعيم .ونتمنى أن تحل مشاكل:
الفقر .... المرض ...الأمية ... البطالة ...الأسعار... الخدمة المدنية... الخدمة العسكرية... الترهل الإداري... الترهل الدستوري .. . الرشوة .ز المحسوبية ... الوساطة... القبلية .. الجهوية ... العنصرية ... التعصب الحزبي...الديون ... العقوبات ... الأجانب ... العمالة الوافدة ... التدخل الأجنبي .... دارفور ..... الشرق ... جنوب كردفان ... النيل الأزرق ... مشاكل سد كجبار.... مشروع الجزيرة ... الأسعار ...و.....و....

الطيب الشيخ حسين كندة كتب:نتمنى ذلك يازعيم .ونتمنى أن تحل مشاكل:
الفقر .... المرض ...الأمية ... البطالة ...الأسعار... الخدمة المدنية... الخدمة العسكرية... الترهل الإداري... الترهل الدستوري .. . الرشوة .ز المحسوبية ... الوساطة... القبلية .. الجهوية ... العنصرية ... التعصب الحزبي...الديون ... العقوبات ... الأجانب ... العمالة الوافدة ... التدخل الأجنبي .... دارفور ..... الشرق ... جنوب كردفان ... النيل الأزرق ... مشاكل سد كجبار.... مشروع الجزيرة ... الأسعار ...و.....و....

اخي الطيب لا تحلموا بعالم سعيد
لا اعتقد ان واحده فقط مما ذكرت اعلاه ستحل
شكري الجزيل

في خطابه اليوم أمام البرلمان اكيد الريس: التزام الحكومة باستمرار المشاورات لبناء دستور جديد ومشاركةالحوار الوطني الجامع بروح المسؤلية عبر منابر الرأي والرأي الآخر.
وبين أن الدولة ملتزمة بسيادة روح القانون والشفافية والمحاسبة.
كما أكد خلو معتقلات جهاز الأمن من المعتقلين السياسين ووجهة بمراجعة حالات من يجري التحقيق معهم.
وطلب من المؤسسات والجامعات والمعاهد الاسهام في بناء الدولة ووصي بتلقي كافة المقترحات والتوصيات للنهوض بالدول.
تخريمة : أرجوا من الأخ ياسر تنفيذ توجيهات الريس الخاصة بإرسال الاقتراحات والتوصيات والتصورات . وما عليه إلا أن يرسل كل مواضيع المنتدي لرئاسة الجمهورية ففي المنتدى ناقشنا الأزمة واعطينا الحلول بكل حياد ولمسنا مواقع المرض وحددنا اسبابا العلل

المنتدى الإستشاري لجنوب أبو جبيهة

العزيز الطيب ول ابوي الشيخ حسين كنده

ماك طيب .. والله الكلام الذي تفضلت به عين الحقيقة .. لكن هل هناك وطنيا غيور يحمل هموم اهل السودان بمختلف قبائلهم و الون طيفهم السياسي .. اتوقع ان تحصل كارثة في جنوب كردفان ..

شكرا اخي علي البوست المهم ..

لك التقدير

ياجماعة الفال تحت اللسان
الجفلن خلوهن اقرعوا الواقفات .
الدنيا بخيرها

هن الجافلات شويه 000نقرع شنو ونخلى شنو


سمح السودان الفضل ده الزول نصيبو فيه بيكون كم فدان كده


حقو نجيب خريجو المساحه من لدن كليةغردون حتى الجامعات الفكه دى ويشقلوا عبقريتهم ويقسمو لينا باقى السودان ده 000

وكل واحد يدوه شهادة بحث بى نصيبو

وبعد داك كل واحد مخير بى حقو

ان شاله يبيعوا لاإس



ونكون قد ارتحنا واسترحنا ومسحنا اكبر اقطار القاره من خارطة الدنيا



ولا مو هيك

غريق الحساب ولد :
السودان 1.86 مليون كيلو مربع نجبر الستة على التمانية تبقى 1.9 ونجبر التسعة يكون بقى 2 مليون كيلو ... كويس معاك ... نقسم 2 مليون كيلو على 31 مليون نسمة ... أحسب يا أزهري . الكيلو 1000 م × 1000م ياخي دي حاجة كتيرة خلاس . يعني نصيب السوداني الواحد أكتر من 64000 متر مربع قريب من البحرين وأخواتها . أدعوكم لعمل جمعية ونقوم ونلملم أراضينا دي ونسوي لينا بيها دولة صغيرة وكده . ما هو الحق حق . ومن قال حقي فقد غلب . ويا أخوي غريق جهز خبرة الإتحاد ونبقيك وزير الزراعة ... وسوف نعلن عن وظائف وزارات شاغرة وكل من يأنس في نفسه الكفاءة ....

يس شكرا على الفكره وانا اول الموافقين لكن يا اخى انا داير ابيع نصيبى واشوف لى محل اهاجر له

ولو لقيت لى زبون انا جاهز

شكرا يا ود الحباك