سلام جاكم من العاصمة اليونانيه .. اثينا ..

انت عارف يا فيصل 000تعمل حسابك بعد ده


المساله جابت ليها يونان


وكمان جوامع وافغانستان


وتلفوت من اخيتك سهاد


لامام مسجد وكمان سودانى متافغن


اعمل حسابك يا فيصل اخوى


انت يا فيصل زمان فى التسعينات 000ازاعة لندن قالت عن امبرامبيطه شنو؟؟؟؟؟


انت يا ول عشمان انت ناوى على شنو

انحنا ناس سلام ساى ماعندتا فى المسائل بتاعت العنف دى


بعدين الخبير الاجنبى ده الاسمو منصور انا نواياه دى ما عاجبانى

الله يجيب العواقب سلينه ويخلى لينا ولدنا الحباكى الاصيل يس ويديه الصحه والعافيه وببركت رمضان ربنا يحفظوا من السلبطه ويصرف عته ود عشمان وزمرته


آمين

ود عشمان لا زال مصرا

ومحمود بقى ليه سبارى يعنى سبارى السبارى

ياخى انا ممكن اتوسط ليك واكلم ناس غريق يضموك بصوره رسمية للحباك بعضوية دائمة

ولا كيف يافيصل

يااخوانا سلام جاكم
من اجواء اليونان
جاءتنا المعلومات الاتيه
قبل
قليل اقلعت طائرة الاخ الكريم ابن امبرمبيطه البار من عاصمة الاغاريق
متجها الى عاصمة الانجليز .
بعد رحلة استغرت الاسبوع بخصوص (....)
وكانت الرحله مثمره جدا واتى اخونا سالم وغانم ووصل الى الحل فى قضية (....) ويا اخوى غريق
الرد على سؤالك بالعمل الجاد ولقد تمت المفاوضات بحمد الله والسلام هو مبدا الرحله .(الاخ محمود نهارك سعيد بتمنى التواجد فى مطار هيثرو لستقبال الاخ ود عشمان واكيد معاك خبر ومستعد )
ربنا يوصلك بالسلامه
اخى ود عشمان .
تحياتى

اتي يا سهاد ودعشمان شغال ام دورور ولاشنو ؟
الآبري بصلك بس انت اركز ليك في بكان وبعدين كيس ابكر لمن يصلك فوقو ويكة ومظلوط لي سهاد..
سوق اثينا بي الخميس ولا بي الاربحا؟

انت يا اقبال خاف سهاد ما ورتك بودعشمان

ياخى دة شغال سبابى ومره دلالى وما بفوت سوق ولا صرعة

هسى سفرتو اليونان دى كان فى صرعة كبيرة من السوق فره وهو بعكازو بسبر للجماعة

وعو مفروض يجى الودان لكن فى صرع فى سوق المانيا يو الاتنين قال اصلو ما بفوتها

قلت لي دارع سكينو وكار دقلو
وشايفة صاحبك صورو كملن.

الاستاذ فيصل خليل
انا هنا اتكلم نيابة عن ود عشمان لانو مشغول بموضوع القمر الذي على وشك السقوط على الارض خاصة وهو خبير وضليع في وكالة ناسا لعلوم الفضاء وهو على اتصال يوميا معي وليس هناك اي سبب او بوادر خلاف بيني وبينه وعلاقتي معه زي علاقة النميري بموضوع الفلاشا
تحياتي

الاستاذ فيصل
النميري كان احد اضلاع مثلث اللعب على ترحيل الفلاشا ولاعب اساسي وقبض التمن مقدما
راجع التاريخ وراجع وثائق ويكلكس وراجع الخبير الفضائي ود عشمان,,,,
انت عارف يافيصولي ود عشمان الان بصدد تصنيع قمر صناعي لخدمة بث قناة امبرمبيطة الفضائية والهاتف لمنطقة امبرميطة والقرى المحيطة بها زي ابوجبيهة ورشاد وتلودي وكلوقي والليري والدلنج وغيرها من القرى والفرقان والحلال والدساكر وسيتم اطلاق القمر الصناعي من قاعدة كيف كنافرال في اول العام القادم

عود الصندل
كيف حالك واحوالك يارجل ليه مسجل غياب
وبعدين خلي ود عشمان في حالو وما تسمع كلام البلطجية ولا تنساق وراء الشبيحة من امثال فيصل خليل وابو هريرة
تحياتي

الاخ العزيز و الصديق الفاضل الرجل الضكران محمود ابن امبرمبيطه البار ..

اولا مشتاقين ليك كتير و قالو لي قابلته بارك اوباما في زيارتك الاخيره لامريكا و طبعا في غيابك الناس سألت كتير عنك و انا رفضه اوضح ليهم مكانك و قلت احسن نخلي الصحافه براها تتكلم عنك لكن عينة ناس ابوهريره دي ما بتعرف تقرا الصحف الانجليزيه..

اما فيما يتعلق بموضوع الاخ فيصل خليل طبعا هو معروف بالخربشه و يريد ان يجعل الفتنه زريعه بيني و بينك و اظنه لا يدري اواصر المحبه و العلاقه الحميمه التي تربطنا معك .. لذلك انا لا ارد علي تعليقه لاني بعتبره جعجعه بدون طحين ..

اما موضوع القمر الجاي واقع الان هو ماشي بسرعه 27000 كيلومتر في الساعه .. طبعا لو وقع في راس زول ح يفقشو ليكم فقشة السنين لكن اطمئنو ما ح يقع في ابوجبيهه لانو قدرنا عكسنا اتجاهو ..

الاخ عود الصندل انا الحمد لله المبايته الله مرقنا منها لكن قالو لي الرمبوي قطعت نايتك و خلتك تمشي ام تريكيش ..

يا اخوانا الصوره بتاعت اللوري الاوستن الخطيها محمود دي .. اللوري دا حقو و و عندو عربيه سفنجا و ترتر ماسي احمر و طبعا محمود ما بحب يتكلم عن حاجاتو و ممتلكاتو ..

لكم التقدير

ول عشمان العربيه المنتكل فيها دى شنو سموها شنو بكلامنا انحنا

وبعدين القمر ده قالو عانينا عديييييييل

بس كده بينى وبينك القمر ده كن وقعت قطعه منو والواحد لقاها بتجيب قرشين كويسين ولا لا

انا سمعت الخواجات بيقولو لو الواحد لقاها ما يلمسها ويبلغ طوالى

شوف ليك بغشامه حقت خواجات انا كن لقيتها بخمها وجرى للبيت وبلبدها وبعدين ناس ول عشمان ديل يسمسروا لى فوقها

العزيز غريق ..

هههههههههههههههههه والله ضحكتني .. اخي العربيه دي بسموها ( ابربعه ) يعني عربيه من طراز الدفع الرباعي .. و بعدين البكان الواقف فوقا دا في احدي مناطق الريفي الاسكوتلندي الرائع ( يعني زي فاجه الحلا بكان بقركم براششن ) بكل امانه من المناطق الجميله جدا و الصوره دي كانت قبل ايام قليله من تاريخ اليوم ..

اخي لو الصاروخ دا وقع علي جيهتكو كلمني و حقك بقلعه ليك من الخواجات ..


صباح حسن ..

كيف اخبارك .. الاهل وراك انشاء الله خليتيهم طيبين ..

لكم التقدير

ول كوكو ..

هههههههههههههههههههه ضحكتني ..