أعتذر بشدَة ....

الاخ شاويش

متعك الله بالصحة و العالفية و رمضان كريم

انت عارف انا برضو كان عندي ايميل برسل للناس ايميلات براه و معظمها لاللغة الفرنسية و اتصل علي عدد كبير من الاصدقاء بقولو لي حن ما بنفهم فرنسي يا ريد لو تراسلنا باللغات التي نفهمها .. انا قلت يا ربي في شيطان برسل ايميلات من ايميلي دا للناس و لا شنو و عندما كثرة علي الشكاوي تركت الايميل نهائيا لي اكثر من سنه لان ما عرفت اعالج المشكله و حتي الان الاخوان بقولو لي في رسائل بتصلنا منك .. اتا يا اخوي الا تغير ايميلك

لك التقدير

أعزائي نوية ...وودعشمان ...شكراً لكما لقد خففتم على كتير بالجد كنت مضايق ومستاء جداً ... ولكم الشكر على شعوركم النبيل ... أخي ود عشمان معالجة مثل هذه المواضيع تغيير كلمة المرور وبس ... ولكم التحية مجدداً .

ود عمي هذه المشاكل بتحدث في ارقى المجتمعات..
عذرك مقبول (منتاز)..
الا انت ما باين زي اول؟؟

ود الشاويش حصلت علينا جميعا وزي قالوا تحصل في أرقى العائلات

بوعزيزي ...وأبو الزهور ... كدا ريحتوني شوية ... ربما بعض الناس ماتصدق الواحد . وشكراً لك أبو عزيزي يا رجل يا طيب .ومعليش أخي أبو الزهور أعرف أنك بطيبك وسماحتك أنك بريئ من كل صورة قبيحة مرسلة .
وتحياتي لجميع أسرة المنتدي . معزتي ،،،

الاخ شاويش رمضان كريم ومتعك الله بالصحة والعافيه نحن نعلم دائماً الدهب لايصدا ونعرفك انت من معدن اصيل ومن اسره عريقه محترمه علي نطاق كردفان والسودان

تبرا انت من الشينه

لك ودي واحترامي

أخي الجبالي ... يا صباح الورد والجمااال ... تعرف أخوك دموعو قريبة جداً... كلامك الأخوي النبيل شرح صدري وتأكدت فعلاً أن أبوجبيهة عريقة ونبيلة بأهلها بأسرتها برجالها و(بنسوانها) لأن نساءها غلبني أكتبها) !!؟؟ وربنا يحفظكم لي زخراً ... وشكراً لك أخي الجبالي ... معزتي لك .

جون سينا كيفك ؟

عادي المسألة دي ما تشغل بيها بالك ساي بعدين هذا الهكر صيني يقوم بارسال صورة مشينة لجميع الايميلات الموجودة عندك واي زول يفتحه يقوم بارسال الصورة ايضا لاصدقائه

فقط قم بتغيير كلمة المرور واعتزارك وصل انت ما بتشبه الحاجات دي يا سي ام بانك

تحياتي

رمضان كريم عليكم جميعا

عمو عصمان مش انت عارف والله عارف واعتزرت والناس قالوا اى والله وبتحصل فى ارقى العئلات وفى المجتمعات وحصل علينا كده وتبرى من الشينه ولفتك بارعه فى الااعتزار . اذن يا عمو خلاص وسلاااااام كتير ليك ونرجوا منك ان تنلقنا الى بوست أخر بعد أذنك لو سمحت .

رحم الله امرئ عرف قدر نفسه .

أبو مراسي الذوووق ... إبنتي وزهرة المنتدي ناهد ... شكراً لكما على شعوركم النبيل ... واسأل الله أن لا يفقدني ليكم جميعاً وأنتم نعم الأهل ونعم الأسرة والتواصل أنتم الإحساس والشعور النبيل فلكم التحية والشكر لكل أهلي الأعزاء ... وأسأل الله أخي محمد قادم أن تربي مراسي في عزك وأن تكون من بنات المستقبل التي يشار لها بالبنان ...آمين وسلم لي كتير على حكومتك ... إبنتي ناهد الأصيلة فضلاً سلمي لي كتير على أخي الهادئ :- عبيد ووالدتك الطيبةالكريمة ... الله يحفظهما وسلامي الخاص لكل أفراد أسرتك وسلااام بالصريف بفوق (للأنكل) الفارس أبو أحمد .... محبتي

اخى ابو عفان ..رمضان كريم الإخوة المرور ابو الزهور رمضان كريم..اقول الله يشغلنا بطاعته.. الاخ فيصل الحبيب الاخت ناهد وول نويه..وود عشمان.. محمد ول قادموالاحبة جميعا بالمنتدى لكم مليون متر مكعب شوق..

حقيقة غبت وطال الغياب واالله قسرا ولكن..مشكور اتصل على اخى الحبيب امين منقة من السودان اخجلنى اتصاله..زى ما بقلوا السعوديين استحيت على دمى..فأول بوابة دلفت بها وجدت اعتذار بشدة فقلت هذا العنوان يمكن اوارى به غياباتى والعنوان ..يشبهه مصيبتى فأعتذر جدا على الغياب..اما اعتذارك اخى ول شاويش حاجة خفيفة لا تشغل بالك وعادية فى عالم الهكر..هل تعلم ويعلم الجمع ان بعض الهكر يدخلو على جهازك ويتجولوا فيه وانت تتفرج الكيى بورد معطل والماوس..الامر مرهون بفتح الايميلات يعنى اى ايميل مجهول لا تفتحوا..مجرد فتحه اذنت للهكر بالدخول.. وتاتى رسالة للإستمرار اضغط هنا مجرد الضغط تكون عملت علامة صح لكل المسجليين لديك ويخزنوا ايميلاتهم ويبدأوا يرسلوا..ويحاولوا استمالة اكبر عدد لاستخدامهم فى الدعايات..الحكاية تجارة بوسائل قذرة [b]

أبو عفان رمضان كريم ، وحقيقةً كدا إفتقدناك عدييييل ... وأنا قلت ياربي الزول دا روق وعمل نايم ...!!؟ ولا الحكاية شنو ؟؟! ولكن أخي أبوعفان نحن نقدر كل ظروفك وأنت في موقع حساس جداً ...وزي ما قلت لي بسيطة !! إنت كمان ولا يحمك ... نحن معاك وكل الناااس وراك ...وشيل شيلتك !! وصدقني مرورك جميل كشخصك الراقي ... وتفضل بقبول معزتي ...