احصائيات المنتدى

شكرا يا مدير على الاحصائيه

[quote="فيصل خليل حتيلة"]
ودعشمان بمشى الموضوع عشان ما يخسر محمود منصور

بمناسبة الكوكاب يحكى أنه في موقعة كرري قام أحد الأنصار بمطاردة جندي مصري وكان الأنصاري مدججا بكل أنواع الحراب ومن بينها الكوكاب وكان المصري المطارد يناشد الأنصاري بالنيل وأبنائه أن يتركه ولكن كان الأنصاري مصمما على إستخدام حرابه والمصري لا يا أبن النيل ده نحن أخوات والأنصاري ما زال مصمما وهنا صرخ إبن النيل بعد أن أيقن أنه لا مفر .... بالملساء يا أبن الأيه ... الكوكاب مصيبة إن أستخدمه ذلك الأنصاري

انتو ول عشمان ده روح يين

بعدين يا ابو الزهور والله ضحكت فى المصرى جنس ضحك

بالملسا يا ابن النيل

طبعا الكوكاب نوعين كوكاب نمنم واخر مرو

والحراب حربه جلكايه و حربه طبيقه والطبيقه نوعين شنقاه وعاديه

شكرا يا ابو الزهور

شكرا يا زعيم على الإيضاح .. سوف أهاتفك قريبا..... تحياتي

يا جماعه ..

السلام عليكو ..

حسي انا لو اتكلم في النتيجه بتاعت ياسر دي تقولوا ود عشمان تعيس .. و لو سكتنا ياها نتيجة ياسر ..

علي كل حال يا اخوي محمود و اختي اقبال و اخوي يسن و اخوي محمد نويه و اخوي احمد كوكو و اختي ناهد و اختي صباح حسن .. نحن نأيد مقترح محمود و نؤيد الانفصال و اقترح ان يكون لابناء امبرمبيطه منتدي خاص او فرعي في منتدي ابوجبيهه زيو و زي منتدي الشعر او منتدي شخصيات من ابوجبيهه ..

ثانيا انا ما عارف الناس البختارهم ياسر في صف العشر الاوئل ديل بدو قروش و لا شنو ؟؟

و كونو ياسر يجيب الاخ محمود منصور ( الطيش ) دي عمليه حاره و بتوجع ..

كده يا اخونا خلي نعمل بالعقل و بدون مجاملات .. الاخ ازهري الحاج كان في السودان و الان ياسر جايبو الاول من افضل فاتحي مواضيع في المنتدي كده بس ارجعو شهر واحد لورا شوفو ازهري دا عندو كم موضوع جديد ..

دا كلو كوم السيد عوض السيد .. التلاته شهور الماصيه ورني و اقنعني يا المدير ياسر الزول دا عندو ياتو موضوع جديد .. بمشي علي المنتدي الرياضي فقد و بعلق و بلبد .. ياسر احسن تكمل جميلك و تجيب اخت عوض السيد دولة ابراهيم الرابعه و خلاص ..

اما النقطة الاخري .. انا الان خارج بريطانيا و ما داير اقول انا في ياتو دوله لانو اذا قلتا في الدوله الفلانيه في ناس يمشو يطلعوني طالبان و صديق الملا عمر و خاصة الاخ غريق كمبال طبعا هو منتظر مثل هذه الثقرات .. سهاد عبدالغفار .. خشمك اقدري عليه ..

اختنا صباح حسن المسكينه الليل و النهار في المنتدي اخونا ياسر و لا عبرها ..
و الحاجه البتوجعني اكتر .. تداخلات الناس ..
شكرا يا مدير علي هذه العمل العظيم .. و تشكر يا ياسر .. و ما قصرته يا ياسر .. انا ما عارف الناس دي بتشكر ياسر سر الختم دا في شنو ..

علي كل حال انا برجع لندن قريب و الموضوع دا يا محمود منصور ما نخلي يمشي كده لانو دي حقاره و مدروسه من عصابه منظمه ..

و لنا عوده ..

ود عشمان كتب:
..

اما النقطة الاخري .. انا الان خارج بريطانيا و ما داير اقول انا في ياتو دوله لانو اذا قلتا في الدوله الفلانيه في ناس يمشو يطلعوني طالبان و صديق الملا عمر و خاصة الاخ غريق كمبال طبعا هو منتظر مثل هذه الثقرات .. سهاد عبدالغفار .. خشمك اقدري عليه ..

اختنا صباح حسن المسكينه الليل و النهار في المنتدي اخونا ياسر و لا عبرها

انا عارفك هسى انت وين اقول ولا مافى داعى عشان تعرف انو الكمبيوتر بتاعى كويس

ول عشمان كتب


علي كل حال انا برجع لندن قريب و الموضوع دا يا محمود منصور ما نخلي يمشي كده لانو دي حقاره و مدروسه من عصابه منظمه


الكلام ده زكرنى قصة الشعيريه مع اهلنا البديريه فى الابيض

الناس جابو الشيله والرجال اجتمعوا للعقد

النسوان قعدن بيهرجن شديد

يلا المازون قال للجماعه امشو شوفو العوين ديل بيهرجن مالن

جا واحد من الرجال وسال العوين عن سر الهراج بتاعن ده

قالن ليهو الجماعه ديل ما جابو الشعيريه

قال ليهن ده لكن ما كلام عوين ده كلام رجال عديل


يا ول عشمان

كده ورينا انت وين ولا نسال ياسر !!!

وكلامكم بتاع الانفصال ده دخل الحوش وبقى كلام رجال عدييييل

تحياتى

مشكور ياريس على المجهود

بعدين يامحمود اخوك دايما فى العشرة الاوائل

وصاحبك ول عشمان فاضى من الليله صرع فى اليونان وبكره صرعة وين وبعدو سوق وين

ويجى يغالط فى الناس ويحتج

وهسى قال عندهم صراع مع ياتو

الي الامام يا رئيس . . .
تشكر

اعلان هام ..

الرجاء من الاتيه اسمائهم الحضور لاجتماع طارئ و ذلك لمناقشة نتيجة العشره الاوئل التي تفضل بها الاستاذ ياسر المدير العام للمنتدي ..

المدعوون للاجتماع هم :

الاستاذ محمود بن منصور ( كبير المفواضين و نائب رئيس محلية امبرمبيطة و رئيس اللجنة التحضريه العليا للانتخابات )

الاستاذه اقبال عبد اللطيف

الاستاذه صباح حسن

الاستاذ محمد نويه

الاستاذ عود الصندل ( ممثل ابناء كلوقي بالمنتدي و كبير المتضررين من نتيجة ياسر )

الاستاذه ناهد عبيد ( ممثلة ابناء الحمادي بالمنتدي )

الاستاذ احمد كوكو ممثل ابناء امبرمبيطه بالمنتدي ( جارة الوادي )

الاستاذ بوعزيزي

الاستاذ يسن محمد يسن ( من ابناء امبرمبيطة جارة الوادي )

الاستاذ ود عشمان ( الناطق الرسمي )

اجندة الاجتماع :

اولا : تكوين لجنة عليا لمتابعة كيفية ملباسات النتيجة و ما هي الاسباب التي جعلت الاستاذ ياسر ان يتجاهل بعض اعضاء المنتدي الفاعلين ..

ثانيا :

كيفية ايجاد اليه للضقط علي المدير العام ياسر سرالختم ..

ثالثا :

الاعتصام من الدخول علي المنتدي لمدة 24 ساعه

رابعا:

التفكير بصورة جاده في الانتخابات المقبله لايجاد بديل للمدير العام و ذلك عبر الانتخاب و ممارسة الديمقراطيه و تكوين لجنة عليا لمتابعة صناديق الاقتراع حتي لا تكون صناديق كاذبه.. خاطئه.. فارغه.

مكان الاجتماع :

الاسكايب

الزمان : يوم غدا الجمعة بعد صلاة العصر بمشيئة الله ..

سوف نعلن إضراب عن الطعام مع المتضررين من هذه الاحصائية إبتداء من بكرة .

بالله شوف ود عشمان لامى ناس الحباك وبغالط بهم عشان امرمبيطة

من هنا اقول ليك اجتماعك دا مخترق

وما تتعب