ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ود عشمان حمدلله على سلامتك

+4
الطيب الشيخ حسين كندة
محمود منصور محمد علي
كرم هجانه
فيصل خليل حتيلة
8 مشترك

اذهب الى الأسفل

ود عشمان حمدلله على سلامتك Empty ود عشمان حمدلله على سلامتك

مُساهمة من طرف فيصل خليل حتيلة 23rd أغسطس 2012, 14:04


تعرض الاخ ودعشمان الى حادث مرورى عنيف بنيوكاسل تحطمت على اثره السيارة الخاصة به

نقول الف حمدلله على السلامة و الجاتك فى مالك سامحتك يا ودعشمان

تحايا
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف كرم هجانه 23rd أغسطس 2012, 14:12

ألف سلامة للأخ ود عشمان ... العربية هينة ... البركة فى العافية
و تحية ليك يا فيصل بمناسبةالعيد .. ضربت ليك لكن تلفونك كان بعيد تقريباً

كرم هجانه
نشط مميز
نشط مميز


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف محمود منصور محمد علي 23rd أغسطس 2012, 16:59

عين ماصلت على النبي صل الله عليه وسلم

الف حمدا على السلامة والجاتك في مالك سامحتك

ود عشمان سيب الشلاقة والحوامة واقعد في امبرمبيطة

شكرا فيصل
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف الطيب الشيخ حسين كندة 24th أغسطس 2012, 03:05

حمد على السلامة والجاتك في عربتك سامحتك
بس ياود عشمان الغلطان منو قول الصح؟؟؟
الطيب الشيخ حسين كندة
الطيب الشيخ حسين كندة
مشرف التراث
مشرف التراث


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف ود عشمان 25th أغسطس 2012, 08:22

فيصل خليل حتيلة كتب:

تعرض الاخ ودعشمان الى حادث مرورى عنيف بنيوكاسل تحطمت على اثره السيارة الخاصة به

نقول الف حمدلله على السلامة و الجاتك فى مالك سامحتك يا ودعشمان

تحايا

فيصل ول حتيله ..

ياخ انت حقوا يعملوك امير عديل كده .. ياخ امير الهين دا .. انت حقو يعملوك والي .. يا زول اقول لك قوله انت تنفع رئيس جمهوريه عديل كدا .. ما عارف الاخبار دي بجيبها ليك منو .. ياخ لك التحية و الاحترام .. و انشاء الله ما تشوف شر ..
ود عشمان
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف ود عشمان 25th أغسطس 2012, 08:27


خالي كرم هجانه ..

ماك طيب قرمان ليك حار و انشاء الله بت عمي و بت خالتي كويسه سلم عليها حار ..

و كل عام و انت بخير .. شكرا يا اخي علي السؤال ..
ود عشمان
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف ود عشمان 25th أغسطس 2012, 08:31

محمود منصور محمد علي كتب:عين ماصلت على النبي صل الله عليه وسلم

الف حمدا على السلامة والجاتك في مالك سامحتك

ود عشمان سيب الشلاقة والحوامة واقعد في امبرمبيطة

شكرا فيصل

يا فيصل خليل .. يا فيصل ..

ياخ محمود دا بقي لي في رقبتي .. حلحلو مني ..

انا دا اسوي شنو .. اخلي المنتدي دا و امشي قرية ( منصور كتي ) اقعد هناك .. بس ورني انا اسوي شنو ..

شكرا يا محمود يا غالي و كتر الله خيرك علي السؤال ..
ود عشمان
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف ود عشمان 25th أغسطس 2012, 08:40

الطيب الشيخ حسين كندة كتب:حمد على السلامة والجاتك في عربتك سامحتك
بس ياود عشمان الغلطان منو قول الصح؟؟؟

العزيز الاستاذ الكبير الطيب الشيخ كنده ..

العيد مبروك عليك و الله يخضر ضراعك ..
انت الان بسؤالك دا ختيتني في مضب .. في الحقيقه انا الغلطان .. لان كنت سائق في الخط السريع و الموبايل وقع و حاولت ارفعو .. وقت رفعت رأسي لقيت نفسي جو الشجر والله .. و العربيه اتصدمت و اتحطمت تماما و انا طلعت بالشباك الخلفي و الحمد لله مرق نصيح قرعه ..

شكرا يا اخي علي السؤال .. و بعدين ما تشيل همَ للاخطاء الايملائيه .. الناس دي كلها بتكتب كيري ساي .. لو عندك فصاحة بتاعت لغة عربيه امشي سويها في منتدي الشعر .. تلقي الفطاحله هناك ( ازهري , امبشق , الفاتح ) محمود منصور طبعا بهبش معاهم لكن زول قرايتي راحت ساي ..
انا ممكن تكون شايفني براك شئ واحد بودني منتدي الشعر مافي .. مالي اقعد اضيع وقتي ساي بالفعل المضارع و البلاغه المكنيه ..

لكم مني اجمل المني ..
ود عشمان
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف فيصل خليل حتيلة 25th أغسطس 2012, 09:02


فيصل ول حتيله ..


ياخ انت حقوا يعملوك امير عديل كده .. ياخ امير
الهين دا .. انت حقو يعملوك والي .. يا زول اقول لك قوله انت تنفع رئيس
جمهوريه عديل كدا .. ما عارف الاخبار دي بجيبها ليك منو .. ياخ لك التحية و
الاحترام .. و انشاء الله ما تشوف شر

يا ودعشمان والله انت زول حقار جدا

انا طبعا تجاوزت مراحل والى و وزير و رئيس جمهورية دى قبل عشرين سنة...........!!!؟؟؟

عندك عرض اكبر من كده؟

ههههههههههههههها

بركة الشفناك نصيح نجس ابو عيون غبش

فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف ابوهريرة عثمان عبدالسلام 25th أغسطس 2012, 11:47

ود عشمان حمد الله على السلامة
وجيدا مرق نصيح
وانا زاتى قبال كدة قلت ليك الكلام القالو ليك محمود اخير تخلى الشلاقة
وقلت ليك انت ما بتعرف تسوق وكمان داير تجرى
عشان كدة لازم تجى امبرامبيطة بسرعة وتمشى حوش محمود فى لورى قدوم قصير تتعلم فيهو السواقة بعدين ترجع
بعدين يا محمود قبل كدة ودعشمان فى الخرطوم لف بينا الصينية عكس وداير يودرنا فيها
الا الله لطف
ابوهريرة عثمان عبدالسلام
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف محمود منصور محمد علي 25th أغسطس 2012, 12:06

هههههههه

ههههههههه

الله يجازي محنك يا ابوهريرة... بالله عليك في واحد بلف صينية غلط...؟؟؟؟؟؟

ودعشمان انا عارفو ما بعرف يسوق كويس ونصحتو عدة مرات يبطل الشلاقة والحوامة ويرجع للدراجة لكن طبعا انت عارف صحبك ما بسمع الكلام وعنيد....

وفيصل خليل قاعد ينفخ في راس ود عشمان عشان ود عشمان عاوز يرسل ليهو فيزا لانجلترا زي ما وعدك انت قبل خمسة سنوات وماعمل ليك اي حاجة...
[/b]
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف محمد قادم نوية 25th أغسطس 2012, 15:28

ألف سلامة عليك ود عشمان
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف ابوهريرة عثمان عبدالسلام 25th أغسطس 2012, 15:32

هههههههههههههههههه
الحاجة الثانية يا محمود انو ود عشمان فقد وظيفة سائق الملكة الخاص وتم ابعاده من المنافسة
ابوهريرة عثمان عبدالسلام
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف nashi 26th أغسطس 2012, 07:47

الف كفارة اخي ود عشمان
وربنا يخلف باحسن وابرك ان شاء الله
وعيدكم مبارك
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

ود عشمان حمدلله على سلامتك Empty رد: ود عشمان حمدلله على سلامتك

مُساهمة من طرف ود عشمان 26th أغسطس 2012, 21:40

الاعزاء ابوهريره

محمد قادم نويه

الدكتوره ناشي

لكم التحية و الاحترام و نسأل الله ما يشوفكم حادث في حياتكم ..

لكم مني اجمل المني ..
ود عشمان
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى