من يجدهم يسلم عليهم

الدكتورة إحسان أحمد كوكو احمد مرحوم صباح حسن و كل من غاب عن المنتدى الأيام الفائته ,,, البلقاهم يسلم عليهم

موجودين يا بلده كيف اخبارك علك بخير والله مشتاقين كثير نسال الله ان يشغلنا بطاعته وكل عام وانتم بخير ، وين موقعك في الكرة الأرضية ، مجيقه ولا وكره رشاد ولا الحباك

وعليكم السلام ورحمة الله وبركاته اخي كرم
مشكور اخوي
ابو آرام سلام
------------------------
سلامي لاسرتيكما

من (مجيغا) إلى وكرا إلى رشاد و بالعكس (قال ليهو عرفنا مجيغا ,,, رشاد ,,, و بالعكس دى وين قال ليهو دا ما ناس أبوجبيهة عنك الهوانات ديل) تحية يا أحمد مرحوم ,,, واحد سواق زعل جداً من بتاع الحركة (المرور) قال ليهو كويس ,,, بعد تنزل المعاش ,,, ح نتلاقا فى ركن من أركان الكرة الأرضية دى ,,, و الله مشتاقين ..
حمداً لله على سلامتك ,,, فقدناك ,,, ربنا يحفظك فى غربتك و يرجعك سالمة غانمة ,,, حمودى و أمو بسلمو عليك و كل أهل الحباك ,,,

كرم هجانه كتب:من (مجيغا) إلى وكرا إلى رشاد و بالعكس (قال ليهو عرفنا مجيغا ,,, رشاد ,,, و بالعكس دى وين قال ليهو دا ما ناس أبوجبيهة عنك الهوانات ديل)

خالي كرم ..

جماعتك ديل لو شافو مجيغا في الرشاش يرحلو يخلو ابوجبيهه ..

اخبارك يا جميل سلم علي بت عمي الامير و قول لها كفاك من الغربه قبلي تعالي لاهلك محتاجين ليك ..

اجمل المني ..

هاي احمد ول مرحوم ..

ماك طيب اتا الدار الاكلتك دي وين .. انشاءالله السنه السعيه ملعشيا .. قال ليك يوم الخميس الجاي بعد سوق امبرمبيطه في صرعه طرشا ما بتلفوت كلو .. كلو .. فوكا عصام ول كابورا ( النجيله خضرا ) و الفاضل ول جدي محمد جلد ( عجيله ) اتا خليك قاعد ربيطه ..

اجمل المني ..

تشكر يا ول عثمان انا في رياض نجد ، البار سارت علي كوال منقو ومناك بجي الصرعه وعني ليا فارس اسمه ( ابو دقلي)

تشكري يا ناشي علي المرور اخبارك والعيال علك بخير مع الدنيا اتمني لك كل التقدم والصحة والعافية

الرائعين حد ... ترتشف الطبيعة أكواب الندى ... ود عشمان و احمد مرحوم ...
زى ماقلت مجيغا فى الرشاش حاجة ولا أحلى ... الخضرة ... و المخارف ,, الفراقين ... العيال لامين تحت القمرا ... البنات بيدندنن فى غناهن و بيتهامسن ... الكل مشغول بهمومو ...
قلت لى البار مالن ياود مرحوم هههههههههههه
البار ن نشن القاعد ليها شنو ؟؟؟
حليل الزمن البجبر خواطر
بت عمك طيبة و كل أخوالك و أعمامك بخير ... السعية تامة و الخريف تم ... الأيام دى سمسم ساكت و شغلات و شغلات ,,,
لكما تحية بطعم أنقارا

اخي .. كلمو الرواعيه السعيه يقرعوها ما تدقش الزراعه .. باقي عمك العمده سماعين ود الزبير بصقع صقع نجيض اليومين ديل لو جابو له زول في المحكمه..

اجمل المني ..