ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شوك المُتَاوقهْ في دَلْدَمَاي الروح ( عاصم الحزين )

4 مشترك

اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty شوك المُتَاوقهْ في دَلْدَمَاي الروح ( عاصم الحزين )

مُساهمة من طرف فيصل خليل حتيلة 30th أبريل 2013, 12:53




لو إستفتا


حقّك تعرف مين
الأفتَا


ولو كَرفتّا


ياخ دا مَحَك


ومّفّك يربط صامولة
وَعي الذات بالحاصل


أو حيفك حيرة دنياك،


ما بين جِتّه مهندمه
جدّاً


مؤتمرات في الصالونات


جريده/ مكيده


وحردَانات


دانات دانات


أو صَحَن الفتّه


في الميلون ميل واحد
ذات خَتّه،





***





فلا ينحتّ النيل من
شَفة الروح


ولا بالسيل ينجرف
البوح


تنساكَ كِدا


سوداني/ يَشرحَك
الوتر


بَمْبَر تِحت قطيّه/
يَنشرِح الشَدَرْ


والذاد صدق


مدلّي مِن جيب جبّتَك
ينختّ


***


ولو إستفتَا


قِرشِي وقِرشَك


أربَعَه خيل


أربَعَه ناس


وحَنَاسَه وفاس


وحُراب


الكُل في النَقَعَه
الفَسَحَه


دْول خيل فازعات


ودْولَ حُراب
كُوراكهِن قَال جَاهزات


وَلْد ام


في الدَلْدَمَاي


الجري جايز يومدَاك


لكن ننجو!!؟


الحَرِب إن قامَت ما
بننجو،





***





قِرشِي وقِرشَك


العين رَمَّاشهَا
بَدمِّع


المليون ميل واحد ذات
ختَّه قِنِعْ


واجْوَادنَا طِمِعْ


قِرشِي وقِرشَك


فِكرة صندوق


الصَرفَهْ حتصرُخ
بالمافيش


الصَرخَه حتصرُف


قَش ميّت/ بارود/
فحريق


فزَّاعة طير
الحِنيَّه


الجَلِد الذات


فَليكُن الغُنَا
حِكمَه


الجَلَد الروقَه/
الصبرِ علي ما فات


فالجَاي أحلي.





***





ولو إستفتَا


حَتبكِي التِفْتَهْ


القُفَّه بِرِشْ


سُكْسُك دُردُرْ


ومَهَابة مَتْن
الوَاطَه


تَنوّع إثنِي


وكيف نَرضَابَا،


لكن ما نِتغابَا


الرَحَط النْوح


إنفَرَط العِقْد


العُري البَان في
الرُوح


ووريدنَا بَلوِّح
لعَذابَا،


يوم زول تَشكيلي


غَمَز اللون في صمت
الصُورَه


بحاول يعرف


كيف الحَرفِ حَينضَح


يصدَح فيهو سؤال بيشر


لجواب في اللون
مدسِّي


(لا وعي الحاجات
الغادي)


حايمات سارحات


رغم الإيمان (وَعي
الهَسِّي)


لا حولَ مِن
الحَايمَات سَارحَات!!؟


لُغة الحريّه/ دِي
محبوسَات


لُغة الوطنيّه/
الدِينْ/ ودِي محجوزات


المِحَن الوَقفت بين
حرفين


جَلْ.......... غَابه/
دِي مرسومات في المدسِّي


فالغَابَه اتوهَطت
الاسود


وبتقْرَا وِرِد
الأيَّام


وتقول في السر ما
بِرِد ما بِرِد


الدَمْ ما بِرِد الدَمْ ما بِرِد


والجَلابَه


قَالو في الاتر
البِنَهَابَا


دْول وَشْمِ عَرَب


التَتغَابَي في
العِير


والخير في نَفير غيرهُم


كتَّر نِعَم الأحزان
فَضَحت طيرهَم


لا حَولا مِن
الحَايمَات سَارحَات


مافي مشاكل مافي
مشاكل


زِيفَه تَهمِّل فَزَع
الجَايات،


أزرق أبيض


أخضر أحمر


أحلَي الايام بَمْبِي


وكتَر خيرو


علشان مَغْنَاك
تَعرِف تَفتِي


فسّر إستِفتَا


بكُنه المعرِفَه
بالحِتَه


أو كيف تَخفِي قُبح
الأيام.





***





ولو إستِفتَا


الشوق أبيي


قُرْقَابا رَبَط


دَاكَ المَرحَال
الأوسط


أولاد كامِل


ومَزَاغنَه


ودينكَا نْقوك،


ما بين الرِيح وصَعيد
وَقفَن عودين


بَهَم السُلطَان
رَقَصن عادِي


البَابُو فِهِم معنَي
تَعادِي


إتفقو وخَتَو العَام
في ضَمير الخَاص


أن نعبُر بين الأرضين


فالمُرحال الأوسط
وَاحِد،


جايز تختلف الايام


نَقعد تاني


نَنضُم في العَام


والخَاص نقلَع شوكات
من فوق رَاسَا.


لكن للسَاسَه خُرم
سُوسَه


ضُرس الكيدَات هَدَّم
سَاسَا


والفِينا المشهودَه
بنَاسَا


نَعَدم حُرَّاسَا
ونِبرَاسَا،


أولاد كامِل يَطلعوا
برّه


(ديل قالو كِدا)


المِيس يَعدَم
مَزغَنِي حَاسَّا


(ديل قالو كِدا)


والدينكَا عموم دْول
لينَا عَدو


(ديل قالو كِدا)،


والكَتِل إنصَاب
بالمَسْ


الحَرَس الفَرَس


التُكُل المُفرَاكَه
عِنْدَهَا إنْدَسْ


لا عَصيده نَلوكَا
ولا مويَا


(خِربَتْ خِربَتْ)


قَالو الفُرَّاس


الطائر حلَّق
بالمَغْنَي


يا شُوم الحاصِل ليه
نِحنَا


ما بمنَعنَا مَعني
الايام أن نَحتجَّ


في كون عَاقِل والشَر
مجنون،


بَهَم السُلطَان
رَقَصن عادِي


البَابُو فِهِم معنَي
تَعادِي


لكن نِحنَا لو
إستفتَا


نَقعُد ونَرتِّب في
المِحنَهْ


في كون عَاقِل


والشَر مجنون.


فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف الفاتح محمد التوم 30th أبريل 2013, 15:56

نَقعُد ونَرتِّب في
المِحنَهْ
في كون عَاقِل
والشَر مجنون.


ياوريف حمداً لله بعودنك ....
وإدراج لوحة رســم الفراغات

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف خدورة أم بشق 30th أبريل 2013, 16:30

عاد والعود أحمدُ يا أبا أحمد .. الاسم أحمد وجوارك أحمد والصديق الشقيق أبو أحمد مناي نلتقي في يوم أحمد نسأله تعالى أن يرفعنا مقاماً أحمد ... أقول وفي النفس منية لو نعيش يوماً واحداً من أيام ذلك الجوار الأحمد لنعيش الذكريات جسداً ومعنى ولو عليهما نحسد .. تفرقت بنا الليالي والصباحات أيدي سبأ.. أو كما قال مظفر :
هَلْ كَانَ عَدْلٌ أَنْ يَطَولَ بِنَا السُّرَى ..يا أبا جبيهة ما بين المطرقة والسندان
وآهٍ يا البطحاء وآهٍ يا جبل العمدة وآهٍ يا كرن وآه يا دبيكر وكل الجهات المفضية للحباك والخارجة منها

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف فيصل خليل حتيلة 1st مايو 2013, 08:59


إشمعنا الحُب يَمنعنَا نَغنِّي
وكُل العَالَم غَنَّى الحُبْ!؟
الحُب في الجُب لأبو جبيهَهْ
جِيهة الغَمدَهْ
والقُول يِندَكْ،
حين جينا مَحبَّه ومنقتنَا
هِي عصير الحِنيَّه السَاكِت
في دَليبَه مَدوزَن ومُطَّامِن،
فتلودِي الحِين شِربَت قَهوَهْ
وانطَرَب الكيف
المَكْ المَكْ
رقَّص في الميس كُل الجيهات
دِي شمال وشرق وجنوب وغرب
أعرق فِجَّه
إنفجَّ الدَمْ
أم رَوَّابَهْ
فَزَع الرايحَات إن تَاوق هَمْ
المُويَه الحَبِل الوزِّينَه
النيل والحِتَّه المَسكونَهْ
بالعذبِ من الشُوق الرايِح
فايح في روح الفَترينَهْ
والشَدو نَمَا
إنْ رُشدَك في رَشَادَك يَرجَع
لا يَزلزِل رُوح المسكينَهْ
سَكَّن دَمعَاتَا أبو زَلازِل
مَحَّن بالمَعرَفَه سكِّينَا
السِلمِ غُنَا
والعَدلِ هنا،
يا حنين عذَّابي وبَهدَلنِي
برَّط باللهفَه عيون قلبي
أجدَع غَادِي يَجي يَلقطنِي
أسرح جُوَّاىْ يَفتِل حَبلي
أنْ أنجُو من بير عصيانِي
لي مَعنَى الكُلْ هم عمدَانِي،
في العبَّاسيه بلاد تَقَلِي
يَغلِي حُزنِي
حُضن الأُمَّات لملاذ دافِي
ما احتارَت في طَاسِي الدَمعَهْ
الزُول بَتَّقْ
يَبرُق كَنسيم
قَنَّبْ رَشَّ
حَشَّ قَديبُو
لَمَّعْ أرض الغُنيَه وخَشَّ
نَبَت القندول
دي النيَّه ورشَّاهَا بهبشّهْ
وَدْ تَقَلِي رشاشو كما الهَمسَهْ..




عووووووووووووووووووووووووووووووووووووووووووك


اساتذتنا الفضل و شهاب


تحايا
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف خدورة أم بشق 1st مايو 2013, 11:37

ديل ما عندهم هم لو إنت فتفتًّ
أو مُتَّ
أو إتفتَّت
ديل همهم حلب البقرة وضرب الفتةَّ
ليهم يوم حيشوفوا الواحد ستة ستة

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty الزهجلوجيــــــــــــــــــا .......... عاصم

مُساهمة من طرف الفاتح محمد التوم 2nd مايو 2013, 15:28



الزهجلوجيا
مغامرة الكائن في فضاء المزاج
هديل القلق
هي :
ان اجترح في سديم اللغة خطرأ انيقاً لي
ان اصعد عتبة الجمال حتي اقاصي التهلكة
و
ان اتعرّي حتي توهّج احتشامي بقلب حبيبتي .

زاي
زقاق
نكهة درب شعبي
نفّاج عشب ازرق
زرقة قلب رجّاف
فتح الصباحات باب
انجمّ دم الطين .

ها
همّيت
هبّاني نسّام الشعر
بشتنّي
اتشهّيت عصيدة ريد
و بت تبداني
من فوق مرق شوشاي الصبر
تقراني
أقر بالحب
و اترجّاني كان اركز
المّ اشجاني .

جيم
جربت امشي براي
باراني الكضب
نسّاني شلّيخ الوهم لي خدّي
زمن اضحك نزيف
و القيف حزن ينتح
براح ضيّق
و لمّة ناس
مسممها النواح مرتاح .

لام
لمّيت علي خوفي
ضاريتو من شوفي
توب الضلام شفّاف
فضح الجسد نوّر
توّر عذاباتو
و انشاف سواد البال
جدع النجوم تيراب
نبت الشدر ابيض
تش البخور للروح
و اتحتّ منّو حريق
ريحة براي طقّت
........
رحم الله الانيق الجميل الودود ,,,رحمك الله يا هيثم هاشم
ياوريف كمل باقي الحروف ...............
تسلمو جميعا



الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف الفاتح محمد التوم 2nd مايو 2013, 17:50

رجيتك يا وريــــف ......
تاوقتــــا شايل سراج إالفتك ,,عاينت نفاج قليبي ,,,,
مالقيتك ,,,, في شان تكمل للحروف ....
ســـرحتا بالغنم وابليس معــــــاي
المسرجة لفحت جــــواي
نفثت لهيب ....
كمينة طوب ؟!!!
صنت صـــــــووو ...
وســـــوت قــــووو
لابتطفيها سراية المطــر
ولاحتى البتهطل شــــو
ما المعطونة جات بفنقول دليب
شاشـــــــــت رويحتي وهبــتـــا
قشت الحوش نضيف يراري
مزين بملايات العصـــــاري
حتت الكانون..
قرياف جبنة يا ريحتـــا!!!
والمستكة
عتقت الحـــــواري...........
جواي عصـــــــافير الانين هشــــــــــتا
قدام كوم قطن منفوش.... يا وقفتـــــــــــا
بسراع لفحت دمور شفيف ..... ويابسمتا
يـــااااا حن ختت
صوابعا في القطن المدثــــــــر
طايع يسابق لمســـــــتا ,,,,
يهامس ايديــــــــــــها
....كما أنــــــــــــــــــــا
بشويش " ياحظي لو أبقى مخدتـــــــا !!!!"

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف الحازمي 2nd مايو 2013, 21:45

ان يكون لنا وطن ان يكون لنا حبيبه
هذا يعني :
انه لا الحنين انتهي لنغادر ولا الحب يكفي لنبقي
شكرا للتكنولوجيا تعلمنا ان للاوطان خرائط اخري ,طالما نستطيع ان نشدو ونفتح للحب نافذه..
اذا للنيل ان يفيض هناك طالما القلب نجيض السؤال و معافي من انكفائه علي الوجع المطرّن بالغربه الجد جد و الاغتراب الجواني في البلد
ابو ساندرا ..الاستاذه رشيده.
اهلا
واعضكما في انف الشوق لانسان مناسب للحياة يشبهكما
لا اجد وانا في عبوري الهائل هذا لارتب ما تبقي من رحيق المرحله
سوي ان اشدّ علي يد قلبيكما كثيرا ..اصفّق لأنني بينكم..واخجل اذ اراني وبعد كل هذه الاعوام في بداية صعودي لدرج انساني احاول ان اكون الذي اشتهيهه من وعي ومن مسئوليه تناسب ان اكون صديقاً لكما..
حسناً
هذا النص ..بكل اسئلته التي جعلتماها ممكنه فيما يخص الحب..بكل هيجان وردته التي اقطفها لعيني ثم احزم نواة الروح واهندمها للحبيبه..للوطن.
اهديه لكما .. ولكل الرائعين في بلادي
واتمني لو تمكن ذلك الرائع الاستاذ سيف الجامعه من الاحتفال معنا بكم بتسجيل هذه الاغنيه (اذا حبيتك) بحنجرته الطاعمه في هذا المكان (سودانيز اون لاين) بعد ان تزيأت به القصيده وتوهج نداها باللحن و ترتبت دواليب حنانها بالاداء المستحيل..
ابو ساندرا...الاستاذه رشيده
ها اغادر ..اكتب هذا الكلام والراس اشتعل بصلعته والقلب في حالة
شوق مربكه..والجسد مرهق باوجاعه..
بعد ساعات سأكون في معسكر كان لا بد ان اكون فيه لاداء الخدمه الالزاميه ..حتي اتمكن من اكمال ما بدأته من مشوار بعد نجاحي في الشهاده السودانيه بعد كل هذه الاعوام الطويله من تجوالي في ليل ونهارات اقاليم الكتابه ..العمل ..الترجمه.. الحب والحنين للانسان المعافي..
اتمني لو اعود كما تشتهيني قلوبكم الطاعمه واكثر..
ولكن ان تواريت في مكان ما في رحم الغيب..ارجو ان اكون في زاكرة النشيد احرّض دواخلكم لاتمام هذا العمر بصيغة منتهي الحب..منتهي ان تكونوا كم انتم عليه الان واكتر في وطن معافي وسط اصدقاء واهل طيبين من بلاد الضوء..
ابو ساندرا ..الاستاذه رشيده
شكرا علي ماهيتاب..ساندرا..سولارا..سارا..دينا..وانتم ايضاً .
حسناً
لكل الرائعين في البورد اشكركم علي كل الحوارات كل الكتابه..في زمن ارهقنا منه بالجري اليوماتي في ازقّة الاسئله الموجعه عن الان وعن المستقبل .. في زمن غادرنا فيه كل الذين نحبهم و تشتتوا في عواصم العالم حتي تلفحنا اثواب احزاننا واعتقدنا بان ارضة عدم الشوفه البتطمّن الروح ستأكل عضام الحنين فينا...ولكن شكراً للاستاذ بكري ابو بكر اذ جعل هذا الاحتفال اليومي حين افتح صفحات هذا الموقع ممكناً ..اذ اراني اضحك لهذا واتزكر تلك .. ومنعم شوف المتهلند بصيغة منتهي السودنه والمسودن بنكهة الانسان العالم..ابكر ادم..الابيض..الدلنج..الفرشايه..اتزكره حين نسكر حتي نفيق بحوارات طاعمه ونفيق حتي نسكر بحضور اليومي في زقاق سؤال حريف عن معني وجودنا..ياللخرطوم يا ابكر..رغم جمالها الذي اتحسسه واعرف اين يختبئ..رغم اللهاث المستمر بحثا عن عصيده صدق تسند راكوبة الروح..رغم انجابها المستمر للرائعين الا انها تبدو كفزاعه للطير في حقول الالفه ,يشرد منها اجمل المتسكعين في نواة الحلم, وتسكنها العتمه..حتي اراني الان ماسك شديد في ضوء قمر ,الوذ به لاراني و افضحني و ارتبني فاندمل..الوذ به لاصنع له حبلا ليدنو ويتدلي لا الي السماء البعيده ولكن الي ارض التاس الطيبين,الي الواقع التاني وكت الناس تنوم ونصحو نحن..لنهندم الكتابه ليلبسها الحالمون بغد افضل ..اشراقه..ايوبها الحميم بوانجاه,اتزكر بداية الرحيل, اتزكر العام الفائت ,ذات خريف نغزل قطراته كشال ,ليلفها محمد الفيلابي,قي عنق اشراقه الجايه من بعيد حتي يستغيث بنا ايوب ان نمده ببعض الدعاش عبر اسلاك الهاتف..ياللوجع..ياللحنين..ومجيد المسرحجي التمام و الممثل من لدن افضل براحات الممكن..و عاطف خيري..وين انت يا كتاب الاناشيد الضوايه ..الساند قلب ما نشتهيهه من بريق..تعرف..ما زلت احن لنص لم تكتبه بعد..وذلك لان اجمل المصادفات كانت القصيده تكتبها لتوحي لنا بالحنين..ويحي قضل الله..محمد محمد خير..وووووووالموصلي ذلك المشتهي كالكونشيرتو السبعه وعشرين لموتسارت.يضخ موسيقاه في الوريد,فتتورد خدود الاناقة فينا,ونحتمل التعب حتي اجمل شهيق في الاذن الوسطي لمعني ان تسمع الندي وهو يرقص...ووووووووووووووووووووووووووووووووووووووووووووو
ايضاً لهذا الشاب المكرّس للندي اسعد صفوان كل الاحترام والحب ..اذ اهداني هذا الممكن من الكتابة في هذا الموقع لأعبّر فقط عن بعض الشوق والحنين المدسدس جوّه بينات وريد الحلم..
عاصم الحزينasimalhazeen@hotmail.com
7/9/2003
الخرطوم..ذات شنطة حديد واحلام مؤجله وحزن وحنين في طريقي للمعسكر
.. النص.... اذا حبّيتك
اذا حبّيتك
وكان غيم الدرب بيتك
قلب فتح النشيد نفّاج حنين
ولقاني غنّيتك
اذا دسّيت هواك في ايد
مسكتك جوّه طعّمت الوريد بي ايد
وفرّيت في السما اسمك سحابة حب
وناديتك... تعال
تعال ميّل علي حجلة نهارات شفّع الروح
واتكي
نلعب
نشخبط دمّنا بالحب
هل تقدر انسامك تزح محراكة الصيف
من ضراي
تنبل حقول العاطفه بالمطره
واتيربك دم
تخش في وريدي زي بيتك ؟
اذا قلمي سكر بالشوق
وشال شبّال
رقص فوق خدّك الحبر المستّف ضو
وكم موّال
اتقريفت رئة الورق تتنفّسك
وانبل عطر النجمه
لامن بالسهر كمّلتو دوبيتك
هل تقدر تفر زيّ الطيور جوّاي
وتغرّدك..؟
وافرّحك
من الطريف رمشك حنين
والعين سواك ما ركّ فوق انسانها روح
كم مرّه طلعت قمرتك
ضوّت قصيدتي ... واروح
تروح عتمة فقدتك ومشتهيك
اذا سمّيتك حلم
خدش الكتابه سنين ولاقيتك
نظمتك عقد فوق رقبة نهار العيد
وصنقرنا علي باب العشق مسدار
حكيت عنّك
سحرتك بيك
زمن والايد محل ما كحّلت ب
بالريد بنات
ينقدّ ماعون القلب
وتسيل علي الشارع جداول شهقتك
نخلك يشدّ الحيل
نميل برّانا نلقانا معاً ضد البلاد
ان عسكرت بالخوف هوانا
وجرتقت كل المطارات بالرحيل
هدّام جروف وعي الولد
هاجر وريّح بال
وبال الروح
ان سافرت منّا حمامات الحنين مجروح
نخش جوّانا نلقانا علي خط التماس اتنين
نوازي البرّه بالجوّه
عشق حدّ الكفاف
ضدّين ونتلاقي
نعلّق في القطاطي علم بلد
ويرف
ترف عين الحبيب وتلف
تكوس عن العباد
صمتاً وقوف
في كل رصيف تنمدّ ايد
يا رحمتك
اذ كل ما سبّح اما م
يفرد شراع الجهجهه عاماً
ونام الكل
وعام في بركة الغبش النعام
دافن جمال معرفتو
صفّق في الزحام
لي كل امام
يسرق من الواقع رغيف المرحله
ينقصّ في الحلق الصراخ
ومع الغياب نتماهي في الوجع الاسيف
يا كم نزيف
وانا كلّ ما حبيت
اقيف
ارجي الخريف
يفوت حصاد القول حريف
مدبّي لابد فيهو زيف
ينخجّ جوّاي الحنين والروح تميّل حيطتا
واقيف كما لو كنت شاهد قبر
او شاهد علي مجنون
مجنون ؟؟؟
مجنون بحبّك ايوه
برقص سامبا نص الزهلله
والولي ارقص كمبلا
اطراك تبشّر لي غياب
والصفقه ما بتكملا
ما الكلمه كل ما بقّ ريحة صندلا
تنشرّ في الشارع قصيده
رجت مواعيدك تجيني واكمّلا
ارحل..
ارحل اذاً منّك جواي
او حصّلك في آخر الشارع ولمّك من غناي
بس بسألك
لو كان السؤال الحب
تقدر تطول زيّك وتشبه روعتك جوّاي
عشان اتقبّلك ؟
واهبش ملامحك برّه
دافرك جوّه ...مرّه اتأملك ؟
الحازمي
الحازمي
نشط مميز
نشط مميز


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف الفاتح محمد التوم 3rd مايو 2013, 14:14

<< ونواصـــــل حروف عاصم
واو
واقف
سند طولي الشعر
اشعر بأنّي غريب
اكتب و اروح
في خاطري المجروح
مرّات اقوم ترتيح
اقراني للنيمه
نمّ البلد ضلّي
بلدي احتمال النيل
زمناً يفر عطشي
شارع ملان ألمي
و زمن يزيد ألمي .

جا
تنّيت الجيم تاني
جنب الحلم سلّيت مراكيبي
حفيان من الواقع
جدّفت في المويه
و ركبت مركب شوق
شقّيت لحاف النوم
راجي الهتاف يطلع
من شارع الخرطوم
مردوم وجرّاري
يا جاري وين داري
يا داري ماك داري
انّو العمر جاري
و العشق مدّاري .

يا
يد الهواجس
اصفّق كيف وانا وحدي
اكيد
كتف النشيد حيشدّنا
صفقتنا يوم حتمدّنا
بالصبر
او بالتمر
او بالعمر
هوي يا ضدّنا
وينك تعال ما كلّنا
واقفين نبرّد حرّنا .

آ
الف الحنين
وحدك بحبّك
كم بعيد منّي الشقا
شقلبتو تاريخ العنا
عندك
لقيت ما فات
من الفات و السنا
يا
زهجلوجيا الازمنه
نيلين وقمريّه
رمله و رواعيّه
يرعو القلب في الليل
و صباحنا يا بنيّه
روّاب نضم هيّن
هيّن و ما ليّن
فجراً صحيت بدري
حمّيت كراع عقلي
سرّحت عاطفتي
و لبست توبي نسيم
و ركبت عصفوره
طارت معاها الغيم
ركّت في عينك بيت
نزل المطر دوبيت
و ما بينك و بين لونك
و ما بين البنات و الحب
و ما بين القبيله وكت تكون كونك
و ما بين القرايه ام دق
سؤال كمّك
و نوع دم الوعي في الدم
انا جيتك
صراع ضدّين عليك واحد
و واحد ضد صراعغ زمنين
زمن صاحي
يصحّي فيك مسامات الحنين و الحق
زمن تاني
يفنّك بالضلام تاني
و تاني من بداية آدمك تبدي
تكنّسي حوش سماك تاني
انا جيتك
أيا
حين جهجهات الزهجلوجياتونّسك
و ترتّبك
و تذكّرك بي مختلف
هل نأتلف ممكن سوا ؟؟
يا عقلنة هذا العشق
قلبك نوي
خلّيهو درويش الجوي
وينك
نبات حيلي اكتوي
صفق الصدق
صدق الفروع الفي السما
شايلات قمح
و اعصابي بايتات القوي
اتراكم الشوق هل اذاً
ريق المسامات ارتوي ؟؟
يا زوله جيت
نهد السؤال اتنفّسك
يا زوله كيف
و الزهجلوجيا الصاغت احزانك هنا
حرنت اجيك
بالايدلوجيا الحب غنا
اوعاك
غلاطك بشرحك
يمكن افوت
........
ياااا ربكتك
فضحت سكاتك و وجعتك
هل تذكري ؟
راهنت انّك زي بلد
سمّنها في ايدي
اتر نيلها
علي باب الوريد و الريد
حماس نساني حمّستك
و عرّيت الدواخل فيك
برق نجمك
فردت جناح شعور شعرك
عرشت البال
رقدت الليل
اعد نجم البعاد الطال
سهرت الولي فيني الصاح
و صاح انّك معاي كنت
كما نخل البرق شاهقه
شهق ضوّك
تنفّستك
وقع منّك بلح قولك
و رطّب كبد ماعوني
و ما بينك وبين الزهجلوجيا من البلاد
طلّيت
و ما بين البلاد و الوهجلوجيا من العباد
طلّيت
و ما بين العباد و الزهجلوجيا من السكات
طلّيت
و ما بين السكات و الزهجلوجيا من الموات
طلّيت
و
طلّيتي
معاً صلّينا غربتنا
و مغربنا
دخلنا حوش حوار الذات
و كم ليلات واصبحنا
جدعنا في الشوارع همّنا
اوراق عمل
اركان نقاش
في اليد بيان
في العين حواديت للجنا
نتمنّي
لو صاحب يضاري ها الضنا
و مشينا كدّاري
مرات يغالبنا النعاس
مرّات هزيم الزهجلوجيا يمدّنا
بالمن و السلوي
نهيم
و هدمنا في الخاطر
زمن اعوج
و حاضرنا
مشي يحاضر دفاترنا
و بكرانا
يحندك في الشعر
تيرب حداثتو
و ما حديث الواطه
الّا انهزام القمرا
هل قمريه فيغصن الكتابه حتنتبه ؟
و تغنّي احلامنا البلد ؟
و ولد وبت ؟
و الروضه
انسنة السياسه الجب ؟
و تاتينا
كبرنا كان حلم مغشوش
صحينا
كان درب ممنفوشبسم الشوك
طعن ايدنا
و تاني
من جديد صلّينا غربتنا
و مغربنا
دخلنا حوش حوار الذات
و فات الفات
تلاته بلاد
انا و انتي
و بينّا الناس
توحدنا
علي باب الحنين مسدار
قرينا الزهجلوجيا كتاب
و تاب الحس !
و تب فتنا
اذاً
هل حب
قلب وطني
و راكوبه ؟؟؟


>>

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف الحازمي 3rd مايو 2013, 15:26

هيثم:
صديقي مشتهيك
كيفك
هناك الازمنه كيفنّها
كل الشباب في منتهي حبّك بكو
يوم انطفي صافي حضورك قي رصيف الاسئله
تجدع سؤال بلدك يصفّق احترام
تجدع اجابتك
ينتبه ريق الجداول بالنشاف الركّ
في حلق المسافه
يا صديق فاقدك
وليل غربتنا يوماتي بتاتي جوّه بينات الوريد
الموت فضح فينا السكات
الموت لبد
وصحيت مشيت وحدك
وتاكيت القصايد جنب قهوة عرفتك
كوركت ما تنسو مزاج الارض
حريّه
وحريّتنا ان نعرف تماماً
كيف نفرّق بين وجع عمّالي
نتّاح في الضهاري
والنبيح الرأسمالي
مشتهيك انا والشعر في الروح قنع
لابسو مقدّد بالحزن
خرطومي مستنّيك علي حافة بهار ثوري
هتف
مسكين رهد حيلنا
ضامّيك بين جدل البلد
والام
تخج روّاب مساءات الحنين
زيّك ولد سكنا
فقرا ولا هامينا
ما الشدر ان مال بتّكي في اخيّو
والوجع ان طال سعي الصدق بي كيّو
وبرضو بريدكي
ابنردي يوماتي
عطشان هواي
مخلايتي في يدّي
رهيد ألمي القلب صافي
الحازمي
الحازمي
نشط مميز
نشط مميز


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف فيصل خليل حتيلة 4th مايو 2013, 11:11


عوووووووووووووووك

شهاب و حازمى

أُهزوجهْ للهَدْهَدَهْ:
أبو جبيهَه النَضِم
في عيونِي شَايلو سنين
وَردَة قبايل
سارحَه في الدَم السمين
من أُمَّنَا المليون وَتَر
بَتَّق في بستانَا الحَنين
مَا فَلَّعَت زول بي حَجَر
دَقَّت نِحاسَا الليلَهْ
رَقَصت للجميع
صبيان بنات في العيلَهْ
إنْ مَرَقَت شَمِس
هُمْ ضُل فريق في ويلا
حارسين الفَهَمْ
سَتَّف نَواحِي مَقيلا
يا البلَد السؤال
وَكِت الإجابَه حِليلا
صَنقرتِي في قَلِب
بَاريت نَسيمُو نَجيلَهْ..
فتَّرنِي العويل
في جَبهَة الجَبل الغناهو بسيل
مَرَق نيل
من مشاط وجعِك يميل
كُلْ حين أخصِّك بالحنين
سوّيتِك شارِع
ومشيتِك
باريتك من أوَّل صبرِك
لي آخر ضُلْ
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف فيصل خليل حتيلة 7th مايو 2013, 08:45


اذا حبّيتك
وكان غيم الدرب بيتك
قلب فتح النشيد نفّاج حنين
ولقاني غنّيتك

نعم يا حازمى نص جميل و سبق ان تغنى به الفنان سيف الجامعة و لاسباب تخص الشاعر عاصم الحزين

تم ايقاف الفنان سيف الجامعه من غناء هذا النص

تحايا


فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف الفاتح محمد التوم 7th مايو 2013, 15:54

الفاتح محمد التوم كتب:
يـــااااا حن ختت
صوابعا في القطن المدثــــــــر
طايع يسابق لمســـــــتا ,,,,
يهامس ايديــــــــــــها
....كما أنــــــــــــــــــــا
بشويش " ياحظي لو أبقى مخدتـــــــا !!!!"
ولازالت ..........
أبو جبيهَه النَضِم
في عيونِي شَايلو سنين
وَردَة قبايل
سارحَه في الدَم السمين

شكراً يا وريف

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

شوك المُتَاوقهْ في دَلْدَمَاي الروح ( عاصم الحزين ) Empty رد: شوك المُتَاوقهْ في دَلْدَمَاي الروح ( عاصم الحزين )

مُساهمة من طرف فيصل خليل حتيلة 8th مايو 2013, 09:20

حلّقت
الحمامه

في السما كايسه قامه
تشبه احتراما
لقوام
ابتسامه
شاغلت الغمامه
قالت ليها كيفك ؟
و كانت سارحه جداّ
في معني
السلامه
حين في الافق لاح
وجه الشعب غامض
و الحاكم بيضحك
رفع الرايه
بيضا
و قال دون ارتياح
شكراً يا سلاح
..
و في ذات البراح
هبّت في
القلب
اشواك كالرياح
اتزكّرت ورده
و كم زول بانبساط
شال ازميلو
ينحت
شارع فيهو غابه
و مسطبه للغلابه
مات في السجن فجأه
بي تهم الكفاح
..
هل ممكن نسلّم

نفس الارزقيّه
و لّا العسكريّه
حلمنا بالقضيّه
!
؟؟
يا غصّة بنيّه




شكرا يا شهاب


فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى