الظلط

طبعا دى حجوت ام ضبيبينه موضوع ظلط ابوجبيهه عندى ليكم بشارة يوم 15اكتوبرالجارى وصول كرفانات المعسكرالى امروابه يوم25الجارى فتح معسكرجروايه وطبعا اناماشى اشوف الكرفانات الجايه دى الخمسين كيلو الاولى طبعا يتم تسليمها فى ينايرالجاى بعد زيارت الموقع والحديث مع الصينين نوريكم الحاصل شنو

الله يبشرك بالخير

مبروك والله غريق دى بشارة خير وان شاء الله يعم الخير وبعدين شنو يا خى من ديك وعيك ؟ اخر مرة اقابلك فيها على متن الاردنية ونزلنا عمان تانى ما لمينا فيك !
يعنى تانى نركب الظلط طوااااااالى للحباك ياود المحلج يا عمك .......




عاطر تحايانا

امين الامين.
والله يا عمك الكلام ده بكون 2025 ميلاديه ؛ ما تستعجل كلو بجي.

اول شئ تحياتي لك غريـــــــــــق ...وإنضمامك لأاسرةالمنتدي نقله حلوه جداً تزيد من تماسكنا وتقوي اواصر الترابط ... والف مرحب بيك وبكل الإخوة الإعزاء : محجوب ومنصور .... يعني ترحابي مرحب ب غريق ... محجوب .... منصور : علي وزن ناصر ... نميري ... قذافي ... في حين انكم انبل مشاعر وطيبه وذوووق ونقاء وصفاء ... و(لعنة الله على نميري وأيامه السوداء الغبراء ) ومجدداً ارحب بكم في داركم وبين اسرتكم .... ومبروك الظلط ومشكور على البشاره الحلوه ...وبقول لأخي الغالي دائماً : عوض السيد إبراهيـم : يعني ام روابة - ابوجبيهة خــــــمـــســـــة ) ساعات بس ... وانا ما لي دخل مع الكوره ...شوفوها واحسبوها كم ؟؟؟!!!! وإنت طبعاًعارف ياعوض السيد قصدي ... محبتي ....

يعنى تانى يا النقر نركب الفارهة ونعنى الحباك مترتاحيييين بلا ام جليلى بلا دنلسون بلا محمد سعيد ....وقول لصاحبك صابر تانى دنلسون بتاعك دا وديهو كاو وفنقر هناك
وباقى عمرنا دا يا عمك تصل بدرى ونخش جنينة عمنا محمد عبالرازق (السبيل)ترقد على ضهرك وتحمر للمنقة فووووق في شدرها وتفش غبينتك .......وتستغفر ربك..
ولا شنو ياعمك!!!!!!!!!

تكرار

قال العزيز :عثمان محمد يعقوب شاويش

: يعني ام روابة - ابوجبيهة خــــــمـــســـــة ) ساعات بس ...

طلعت رشاشه يا عمنا بعد كلامك وكتاباتك الحلوه وسردك الجميل ده؟
ما بتشبهم

الله يبشرك بالف خير يا غريق يا اخوى.
فعلا يا ابو عفان ابوجبيهه بتكون خمسه ساعات و ملم الكور يا ول نويه بتكون خمسه ساعات وخمسه دقائق.
شايف النقر ما عجبو الكلام.
الصفوه صفوه يا النقر وانت لانك صفوه برضو مرحب بيك

حدثني أحد العارفين أن سيارة إسمها الموج الأزرق نزلت جديدة فى الخط وتقطع هذه المسافة فى ثلاثة ساعات وثلاثة دقائق وثلاثة ثواني وحبة صباح وحبة قايلة وحبة مساء.

حلوه يا ابو الزهور.والله ضحكتنى ولعل هذه السياره لا تحتاج الى الظلط الذى بشرنا به غريق ورغم سرعتها هذه الا ان السائق لابد ان يستخدم الترس (الخامس) حتى لا يرهق الماكينه
................................................................................................ عشت

لكن باقي ليك الخيران والمزلقانات ديل يا ول إبراهيم بنطلعن ما إلا يرجع كمان للترس 3

طبعا يا جنابو منقه رحلتنا بتاعة الاردن الجماعه دايرين يودونا غزة وجماعت الوفد بقو بزوقو واحد واحد فى النهايه لقيت روحى براى فى الفندق ختيت الدوسوريا ثم لبنان الخرطوم طواااالى اتمنى ياحبايب ان اجيكم من الحباك بخبر من الصينيين جديد وان الشارع بيتم فى سنه واحده و3شهور 3اسابيع 3يوم ياعو0000000000

كدا يا غريق انت ممثلنا الشرعى ادينا الحقيقه سنه وخمسه شهور ولا ننتظر لوممباشى.
والله فرحتنا الله يفرحك.
................................................................. عشت

انا برد لزولنا الدايرنو ناس لاهاي ده بكرة ! البتكلم عن الظلط والمطار الجا ضلل بيهو ناسنا في ابوجبيهة بكرة في كاركتير ياعوض السيد
وطبعاً يا عوض السيد الحاجة الليلة كتلتني ليك بالضحك طبعاً حسن بوصل ليك ليها اي كلام هنا في المنتدي وبوريها ليك الصور كتاباتنا عن الجماعة دييل قالت لي اقيف ساي انت مع ول فلانة طبعاً قاصدة الحاجة افهم الباقي براك ياخشامة الا ماتجو وقالت لي قول لي صحبك ده لمن تجي كرامتك بعملها ليك منو احرش نسوان الحلة كلهم فيهو هي طبعاً من لون عمنا ازهري واولاد جدنا حتيلة في الرياضة ولا ننسي ول كمبال والجماعة التانيين دييلك ؛ والله يا اخوي شيل شيلتك معاها غايتو!!!!!!

انا ح اسفر بعربية ابو الزهور

العين قبل الرأس عزيزي طارق.

نشكر الأخ غريق كمبال علي بشارته و هذا ما نرجوه من أخوانا الجوا حوش الحكومة يورونا الحاصل طوالي و يحاولو قدر ما يقدرو يلقطو لينا شوية شوية و يقالعو لينا تماسيح الخرطوم ( تماسيح لوممباشا ديل ما بنقدر عليهم)
أبوجبيهة تاني تخت نمرة خمسة من أمروابة تاني ما تغيرا لحدي ما تخشجوة البلد ( دي أبوجبيهة ولا المقبرة)
بس دايرنو شارع ظلط خمسة نجوم مش أي كلام. لأنو في السفر خمس فوائد .

نمره 7 مافي؟؟؟
لانه انا عارفه نمره 3 في

لها التحيه والدتنا الحاجه والدتك وقول ليها المشكله الجماعه المراحيم ديل لمن يلقو فينا فرصه ما قاعدين يريحونا وكان للكرامه انشاء الله يا حاجه بعافيتك بتسويها لينا وما تزعلى نحن اخير ليكى من بنى زرقان وانت يا حسن يا بتاع الشمارات امك محمد بجيبها زياره السعوديه وبقلب لونها احمر يا ود يا ابو خمسه
....................................................................................... عشت ياول نويه

الدكتوره ظهرت بنمره 7 حقت المطره الفيها 11 قون الفى الاردن الحق يا ول نويه بت عمك عبد الرازق قبل ما تزوغ بنمره 5.
50 بره ولا 5جوه

300 برة ولا 3 من سيد البلد ... انا عايز إجابة محددة وإلا ... تحياتي ...

سيد البلد منو...... بتاع الخمسات.
هى التلاته دى زاتها السقطت حجركم.
انشاء الله بس مازيمبى يزيدها من 7 والله يكون تب ما قصر معنا.
................................................................ عشت

5-2=3 صاااااح ولا ما صاااح ... يبقى انحن اسياد البلد لحين إشعار آخر ؟؟؟ ..........تحياتي

الهدنه الهدنه يا ابو الشوش لحدى ما نشوف موضوع عمك رضا.
شايفكمشطاره شديده فى الجمع والطرح........ انا خيفكم بعدين ما تقدرو تجمعوا وتطرحوا الا باله حاسبه.
الله يدينا الفى مرادنا
.................................................................... عشت

تقوم بينا العربية تودينا لي المقبرة وندف فيها بالخمسة ؛ وتاني تقوم بينا سودانير تودينا للكنغو ونطقة فيها بالعشرة
يااخوي عوض السيد الزول بس خليك كدة قنطرو لي ساي والله جايبة ليه كبيرة