ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

من تعز من اصدقاءك ؟؟؟؟

+4
غريق كمبال
أزهرى الحاج البشير
عوض السيد ابراهيم
عثمان محمد يعقوب شاويش
8 مشترك

اذهب الى الأسفل

من تعز من اصدقاءك ؟؟؟؟ Empty من تعز من اصدقاءك ؟؟؟؟

مُساهمة من طرف عثمان محمد يعقوب شاويش 14th ديسمبر 2009, 09:49

كيف كان اول لقاء وتعارف بينكم ؟؟؟؟
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عثمان محمد يعقوب شاويش 14th ديسمبر 2009, 09:56

وبصراحة... كيف عشت اول قصة حب في حياتك وكيف بدأت ... انا عارررف سؤال من بيت الكلاااوي عشان كده كنت بلف وبدور وكان قصدي هذا السؤال .... محبتي ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عوض السيد ابراهيم 14th ديسمبر 2009, 17:12

رأيك شنو تبدأ انت يا ابو علياء وبعدك طوالى ول نويه
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عثمان محمد يعقوب شاويش 15th ديسمبر 2009, 08:11

لااااازم تحرجونا يعني ... معليش نبدأ بناس السلطنه وناس الخليج الجنوبي اولاً... فالدمام وبعدين الرياض وجده ....حتي السودان ...وخاصة بورتسودان .... وبالعكس لبقية الأقطار اللي ماذكرتها ... يالله أبدأ إنت اول .... حلوة مش كده .... محبتي ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عوض السيد ابراهيم 15th ديسمبر 2009, 08:45

ما انتو يا ابو علياء زمان كنتو بتكتبو الجوابات فى ورق كراسات المدارس العاديه....جاء جيل بعدكم بقى يكتب فى اوراق ملونه فيها ورده فى النص....اما جيل اليوم بتعامل بالماسنجر والشات....عشان كدا لازم تبدأ انت لانك عاصرت كل الاجيال......(قلت شنو)
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عثمان محمد يعقوب شاويش 15th ديسمبر 2009, 12:27

انا حكيت قصتي قبل كده ... وقلت كنت جالس تحت الإنجل بتاع بيتنا ...وكنت بهندس في عربية بعلبة سجاير برنجي ... وفجأه رمت لي بنت ورقة ... لما فتحتها وقرأتها ... وجدتها جواب حب وفرحت جداً جداً وفي نفس اللحظة جريت البيت وكتبت لها الرد ... وذهبت لها بمنزلهم وسألت وأمها عنها ...وقالت لي عند صديقتها وحيناما ذهبت ... ناديت عليها بأعلى صوت وطلعت هي وصديقتهابفوق ...وقلت ليها ده رد جواب الحب ...وصديقتها قالت ليها جابو ليك جواب حب ؟؟؟...قلت لصديقتها وإنتي لو عاوزه واحد برضو بجيبو ليك .... وهذه اول قصة في حياتي .. وإنتهت لهذا الحد فقط ... محبتي ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف أزهرى الحاج البشير 15th ديسمبر 2009, 12:41

والله يا عوض السيد كتبناها في ورق فاخر ومعطر وكنا نبذل قصارى الجهد في إنتقاء الورق وعطره ورونقه وكذلك الكروت أصلا الحكاية عندنا بدت متأخره ووقتها كنا في السعودية وكانت الأمورسهلة والبدائل متوفرة ... كان خطابا واحدا يحدث زلزالا بليغا في كياننا حتى نخشى على قلوبنا من الهبباي في عز الصيف وتقول لي قليبي رهيف ......
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف غريق كمبال 15th ديسمبر 2009, 14:16

والله انتو بتذكرونا بجنس حاجات 0رسائل معطره وقصص عجيبه 00طبعا كانت المراسيل هى الوسيله الاسرع والاضمن والزوغه منها اسهل والبرسلوها لاذم تكون صديقه 00للهدف
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف طارق كمبال 16th ديسمبر 2009, 13:00

يا ريت بدلك اكون انا
واكون فداك وعنك اشيل كل الضنى
ما انت لي عمرا عزيز انا عشتو بيك كل الهنا
ما انت ناري ونوري اشراقة سنا
تسلم ياغالي ويا حبيب تسلم تطيب انشالله انا
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty طارق كمبال

مُساهمة من طرف محمد قادم نوية 16th ديسمبر 2009, 13:27

مشتاقين ياحبيب وايه البكش ده
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف طارق كمبال 16th ديسمبر 2009, 14:36

يا ولد ابوي نوية انت وين وبتعمل في شنو رايك شنو في كتابة الرسائل في ورق الكراس و والورق المعطر
سجل يا تاريخ عقبال نشوف راي حسبو وابو مصطفى
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عوض السيد ابراهيم 16th ديسمبر 2009, 15:38

ابو علياء ابو الزهور طلع اخرو وغريق قرّب يفكها وابن عمى سواها ليكم شعر.....وين انت يا ول نويه
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عثمان محمد يعقوب شاويش 16th ديسمبر 2009, 16:42

والله في عااااالم جبنـــااااات بشكل ؟؟؟!!! محبتي
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty لما ندون الذكرياااات

مُساهمة من طرف عثمان محمد يعقوب شاويش 17th ديسمبر 2009, 11:24

أحلي شئ ان نسجل او ندون ذكري ... وقد تحجب افكارك وتجربتك عن جيل كامل ... وقد تتيح فرصة للجيل القادم ليعرف شئ عن ماضي من سبقوه أمثالكم ولا تبخلوا على الجيل القادم بأفكاركم وما بداخل خزائنكم...وقد سمعنا ان النساء زمااان لا يظهرن بالحفلات بل كل واحده تدير ظهرهاعن ساحة الحفل .. وتنظر بالإختلاس ...اي بالسرقة ... ورؤية النساء كانت صعبة المنال ... والا تذكرون الشاعر الذي رأي بنت ام درمان والتي فتحت الباب وحينما رات الرجال إختفت بسرعة : حيث قال الشاعر : شفناه شفناه ... زي القمر في سماه ..الخ ثم جاء زمن المناديل ورسم القلوب بسهم... ورسم والورود الجميلة والرسم كان يتم بخيط الحرير وبألوانه الجميله الزاهية.. ووضع العطر على المنديل ..واحلى شئ كان عطر اوراق الخريف ..ثم عطر كافن كافن وياليت لو زودتمونا ... واغنية منديلي الراح مني ...والحب كان جميل جميل وقد تصلك رسالة بعد اسبوع ... وقد تستمر معك حلاوتها لمدة شهر بحاله ..وقد تتكرر قراءتك للرسالة لأكثر من سبعه مرات في اليوم ... ثم جاء إختيار الورق الخاص للرسائل بعطره الجميل كما قال اخي ابوالزهور ...وكتابة الرسائل من كتاب الرسائل العصرية ... وتحية إذا مرت بالجبال خضرتها وإذا مرت بالبحار فجرتها وإذا مرت بالأزهار ..... ثم إنتقلنا إلى رسائل الجوال السريعة ... وجد انا بتألم لفراق البوسته والبريد ... وننتظر لنري ربما ترسل رسائل المستقبل من ذر قد يكون بالسيارة او المنزل ... محبتي ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف طارق كمبال 19th ديسمبر 2009, 16:31

ببقى منديل اخضر
للوليد ده من الحر
القاعد في البنبر
مسواكو عود صندل
يوم بسم ودنقر
حتى المريض صنقر

حبيبنا شاويش
نحن بنبحث عن نص الرسائل ولون التعبير فاستطلعنا بعض الاخوة من جيلكم فوجدنا مخاطبتهم للمحبوبة او الحبيب تحمل عبارات كارثية مثلا : تحية اذا مرة بالجبال هدتها واذا مرت بالصحراء خضرتها واذا مرت بالسماء امطرتها واذا مرت بفلسطين حلت مشكلتها قف
بنسأل عن مدلول هذه العبارات المخيفة ؟ وكيف يتلقاها المحبوب ؟ وماذا تعني عنده؟
لو ارسلت هذه التحية النووية الى محبوبة اليوم لا اتكهن برد فعلها
نجرب نسال ناس محمد كمبال و حسن نوية لانهم طلبة جامعيين بارسال هذه التحية اليوم وننتطر رد الفعل
دمت حبيبنا عثمان
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عثمان محمد يعقوب شاويش 20th ديسمبر 2009, 08:01

الغالي دائماً طارق ... مشكور على التعمق .. لو لاحظت هذه تحية حب عارم ...مليئ بالشوق ..وارجو ان لاتخيفك الصحاري والجبال والأنهار ...لاحظ هذه تحية مسالمة جداً ...إذا مرت بالصحراء اخضرتها ... وإذا مرت بالجبال هدتها لأانها سوف تكون عائق وتحول مابين الحبيب والمحبوب ولكن الخضرة ونزول الأمطار عادي ... وصدقني حبنا زمااان كان ممتاز ورائع ... ونظيف وطاهر ...وتزداد طهارته في القري وعند الرحل والفرقان ... وكنا لانمس بنت الجيران أبداً أبداً ... وفي الحفلات نجمع كل بنات الحي ونوصلهم منازاهم واحده عقب الأخري ... وفي زواج شاويش الكبير مثلاً( وكان بالجزيرة إبنت عمنا )... معظم بنات حينا (فتيات) جمع فتاة) سافرن معنا والله العظيم كنا نحافظ عليهن اكثر أكثر من اخواتنا ... وحتي سلمناهم اسرهم الاوهم اسرنا أيضاًبالسلامة ...وكبرنا وعرفنا وتعلمنا أن عيب وعيب نحب بنت الجيران ... محبتي ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف طارق كمبال 20th ديسمبر 2009, 14:46

نحيي فيكم الروح العفيفة والطاهرة والله كل ما حكى لي احد الاخوة امثالكم يقول مثل ما قلت انت فيالها من امانه واخلاق عالية تدافع شهوات النفس بقوة
فيا حليل زمانكم الجميل ونسال الله ان يعيد في الناس تلك الخسال الحميدة
دمت
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty الزمن الجميل

مُساهمة من طرف محمد قادم نوية 20th ديسمبر 2009, 15:59

يااخوي طارق زمان كانت الناس قلوبها صافية وحبها عفيف وطاهر وهذه حقيقة لا ننكرها وكانت هذه التعابير البسيطة تدل علي صدق حبهم واخلاصهم للحبيب مثل:
اهديك رسالة اذا مرت بالقبور احيتها -واذا مرت بالبحار فجرتها واذا مرت بالجبال هدتها
مشكور علي هذه الاريحية والشكر الكتيير لعمنا شاويش
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عوض السيد ابراهيم 20th ديسمبر 2009, 16:09

قالو.... قالو علىّ شقى ومجنون وانتو جنونى يا حلوين.
عليك الله يا ابو علياء كنت بتجهز غيارك قبل كم يوم من الحفله وبينى وبينك كان ما عزلت بنت فى الجالوه كنت بتزعل قدر شنو(قول لىّ يا المخضوب بنانك... وين عطفك وينو حنانك)
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty حليل الحب زمان

مُساهمة من طرف محمد كمبال 21st ديسمبر 2009, 01:47

دنيا الريد غربية
سر ما بنفهمو..
ناس افراحا زايدة
وناس بتألمو..
اول حاجةيا طارق قصة ورق دي بقت في خبر (كان) وحكاية (تحية اذا مرت على الجبال)ده بقى تراث مكانو المتحف و مافي عربي كتير قدر دة
تاني حاجةالموضوع فيه رموز طلاسم ناس شاويش وعوض السيد وغريق وابوالزهور بتخرتم العرق ذي(رابطين ليه كشافة) يعني مشرور و(جادع مايك) لو واحد سمع بت بتقول لي صاحبتا فلان ده انا (حيبتو حب) معناها بتكرهو موت ومافي زول بقول عندي مواعيد مع حبيبتي ابداً. بقول (عندي خلطة)

محمد كمبال
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عوض السيد ابراهيم 21st ديسمبر 2009, 07:37

بس يا ابو علياء أمسك قوى فى محمد كمبال شكلو زول خطير
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف عثمان محمد يعقوب شاويش 21st ديسمبر 2009, 08:59

محمد كمبال يا خطير ... نحن ناااس زمااان بنعرف ده الحب العصري السريع المختصر ... ولكن بعد الزواج صدقني الحجة بالحجة والمنطق بالمنطق ... تعرف ان امهاتنا زمان كان الواحده ما بتقول إسم زوجها أبداً تقديراً ومكانةً ورفعة وإحتراماً ...تقول يا هوي ... او تقول : يا ابوفلان ... او تقول : ياراجل هووووي .... وهكذا كان الإحترام ... وكان الطلاق بينه معدوووم تماماً ...وياليت ايام زمان تعود ... محبتي ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

من تعز من اصدقاءك ؟؟؟؟ Empty رد: من تعز من اصدقاءك ؟؟؟؟

مُساهمة من طرف الامبر عبد المجيد الامير 28th ديسمبر 2009, 11:03

مالك يا عثمان مقلب على الناس المواجع ؟ وذى شايف واحدين حاصروك ولسان حالهم بقول على نفسها جنت براقش ( ماعارف الصلعه والنظارات عندها علاقة بالحاجات دى ولا لا؟)

الامبر عبد المجيد الامير
ابوجبيهه يابلدى


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى