واكتمل الهلال بدرا...

الحمدلله رب العالمين ...
بالاثنين الليله وين عادت المطربة السودانية تصدح بصوتها الطرووووب ...
لا عزاء للحالمين

الهدف الاول ابداع واتقان

والثاني من لمسة البرنس الفنان

من حقك يا اختي تتكلمي كما تشائين لهذه الهدية من اكرم لولاه لدارة لنا احداث مازمبي الشهيرة بي قرضا وغناها

المهم اننا حصلنا علي الكاس الذي تحبون وكنت اضحك في سري وأردد دعاء عوض السيد..
الله يدينا الفي مرادناوانتم صرحتم وقلتم انكم في قمة الجاهزية وصمتنا الي حين وعند هزيمتنا كنا نعترف ان الفريق الخصم قدم مباراة كبيرة وكنا بعيدين ....الخ
مالي أراكم تبخسون الناس أشياءهم؟؟
الافضل لو قلتم اننا في برج نحسنا من هذه الاشرطة بان الحكم...اكرم ...الهدية
وتمنيتم هزيمتنا ولم نعلق...أري ان رد الميدان كان اعمق ...رد
وفعلا هذا حال المستديرة

نعم انه اكرم الذى اكرمكم بهذه الفرحه وأقولها بملئ الفيه لولاه لما وصل الاشتر سادومبا الى مرمى المريخ ولا مره....نعم نحن صرحنا ولا ننكر ذلك لكن حارسنا استهتر وكلفنا ما كلفنا

الدفاع ككل كان مفككاً وضعيف التغطية وكان سادومبا مرتاحا في استلام الكرة ... بعدين أنتو زعلانين من سادمبا ليه .. سادومبا الولع اللمبة ... قولوا نادوا لي زمبه ...

س00س00سادمبا ياعوض المريخ كلو مفكك لا تحملوا اكرم المسؤليه

اليوم اعني لكم اغنية الحقيبة (افكر فيه واتأمل اراه اتجلى واتجمل هلالي هلا واتكمل) الاخت ناشي ما اروع تعليقك واقول لكل مريخابي مواسيركم دي بلوها واشربوا موتها ههههههههه معليش بس انا ما سياسي . ايضا قال الشاعر :
ويلاها ان نظرت وان هي اعرضت وقع السهام ونزعهن اليم .
هكذا حال المريخاب ان كسبوا لا يستحملون وان خسروا يتألمون فما عسانا ان نفعل مثلهم كمثل الكلب معليش دي كلمة قاسية شوية (ان تحمل فيه يلهث وان تركته يلهث) .
بالامس قلتها صراحةً (الحشاش يملأ شبكتو) والظاهر (طفحت شباكنا ولا شماتة . وعلى المريخاب ان لا يتطاولوا على اسيادهم فقط يا مريخاب كنتم بعيدين كل البعد عن مجريات المباراة دفاع منهار في وجه النهار وحارث ماسورة امام المقصورة ولعيبة مياتة يضيعوا الكرة في خط تلاتة .
اخيرا وللمرة الخيرة اقول ليكم (الشردن خلوهن اقرعوا الواقفات).
اخوكم محمد عبد الله قادم

كنت تماما متأكد انو د.مرتضى حيزوق منهم و كمان جنابو بتاع بورتسودان.

محمد عبدالله قادم فال خير علينا يا ول ابوى نوية.

انا زعلان عليكم شديد لانكم تقاتلون لوحدكم عند الهزيمة!!!!!! فعلا صهاينة.

لكم التحية

نحنا يا ول جدي الواحد فينا بوقف قبيلة دكتور مرتضي غاب منذ لحظة ليست بالقصيرة لظروف شغل وكدة وانت اعمل مننا بذلك بحكم انكم في السودان وول خالي ده نحنا مامقصناهو كويس وبعرفنا كويس الواحد فينا بسكّت قبيلة زرقة منهم

عشت يامريخ موفور القيم ناهض العزة خفاق العلم
خطوك الوثاب في ركب الامم جناح النسر يجتاح القمم
عشت للنيل على شطآنه قوة تدفق فى شريانه
سال تاريخك من احضانه سلسلاً يجري على وديانه
نجمك الخفاق في جو السماء صنعته من خافقى او دمائي
واذا ناديت الفيت ندائي باسمك العذب رددت غنائي
يافتى المريخ في عينيك عزم وبهذا العزم للعليا تسمو
وعلى صدرك في المواكب نجم ووراء الغد نصر لك ضخم
ثب الى الذروة رفاق الجناح وتالق في الميادين الفساح
وانطلق اشبه شئ بالرياح بالكفاح الحق والجد الصراح
خذ طريق المجد في حزم وقوة واقسم الدهر ولاترهب عنوة
واسق اخوانك من صفو الأخوة كلما لاقيتهم باسم الأخوة
يافتى المريخ حقق للغد نهضة تبقى بقاء الابد
واذا صحت فقل هذه يدي قد بنت صرحى وشادت معهدى

سيبنا من قصايدك دي يا ول نوية وما تشّكر لي الراكوبة في المطرة

ما زلت مصرا أن أمين هلالابي ....أو أنه يمارس سحر الإخفاء

والله ماشاء الله شايف ردي طلع ليهو شعراء وادباء اللهم انعمت فزد وشنو يا ود قادم انت السعودية دي شغال فيها موظف ولا كتابة شعر (قايتو الله يستر)

ازهري كيفك ولعلك والاهل بخير . عموما ول نوية كما اسميته انت الله يشفيه من المرض الذي حل به وكلمو يشوف ليه عرديب يمصو هههههههه

والله يا امين أنا سمعت كلام تحت تحت ... وأخوي عمر منقة وعبدالرازق الحاج وميرغني دقاقة وأحمد قمرالدين وصالح على الفضل وراضي على الفضل وعبدالله بحر ومبارك إبراهيم محمدين وبابكر هنوه ومحمد يسن البدري ديل أولاد دفعة وكلهم هلالاب ... البخليك تكون صهيوني شنو (جوالين شل)

ضخكة طبعا يا عم ازهري في تعليقك (الراكوبة في الخريف) اتزكرت بيها حبوبتنا الحاجة يا محمد قادم
التحية لكم

عمنا ازهري فهو راجل عمك وكان صديق للخال عبد الله قادم وزميل دراسة
هذه تذكرة للعلم لمناداته بهذا الاسم
مودتي

والله دى مصيبه كبيره دى..... انت يا محمد عبد الله قادم سميت نفسك سيدنا طوالى كدا ولا عشان قبل شهر كانوا اسيادك بتاعين مازيمبى الخمسوك وشوهو سمعتك عتقتو رقابكم منهم بهزيمة المريخ امبارح وكمان دايرين تطلعونا كلاب نلهث.....لم أعتب عليك شئ أخى العزيز فيما قلت ولكن فلتفهم انت وكل من رأيه يماثل رأيك ان دفاع المريخ لم يكن مفككا...كلمه قالها واحد ومسكو فيها الباقين...دا كلام غير مؤسس لان السودان كلو ما فيه خط دفاع يمكن ان يوصف على اقل تقدير بالمتوسظ.
دفاعنا مفكك يعنى خلاص عايزين تقارنو منير أمبده والمصارعين الواقفين جنبو بسفارى والباشا.
بعدين كلمة ماسوره دى خلوها معاكم لأن المواسير كلهم غفره فى المقبره.
الدفاع غير مفكك لأن حال دفاع المريخ ودفاع الهلال من بعضو ولو أصلكم عايزين تتداخلو معنا بالعواطف دون درايه أحسن ما ترفعوا ضغطنا وتقولو كلام خارم بارم.
لمن لا يعرف اسباب الهزائم التى لا يتوقعها أكثر المتشائمين أن الزعيم يا غريق انهزم بالامس بسبب تبديد المراهق أكرم لجهود زملاؤه بفعل الاستهتار واللامبالاة.....هذا هو السبب وكفى.....أما ما ينسجه خيالكم فأنتم أولى به.....قدامنا شهر والله يدينا الفى مرادنا

انا خايف عليك يا عوض السيد!!!!!!!!

طول بالك شوية يا اخوى اصلو الغلب حار.

تحياتى

يااخوي اسكت سااي لول خالي ده قريب ده انشاء الله بننزل السودان وبنلم فيهو في الثورة هناك كان ماسيّرناهو من الثورة انا ما ول قادم
هم بالله هسي تاني عندهم كلام يتكلمو بيهو من فضيحة مازمبي دي قصة يتونسو بيها عيال العيال
مودتي ياصحبي المريخابي الاصيل

والله يا فيصل أنا لدىّ قناعه تامه ان الكوره غالب ومغلوب ولكن ما يصيب القارئ بالغثيان هى الخرمجه العاطفيه والانتماءات العمياء التى تفضى الى مالا يفيد...الكوره شفناها كان حكو لينا بيها معليش.....لا شئ يخيفك علىّ انا متماسك وأعى تماما ما أقول.
لما هزمكم مازيمبى بالخمسه ولما مسّخنا عليكم الكاس فرحنا ودقينا الطبول ولم يرد فى تعليقنا سوى الحقائق.....لماذا انتم تنسجون من خيالكم.
,,,,,, الما عندو فكره يتصل بصديق ,,,,,,,

المباراة شاهدناها ياعوض السيد .. لقد قاتل دفاع الهلال مهاجمي المريخ ولم يترك لهم الحبل على الغارب كما فعل دفاع المريخ وهو يتفرج على أربعة حالات إنفراد تاركاً أكرم يواجه قدره المحتوم اتنين من سادومبا وحلتي إنفراد لعمر بخيت الذي لو عالج كرتيه كما عالج سادومبا الكرتين كان أخدتو خمسة مازيمبي اللهم إلا واحد من لعيبتكم يشيل الكرة ويعرد بيها كما عرد بها زيكو من قبل!! وبالمناسبة لقد أعدوا حالات الإنفراد لسادومبا كثيراً وأنا أتمنى لو خليت بالك من أكرم كان يركز بصره على الللاعب وليس على الكرةوخاصة في القون الأول برغم أن الكرة عدت من تحته ولكنه ينظر للاعب ودي أبسط أبجديات الحراسة ..إذن فلو كان المعز مثله ودفاع الهلال زي المريخ أو كما قلت الحال من بعضه فلماذا لم يحرز كليتشي والدافي ووارغو كما أحرز سادومبا والباص الذي وزعه سيدا لسادومبا وأحرز منه الهدف الثاني أتمنى لو يدرسوا مدرب المريخ للعيبته ( ضرب بيه 3 مدافعين في لحظة)

يمص عرديب وقونقليس وكرمدوده وياكل لوُص .... طبعا اللوص هو عبارة عن معجون مجفف لأوراق البصل الأخضر ويباع على شكل أقراص كبيرة ويستخدمه أهل رشاد لصنع بعض الإيدامات.

الاخو الرياضيون
حمدا لله على سلامة ابو مصطفي وسلاتم حار جدا ل ابو الزهور وفيصل وابن عمي و احسان واشرف ولد ابوي نوية و قادم التاني والغئب مرتضى و غريق كمبال
سادمبا سد باب الصهاينة واكرم الهادي اكبر ماسورة
اها كان تلموا جنيد ومجنود واكرم الحسود كور الغنم ما بقابل جبين الدود
دمتم