ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رسالة مفتوحة إلى إبني فيصل عبدالله سعد ...

+3
طارق كمبال
أزهرى الحاج البشير
عثمان محمد يعقوب شاويش
7 مشترك

اذهب الى الأسفل

رسالة مفتوحة إلى إبني فيصل عبدالله سعد ... Empty رسالة مفتوحة إلى إبني فيصل عبدالله سعد ...

مُساهمة من طرف عثمان محمد يعقوب شاويش 19th ديسمبر 2009, 12:48

إبني الغالي فيصل ... تحياتي بقدر معزتي لك ...كنت بالأمس أقارن بين مرسي السودان ببورتسودان وسواكن ... ومرسي السعودية بجده ...فصدقني حزنت جداً ووجدت الفرق واضحاً وبعيداً كبعد السماء على الأرض ... نحن فى مراسينا لازلنا متخلفين جداً ... كل السفن العالمية تتحاشي مرسي بورتسودان وسواكن... وتمر على مياهه الإقليمية بعيداً وهي تسرع الخطي ...وتسرع بل وتهرب بعيداً عن هذا المرسي المتخلف جداً ... حتي المسافرون بكل اسف ينامون على إستراحات متخلفةجدا.. حتي الحمام فيها بباغة البلاستيك المفتوحة من أعلى او الجرادل السوداء ما هذا البؤس والفقر ؟؟؟...ولحمامات حدث ولا حرج الكل ينتظر والنساء تقف تنتظر بالطوابير ... ما هذه المهاذل ...ما هذا البؤس والشقاء ... عفش القادمون للسودان يرمي بالشحانات الكبيرة وبالأكوام والإهمال حليفه ...ويسمح لكل القادمين بالخروج من الميناء والعودة في اليوم الثاني ولماذا اليوم الثاني ؟؟؟ حيث يصلون الميناءعند العوده في اليوم الثاني لإستلام عفشهم بشق الأنفس ...راجلين في عناء او محملين بالبكاسي المكشوفة ( ومتعاصرين ) نساء ورجال ؟؟!! ما هذا البؤس ؟؟؟ عن المطاعم فحدث ولاحرج سواء اكان داخل الميناء او بالإستراحات ... والخبز ...الخبز كبيرررر والمواصلااات ..المواصلااات فاضيااات ... ولم اري في حياتي بلد مليئة بالذباب مثل بورتسودان ...جيوش من الذباب وتهاجم بلاهواده فضيحة وتخلف ...والفرق بين التعامل الراقي بالسعودية ودول الخليج والشااام ومصر ووجود التقدم واضحاً والصالات مكيفة تماماًوالإجراءات تتم بكل يسر ..ويصل العفش في آخر دلال .. حيث يسير بالسير وهو في غاية الراحة ... ودون بهدلة ...حكومة السودان تستنزف المغادرون والقادمون دون رحمةوفرض الجمارك والضرائب والرسوم المختلقه والغرامات والمزادات والمصادرات والجبايات... ولا توفر حتي ابسط سبل الراحة والنظااام ...ومع إحترامي ...ادروبات يتجولون وسط القادمون وبملابس يندي لها الجبين من الإتساخ والبهدلة...ومساومات الواحد يقول لك اي شئ ممنوع انا بخرجه لك ..المهم تدفع ؟؟؟؟ ما هذه المهاذل ؟؟؟أين دخل هذا الميناء الفقير البائس ... اين الطرق الجميلة التي تجذب السفن الكبيرة والسواح وتسر النفس أين المقاهي الرائعة أين الميناء المكتمل ...واين الحضارة والتقدم ...اين زمن عثمان دقنه؟؟ لو كانت الحكومات تنفق منذ ذلك الزمن ... لو في الشهر 100.000 فقط كنا الآن في مصاف الدول المتقدمة ... بل خلفت لنا حكوماتنا النصابين والحرامية والمحتالين ... اين الضمير اين الوطنية وأين وأين ...فضلا إبني فيصل ... بقدر الإمكان نشر هذا الموضوع ... وارجو مراجعة النحو والقواعد ... لأني متوتر جداً ... محبتي ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رسالة مفتوحة إلى إبني فيصل عبدالله سعد ... Empty رد: رسالة مفتوحة إلى إبني فيصل عبدالله سعد ...

مُساهمة من طرف أزهرى الحاج البشير 19th ديسمبر 2009, 13:40

الأخ أبو علياء هناك مشكلين في الأمر ....
الأول كل الحكومات التي تعاقبت على السودان لا تولي مثل هذه الأمور العناية ولا تعمل العقل ولا التفكير أبدا
ليتك رأيت حال مطار الخرطوم في الثمانينيات والسبعينات عبارة عن صالون لايسع عشرين شخصا ، ليس لدينا من يفكر أن قليل مما يؤخذ يمكن أن يغير الحال ويغري السفن القادمة بالرسو في شواطئنا والطائرات العابرة في بلادنا... علاوة على أن بورتسودان مدينة مدارية ذات شمس محرقة ودرجة حرارة تصهر الجلود في الصيف ولا توجد أي وسيلة لتخفيف عبء هذا الجو غير المحتمل ... الموضوع يحتاج لجهد جبار لإدراج ثقافة التكييف كشئ من الضرورات في بلاد مدارية وإستوائية كالسودان وليس الأمر ضربا من الرفاهية كما يرى البعض
المشكل الثاني كوننا سودانيون لا نأبه لأبسط أبجديات اللياقة واللباقة وفن التعامل مع الآخرين والإعتماد على النفس ... وكنت قد تلقيت رسالة إلكترونية تعكس واقع حالنا وكنت قد رغبت في إلصاقها في المنتدى كنوع من نقد الذات ولكنني ترددت وقررت الآن إرفاقها أسفل مداخلتي ....



]تخيل كيف يكون الحال لو ما كنت سوداني


كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف ال (ق ) و ال غ ) كما ينبغي وما كنت حا تقول للتسعة تزعة - كنت بطلت تسف ساعوط - كنت صرت متخصص وعالم في مجالك - كنت حتلبس شيك جدا عند خروجك أمام التلفاز وأجهزة الاعلام - كنت تتحدث بطلاقة وإنسيابية بدون أ أ أ أ أ أ– ولو ما كنت سودانى كنت عرفت ان باللدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا وكنت خططت لحياتك ومستقبلك و كنت اخترت المساق التعليمي بنفسك و درست الجامعة بالكلية اللي تناسب مقدراتك ومواهبك ورغباتك المستقبلية مش عشان ود جيرانكم اختار الكلية دى بالزات يعنى اخنق فطس.. كنت ح تتصل بالتلفون قبل زيارة أحد في منزله بدري شويه, مش و أنت في خشم الباب ده طبعا لو اتصلت وما جيت داخل زي قدر الله بدون حتي ماتدق الباب وتدقو ليه؟؟مش في سلك تجرو وتدخل!!بدون مراعاة لحرمة البيت ولو ما كنت سوداني...كنت انتظرت دورك في الصف وخلصت معاملتك بنظام بدل الململة البتعملوها وكنت ح تنهر أولادك لما يبهدلوا ليهم بيت زول ويعيثوا فيهو فسادا وحضرتك قاعد تضحك ومتعوجب لي اولادك ورافع لي ناس البيت الضغط والسكري....كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!!واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم ..والطامة الكبري لو كان عندهم حوض سمك
و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت حتتردد في إعطاء رقم تلفون أو عنوان شخص ما.. دون إذنه او حتي سؤاله اذا كان عندو رغبة يتواصل مع الناس ديل أو مفهمم انو ما عندوا تلفون من اصلو بدل تورطو وتحرجو كدة!!!.وكنت امتنعت عن السماح بجلوس طفلك الرضيع في المقعد الأمامي على حجر والده او والدته ولمن يحصل حادث الحبيب ياكلها لا لذنب جناهو سوي انو اهلو سودانين!!...كنت ح تترد في زيارة شخص ما أنصاص الليالي و صابح تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء علي امل انك تمشي وتخليهم ينومو وانت برضو قاعد تبرأ فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي!!!ولو ما كنت سوداني ...كنت ح تخلي الصغار في البيت عندما تكون المناسبةمناسبة كبار..-كنت اتونست بصوت معقول, خصوصا' عندما يكون الطرف الأخر قاعد جنبك في نفسالكنبة.. و يا حبذا عندما يكون الطرف الاخر ساكت...كنت امتنعت عن التدخين في منزلشخص اخر, او على الاقل استأذنت قبل ما تولع...كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...كنت رجعت القروش الاستلفتها فيوقتها, أو في الحقيقة رجعتها و بس كنت امتنعت عن زيارة احدهم في مكتبه , للونسه اومناقشة امور لا صله لها بالعمل كنت خجلت من عدد المسكولات التي تعملها, مش كمانتقول 'شنو يا فردة, خمسه مسكولات ما ترد عليها؟ و الله الفيك اتعرفتكنت حا تقعد فى صالون الناس بدل تلوص فى البيت كلو..كنت حا تبطل التحشر فى خصوصيات الناس وتعمل الحالة واحدة وتدى نفسك الحق تسأل اى سؤال يخطر فى مخك)لو كان فى يعنى ..كنت ما حا تمشي مستشفى الولادة وتقعد تحقن النسوان الفى العنبر كلهم واللللللللللله عيب كبير يا سودانيين اصلا ما شفت غيركم بتحاوم فى عنابر الولادة وكمان معاها هرجلة وإزعاج ..اصلا انتو البوديكم شنو مستشفي الولادة؟؟ عشان تودو نسوانكم اوكي آمنا بالله طيب اقعدوا في الاستقبال لزومو شنو الحوامة في العنابر يعني حبكت تباركو للام استنو لمن تطلع في البيت أما لو كانت اختك او زوجة اخوك يا ريت الزيارة تكون من طرف الاوضة وتتوكل علي الله ... ولو ما كنت سودانى كنت بطلت تطلع بالعراقى والسروال والسفنجة وراسك مكشوف وصوتك يجيب الطاش..لو ما كنت سودانى ما كنت اكلت ميراث اخوانك الصغار واستوليت على بيت ابوك لى يوم يبعثون عشان بس انت الكبير!!ولو ما كنت سودانى كنت إبتكرت فى خريطة بيتك بدل تشف حقت صاحبك بالكربون وكنت استثمرت فى حاجة غير الركشة !! ومحلات الاتصالات !!لو ما كنت سودااااااااااانى ما كنت سوقت معاككتيبة وانت ماشى المطاروما كنت عملت الضوضاء والغوغاء العجيبة البتعملوها فى المطارات ولابسين الجلاليب والبراطيش وراسكم كاشف وفي احسن الاحوال لابسين طاقية ويوم تحبو تقشرو تلبسو مركوب نمر يقزز .. ونسوانكم معنكشين بى دهب البيت كلو ولابسين الاحمر والاخضر والترتر وزفة الوان ما شوفناها حتي في اعتي صحن سلطة ده غير شباشب الظار البرتقالي والليموني وهلمجرا وشفعكم يكوركو ويتساككو ده غير التحنيس والدناءة عشان يمشو ليك الوزن !!! ولو ما كنتو سودانين كنت قعدتو محترمين فى الطيارة وما قرفتو المضيفات بي الطلبات والاصوات والمشية والجية والهمجية وبكاء الشفع والشنط والكراتين والصفايح الداخلين بيها الطيارة والاصوات العالية والجلاليب الشربانة وما كان نسوانكم غيرو التياب فى الطيارة وما كنتو فكيتو الاحزمة ووقفتو قبل الطيارة تنزل..لو ما كنت سودانى ما كان ممكن تدخل فى زول شمال وتقول ليهو راتبك كم؟؟؟؟ولو ما كنت سودانى ما كان ممكن تفكر انك تمشى عرس بتاع ناس وتقيف بكل بجاحة تصور العروس بى موبايلك وانت ما بتقرب للعروس ولا حتى بى حواء وآدم بدون ما تسأل نفسك منو الاداك الحق ده في إختراق خصوصيات الناس ومنو السمح ليك تدخل وتتعشي وتصور!!!! ..ولو ما كنت سودانى ما كنت طلعت من شغللك ولمدة تلاتة ايام وسبت المراجعين يتبهدلو عشان حبوبة جار جاركم ماتت عن عمر يناهز المية وشوية والبكا جاى خبر من الشمالية.. والمراجعين برضو لو ما كانو سودانيين ما كان سكتو عن حقهم وكل يوم يمشو ويجو المؤسسة عشان موضوع تافه ما بياخد اكتر من عشرة دقايق!!! لو ما كنت سودانى كنت استفدت من غربتك وامنت مستقبل اولادك وقدمت استقالتك ورجعت بلدك بي كرعينك مش بالصندوق لو ما كنت سودانى ما كان كل يوم جاييك تلفون رسل وجيب وحول عشان هم يقعدوا ياكلو فى حقك لا شغل لا مشغلة ويشتغلو ليه؟؟كفاية عندهم سودانى مغفل زيهم يرسل بدون تفكير ..ولو ما كنت سودانى مستحيييييييييييييييل تدى اخوك يبنى ليك بيتك وترجع بعد خمسة سنين تلقاو لسة ما حفر الساس ولو سألتو عن القروش الحولتها طول السنين دي يزعل منك ويخاصمك ويعملها حكاية طويلة وعريضة ولو ما كانو اهلك زااااتهم سودانييين ما كان غلطوك وطلعوك انت الكعب!!وجبروك تسكت عن حقك وطلعت من الموضوع بي ازمة نفسية!! صدقنى لو ما كنت سودانى كانت حياتك مشت بى اريحية ونظام ورااااااااحة كانت مجاملاتك حا تكون حلوة وفى حدود المعقول بدل كل يوم جاري ولاهث من بيت لي بيت في الفارغة والمليانة!!..كنت نمت لما تحب وتصحى لمن تحب..كنت انت القررت مشروع زواجك بمن تحب بدل القبيلة كلها تقرر معاك..ويجزمو بأغلظ الإيمان انو فلانة هي البتناسبك !!!عرفو احتياجاتك كيف؟؟ميولك كيف؟؟طلبك كيف؟؟ انا ما عارف!!!!!. كنت سميت اولادك الاسماء البتحبها مش البختاروها ليك عمك وجدك ونسيبك وتقوم الدنيا وما تقعد لو ما سميت ليهم الاسم الدايرنو ويسلبوك ويسلبو الام ابسط الحقوق انها تسمي الكائن الكانت شايلاو تسعة شهور وتعبانة فيهو ده!!! .كنت استمتعت باجازتك وبى وقتك وحياتك بدل كل واحد يديك الفتوي الفى دماغو..لو ما كنت سودانى كنت حا تكون سييييييييييد نفسك وووووووووووووووووووووووووووووووووووووو
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رسالة مفتوحة إلى إبني فيصل عبدالله سعد ... Empty رد: رسالة مفتوحة إلى إبني فيصل عبدالله سعد ...

مُساهمة من طرف طارق كمبال 19th ديسمبر 2009, 14:15

شكرا حبيبنا شاويش و لا فض فوك لكن البيقول بنت الملك عزبة منو؟
حبيبنا ابو الزهو رسالتك مشروع منهج تربوي عظيم نحن بنحتاج الى اعادة انتاج للشخصية السودانية لاننا دائما بنبكي على الماضي البعيد فلو كنا بنحاكي جيراننا المصريين او السعوديين او الاحباش كنا عرفنا كيف نتعامل مع الاخرين
فبالضرورة ان نوصل الى الناس مقولة ان العصر الذهبي للبشرية امامنا لكي نتطلع اليه وليس خلفنا كي نبكي عليه
شكرا لكما ايها الاحبة ودمتم معينا يضخ العلم والمعرفة والزوق فينا


عدل سابقا من قبل طارق كمبال في 19th ديسمبر 2009, 16:07 عدل 1 مرات
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رسالة مفتوحة إلى إبني فيصل عبدالله سعد ... Empty رد: رسالة مفتوحة إلى إبني فيصل عبدالله سعد ...

مُساهمة من طرف الفاتح محمد التوم 19th ديسمبر 2009, 14:34

عثمان و أبو الزهور : تدفقتم ,,, قرأت المقالات و أنا أستبق الكلمات , فوجدتني أقرأ كلامي , كل الصور مذ أن ولدناو ترعرعنا وسافرنا أيام الدراسة " لم تتغير " لن أزيد سوى:-
ايا وطنــــــــى
ايا نبعا ً من النعْـــــــــــــــــــــم
ومصباحا يرافقنـــــــــــــــــــــى
ليهدى خطوة القــــــــــــــــــــدم ِ
هى الاشواق ُ حارقــــــــــــــــًة ٌ
فعفوا ان بكى قلمـــــــــــــــــــى
وما دمعى بامنيـــــــــــــــــــــــة ٍ
ترافقنى ...
ولكن بعدكم نْزفـــــــــــــــــــــت
عيون القلب فى المــــــــــــــــــم ِ
فان عادت ليالينا .. كما كانـــــت
((ولى امل ُ..بعودتهـــــــــــــــا))
ساشدو ُ رائع النغـــــــــــــــــــم

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رسالة مفتوحة إلى إبني فيصل عبدالله سعد ... Empty رد: رسالة مفتوحة إلى إبني فيصل عبدالله سعد ...

مُساهمة من طرف فيصل عبد الله سعد 19th ديسمبر 2009, 17:05

فى البداية لك كل الود والتقدير العم المبجل عثمان شاويش
لقد تطرقت لموضوع فى غاية الاهمية بس مافى زول بقول ام المك عذبة وساعمل معك لايصال صوتك الى الراى العام ومسئولين الدولة وبعدين فى اخوانا فى الميناء عارفين كتير وساقوم بنشر رسالتك وسأكلف تيم الصحيفة بعمل تحقيق فيما ذكرت من ملاحظات ونحن والله مغبونين من حاجات كتيرة بس العين بصيرة واليد قصير ولك من التحية والاحترام ابنك فيصا عبد الله
سعد

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رسالة مفتوحة إلى إبني فيصل عبدالله سعد ... Empty رد: رسالة مفتوحة إلى إبني فيصل عبدالله سعد ...

مُساهمة من طرف abdelsalamosman 19th ديسمبر 2009, 20:26

كدت ابكى وانا اقرأ الموضوع
we need abslute change

تحياتى للجميع
تحيه وترحيب خاص اخى فيصل
المنتدى ازدان بقدومك وعليك بوصية عمك شاويش دى
abdelsalamosman
abdelsalamosman
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رسالة مفتوحة إلى إبني فيصل عبدالله سعد ... Empty رد: رسالة مفتوحة إلى إبني فيصل عبدالله سعد ...

مُساهمة من طرف عوض السيد ابراهيم 20th ديسمبر 2009, 08:09

هنا صوت ينادينى تقدم انت سودانى.
وطن شامخ وطن عاتى بنبنيهو ونحلم بيهو يوماتى.
فى حضرة جلالك يطيب الجلوس.
أبدا ما هنت يا سوداننا يوما علينا.........
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى