الوالى اشترى وخزّن....... منقول

الوالي اشترى وخزّن!
* بدءاً نكفّر لمن صدقوا خطرفات الصحف الزرقاء وتكبدوا عناء الذهاب إلى المطار فجراً لاستقبال المغربي كريم الدافي ورجعوا محبطين، وجعانين وبردانين!
* ونقول لهم: الجاتكم في دافيدينكو، سامحتكم!
* مرة أخرى صدق محبو الموج الأزرق خزعبلات الصحافة الزرقاء، وشربوا المقلب الساخن!
* لو صدقت هذه الصحف لكان فلافيو والشرميطي وهشام بو شروان وجيري والثلاثي البرازيلي ويوسف محمد يرتدون الأزرق حالياً!
* قبل أيام كتبنا في هذه المساحة ما يلي: (أكدت الصحف الهلالية أن الدافي سيصل اليوم، فهل تصدق؟ نخشى على جماهير الهلال من مرارة الانتظار، في باحة المطار)!
* ملأ كُتّاب بني الأزرق الأرض ضجيجاً فرحين مستبشرين بانضمام الدافي للهلال!
* بشروا جماهيرهم بضمه ونسجوا فيه القصائد وأطنبوا في مدحه والتغزل في إمكانياته وقدراته وادعوا أنهم وجهوا للمريخ ضربة قاضية بتسجيله!
* كتبوا فيه ما لم نكن به عارفين!
* نحن ذاتنا ما كنا قايلين ولدنا المغربي لعّاب للدرجة دي!
* ولم نكن نتصور أنهم معجبون به لدرجة الافتتان!
* فجأة، انقلبت الأفراح إلى أتراح، والبهجة إلى إحباط!
* انفجرت قنبلة الصوت، مكتومة الصوت، وضاع (الدافي) في عز (السقط)!
* أمس هاجموا الوالي ووجهوا إليه تهديداً مبطناً بدعوى أنه أفسد انتقال الدافي للهلال!
* لهؤلاء نقول: الوالي تحرسه الملايين!
* البرشو بالموية جماهير المريخ ترشو بكليتشي!
*هل كان ينتظرون منه أن يدعم تسجيلات الهلال؟
* كل ذنبه لديهم أنه سعى للاحتفاظ بلاعبه (دافي)، إلى حين إيجاد خانة له!
* إذا كان الهلال يخزن اللاعبين في أهلي شندي فإن الوالي يخزنهم في ثلاجات القنيطرة، (خالي جليد)!
* كايسين الدفو في عز البرد؟ بالغتوا يا إبراهيم عوض!
* الوالي اشتغل معهم بطريقة (اشتري وخزّن)!
* المرة الجاية تقلوا الهدوم، واتغطوا كويس قبل النوم، عشان كل واحد ينوم (داااافي)!
* إياكم أن تصدقوا ما تنشره الصحف الزرقاء!
* وكان الدرس قاسي اترصد، من أب زرد!
آخر الحقائق
* قالوا هم ولم نقل نحن!
* الدافي أفضل من يصنع الهدف عبر الأطراف (محمد عبد الماجد)!
* الدافي نجم من ذهب ويستحق أن يكون مفاجأة الأرباب لجماهير الهلال (الطيب إبراهيم)!
* الدافي الخطير اتشرفتبو ديارنا، بشبهنا الولد.. وبراهو عاشق دارنا (الواثق عبد الرحمن)!
* الدافي لعّاب لعّاب، هذه حقيقة شاهدناها بأنفسنا عندما استقدمه المريخ معاراً (عمرابي عبد الماجد)!
* دافي دافي وإنت دافي، دافي دافي لقيتو مافي وإنت مافي، النجمة ذاتها بتبقى مافي (فتحي الجعلي)!
* لا توجد أدنى مقارنة بين الدافي الشاب والنفطي العجوز، عبد الكريم الدافي مسّخ للمريخاب النفطي، وجعلهم يعضون بنان الندم (صالح خليل)!
* الفارق بين الهلال والمريخ جعل الدافي يطير فرحاً بعرض الهلال، ترى لماذا يصمت إعلام المريخ على صفعة الدافي المؤلمة؟ (صالح خليل)!
* ألو ألو.. الدافي بختك بالهلال موطن الإبداع (عبد المولى الصديق).
* الدافي نموذج للاعب المقاتل والفنان (كبوتش)!
* الحق يقال إن كسب الهلال للدافي فيه ضربة كبرى للمريخ خاصةً بعد أن علت هتافات الجماهير معترضة على بعض السياسات في التسجيلات الأخيرة والتفريط في لاعب بمستوى ومواصفات الدافي (رمضان)!
* دافي وزيو مافي، حد عنده الدافي يفتش على النفطي؟ (الرشيد علي عمر)!
* أثبتوا على رايكم، أوعوا تغيروه!
* أما إبراهيم عوض فقد كتب: على جماهير الهلال أن تعلم أن إعلان الأرباب عن صفقة الدافي تم بعد أن كرب ارجل الشغلانة تكريباً شديداً!
* زي تكريب أبو الكدايس لي كورة الخمسة مع مازيمبي!
* أحبوا الدافي سراً وصرحوا بحبه مؤخراً!
* من أحب فكتم فمات فهو شهيد الحب!
* وكل أزرق تعلق قلبه بأحمر معذور!
* الهلال يخزّن في أهلي شندي، المريخ يخزّن في القنيطري!
* كل واحد يمد كراعو قدر بطولاته!
* صاحب البطولات المحلية يخّزن محلياً، صاحب البطولات الخارجية يخّّزن خارجياً!
* الدافي اتعشى، وطشّ!
* أمس هدد أحد كُتاب الهلال الوالي صراحةً، وهذا دليل على تلف الأعصاب.
* يقال والعهدة على الراوي إن الوالي تعمد تخزين اللاعب في القنيطيري ليسجله لفريق فداسي في يونيو!
* فداسي صعد إلى الأولى في مدني وسينافس على الصعود للممتاز في الموسم بعد المقبل!
* كما قال الحبيب مأمون أبو شيبة ضمن لاعبو منتخب أنغولا الفوز مع أن خط وسط منتخب مالي ضم لاعبين من برشلونة وريال مدريد الإسبانيين ويوفنتوس الإيطالي ولانس الفرنسي والمريخ السوداني!
* تحول رابح سعدان أمام ملاوي إلى خسران زعلان!

والحقيقة يجب ان تقولوها يامريخاب (الدافي زيو مافي)

الدافي ياالجيتنا وبتشبهنا وفيك ملامحنا واهلا يادافي في ديارك وانت ما غريب على الدار يا القلبك حار وفي كورتك مولع نار حبابك الليلة ياالاعصار والمريخاب نصيحة نقولها ليكم من اسه
مع(المعز _فييرا_المعلم عمر_الغزال مهند _البرنس سيدا وسيد ابوها _اميلي وسادومبا بالجمبة (يااكرم )وكاريكا المزيكا وباقي العقد الفريد نوعو )موسمكم حيكون نار وانصحكم تنسحبو من اسي ده ارهاب عديل كدا وده كلام انتو مابتقدرو عليو
(والله عملتا شينة عديل ياصلاح ادريس تشيل منهم الدافي
بعد كدا الا اقلبو ثقافي)

الكلام يا نويه ومنير كتبه اعلام الهلال بعد ان ضللهم بأنه أحكم قبضته على (ولدنا) عبد الكريم الدافى.
قروووووووووش يا عالم يا مفلسين.
هيبه يا الوالى وهيبه يا النجمه.
والله يا نويه ويا منير نحن بقينا نار منقد والله يدينا الفى مرادنا

والدفاع المقدود دا حتسوا ليه شنو .. أكرم والباشا وسفاري مع الأفارقة ما بنفعوا ولو حتى كان اللعب في الردبصل

والله يا ابو مصطفى الضربه قاضيه وموجعه والأرباب دا كان طفّشتو وجبتو الكاردينال أخير ليكم.
هيبه يا الوالى وهيبه يا النجمه.
دفاعنا برضو والينا كرّبو ما قصّر جاب لينا كاسيروكا الرواندى..... النفطى والدافى الزيّو مافى ومعاهم الملك الجاهز العجب يكّبو ليك النص ويريحو ليك الدفاع.
يا زول هووووووووى نحن بقينا نار منقد.
انتو أقعدو مع دار العجزه وتضليلات اربابكم دى.
........انتو يا نويه ومنير الأرباب بكون أدى المعز قروشو ولا لسه ..........
الله يدينا الفى مرادنا

يا ول نويه عمك الفضل الدرب راح لى فى الألمى.
بعد شويه بجيك ابن عمى هايج بفك نيرانو عليك الله جر الدرج الجنبك دا اكتب ليك كلام خلى جاهز عشان كان ابن عمى رفع قرونو كع كرع تكسرهم ليهو.
أما فيصل خليل طبعا هسه يقوم يهبش قائمة كاربونى وأخوك بجضّمو ليك ما تخاف.
منير وينك شد الضراع ياخوى

كان نجم مباراة هلال مريخ ( ذات الثلاثة) او ثلاثية الابعاد يا عوض السيد.

كان نجمها دون منازع و مع ذلك !!!!!!!!!

كنت اتمنى انضمام المعز محجوب لقائمة المريخ حتى يكتمل فريق الرد كاسل و اعارة

سامى عبدالله او منير او بارى ديمبا ايضا ليصبح المريخ اول نادى فى العالم

يسجل رغما قياسيا فى التسجيلات.

لربما هى الحقيقة المرة التى لا فكاك منها ان المريخ يحتاج الى فريق كامل!

ماذا عن الابدال بعد ان عرفنا الاحلال؟

تحياتى

ما قلت ليك يا نويه فيصل بدخل فى القائمه.
المشكله يا فيصل المعز أربابكم مقلبو قال ليهو بديك القاسمها ليك الله ولغاية هسه فاكى ليك عكس الهوا(بدون همزه) عشان تكون موزونه.
المعز قال ابوى قال لى المره دى كان صلاح ما اداك قروشك اصلك ما تخلى اشتكى طوالى(انت يا نويه ابوك قال ليك شنو).
شوف لينا طريقه يا زهير نسجل بيها المعز محجوب فى التضامن ابوجبيهه لأنو ممثل ابو جبيهه فى كاس السودان.
يا جماعه المعز بتاع شنو..... هو نحن ناقصين خمسات

الباقى ابن عمى يا ول نويه شايفو زايغ

صباح الخير
يا فيصل ويا عمنا ابو مصطفي الناس ديل بينسو بسرعة كدة مالهم عندهم مشكلة ذواكر
هوي يا شباب نحن بنقول لدافي دفاع مافي ونخيرو داير تترصع بكم تلاتة اتنين زي ما تدور
ويا ابن عمي صاحب ولد ابوي نوية درجو فيه تلاته

نحنا يا الخمسة ماركتنا بقت خمسة واتقلبنا كمان بالخمسة وفي بيتنا بالخمسة والتاريخ يظل يزكرنا بالخمسة - هو بالله تاني في كلام بعد الخمسة

أنا مابنسى وأهلنا قالو الجمل مابشوف عوجة رقبته
والدفاع انضرب بسبعة من الوحدات وأربعة من ناس النفطي وتلاته من سيد البلد وتلاتة من زيسكو وتلاتة من هارتلاند... الفاع دا ينقد أكتر من كدا ببقى غربال ..صفاية .. نانكير الشلكاوية ولا بت كجول

ايوه ابو مصطفى اداكم في التنك
يا عمو الغربال ده ناكيري قالت مادايراه صلاحيتو منتهية