آخر الأخبار وارغو ولعها نار

أعلنها وارغو مدوية بقائي في المريخ كابوس
منقووووووول
قال النيجيري وارغو في حوار مع اذاعة نيجيرية محلية نقله موقع جماهير الاهلي المصري علي شبكة الانترنت انه يرغب في الرحيل من المريخ باية


طريقة واشار الي ان البقاء للعب بالمريخ سيكون له اشبه بالكابوس!!!!!!!

وقال النيجيري انه يملك عروضا من اندية اوروبية وان وجهته المرتقبة هي بلجيكا .

وتحدث وارغو عن مفاوضات الاهلي المصري وقال انها لم تكن جادة وان مفاوضات ادارة النادي الاهلي لم تكن جيدة لاقناعه بقبول عرض الاعارة.

تجدر الاشارة هنا ان المريخ حاول اعارة وارغو للاهلي المصري ليستفيد من خانته لتسجيل المغربي عبد الكريم الدافي وتعثرت المفاوضات في اللحظات الاخيرة بالرغم من الاتفاق المبدئي الذي تم بين رئيس المريخ جمال الوالي ورئيس الاهلي المصري الكابتن حسن حمدي عن طريق المهندس عدلي القيعي والكابتن محمود الخطيب.

هذا الخبر لغاية أمبارح (كان اسمو اخر خبر ).
لكن الليله تغير اسمو لكلام جرايد.
الزول الكاسر فيكم (خمسه )ضلوع الاسمو وارغو الحاقكم دا قالها بملأ الفيه (سأعود للمريخ سأبذل قصارى جهدى لاثبات ذاتى ).
وارغو اتفقت على موهبتو كل افريقيا الا (قارة ابو الهليّل ) سبحان الله.
وارغو حاول يدمرو اعلام الهلال ولكنه سيعود ويذكرنا بقصة ملك الملوك(فيصل العجب سيدو ونحن بنريدو ).
هيبه يا النجمه وهيبه يا الوالى
الله يدينا الفى مرادنا
نحنا جايين وكا بتقدرو أرجونا
بقدرو يا ول نويه..... كدا أسألهم وقول لى..... أنا راجيك يا ود الصفوه يا احمر يا وهّج يا حلو

الفضيل الجماعة دخلوا في حيص بيص وراغو معصلج الدافي اصبح طيار كل يوم في بلدواخيرا امكن للنصر الليبي الشغيل شالو الكلام جابو الكلام شطبوهوا ليه والجماهير حمرت للوالي قال لا احسن نرجعوا والشغلانة هايصة
وربنا يديهم الفي مرادهم

يااحمر ياوهاج مراراً وتكراراً قلنا ليك هدئ اللعب وماتشتغل بكلام الصحافة الزرقاء الفشنق (يعني كان ضربتك مابتسوي ليك حاجة) خليهم يتكلمو كما يحلو لهم ووارغو اطمنك ضمن تشكيلةالمريخ الافريقية التي ستكون موجودة في الادوار النهائية لدوري الابطال الافريقي هذا الموسم -الذي ودعه المحليين بخيبة امل كبيرة في الموسم الماضي

وارغو قاعد والدافى عندنا يا حيدر يا اخوى والشكيه لابأيدن قويه.
كدا خلونا شويه نحن اخبارنا عندنا ادونا اخباركم(فكيتو الصيوان ولا لسه )

محمد أنا تعبت من الناس ديل بحاول ارتاح شويه بس انت أضرب لى فى المليان فى أربعه جبهات(أبوظبى---- أبها---- شنغهاى---- الخرطوم)مع مراعاة أن يكون الجو (دافى ).
يعنى أفضل توقيت الساعه 5 بتوقيت لوممباشى

الخرطوم دفاعاتها قوية يا ابن عمي انت قول تعبت من البرد الصاب دفايتكم الجبتوها وعرزتو فها دي وبقيتو تبرروا استياء الماسورة وارقو احسن تجيبوليهو قدوقدو عشان يقعد قال الجوع لحق له حده

يااخوي دييل نضربم بي حاجات خفيفة بس زي المسدسات والقنابل وممكن بي العربية لان موبوتو ماخلي فيهم حاجة ضربم بي الدوشكات والهاونات

بصفتى أكبر منك سنا وأنا وانت أحمر منهم لونا....أرجو تنفيذ الاتى وعلى جناح السرعه:-
1- رسم كرتونى يخرس ألسنة حيدر خليل طارق كمبال
2-البحث العاجل عن صورة والينا الوجيه جيمى وانزالها بالتعليق الاتى:- (مهداه الى الحبيبين الفضل وفيصل ).
3-أرجو الرجوع للمصدر قبل التنفيذ (أخوك الكبير القاعد فى سلطنة عمان ).

يا بن عمي انا كان منك ما بقعد في عمان ولا نسيت العملتو عمان في المريخ شنو؟

تم التنفيذ بعد الرجوع الى المصدر.
أرجو أن يتقبل المستهدفون الهديه.
ول نويه انت مبدع لأنك صفوه.
شكرا يا حبيبنا يا أحمرانى ما قصرت معاهم تب يا ابزرد

الصورة جميلة ولكن ليست معكوسة في الملاعب واقتح عليكم استادكم افتحوا استديو وزينوه بصور لجنة تسجيلات المريخ مع الدافي ووارغو والشغيل...خللوه أحشوه بالجبنة أصلوا المخلل مفيد للدوري الممتاز والوصافة على. طول يخليك وصيف يامريخ الفي الوصافة حريف.

ستنعكس فى الملعب بعد الخبطات الداويه التى هيّجت البلد بأسرها.
الوالى دا مركز بعيونو شديد كدا قاعد يشوف فى شنو..... أنا عارف لكن ما بقول ... انت كمان يا ول نويه ما تقول..... هسه كمان يقولو نحن قلنا والله يكفينا شر قالو وقلنا.
الله يدينا الفى مرادنا

دي صورة من صوره في مصر لمن كان بيشجع في الهلال في النهائي ضد الأهلي وغرفته مليانة بصور منقيتو والنقر وقاقارين وطارق أحمد آدم

يا ابو مصطفي الوالي كان بيشجع في الشباب السمحين ديل

دي واحدة من صوره في مصر لمن كان بيشجع الهلال ضد الأهلي القاهري عام 1987 وغرفته مزينة بصور الدحيش وعلي قاقارين والنقر .. بالمناسبة النديان الهلال والمريخ إدارتهم من الهلال جماعتكم بقوا من حاشية الهلال بعادل أبوجريشة وأولاد الضو حجوج بقوا فراجة وإنت قلت الاتحاد هلالابي يعني رياضة السودان كله هلالابية وبقية الأندية كمبارس ياخي الهلال يكفيه فاز على فاسكو دي جاما البرازيلي وقبل سنوات كان بطل الدوري البرازيلي وفاز على ساوباولو البرازيلي وخسر من سانتوس في وجود كلودو ألدو وبيليه وكارلوس البرتو وجرزينو بواحد صفر وهزم الأهلي القاهري 7-صفر أيام سبت وجكسا والدحيش وقاقارين أرجعوا للتاريخ إنتو كلام زي دا ماسمعتو بيه.

يبدو ان المسألة واضحة وضوح الشمس ان الاخ عوض مرهق شديد يا جماعة

و ول نوية وبعض الصهاينة المتقاعسين لا يستطيعون فك طلاسم مجموعة الموج الازرق.

انا اتفق مع عوض السيد و ول ابوى نوية فى ان المريخ قد كسر رقما قياسيا

فى التسجيلات حتى حصل ارباك فى عمليات الاحلال و الابدال التى زكرتها فى ركن آخر.

الله يديكم الفى مرادكم لكن الهلال سيد الساحة بالمحليين.

تحياتى

رغم هذه المجرة من النجوم ياعزيز مازلتو Trapped in the local cups

لا ياحبيبي انت ما قرأت تاريخ ابو مصطفي
يعني بنحصد ملي وعالمي

طارق كمبال كتب:لا ياحبيبي انت ما قرأت تاريخ ابو مصطفي
يعني بنحصد ملي وعالمي

اخي طارق
المحلي اي نعم
بس العالمي بي ناسو
المحلي داخلي عطبرة

المنير وعوض السيد ومحمد نوية ومن لف لفهم اقول اهم بطولة في افريقيا هي ابطال الامم الافريقية حدثونا عنها يااخوان تاريخ المريخ مع ابطال افريقيا؟وهي البطولة الاولي
تاريخ الهلال في ابطال افريقيا معروف
لقد لبعت هولندا مرتين في نهائي كأس العالم ولم يحالفها الحظ ولا يستطيع احد ان يتكلم في المنخب الهولندي كذلك الهلال الفريق السوداني الوحيد الذي لعب نهائي ابطال افريقيا مرتين ولم يحالفه الحظ اين انتم من هذه البطولة ؟
اراكم لا تريدون التحدث عنها قط

الرد الرد
حيدر جاكم

لك التحية اخي طارق جماعتك عاوزين يخمونا نحن لهم بالمرصاد المحك الحقيقي ابطال اندية افريقيا ومادونه دي حاجات ميته ساكت مابتهمنا في شئ
وظلوني ظلموني الحبايب

بعد التحية والتقدير لاهلنا الزرق - بس مداخلتنا عندما يكون هنالك كلام عن مقارنة وعناد الحظ والبطولات يجب ان تكون المقارنة متقاربة نوعاً ماء فهناك فرق شاسع فالمنتخب الهولندي معروف بعنادة حظه وهو معروف بانجاب الافذاذ مثل خوليد ومفام باستن والمجرة الطوييييييييييييلة من النجوم والعالم يشهد لهم بذلك ورغم هذا نالو بطولة امم اوربا من اعتي المنافسين0 وماذا فعل الذين ملأت بهم الصفحات نعم وصلو للنهائي وكانت هزائهم مدوية ووصولهم للنهائ كان سببه ضعف الفرق المنافسة و السنة الجاية كان وصلو دور المجموعات كانهم فاذو بالابطال
دمتم

يا جماعه الحاصل شنو الواحد بس ما يغيب شويه من المنتدى يجى النار مولعه.... يا يولعه الفضل ولا اولاد جيراهم.
نويه ومنير عافى منكم ما قصرتو.
حيدر يا اخوى صلى على النبى نهائى شنو والثعلب الدخلها فينا شنو ولا لاراش سبب مروقنا شنو.
ما جنيتو من كاس افريقيا غير البكاء والتراجع... نعم التراجع كمان المصحوب بفضايحو.... فى فريق اسمو متمرّس فى بطوله ويجى ينضرب (خمسه) وفى عقر(قبرو).
بعدين لما تتكلمو عن هولندا والانديه البرازيليه (القاشرين) لينا بيها دى..... الكلام دا كان فى عصر ذهبى انتو بناسكم ونحن بناسنا.
بعدين يا جماعه التاريخ الرياضى فى السودان انت لا أهلو ولا قدرو.
تاريخ الرياضه فى السودان لا يعرف ولا يشهد الا لهؤلاء:-
1-زعيم الكره السودانييه
2-أبو بكر كاكى
3-اسماعيل محمد اسماعيل
4- منى جابر
وقبل ذلك طبعا الفريق القومى فى السبعينات.
بربكم يا عالم أسالوا التاريخ سؤال شخصى (هل دوّنت يا تاريخ انجازا خارجيا واحدا للفقيد (الهلّيل)؟.
قال تاريخ..... شوفو ليكم حاجه تانيه بلا خمخمه.
......هيبه يا النجمه ......
نويه لو عندك تلفون التاريخ رسلو لى
الله يدينا الفى مرادنا

قف!!!!!
ان عادوا عدنا.

سمعا وطاعه سعادتك ......
بس حاضرين للدواس .....

والله يا الحمر ماقصرتو تب..... الواحد فيكم بضاير المية... خلو الباقى على وكان (المهلهل) جاء قولو ليه (الوهاج) قال ليك هو اتقدم انت تعال مع العفش....

لك التحيه يا دكتور..... شد حيلك معانا بالرغم من اننا قادرين عليهم لكن نحن عايزين نوصلهم مرحلة التسليييييم.
منير الوهاج شكرا على الاستجابه ولكن ان عادو فلنعد بقوه.
ول نويه يا صفوابى الجماعه ديل عارفين التاريخ لكن ما هى الا (فرفرة مذبوح)

ابعد المريخ الدافي عن الهلال فوقع في شر اعماله, كسب الهلال يوسف هوت, الهلال لايفضلها دافئة وانما يريدها ساخنة

يا سلام عليك يا محمد سعيد جيتهم من الاخر
وهو الدافي زاتو قالوا عندو مرض جغجغان

والله آ محمد سعيد آخوى تانى الا تشجع هلال الرياض...ولا قمر السماء .السنة دى مع ناس النفطى ديل بنطلع (زفتكم)
هلال الرياض كويس معاك:الصويلح للتويجرى والتويجرى لسلطان وتوش قون... جماعتك يقومو والله زين ها الرجال ..شو بدك فيه..حنا نعطيلو حرمه والله...

هوي يا دكتور اولا حمدا لله على سلامتك في هذا البوست
يمين كان مشيت لقدام نبشق فيك خدور ماليه نهاية يازول اخير تنقرع

مرحبتين حباب (البشق) محل ما (خدر) وتنقد (الزريقاء) ان شاء الله ما (تتحمر)
عليك الله آ عوض السيد طقع ولا ما طقع...
طارق آخوى عديل كدى بعد دا (ابشقوا) فينا (خدوركم) خلونا (انحمر) فيكم (مروخنا)..
جاهزين لحمير(بتشديد الميم) المرخ يا منير وول نوية؟ شيخ عوض دايما جاهز

مرحب بيك دكتور الجنيد علي البداية المولعة - وزي ماقلت نحنا جاهزين لكل شئ بنلعب مع الخصم بالفولت لو شدو بنشد لو هدوء بنهدئ وانا كنت مستهدف فيهم واحد كدة شايفو مطرف ماعارف ايه السبب يا انت بتاع الskype ليه تسيبنا من غير اسباب
التحية لكم جميعا

والله يا د. الجنيد كنت عايز أضيفك شوية ولكن عندي ليك سؤال لمن المريخ سجل وارغو مليتو البلد هدير وورارغو طلع أكبر المواسير بل بقى المريخ يشحد بيه للإعارة لأنه صار مقلبه في المريخ حنضل ومرارة ونفس الاسطوانة الفارغة بدأت من جديد للنفطي الذي طرد من السعودية ولمن تجي السنة الجاية إن شاء الله حنذكرك ويومها إدارة الوالي تاني تضربكم بنج حصين للتخدير أو من عرقي وارغو وبمناسبة وارغو كم كاس جابها ليكم وارغو وإذا لم تستطع الإجابة فاقرأ مايلي:
ما جاب ليهم كاس سيكافا ولا جاب ليهم كأس الأندية الأفريقية ولا كاس الدوري ولا كاس السودان جاب ليهم بدل كاس الأندية جاب ليهم إنداية وبدل كاس سيكافا جاب ليهم كاس عرقي وبدل كاس الدوري جاب ليهم دلنق مريسة وبدل كاس السودان جاب ليهم كنتوش عسليةوبدل الإعارة للأهلي جاب ليهم شرارة وقال المريخ كابوس أخير منه أم فت فت والمرارة .. مرارات الهزايم والطياشة وأربعين سوط تعزيراً لأنه في المراحل السنية وقال في المرة الجاية هو عايز دلوكة عشان نجلد سوط قال هو جعلي ود عم الوالي والأرباب لازم ينجلد سوط.

فضل الحاج البشير

أطقع يا الجنيد.... ولّع يا نويه.... شد الضراع يا منير.
نحن فى الرياضات ما فى الجنايات..... وارغو الوحيد فى السودان بتاع (دلنق).
أشهر 40 جلده فى العالم(وارغو الحارقو ولبنى المليونيره).
بعدين انت يا فلس أصبر لى شويه نحن ما دايرين نشتت أفكارنا معاك لأنو تركيزنا كلو مع أخوك لحدى ما يسلم بعدين انت شيل شيلتك والله الا كان تمشى أبها لحيدرابى المقبرابى.

والله يا د. الجنيد انا خايف ليكم من سان جورج الاثيوبي من التمهيدي تاكلو نيفة. ربنا يكضب الشينة.السبعة اقوان قد مرة وماذال الحنين.

يا فلس شوف ليك كلام تانى دا كلام بعيد الببتقول فيهو نحن السنه ناس كاس

ياعوض السيد انا ماقاصد تسعة سان جورج.قاصد سبعة الو........

أوعي يكون زي كاس وارغو يا عوض السيد

كاسكم بتاع الترضية للكونفدرلية أخير منه كاسات واغو الجابت ليه راسو وقال المريخ كابوستذهب السكرة وتأتي الفكرة الوداك ليه شنو إنت ماعارف المريخ بتاع طياشة ووصافة أفريقيا بتعرف الهلال في بطولة الأبطال وبتعرف المريخ ببعزقة المال...

كاسكم بتاع الترضية للكونفدرلية أخير منه كاسات واغو الجابت ليه راسو وقال المريخ كابوستذهب السكرة وتأتي الفكرة الوداك ليه شنو إنت ماعارف المريخ بتاع طياشة ووصافة أفريقيا بتعرف الهلال في بطولة الأبطال وبتعرف المريخ ببعزقة المال...

هبشتك قويه يا ول نويه..... دا كلام بحرق الناس ديل حريقه شديده خلاص.
نحن بنتكلم عن كاسات الكوره ما كاسات (الما كوره).كان عندكم فيها شئ جبتو بالطيّاره ورّونه ليهو